| 56:1 | ወርኢኩ፡ በህየ፡ ትዕይንተ፡ መላእክት፡ ዘመቅሠፍት፡ እንዘ፡ የሐውሩ፡ ወእኁዛን፡ መሣግረ፡ ኀጺን፡ ወብርት። | ወርኢኩ፡ በህየ፡ ትዕይንተ፡ መላእክት፡ ዘመቅሠፍት፡ እንዘ፡ የሐውሩ፡ ወእኁዛን፡ መሣግረ፡ ኀጺን፡ ወብርት። |
|---|
| 56:2 | ወተስእልክዎ፡ ለመልአከ፡ ሰላም፡ ዘየሐውር፡ ምስሌየ፡ እንዘ፡ እብል፡ ለመኑ፡ የሐውሩ፡ እለ፡ ይእኅዙ። | ወተስእልክዎ፡ ለመልአከ፡ ሰላም፡ ዘየሐውር፡ ምስሌየ፡ እንዘ፡ እብል፡ ለመኑ፡ የሐውሩ፡ እለ፡ ይእኅዙ። |
|---|
| 56:3 | ወይቤለኒ፡ አሐዱ፡ አሐዱ፡ ለኅሩያነ፡ ዚኣሆሙ፡ ወለፍቁራነ፡ ዚኣሆሙ፡ ከመ፡ ይትወደዩ፡ ውስተ፡ ንቅዐተ፡ ማዕምቅ፡ ዘቈላ። | ወይቤለኒ፡ አሐዱ፡ አሐዱ፡ ለኅሩያነ፡ ዚኣሆሙ፡ ወለፍቁራነ፡ ዚኣሆሙ፡ ከመ፡ ይትወደዩ፡ ውስተ፡ ንቅዐተ፡ ማዕምቅ፡ ዘቈላ። |
|---|
| 56:4 | ወአሜሃ፡ ይመልእ፡ ውእቱ፡ ቈላ፡ እምነ፡ ኅሩያን፡ ወፍቁራነ፡ ዚኣሆሙ፡ ወይትዌዳእ፡ ዕለተ፡ ሕይወቶሙ፡ ወዕለተ፡ ስሕተቶሙ፡ እምይእዜ፡ ኢይትኌለቍ። | ወአሜሃ፡ ይመልእ፡ ውእቱ፡ ቈላ፡ እምነ፡ ኅሩያን፡ ወፍቁራነ፡ ዚኣሆሙ፡ ወይትዌዳእ፡ ዕለተ፡ ሕይወቶሙ፡ ወዕለተ፡ ስሕተቶሙ፡ እምይእዜ፡ ኢይትኌለቍ። |
|---|
| 56:5 | ወበእማንቱ፡ መዋዕል፡ ይትጋብኡ፡ መላእክት፡ ወይወድዩ፡ አርእስቲሆሙ፡ ለምሥራቅ፡ ለኀበ፡ ሰብአ፡ ጳርቴ፡ ወሜድ፡ ወየሐውስዎሙ፡ ለነገሥት፡ ወይበውእ፡ ላዕሌሆሙ፡ መንፈሰ፡ ሀውክ፡ ወየሀውክዎሙ፡ እመናብርቲሆሙ፡ ወይወፅኡ፡ ከመ፡ አናብስት፡ እምስካባቲሆሙ፡ ወከመ፡ አዝእብት፡ ርኁባን፡ ማእከለ፡ መርዔተ፡ ዚኣሆሙ። | ወበእማንቱ፡ መዋዕል፡ ይትጋብኡ፡ መላእክት፡ ወይወድዩ፡ አርእስቲሆሙ፡ ለምሥራቅ፡ ለኀበ፡ ሰብአ፡ ጳርቴ፡ ወሜድ፡ ወየሐውስዎሙ፡ ለነገሥት፡ ወይበውእ፡ ላዕሌሆሙ፡ መንፈሰ፡ ሀውክ፡ ወየሀውክዎሙ፡ እመናብርቲሆሙ፡ ወይወፅኡ፡ ከመ፡ አናብስት፡ እምስካባቲሆሙ፡ ወከመ፡ አዝእብት፡ ርኁባን፡ ማእከለ፡ መርዔተ፡ ዚኣሆሙ። |
|---|
| 56:6 | ወየዐርጉ፡ ወይከይድዋ፡ ለምድር፡ ኅሩያነ፡ ዚኣሁ፡ ወትከውን፡ ምድረ፡ ኅሩያነ፡ ዚኣሁ፡ በቅድሜሆሙ፡ ምክያደ፡ ወአሠረ። | ወየዐርጉ፡ ወይከይድዋ፡ ለምድር፡ ኅሩያነ፡ ዚኣሁ፡ ወትከውን፡ ምድረ፡ ኅሩያነ፡ ዚኣሁ፡ በቅድሜሆሙ፡ ምክያደ፡ ወአሠረ። |
|---|
| 56:7 | ወሀገረ፡ ጻድቃነ፡ ዚኣየ፡ ይከውን፡ ማዕቅፈ፡ ለአፍራሲሆሙ፡ ወያነሥኡ፡ ቀትለ፡ በበይናቲሆሙ፡ ወትጸንዕ፡ የማኖሙ፡ ዲቤሆሙ፡ ወኢየአምሮ፡ ብእሲ፡ ለካልኡ፡ ወለእኁሁ፡ ወኢ፡ ወልድ፡ ለአቡሁ፡ ወለእሙ፡ እስከ፡ ይከውን፡ ኍልቈ፡ አብድንቲሆሙ፡ እሞቶሙ፡ ወእመቅሠፍቶሙ፡ ወኢይከውን፡ በከ። | ወሀገረ፡ ጻድቃነ፡ ዚኣየ፡ ይከውን፡ ማዕቅፈ፡ ለአፍራሲሆሙ፡ ወያነሥኡ፡ ቀትለ፡ በበይናቲሆሙ፡ ወትጸንዕ፡ የማኖሙ፡ ዲቤሆሙ፡ ወኢየአምሮ፡ ብእሲ፡ ለካልኡ፡ ወለእኁሁ፡ ወኢ፡ ወልድ፡ ለአቡሁ፡ ወለእሙ፡ እስከ፡ ይከውን፡ ኍልቈ፡ አብድንቲሆሙ፡ እሞቶሙ፡ ወእመቅሠፍቶሙ፡ ወኢይከውን፡ በከ። |
|---|
| 56:8 | ወበእማንቱ፡ መዋዕል፡ ትፈትሕ፡ አፉሃ፡ ሲኦል፡ ወይሠጠሙ፡ ውስቴታ፡ ወሀጕሎሙ፡ ሲኦል፡ ትውኅጦሙ፡ ለኃጥኣን፡ እምቅድመ፡ ገጸ፡ ኅሩያን። | ወበእማንቱ፡ መዋዕል፡ ትፈትሕ፡ አፉሃ፡ ሲኦል፡ ወይሠጠሙ፡ ውስቴታ፡ ወሀጕሎሙ፡ ሲኦል፡ ትውኅጦሙ፡ ለኃጥኣን፡ እምቅድመ፡ ገጸ፡ ኅሩያን። |
|---|