| 3:1 | ወሶበ፡ በጽሐ፡ ሳብዕ፡ ወርኅ፡ ሀለዉ፡ እስራኤል፡ ውስተ፡ አህጉሪሆሙ፡ ወእምዝ፡ ተጋብኡ፡ ሕዝብ፡ ውስተ፡ ኢየሩሳሌም፡ ኅቡረ፡ ከመ፡ አሐዱ፡ ብእሲ። | ወሶበ፡ በጽሐ፡ ሳብዕ፡ ወርኅ፡ ሀለዉ፡ እስራኤል፡ ውስተ፡ አህጉሪሆሙ፡ ወእምዝ፡ ተጋብኡ፡ ሕዝብ፡ ውስተ፡ ኢየሩሳሌም፡ ኅቡረ፡ ከመ፡ አሐዱ፡ ብእሲ። |
|---|
| 3:2 | ወተንሥአ፡ ኢዮስስ፡ ወልደ፡ ኢዮሴዴቅ፡ ወአኃዊሁ፡ ካህናት፡ ወዘሩባቤል፡ ወልደ፡ ሰላትያል፡ ወአኃዊሁ፡ ወሐነጹ፡ ምሥዋዐ፡ አምላከ፡ እስራኤል፡ ከመ፡ ይግበሩ፡ መሥዋዕተ፡ ውስቴቱ፡ በከመ፡ ጽሑፍ፡ ውስተ፡ ኦሪተ፡ ሙሴ፡ ብእሴ፡ እግዚአብሔር። | ወተንሥአ፡ ኢዮስስ፡ ወልደ፡ ኢዮሴዴቅ፡ ወአኃዊሁ፡ ካህናት፡ ወዘሩባቤል፡ ወልደ፡ ሰላትያል፡ ወአኃዊሁ፡ ወሐነጹ፡ ምሥዋዐ፡ አምላከ፡ እስራኤል፡ ከመ፡ ይግበሩ፡ መሥዋዕተ፡ ውስቴቱ፡ በከመ፡ ጽሑፍ፡ ውስተ፡ ኦሪተ፡ ሙሴ፡ ብእሴ፡ እግዚአብሔር። |
|---|
| 3:3 | ወሐነጽዋ፡ ለምሥዋዕ፡ በከመ፡ ሥርዓቱ፡ እስመ፡ ፍርሃት፡ ላዕሌሆሙ፡ ኀደረ፡ እምነ፡ አሕዛበ፡ ምድር፡ ወአዕረጉ፡ መሥዋዕተ፡ ውስቴቱ፡ ለእግዚአብሔር፡ ዘነግህኒ፡ ወዘሠርክኒ። | ወሐነጽዋ፡ ለምሥዋዕ፡ በከመ፡ ሥርዓቱ፡ እስመ፡ ፍርሃት፡ ላዕሌሆሙ፡ ኀደረ፡ እምነ፡ አሕዛበ፡ ምድር፡ ወአዕረጉ፡ መሥዋዕተ፡ ውስቴቱ፡ ለእግዚአብሔር፡ ዘነግህኒ፡ ወዘሠርክኒ። |
|---|
| 3:4 | ወገበሩ፡ በዓለ፡ መጸለት፡ ዘከመ፡ ጽሑፍ፡ ወመሥዋዕተኒ፡ ዘበበኊልቈ፡ ዕለት፡ በከመ፡ ሥርዓተ፡ ሕዝብ፡ በበመዋዕሊሁ፡ ለለዕለቱ። | ወገበሩ፡ በዓለ፡ መጸለት፡ ዘከመ፡ ጽሑፍ፡ ወመሥዋዕተኒ፡ ዘበበኊልቈ፡ ዕለት፡ በከመ፡ ሥርዓተ፡ ሕዝብ፡ በበመዋዕሊሁ፡ ለለዕለቱ። |
|---|
| 3:5 | ወእምድኅረ፡ ዝንቱ፡ መሥዋዕተ፡ ዘልፍ፡ ዘለለ፡ ሠርቀ፡ ወርኅ፡ ወዘለለ፡ በዓላተ፡ እግዚአብሔር፡ ኵሎሙ፡ ቅዱሳን፡ ወዘኵሉ፡ በበፈቃዱ፡ በጽዐ፡ ለእግዚአብሔር። | ወእምድኅረ፡ ዝንቱ፡ መሥዋዕተ፡ ዘልፍ፡ ዘለለ፡ ሠርቀ፡ ወርኅ፡ ወዘለለ፡ በዓላተ፡ እግዚአብሔር፡ ኵሎሙ፡ ቅዱሳን፡ ወዘኵሉ፡ በበፈቃዱ፡ በጽዐ፡ ለእግዚአብሔር። |
|---|
| 3:6 | ወእምርእሰ፡ ሳብዕ፡ ወርኅ፡ አኀዙ፡ ያብኡ፡ መሥዋዕተ፡ ለእግዚአብሔር፡ ወቤተ፡ እግዚአብሔርሰ፡ ኢተሣረረት። | ወእምርእሰ፡ ሳብዕ፡ ወርኅ፡ አኀዙ፡ ያብኡ፡ መሥዋዕተ፡ ለእግዚአብሔር፡ ወቤተ፡ እግዚአብሔርሰ፡ ኢተሣረረት። |
|---|
| 3:7 | ወወሀቡ፡ ወርቀ፡ ለፀረብት፡ ወለወቀርት፡ ወመብልዐኒ፡ ወመስቴ፡ ወቅብዐኒ፡ ለሰብአ፡ ጢሮስ፡ ወለሲዶና፡ ከመ፡ ያምጽኡ፡ ሎሙ፡ ዕፀወ፡ ቄድሮስ፡ እምነ፡ ሊባኖስ፡ ኀበ፡ ባሕረ፡ ኢዮጴ፡ ወእምህየ፡ ይትመየጡ፡ በትእዛዘ፡ ቂሮስ፡ ንጉሠ፡ ፋርስ፡ ላዕሌሆሙ። | ወወሀቡ፡ ወርቀ፡ ለፀረብት፡ ወለወቀርት፡ ወመብልዐኒ፡ ወመስቴ፡ ወቅብዐኒ፡ ለሰብአ፡ ጢሮስ፡ ወለሲዶና፡ ከመ፡ ያምጽኡ፡ ሎሙ፡ ዕፀወ፡ ቄድሮስ፡ እምነ፡ ሊባኖስ፡ ኀበ፡ ባሕረ፡ ኢዮጴ፡ ወእምህየ፡ ይትመየጡ፡ በትእዛዘ፡ ቂሮስ፡ ንጉሠ፡ ፋርስ፡ ላዕሌሆሙ። |
|---|
| 3:8 | ወበበክልኤቱ፡ ዓመት፡ እምዘ፡ በጽሑ፡ ኢየሩሳሌም፡ ውስተ፡ ቤተ፡ እግዚአብሔር፡ በካልእ፡ ወርኅ፡ አኃዘ፡ ዘሩባቤል፡ ወልደ፡ ሰላትያል፡ ወኢዮስስ፡ ወልደ፡ ኢዮሴዴቅ፡ ወእለኒ፡ ተርፉ፡ አኃዊሆሙ፡ ካህናት፡ ወሌዋውያን፡ ወኵሎሙ፡ እለ፡ አተዉ፡ ኢየሩሳሌም፡ እምኀበ፡ ተፄወዉ፡ ወሤምዎሙ፡ ለሌዋውያን፡ እለ፡ እምዕሥራ፡ ዓም፡ ወላዕሉ፡ ላዕለ፡ ግብረ፡ ቤተ፡ እግዚአብሔር። | ወበበክልኤቱ፡ ዓመት፡ እምዘ፡ በጽሑ፡ ኢየሩሳሌም፡ ውስተ፡ ቤተ፡ እግዚአብሔር፡ በካልእ፡ ወርኅ፡ አኃዘ፡ ዘሩባቤል፡ ወልደ፡ ሰላትያል፡ ወኢዮስስ፡ ወልደ፡ ኢዮሴዴቅ፡ ወእለኒ፡ ተርፉ፡ አኃዊሆሙ፡ ካህናት፡ ወሌዋውያን፡ ወኵሎሙ፡ እለ፡ አተዉ፡ ኢየሩሳሌም፡ እምኀበ፡ ተፄወዉ፡ ወሤምዎሙ፡ ለሌዋውያን፡ እለ፡ እምዕሥራ፡ ዓም፡ ወላዕሉ፡ ላዕለ፡ ግብረ፡ ቤተ፡ እግዚአብሔር። |
|---|
| 3:9 | ወቆመ፡ ኢዮስስ፡ ወደቂቁ፡ ወአኃዊሁኒ፡ ቀዳምያል፡ ወደቂቁ፡ ወደቂቀ፡ ይሁዳኒ፡ ላዕለ፡ ግብር፡ እለ፡ ይገብሩ፡ ቤተ፡ እግዚአብሔር፡ ወደቂቀ፡ ኢንሐዳድ፡ ወደቂቆሙኒ፡ ወአኀዊሆሙኒ፡ ሌዋውያን። | ወቆመ፡ ኢዮስስ፡ ወደቂቁ፡ ወአኃዊሁኒ፡ ቀዳምያል፡ ወደቂቁ፡ ወደቂቀ፡ ይሁዳኒ፡ ላዕለ፡ ግብር፡ እለ፡ ይገብሩ፡ ቤተ፡ እግዚአብሔር፡ ወደቂቀ፡ ኢንሐዳድ፡ ወደቂቆሙኒ፡ ወአኀዊሆሙኒ፡ ሌዋውያን። |
|---|
| 3:10 | ወሣረሩ፡ ከመ፡ ይሕንፁ፡ ቤተ፡ እግዚአብሔር፡ ወካህናትኒ፡ ቆሙ፡ ልቡሳኒሆሙ፡ ምስለ፡ አቅርንት፡ ወሌዋውያንሰ፡ ደቂቀ፡ አሳፍ፡ በጸናጽል፡ ይሴብሕዎ፡ ለእግዚአብሔር፡ ሶበ፡ ይሣረሩ፡ ቤተ፡ እግዚአብሔር፡ በትምንርተ፡ ዳዊት፡ ንጉሠ፡ እስራኤል። | ወሣረሩ፡ ከመ፡ ይሕንፁ፡ ቤተ፡ እግዚአብሔር፡ ወካህናትኒ፡ ቆሙ፡ ልቡሳኒሆሙ፡ ምስለ፡ አቅርንት፡ ወሌዋውያንሰ፡ ደቂቀ፡ አሳፍ፡ በጸናጽል፡ ይሴብሕዎ፡ ለእግዚአብሔር፡ ሶበ፡ ይሣረሩ፡ ቤተ፡ እግዚአብሔር፡ በትምንርተ፡ ዳዊት፡ ንጉሠ፡ እስራኤል። |
|---|
| 3:11 | ወአውሥኡ፡ ወሰብሕዎ፡ ለእግዚአብሔር፡ ወአእኰትዎ፡ እንዘ፡ ይብሉ፡ እስመ፡ ኄር፡ ውእቱ፡ ወለዓለም፡ ምሕረቱ፡ ላዕለ፡ እስራኤል፡ ወይብሉ፡ ኵሎሙ፡ ሕዝብ፡ በቃል፡ ዓቢይ፡ ወይሴብሕዎ፡ ለእግዚአብሔር፡ ሶበ፡ ይሣርሩ፡ ቤተ፡ እግዚአብሔር። | ወአውሥኡ፡ ወሰብሕዎ፡ ለእግዚአብሔር፡ ወአእኰትዎ፡ እንዘ፡ ይብሉ፡ እስመ፡ ኄር፡ ውእቱ፡ ወለዓለም፡ ምሕረቱ፡ ላዕለ፡ እስራኤል፡ ወይብሉ፡ ኵሎሙ፡ ሕዝብ፡ በቃል፡ ዓቢይ፡ ወይሴብሕዎ፡ ለእግዚአብሔር፡ ሶበ፡ ይሣርሩ፡ ቤተ፡ እግዚአብሔር። |
|---|
| 3:12 | ወብዙኀን፡ እምውስተ፡ ካህናት፡ ወሌዋውያን፡ ወመላእክተ፡ አበዊሆሙ፡ ወሊቃውንትኒ፡ እለ፡ የአምርዎ፡ ለውእቱ፡ ቤት፡ ዘትካት፡ ሶበ፡ ሣረርዎ፡ ወርእይዎ፡ ለውእቱ፡ ቤት፡ በዓይኖሙ፡ ይበክዩ፡ በዓቢይ፡ ቃል፡ ወብዙኀን፡ በይባቤ፡ ይጸርሑ፡ እንዘ፡ ያነብቡ። | ወብዙኀን፡ እምውስተ፡ ካህናት፡ ወሌዋውያን፡ ወመላእክተ፡ አበዊሆሙ፡ ወሊቃውንትኒ፡ እለ፡ የአምርዎ፡ ለውእቱ፡ ቤት፡ ዘትካት፡ ሶበ፡ ሣረርዎ፡ ወርእይዎ፡ ለውእቱ፡ ቤት፡ በዓይኖሙ፡ ይበክዩ፡ በዓቢይ፡ ቃል፡ ወብዙኀን፡ በይባቤ፡ ይጸርሑ፡ እንዘ፡ ያነብቡ። |
|---|
| 3:13 | ወአልቦ፡ እምውስተ፡ ሕዝብ፡ እለ፡ የአምሩ፡ ቃለ፡ ይባቤ፡ ወፍሥሓ፡ እምነ፡ ጽራሐ፡ ብካዮሙ፡ እስመ፡ ይጸርሑ፡ ሕዝብ፡ በዓቢይ፡ ቃል፡ ወይሰማዕ፡ እምርኁቅ። | ወአልቦ፡ እምውስተ፡ ሕዝብ፡ እለ፡ የአምሩ፡ ቃለ፡ ይባቤ፡ ወፍሥሓ፡ እምነ፡ ጽራሐ፡ ብካዮሙ፡ እስመ፡ ይጸርሑ፡ ሕዝብ፡ በዓቢይ፡ ቃል፡ ወይሰማዕ፡ እምርኁቅ። |
|---|