| 63:1 | ወበእማንቱ፡ መዋዕል፡ ያስተበቍዑ፡ ነገሥት፡ አዚዛን፡ እለ፡ ይእኅዝዋ፡ ለየብስ፡ እመላእክተ፡ መቅሠፍቱ፡ በኀበ፡ ሀለዉ፡ ምጥዋነ፡ ከመ፡ የሀብዎሙ፡ ዕረፍተ፡ ንስቲተ፡ ወከመ፡ ይደቁ፡ ወይስግዱ፡ በቅድመ፡ እግዚአ፡ መናፍስት፡ ወይትአመኑ፡ ኀጢአቶሙ፡ በቅድሜሁ። | ወበእማንቱ፡ መዋዕል፡ ያስተበቍዑ፡ ነገሥት፡ አዚዛን፡ እለ፡ ይእኅዝዋ፡ ለየብስ፡ እመላእክተ፡ መቅሠፍቱ፡ በኀበ፡ ሀለዉ፡ ምጥዋነ፡ ከመ፡ የሀብዎሙ፡ ዕረፍተ፡ ንስቲተ፡ ወከመ፡ ይደቁ፡ ወይስግዱ፡ በቅድመ፡ እግዚአ፡ መናፍስት፡ ወይትአመኑ፡ ኀጢአቶሙ፡ በቅድሜሁ። |
|---|
| 63:2 | ወይባርክዎ፡ ወይሴብሕዎ፡ ለእግዚአ፡ መናፍስት፡ ወይብሉ፡ ቡሩክ፡ ውእቱ፡ እግዚእ፡ እግዚአ፡ መናፍስት፡ ወእግዚአ፡ ነገሥት፡ እግዚኦሙ፡ ለአዚዛን፡ ወእግዚኡ፡ ለባዕል፡ ወእግዚአ፡ ስብሐት፡ ወእግዚአ፡ ጥበብ፡ ወይበርህ፡ ቦቱ፡ ኵሉ፡ ኅቡእ። | ወይባርክዎ፡ ወይሴብሕዎ፡ ለእግዚአ፡ መናፍስት፡ ወይብሉ፡ ቡሩክ፡ ውእቱ፡ እግዚእ፡ እግዚአ፡ መናፍስት፡ ወእግዚአ፡ ነገሥት፡ እግዚኦሙ፡ ለአዚዛን፡ ወእግዚኡ፡ ለባዕል፡ ወእግዚአ፡ ስብሐት፡ ወእግዚአ፡ ጥበብ፡ ወይበርህ፡ ቦቱ፡ ኵሉ፡ ኅቡእ። |
|---|
| 63:3 | ኀይልከ፡ ለትውልደ፡ ትውልድ፡ ወስብሐቲከ፡ ለዓለመ፡ ዓለም፡ ዕሙቅ፡ ውእቱ፡ ኅቡኣተ፡ ዚኣከ፡ ኵሉ፡ ወኍልቊ፡ አልቦ፡ ወለጽድቀ፡ ዚኣከ፡ ሐሳብ፡ አልቦ። | ኀይልከ፡ ለትውልደ፡ ትውልድ፡ ወስብሐቲከ፡ ለዓለመ፡ ዓለም፡ ዕሙቅ፡ ውእቱ፡ ኅቡኣተ፡ ዚኣከ፡ ኵሉ፡ ወኍልቊ፡ አልቦ፡ ወለጽድቀ፡ ዚኣከ፡ ሐሳብ፡ አልቦ። |
|---|
| 63:4 | ይእዜ፡ አእመርነ፡ ከመ፡ ንሰብሕ፡ ወንባርክ፡ ለእግዚአ፡ ነገሥት፡ ወለዘይነግሥ፡ ዲበ፡ ኵሎሙ፡ ነገሥት። | ይእዜ፡ አእመርነ፡ ከመ፡ ንሰብሕ፡ ወንባርክ፡ ለእግዚአ፡ ነገሥት፡ ወለዘይነግሥ፡ ዲበ፡ ኵሎሙ፡ ነገሥት። |
|---|
| 63:5 | ወይቤሉ፡ መኑ፡ እምወሀበነ፡ ዕረፍተ፡ ከመ፡ ንሰብሖ፡ ወናእኵትቶ፡ ወንባርኮ፡ ወንእመን፡ ስብሐቲሁ። | ወይቤሉ፡ መኑ፡ እምወሀበነ፡ ዕረፍተ፡ ከመ፡ ንሰብሖ፡ ወናእኵትቶ፡ ወንባርኮ፡ ወንእመን፡ ስብሐቲሁ። |
|---|
| 63:6 | ወይእዜኒ፡ ንስቲተ፡ ዕረፍተ፡ ንትሜነይ፡ ወኢንረክብ፡ ንሰደድ፡ ወኢንእኅዝ፡ ወብርሃን፡ እምቅድሜነ፡ ኀለፈ፡ ወጽልመት፡ ምንባሪነ፡ ለዓለመ፡ ዓለም። | ወይእዜኒ፡ ንስቲተ፡ ዕረፍተ፡ ንትሜነይ፡ ወኢንረክብ፡ ንሰደድ፡ ወኢንእኅዝ፡ ወብርሃን፡ እምቅድሜነ፡ ኀለፈ፡ ወጽልመት፡ ምንባሪነ፡ ለዓለመ፡ ዓለም። |
|---|
| 63:7 | እስመ፡ በቅድሜሁ፡ ኢአመነ፡ ወኢሰባሕነ፡ በስሙ፡ ለእግዚአ፡ ነገሥት፡ ወኢሰባሕናሁ፡ ለእግዚእ፡ በኵሉ፡ ተግባሩ፡ ወተስፋነ፡ ኮነ፡ ዲበ፡ በትረ፡ መንበረ፡ መንግሥትነ፡ ወስብሐቲነ። | እስመ፡ በቅድሜሁ፡ ኢአመነ፡ ወኢሰባሕነ፡ በስሙ፡ ለእግዚአ፡ ነገሥት፡ ወኢሰባሕናሁ፡ ለእግዚእ፡ በኵሉ፡ ተግባሩ፡ ወተስፋነ፡ ኮነ፡ ዲበ፡ በትረ፡ መንበረ፡ መንግሥትነ፡ ወስብሐቲነ። |
|---|
| 63:8 | በዕለተ፡ ሥራሕነ፡ ወምንዳቤነ፡ ኢያድኅነነ፡ ወኢንረክብ፡ ዕረፍተ፡ ንእመን፡ እስመ፡ መሃይምን፡ ውእቱ፡ እግዚእነ፡ በኵሉ፡ ምግባሩ፡ ወበኵሉ፡ ኵነኔሁ፡ ወጽድቁ፡ ወገጸ፡ ኵነኔሁ፡ ኢይነሥኡ። | በዕለተ፡ ሥራሕነ፡ ወምንዳቤነ፡ ኢያድኅነነ፡ ወኢንረክብ፡ ዕረፍተ፡ ንእመን፡ እስመ፡ መሃይምን፡ ውእቱ፡ እግዚእነ፡ በኵሉ፡ ምግባሩ፡ ወበኵሉ፡ ኵነኔሁ፡ ወጽድቁ፡ ወገጸ፡ ኵነኔሁ፡ ኢይነሥኡ። |
|---|
| 63:9 | ወነኀልፍ፡ እምቅድመ፡ ገጹ፡ በእንተ፡ ምግባሪነ፡ ወኵሉ፡ ኀጢአትነ፡ በጽድቅ፡ ተኈለቈ። | ወነኀልፍ፡ እምቅድመ፡ ገጹ፡ በእንተ፡ ምግባሪነ፡ ወኵሉ፡ ኀጢአትነ፡ በጽድቅ፡ ተኈለቈ። |
|---|
| 63:10 | ወይእዜኒ፡ ይብልዎሙ፡ ትጽገብ፡ ነፍሰነ፡ እምንዋየ፡ ዐመፃ፡ ወኢትከልእ፡ ወሪዶተነ፡ እምላህባ፡ ለክበደ፡ ሲኦል። | ወይእዜኒ፡ ይብልዎሙ፡ ትጽገብ፡ ነፍሰነ፡ እምንዋየ፡ ዐመፃ፡ ወኢትከልእ፡ ወሪዶተነ፡ እምላህባ፡ ለክበደ፡ ሲኦል። |
|---|
| 63:11 | ወእምድኅረ፡ ዝ፡ ይመልእ፡ ገጾሙ፡ ጽልመተ፡ ወኀፍረተ፡ በቅድመ፡ ዝኩ፡ ወልደ፡ ዕጓለ፡ እመሕያው፡ ወእምቅድመ፡ ገጹ፡ ይሰደዱ፡ ወሰይፍ፡ የኀድር፡ ቅድመ፡ ገጹ፡ ማእከሎሙ። | ወእምድኅረ፡ ዝ፡ ይመልእ፡ ገጾሙ፡ ጽልመተ፡ ወኀፍረተ፡ በቅድመ፡ ዝኩ፡ ወልደ፡ ዕጓለ፡ እመሕያው፡ ወእምቅድመ፡ ገጹ፡ ይሰደዱ፡ ወሰይፍ፡ የኀድር፡ ቅድመ፡ ገጹ፡ ማእከሎሙ። |
|---|
| 63:12 | ወከመ፡ ዝ፡ ይቤ፡ እግዚአ፡ መናፍስት፡ ዝንቱ፡ ውእቱ፡ ሥርዐቶሙ፡ ወኵነኔሆሙ፡ ለአዚዛን፡ ወለነገሥት፡ ወለልዑላን፡ ወለእለ፡ ይእኅዝዋ፡ ለየብስ፡ በቅድመ፡ እግዚአ፡ መናፍስት። | ወከመ፡ ዝ፡ ይቤ፡ እግዚአ፡ መናፍስት፡ ዝንቱ፡ ውእቱ፡ ሥርዐቶሙ፡ ወኵነኔሆሙ፡ ለአዚዛን፡ ወለነገሥት፡ ወለልዑላን፡ ወለእለ፡ ይእኅዝዋ፡ ለየብስ፡ በቅድመ፡ እግዚአ፡ መናፍስት። |
|---|