| 93:1 | ወእምድኅረ፡ ዝ፡ ኮነ፡ ሄኖክ፡ ወአኀዘ፡ ይትናገር፡ እመጻሕፍት። | ወእምድኅረ፡ ዝ፡ ኮነ፡ ሄኖክ፡ ወአኀዘ፡ ይትናገር፡ እመጻሕፍት። |
|---|
| 93:2 | ወይቤ፡ ሄኖክ፡ በእንተ፡ ውሉደ፡ ጽድቅ፡ ወበእንተ፡ ኅሩያነ፡ ዓለም፡ ወበእንተ፡ ተክለ፡ ጽድቅ፡ ወርትዕ፡ እሎንተ፡ እብለክሙ፡ ወኣየድዐክሙ፡ ደቂቅየ፡ አነ፡ ውእቱ፡ ሄኖክ፡ ዘአስተርአየኒ፡ እምራእየ፡ ሰማይ፡ ወእምቃለ፡ ቅዱሳን፡ መላእክት፡ አእመርኩ፡ ወእምጸፍጸፈ፡ ሰማይ፡ ለበውኩ። | ወይቤ፡ ሄኖክ፡ በእንተ፡ ውሉደ፡ ጽድቅ፡ ወበእንተ፡ ኅሩያነ፡ ዓለም፡ ወበእንተ፡ ተክለ፡ ጽድቅ፡ ወርትዕ፡ እሎንተ፡ እብለክሙ፡ ወኣየድዐክሙ፡ ደቂቅየ፡ አነ፡ ውእቱ፡ ሄኖክ፡ ዘአስተርአየኒ፡ እምራእየ፡ ሰማይ፡ ወእምቃለ፡ ቅዱሳን፡ መላእክት፡ አእመርኩ፡ ወእምጸፍጸፈ፡ ሰማይ፡ ለበውኩ። |
|---|
| 93:3 | ወአኀዘ፡ እንከ፡ ይትናገር፡ ሄኖክ፡ እመጻሕፍት፡ ወይቤ፡ አነ፡ ሳብዕ፡ ተወለድኩ፡ በቀዳሚት፡ ሰንበት፡ እስከ፡ አመ፡ ኵነኔ፡ ጽድቅ፡ ተዐገሠ። | ወአኀዘ፡ እንከ፡ ይትናገር፡ ሄኖክ፡ እመጻሕፍት፡ ወይቤ፡ አነ፡ ሳብዕ፡ ተወለድኩ፡ በቀዳሚት፡ ሰንበት፡ እስከ፡ አመ፡ ኵነኔ፡ ጽድቅ፡ ተዐገሠ። |
|---|
| 93:4 | ወትቀውም፡ እምድኅሬየ፡ በካልእት፡ ሰንበት፡ ዐባይ፡ እኪት፡ ወጕሕሉት፡ በቈለት፡ ወባቲ፡ ትከውን፡ ፍጻሜ፡ ቀዳሚት፡ ወባቲ፡ ይድኅን፡ ብእሲ፡ ወእምድኅረ፡ ተፈጸመ፡ ትልህቅ፡ ዐመፃ፡ ወሥርዐተ፡ ይገብር፡ ለኃጥኣን። | ወትቀውም፡ እምድኅሬየ፡ በካልእት፡ ሰንበት፡ ዐባይ፡ እኪት፡ ወጕሕሉት፡ በቈለት፡ ወባቲ፡ ትከውን፡ ፍጻሜ፡ ቀዳሚት፡ ወባቲ፡ ይድኅን፡ ብእሲ፡ ወእምድኅረ፡ ተፈጸመ፡ ትልህቅ፡ ዐመፃ፡ ወሥርዐተ፡ ይገብር፡ ለኃጥኣን። |
|---|
| 93:5 | ወእምድኅረ፡ ዝ፡ በሣልስት፡ ሰንበት፡ በተፍጻሜታ፡ ይትኀረይ፡ ብእሲ፡ ለተክለ፡ ኵነኔ፡ ጽድቅ፡ ወእምድኅሬሁ፡ ይወፅእ፡ ተክለ፡ ጽድቅ፡ ወርትዕ፡ ለዓለም። | ወእምድኅረ፡ ዝ፡ በሣልስት፡ ሰንበት፡ በተፍጻሜታ፡ ይትኀረይ፡ ብእሲ፡ ለተክለ፡ ኵነኔ፡ ጽድቅ፡ ወእምድኅሬሁ፡ ይወፅእ፡ ተክለ፡ ጽድቅ፡ ወርትዕ፡ ለዓለም። |
|---|
| 93:6 | ወእምድኅረ፡ ዝ፡ በራብዕት፡ ሰንበት፡ በተፍጻሜታ፡ ራእያተ፡ ቅዱሳን፡ ወጻድቃን፡ ይትረአዩ፡ ወሥርዐት፡ ለትውልደ፡ ትውልድ፡ ወዐጸድ፡ ይትገበር፡ ሎሙ። | ወእምድኅረ፡ ዝ፡ በራብዕት፡ ሰንበት፡ በተፍጻሜታ፡ ራእያተ፡ ቅዱሳን፡ ወጻድቃን፡ ይትረአዩ፡ ወሥርዐት፡ ለትውልደ፡ ትውልድ፡ ወዐጸድ፡ ይትገበር፡ ሎሙ። |
|---|
| 93:7 | ወእምድኅረ፡ ዝ፡ በኀምስ፡ ሰንበት፡ በተፍጻሜታ፡ ቤተ፡ ስብሐት፡ ወመንግሥት፡ ይትሐነጽ፡ እስከ፡ ለዓለም። | ወእምድኅረ፡ ዝ፡ በኀምስ፡ ሰንበት፡ በተፍጻሜታ፡ ቤተ፡ ስብሐት፡ ወመንግሥት፡ ይትሐነጽ፡ እስከ፡ ለዓለም። |
|---|
| 93:8 | ወእምድኅረ፡ ዝ፡ በሳድስት፡ ሰንበት፡ እለ፡ ይከውኑ፡ ውስቴታ፡ ጽሉላን፡ ኵሎሙ፡ ወይትረሳዕ፡ ልቦሙ፡ ለኵሎሙ፡ እምጥበብ፡ ወባቲ፡ የዐርግ፡ ብእሲ፡ ወበተፍጻሜታ፡ ይውዒ፡ ቤተ፡ መንግሥት፡ በእሳት፡ ወባቲ፡ ይዘረዉ፡ ኵሉ፡ ዘመደ፡ ሥርወ፡ ኅሩይ። | ወእምድኅረ፡ ዝ፡ በሳድስት፡ ሰንበት፡ እለ፡ ይከውኑ፡ ውስቴታ፡ ጽሉላን፡ ኵሎሙ፡ ወይትረሳዕ፡ ልቦሙ፡ ለኵሎሙ፡ እምጥበብ፡ ወባቲ፡ የዐርግ፡ ብእሲ፡ ወበተፍጻሜታ፡ ይውዒ፡ ቤተ፡ መንግሥት፡ በእሳት፡ ወባቲ፡ ይዘረዉ፡ ኵሉ፡ ዘመደ፡ ሥርወ፡ ኅሩይ። |
|---|
| 93:9 | ወእምድኅረ፡ ዝ፡ በሳብዕት፡ ሰንበት፡ ትትነሣእ፡ ትውልድ፡ ዕሉት፡ ወብዙኅ፡ ምግባራቲሃ፡ ወኵሉ፡ ምግባራቲሃ፡ ዕልወት። | ወእምድኅረ፡ ዝ፡ በሳብዕት፡ ሰንበት፡ ትትነሣእ፡ ትውልድ፡ ዕሉት፡ ወብዙኅ፡ ምግባራቲሃ፡ ወኵሉ፡ ምግባራቲሃ፡ ዕልወት። |
|---|
| 93:10 | ወበተፍጻሜታ፡ ይትዐሰዩ፡ ኅሩያነ፡ ጽድቅ፡ እምተክለ፡ ጽድቅ፡ ዘለዓለም፡ እለ፡ ይትወሀብ፡ ሎሙ፡ ሰብዐቱ፡ ምክዕቢታተ፡ ትምህርት፡ ለኵሉ፡ ፍጥረተ፡ ዚኣሁ። | ወበተፍጻሜታ፡ ይትዐሰዩ፡ ኅሩያነ፡ ጽድቅ፡ እምተክለ፡ ጽድቅ፡ ዘለዓለም፡ እለ፡ ይትወሀብ፡ ሎሙ፡ ሰብዐቱ፡ ምክዕቢታተ፡ ትምህርት፡ ለኵሉ፡ ፍጥረተ፡ ዚኣሁ። |
|---|
| 93:11 | እስመ፡ መኑ፡ ውእቱ፡ እምውሉደ፡ ሰብእ፡ ዘይክል፡ ሰሚዐ፡ ቃሉ፡ ለቅዱስ፡ ወኢይትሀወክ፡ ወመኑ፡ ዘይክል፡ ከመ፡ የኀሊ፡ ኅሊናሁ፡ ወመኑ፡ ዘይክል፡ ነጽሮቶ፡ ለሰማይ፡ ወኵሎ፡ ምግባራቲሃ። | እስመ፡ መኑ፡ ውእቱ፡ እምውሉደ፡ ሰብእ፡ ዘይክል፡ ሰሚዐ፡ ቃሉ፡ ለቅዱስ፡ ወኢይትሀወክ፡ ወመኑ፡ ዘይክል፡ ከመ፡ የኀሊ፡ ኅሊናሁ፡ ወመኑ፡ ዘይክል፡ ነጽሮቶ፡ ለሰማይ፡ ወኵሎ፡ ምግባራቲሃ። |
|---|
| 93:12 | ወምንት፡ ውእቱ፡ ዘይክል፡ አእምሮ፡ ግብረ፡ ሰማይ፡ ወከመ፡ ይርአይ፡ ነፍሶ፡ ወእመ፡ አኮ፡ መንፈሶ፡ ወይክል፡ ነጊረ፡ ወእመ፡ አኮ፡ ዐሪገ፡ ወይሬኢ፡ ኵሎ፡ አክናፊሆሙ፡ ወይኄልይዎሙ፡ ወእመ፡ አኮ፡ ይገብር፡ ከማሆሙ። | ወምንት፡ ውእቱ፡ ዘይክል፡ አእምሮ፡ ግብረ፡ ሰማይ፡ ወከመ፡ ይርአይ፡ ነፍሶ፡ ወእመ፡ አኮ፡ መንፈሶ፡ ወይክል፡ ነጊረ፡ ወእመ፡ አኮ፡ ዐሪገ፡ ወይሬኢ፡ ኵሎ፡ አክናፊሆሙ፡ ወይኄልይዎሙ፡ ወእመ፡ አኮ፡ ይገብር፡ ከማሆሙ። |
|---|
| 93:13 | ወመኑ፡ ውእቱ፡ ኵሉ፡ ብእሲ፡ ዘይክል፡ አእምሮተ፡ እፎ፡ ውእቱ፡ ራሕባ፡ ወኑኃ፡ ለምድር፡ ወለመኑ፡ ተርእያ፡ አምጣነ፡ ኵሎሙ። | ወመኑ፡ ውእቱ፡ ኵሉ፡ ብእሲ፡ ዘይክል፡ አእምሮተ፡ እፎ፡ ውእቱ፡ ራሕባ፡ ወኑኃ፡ ለምድር፡ ወለመኑ፡ ተርእያ፡ አምጣነ፡ ኵሎሙ። |
|---|
| 93:14 | ወእፎመ፡ ቦቱ፡ ኵሉ፡ ብእሲ፡ ዘይክል፡ አእምሮተ፡ ኑኃ፡ ለሰማይ፡ ውእቱ፡ ልዕልናሃ፡ ወዲበ፡ ምንት፡ ጸንዐት፡ ወሚ፡ መጠን፡ ውእቱ፡ ኍልቆሙ፡ ለከዋክብት፡ ወበአይቴ፡ የዐርፉ፡ ኵሎሙ፡ ብርሃናት። | ወእፎመ፡ ቦቱ፡ ኵሉ፡ ብእሲ፡ ዘይክል፡ አእምሮተ፡ ኑኃ፡ ለሰማይ፡ ውእቱ፡ ልዕልናሃ፡ ወዲበ፡ ምንት፡ ጸንዐት፡ ወሚ፡ መጠን፡ ውእቱ፡ ኍልቆሙ፡ ለከዋክብት፡ ወበአይቴ፡ የዐርፉ፡ ኵሎሙ፡ ብርሃናት። |
|---|