| 54:1 | ወተመየጥኩ፡ ወርኢኩ፡ ካልአ፡ ገጸ፡ ምድር፡ ወርኢኩ፡ በህየ፡ ቈላ፡ ዕሙቀ፡ እንዘ፡ ይነድድ፡ እሳት። | ወተመየጥኩ፡ ወርኢኩ፡ ካልአ፡ ገጸ፡ ምድር፡ ወርኢኩ፡ በህየ፡ ቈላ፡ ዕሙቀ፡ እንዘ፡ ይነድድ፡ እሳት። |
|---|
| 54:2 | ወአምጽእዎሙ፡ ለነገሥት፡ ወለኀያላን፡ ወወደይዎሙ፡ ውስተ፡ ዝኩ፡ ቈላ፡ ዕሙቅ። | ወአምጽእዎሙ፡ ለነገሥት፡ ወለኀያላን፡ ወወደይዎሙ፡ ውስተ፡ ዝኩ፡ ቈላ፡ ዕሙቅ። |
|---|
| 54:3 | ወበህየ፡ ርእያ፡ አዕይንትየ፡ ዘመባዕልቲሆሙ፡ እንዘ፡ ይገብርዎሙ፡ ማእሰርተ፡ ኀጺን፡ ዘአልቦ፡ መድሎት። | ወበህየ፡ ርእያ፡ አዕይንትየ፡ ዘመባዕልቲሆሙ፡ እንዘ፡ ይገብርዎሙ፡ ማእሰርተ፡ ኀጺን፡ ዘአልቦ፡ መድሎት። |
|---|
| 54:4 | ወተስእልክዎ፡ ለመልአከ፡ ሰላም፡ ዘየሐውር፡ ምስሌየ፡ እንዘ፡ እብል፡ እሉ፡ ማእሰራተ፡ መባዕላት፡ ለመኑ፡ ይዴለዉ። | ወተስእልክዎ፡ ለመልአከ፡ ሰላም፡ ዘየሐውር፡ ምስሌየ፡ እንዘ፡ እብል፡ እሉ፡ ማእሰራተ፡ መባዕላት፡ ለመኑ፡ ይዴለዉ። |
|---|
| 54:5 | ወይቤለኒ፡ እሉ፡ ይዴለዉ፡ ለትዕይንተ፡ አዛዝኤል፡ ከመ፡ ይትመጠውዎሙ፡ ወይደይዎሙ፡ መትሕተ፡ ኵሉ፡ ደይን፡ ወአእባነ፡ ጠዋያተ፡ ይከድኑ፡ መላትሒሆሙ፡ በከመ፡ አዘዘ፡ እግዚአ፡ መናፍስት። | ወይቤለኒ፡ እሉ፡ ይዴለዉ፡ ለትዕይንተ፡ አዛዝኤል፡ ከመ፡ ይትመጠውዎሙ፡ ወይደይዎሙ፡ መትሕተ፡ ኵሉ፡ ደይን፡ ወአእባነ፡ ጠዋያተ፡ ይከድኑ፡ መላትሒሆሙ፡ በከመ፡ አዘዘ፡ እግዚአ፡ መናፍስት። |
|---|
| 54:6 | ወሚካኤል፡ ወገብርኤል፡ ወሩፋኤል፡ ወፋኑኤል፡ ውእቶሙ፡ ያጸንዕዎሙ፡ በይእቲ፡ ዕለት፡ ዐባይ፡ ወውስተ፡ እቶነ፡ እሳት፡ ዘይነድድ፡ ይወድይዎሙ፡ ውእተ፡ ዕለተ፡ ከመ፡ ይትበቀል፡ እምኔሆሙ፡ እግዚአ፡ መናፍስት፡ በዐመፃሆሙ፡ በእንተ፡ ዘኮኑ፡ ላእከ፡ ለሰይጣን፡ ወአስሐትዎሙ፡ ለእለ፡ የኀድሩ፡ ዲበ፡ የብስ። | ወሚካኤል፡ ወገብርኤል፡ ወሩፋኤል፡ ወፋኑኤል፡ ውእቶሙ፡ ያጸንዕዎሙ፡ በይእቲ፡ ዕለት፡ ዐባይ፡ ወውስተ፡ እቶነ፡ እሳት፡ ዘይነድድ፡ ይወድይዎሙ፡ ውእተ፡ ዕለተ፡ ከመ፡ ይትበቀል፡ እምኔሆሙ፡ እግዚአ፡ መናፍስት፡ በዐመፃሆሙ፡ በእንተ፡ ዘኮኑ፡ ላእከ፡ ለሰይጣን፡ ወአስሐትዎሙ፡ ለእለ፡ የኀድሩ፡ ዲበ፡ የብስ። |
|---|
| 54:7 | ወበውእቱ፡ መዋዕል፡ ይወፅእ፡ መቅሠፍቱ፡ ለእግዚአ፡ መናፍስት፡ ወይትረኀው፡ ኵሉ፡ መዛግብተ፡ ማያት፡ ዘመልዕልተ፡ ሰማያት፡ ወዲበ፡ አንቅዕት፡ እለ፡ መትሕተ፡ ሰማያት፡ ወዘመልዕልተ፡ ምድር። | ወበውእቱ፡ መዋዕል፡ ይወፅእ፡ መቅሠፍቱ፡ ለእግዚአ፡ መናፍስት፡ ወይትረኀው፡ ኵሉ፡ መዛግብተ፡ ማያት፡ ዘመልዕልተ፡ ሰማያት፡ ወዲበ፡ አንቅዕት፡ እለ፡ መትሕተ፡ ሰማያት፡ ወዘመልዕልተ፡ ምድር። |
|---|
| 54:8 | ወይዴመሩ፡ ኵሎሙ፡ ማያት፡ ዘምስለ፡ ማያት፡ ዘመልዕልተ፡ ሰማያት፡ ማይሰ፡ ዘመልዕልተ፡ ሰማያት፡ ተባዕታይ፡ ውእቱ፡ ወማይሰ፡ ዘመትሕተ፡ ምድር፡ አንስታይ፡ ይእቲ። | ወይዴመሩ፡ ኵሎሙ፡ ማያት፡ ዘምስለ፡ ማያት፡ ዘመልዕልተ፡ ሰማያት፡ ማይሰ፡ ዘመልዕልተ፡ ሰማያት፡ ተባዕታይ፡ ውእቱ፡ ወማይሰ፡ ዘመትሕተ፡ ምድር፡ አንስታይ፡ ይእቲ። |
|---|
| 54:9 | ወይደመሰሱ፡ ኵሉ፡ እለ፡ የኀድሩ፡ ዲበ፡ የብስ፡ ወእለ፡ የኀድሩ፡ መትሕተ፡ አጽናፈ፡ ሰማይ። | ወይደመሰሱ፡ ኵሉ፡ እለ፡ የኀድሩ፡ ዲበ፡ የብስ፡ ወእለ፡ የኀድሩ፡ መትሕተ፡ አጽናፈ፡ ሰማይ። |
|---|
| 54:10 | ወበእንተ፡ ዝ፡ አእመርዋ፡ ለዐመፃሆሙ፡ እንተ፡ ገብሩ፡ በዲበ፡ ምድር፡ ወበእንተ፡ ዝ፡ ይትሀጐሉ። | ወበእንተ፡ ዝ፡ አእመርዋ፡ ለዐመፃሆሙ፡ እንተ፡ ገብሩ፡ በዲበ፡ ምድር፡ ወበእንተ፡ ዝ፡ ይትሀጐሉ። |
|---|