禧年書 第 15 章｜2 種原文並排

ወበዓመት ፡ ኃምስ ፡ ዘሱባዔ ፡ ዘራብዑ ፡ ለኢዮቤልውን ፡ ዝንቱ ፡ በወርኅ ፡ ሣልስ ፡ በመንፈቀ ፡ ወርኅ ፡ ገብረ ፡ አብራም ፡ በዓለ ፡ ቀዳሜ ፡ ማእረረ ፡ ዘዘርአ ፡ ሥርናይ ፡

ወበዓመት ፡ ኃምስ ፡ ዘሱባዔ ፡ ዘራብዑ ፡ ለኢዮቤልውን ፡ ዝንቱ ፡ በወርኅ ፡ ሣልስ ፡ በመንፈቀ ፡ ወርኅ ፡ ገብረ ፡ አብራም ፡ በዓለ ፡ ቀዳሜ ፡ ማእረረ ፡ ዘዘርአ ፡ ሥርናይ ፡

ወአዕረገ ፡ መሥዋዕተ ፡ ሐዲስ ፡ ዲበ ፡ ምሥዋዕ ፡ ቀዳሜ ፡ እክል ፡ ለእግዚአብሔር ።

ወአዕረገ ፡ መሥዋዕተ ፡ ሐዲስ ፡ ዲበ ፡ ምሥዋዕ ፡ ቀዳሜ ፡ እክል ፡ ለእግዚአብሔር ።

ወአስተርአዮ ፡ እግዚአብሔር ፡ ወይቤሎ ፡ እግዚአብሔር ፡ ለአብራም ፡ አነ ፡ አምላከ ፡ ሰዳይ ፡ ወአሥምር ፡ በቅድሜየ ፡ ወኩን ፡ ፍጹመ ፡

ወአስተርአዮ ፡ እግዚአብሔር ፡ ወይቤሎ ፡ እግዚአብሔር ፡ ለአብራም ፡ አነ ፡ አምላከ ፡ ሰዳይ ፡ ወአሥምር ፡ በቅድሜየ ፡ ወኩን ፡ ፍጹመ ፡

ወእሁብ ፡ ኪዳንየ ፡ ማእከሌየ ፡ ወማእከሌከ ፡ ወአልህቀከ ፡ ጥቀ ፡

ወእሁብ ፡ ኪዳንየ ፡ ማእከሌየ ፡ ወማእከሌከ ፡ ወአልህቀከ ፡ ጥቀ ፡

ወወድቀ ፡ አብራም ፡ በገጹ ፡ ወተናገሮ ፡ እግዚአብሔር ፡ ወይቤ ፡

ወወድቀ ፡ አብራም ፡ በገጹ ፡ ወተናገሮ ፡ እግዚአብሔር ፡ ወይቤ ፡

ናሁ ፡ ሥርዓትየ ፡ ምስሌከ ፡ ወእሬስየከ ፡ አበ ፡ ለብዙኃን ፡ አሕዛብ ።

ናሁ ፡ ሥርዓትየ ፡ ምስሌከ ፡ ወእሬስየከ ፡ አበ ፡ ለብዙኃን ፡ አሕዛብ ።

ወኢይጼዋዕ ፡ እንከ ፡ ስምከ ፡ አብራም ፡ ወይኩን ፡ ስምከ ፡ እምይእዜ ፡ ወእስከ ፡ ለዓለም ፡ አብርሃም ፡ እስመ ፡ አበ ፡ ብዙኃን ፡ አሕዛብ ፡ ሤምኩከ ፡

ወኢይጼዋዕ ፡ እንከ ፡ ስምከ ፡ አብራም ፡ ወይኩን ፡ ስምከ ፡ እምይእዜ ፡ ወእስከ ፡ ለዓለም ፡ አብርሃም ፡ እስመ ፡ አበ ፡ ብዙኃን ፡ አሕዛብ ፡ ሤምኩከ ፡

ወአዐብየከ ፡ ጥቀ ።

ወአዐብየከ ፡ ጥቀ ።

ወእሁብ ፡ ኪዳንየ ፡ ማእከሌየ ፡ ወማእከሌከ ፡ ወማእከለ ፡ ዘርእከ ፡ እምድኅሬከ ፡ በትዝምዶሙ ፡ ወለሥርዓት ፡ ዘለዓለም ፡ ከመ ፡ እኩንከ ፡ አምላከ ፡ ወለዘርእከ ፡ እምድኅሬከ ፡ 10 [ወእሁብ ፡ ለከ ፡ ወለዘርእከ ፡ እምድኅሬከ] ፡ ምድረ ፡ ኀበ ፡ ፈለስከ ፡ ምድረ ፡ ከናአን ፡ ዘትኴንን ፡ ለዓለም ፡ ወእከውኖሙ ፡ አምላከ ።

ወእሁብ ፡ ኪዳንየ ፡ ማእከሌየ ፡ ወማእከሌከ ፡ ወማእከለ ፡ ዘርእከ ፡ እምድኅሬከ ፡ በትዝምዶሙ ፡ ወለሥርዓት ፡ ዘለዓለም ፡ ከመ ፡ እኩንከ ፡ አምላከ ፡ ወለዘርእከ ፡ እምድኅሬከ ፡ 10 [ወእሁብ ፡ ለከ ፡ ወለዘርእከ ፡ እምድኅሬከ] ፡ ምድረ ፡ ኀበ ፡ ፈለስከ ፡ ምድረ ፡ ከናአን ፡ ዘትኴንን ፡ ለዓለም ፡ ወእከውኖሙ ፡ አምላከ ።

ወይቤሎ ፡ እግዚአብሔር ፡ ለአብርሃም ፡ ወአንተኒ ፡ ኪዳንየ ፡ ዕቀብ ፡ አንተ ፡ ወዘርእከ ፡ እምድኅሬከ ፡ ተከሰቡ ፡ ኵሎ ፡ ሮስክሙ ፡ ወተከሰቡ ፡ ቍልፈተክሙ ፡ ወይከውን ፡ ትእምርተ ፡ ሥርዓትየ ፡ ዘለዓለም ፡ ማእከሌየ ፡ ወማእከሌክሙ ፡ 12 ወለወልድ ፡ አመ ፡ ሳምንት ፡ ዕለት ፡ ትከስብዎ ፡ ኵሎ ፡ ሮሰ ፡ በትዝምድክሙ ፡ ወልደ ፡ ቤት ።

ወይቤሎ ፡ እግዚአብሔር ፡ ለአብርሃም ፡ ወአንተኒ ፡ ኪዳንየ ፡ ዕቀብ ፡ አንተ ፡ ወዘርእከ ፡ እምድኅሬከ ፡ ተከሰቡ ፡ ኵሎ ፡ ሮስክሙ ፡ ወተከሰቡ ፡ ቍልፈተክሙ ፡ ወይከውን ፡ ትእምርተ ፡ ሥርዓትየ ፡ ዘለዓለም ፡ ማእከሌየ ፡ ወማእከሌክሙ ፡ 12 ወለወልድ ፡ አመ ፡ ሳምንት ፡ ዕለት ፡ ትከስብዎ ፡ ኵሎ ፡ ሮሰ ፡ በትዝምድክሙ ፡ ወልደ ፡ ቤት ።

ክስበተ ፡ ይትከሰብ ፡ ልደ ፡ ቤትከ ፡ ወዘበወርቅ ፡ ተሣየጥከ ፡ ይትከሰቡ ።

ክስበተ ፡ ይትከሰብ ፡ ልደ ፡ ቤትከ ፡ ወዘበወርቅ ፡ ተሣየጥከ ፡ ይትከሰቡ ።

ወዘኢኮነ ፡ ክሱበ ፡ ሮስ ፡ ዘኢተከስበ ፡ ሥጋ ፡ ቍልፈቱ ፡ በዕለተ ፡ ሳምንት ፡ ትሤሮ ፡ ይእቲ ፡ ነፍስ ፡ እምዘመዳ ፡ እስመ ፡ ኪዳንየ ፡ ነሠተ ።

ወዘኢኮነ ፡ ክሱበ ፡ ሮስ ፡ ዘኢተከስበ ፡ ሥጋ ፡ ቍልፈቱ ፡ በዕለተ ፡ ሳምንት ፡ ትሤሮ ፡ ይእቲ ፡ ነፍስ ፡ እምዘመዳ ፡ እስመ ፡ ኪዳንየ ፡ ነሠተ ።

ወይቤሎ ፡ እግዚአብሔር ፡ ለአብርሃም ፡ ሶራ ፡ ብእሲትከ ፡ ኢትጸዋዕ ፡ እንከ ፡ ስማ ፡ ሶራ ፡ እስመ ፡ ሳራ ፡ ስማ ።

ወይቤሎ ፡ እግዚአብሔር ፡ ለአብርሃም ፡ ሶራ ፡ ብእሲትከ ፡ ኢትጸዋዕ ፡ እንከ ፡ ስማ ፡ ሶራ ፡ እስመ ፡ ሳራ ፡ ስማ ።

ወእባርካ ፡ ወእሁበከ ፡ እምኔሃ ፡ ወልደ ፡ ወእባርኮ ፡ ወይከውን ፡ ሕዝበ ፡ ወነገሥተ ፡ አሕዛብ ፡ እምኔሁ ፡ ይከውኑ ።

ወእባርካ ፡ ወእሁበከ ፡ እምኔሃ ፡ ወልደ ፡ ወእባርኮ ፡ ወይከውን ፡ ሕዝበ ፡ ወነገሥተ ፡ አሕዛብ ፡ እምኔሁ ፡ ይከውኑ ።

ወወድቀ ፡ አብርሃም ፡ በገጹ ፡ ወተፈሥሐ ፡ ወይቤ ፡ በልቡ ፡ እመ ፡ ለዘ ፡ ምእትኑ ፡ ዓመቱ ፡ ይትወለድ ፡ ወልድ ፡ ወሳራሂ ፡ እንተ ፡ ተስዓ ፡ ዓመታ ፡ ትወልድ ።

ወወድቀ ፡ አብርሃም ፡ በገጹ ፡ ወተፈሥሐ ፡ ወይቤ ፡ በልቡ ፡ እመ ፡ ለዘ ፡ ምእትኑ ፡ ዓመቱ ፡ ይትወለድ ፡ ወልድ ፡ ወሳራሂ ፡ እንተ ፡ ተስዓ ፡ ዓመታ ፡ ትወልድ ።

ወይቤሎ ፡ አብርሃም ፡ ለእግዚአብሔር ፡ መፍትው ፡ ይሕየው ፡ ይስማዔል ፡ ቅድሜከ ።

ወይቤሎ ፡ አብርሃም ፡ ለእግዚአብሔር ፡ መፍትው ፡ ይሕየው ፡ ይስማዔል ፡ ቅድሜከ ።

ወይቤ ፡ እግዚአብሔር ፡ ኦሆ ።

ወይቤ ፡ እግዚአብሔር ፡ ኦሆ ።

ወበእንተ ፡ ይስማዔልሂ ፡ ሰማዕኩከ ፡ ወናሁ ፡ እባርኮ ፡ ወአልህቆ ፡ ወአበዝኆ ፡ ጥቀ ።

ወበእንተ ፡ ይስማዔልሂ ፡ ሰማዕኩከ ፡ ወናሁ ፡ እባርኮ ፡ ወአልህቆ ፡ ወአበዝኆ ፡ ጥቀ ።

ወኪዳንየ ፡ አቀውም ፡ ምስለ ፡ ይስሐቅ ፡ ዘትውልድ ፡ ለከ ፡ ሳራ ፡ በዝ ፡ መዋዕል ፡ በዓመት ፡ ካልእ ።

ወኪዳንየ ፡ አቀውም ፡ ምስለ ፡ ይስሐቅ ፡ ዘትውልድ ፡ ለከ ፡ ሳራ ፡ በዝ ፡ መዋዕል ፡ በዓመት ፡ ካልእ ።

ወፈጺሞ ፡ እንዘ ፡ ይትናገር ፡ ምስሌሁ ፡ ወዐርገ ፡ እግዚአብሔር ፡ እመልዕልተ ፡ አብርሃም ።

ወፈጺሞ ፡ እንዘ ፡ ይትናገር ፡ ምስሌሁ ፡ ወዐርገ ፡ እግዚአብሔር ፡ እመልዕልተ ፡ አብርሃም ።

ወገብረ ፡ አብርሃም ፡ በከመ ፡ ይቤሎ ፡ እግዚአብሔር ፡ ወነሥአ ፡ ይስማዔልሃ ፡ ወልዶ ፡ ወኵሎ ፡ ልደ ፡ ቤቱ ፡ ወዘሂ ፡ በወርቅ ፡ ተሣየጠ ፡ ኵሎ ፡ ሮሰ ፡ ዘውስተ ፡ ቤቱ ፡ ወከሰበ ፡ ሥጋ ፡ ምክሳቦሙ ።

ወገብረ ፡ አብርሃም ፡ በከመ ፡ ይቤሎ ፡ እግዚአብሔር ፡ ወነሥአ ፡ ይስማዔልሃ ፡ ወልዶ ፡ ወኵሎ ፡ ልደ ፡ ቤቱ ፡ ወዘሂ ፡ በወርቅ ፡ ተሣየጠ ፡ ኵሎ ፡ ሮሰ ፡ ዘውስተ ፡ ቤቱ ፡ ወከሰበ ፡ ሥጋ ፡ ምክሳቦሙ ።

ወበጊዜ ፡ ዛቲ ፡ ዕለት ፡ ተከስበ ፡ አብርሃም ፡ [ወልደ ፡ ቤቱ] ፡ ወሰብአ ፡ ቤቱ ፡ ወኵሎሙ ፡ እለ ፡ በወርቅ ፡ ተሣየጠ ፡ ወእምውሉደ ፡ ነኪራንኒ ፡ ተከስቡ ፡ ምስሌሁ ።

ወበጊዜ ፡ ዛቲ ፡ ዕለት ፡ ተከስበ ፡ አብርሃም ፡ [ወልደ ፡ ቤቱ] ፡ ወሰብአ ፡ ቤቱ ፡ ወኵሎሙ ፡ እለ ፡ በወርቅ ፡ ተሣየጠ ፡ ወእምውሉደ ፡ ነኪራንኒ ፡ ተከስቡ ፡ ምስሌሁ ።

ወዝሕግ ፡ ለኵሉ ፡ ትውልድ ፡ ዘለዓለም ፡ ወአልቦ ፡ ክስበተ ፡ መዋዕል ።

ወዝሕግ ፡ ለኵሉ ፡ ትውልድ ፡ ዘለዓለም ፡ ወአልቦ ፡ ክስበተ ፡ መዋዕል ።

ወኵሉ ፡ ዘትውልደ ፡ ዘኢተከስበ ፡ ሥጋ ፡ ነፍስቱ ፡ እስከ ፡ ሰሙን ፡ ዕለት ፡ ኢኮነ ፡ እምውሉደ ፡ ሥርዓት ፡ ዘትካየደ ፡ እግዚአብሔር ፡ ለአብርሃም ፡ እስመ ፡ እምነ ፡ ውሉደ ፡ ሙስና ።

ወኵሉ ፡ ዘትውልደ ፡ ዘኢተከስበ ፡ ሥጋ ፡ ነፍስቱ ፡ እስከ ፡ ሰሙን ፡ ዕለት ፡ ኢኮነ ፡ እምውሉደ ፡ ሥርዓት ፡ ዘትካየደ ፡ እግዚአብሔር ፡ ለአብርሃም ፡ እስመ ፡ እምነ ፡ ውሉደ ፡ ሙስና ።

እስመ ፡ ኵሎሙ ፡ መላእክተ ፡ ገጽ ።

እስመ ፡ ኵሎሙ ፡ መላእክተ ፡ ገጽ ።

ወአንተኒ ፡ አዝዝ ፡ ለውሉደ ፡ እስራኤል ፡ ወይዕቀቡ ፡ ትእምርተዝ ፡ ኪዳን ፡ ለትውልዶሙ ፡ ለሥርዓት ፡ ዘለዓለም ፡ ወኢይሠረው ፡ እምነ ፡ ምድር ፡

ወአንተኒ ፡ አዝዝ ፡ ለውሉደ ፡ እስራኤል ፡ ወይዕቀቡ ፡ ትእምርተዝ ፡ ኪዳን ፡ ለትውልዶሙ ፡ ለሥርዓት ፡ ዘለዓለም ፡ ወኢይሠረው ፡ እምነ ፡ ምድር ፡

እስመ ፡ ትእዛዝ ፡ ተሠርዐ ፡ ለኪዳን ፡ ከመ ፡ ይዕቀብዎ ፡ ለዓለም ።

እስመ ፡ ትእዛዝ ፡ ተሠርዐ ፡ ለኪዳን ፡ ከመ ፡ ይዕቀብዎ ፡ ለዓለም ።

እስመ ፡ ይስማዔልሃ ፡ ወውሉዶ ፡ ወአኃዊሁ ፡ ወዔሳውሃ ፡ ኢያቅረቦ ፡ ኀቤሁ ፡ እግዚአብሔር ፡ ወኢኀረየ ፡ ቦሙ ፡ እስመ ፡ እምውሉደ ፡ አብርሃም ፡ እሙንቱ ፡ እስመ ፡ አእመሮሙ ፡ ወእስራኤልሃ ፡ ኀረየ ፡ ይኩንዎ ፡ ሕዝበ ፡ 31 ወቀደሶ ፡ ወአስተጋብአ ፡ እምኵሉ ፡ ውሉደ ፡ ሰብእ ።

እስመ ፡ ይስማዔልሃ ፡ ወውሉዶ ፡ ወአኃዊሁ ፡ ወዔሳውሃ ፡ ኢያቅረቦ ፡ ኀቤሁ ፡ እግዚአብሔር ፡ ወኢኀረየ ፡ ቦሙ ፡ እስመ ፡ እምውሉደ ፡ አብርሃም ፡ እሙንቱ ፡ እስመ ፡ አእመሮሙ ፡ ወእስራኤልሃ ፡ ኀረየ ፡ ይኩንዎ ፡ ሕዝበ ፡ 31 ወቀደሶ ፡ ወአስተጋብአ ፡ እምኵሉ ፡ ውሉደ ፡ ሰብእ ።

ወዲበ ፡ እስራኤልሰ ፡ ኢያስለጠ ፡ ወኢመነሂ ፡ መልአከ ፡ ወመንፈሰ ።

ወዲበ ፡ እስራኤልሰ ፡ ኢያስለጠ ፡ ወኢመነሂ ፡ መልአከ ፡ ወመንፈሰ ።

ወይእዜኒ ፡ አነ ፡ እዜንወከ ፡ ከመ ፡ በዛቲ ፡ ሥርዓት ፡ ይሔስዉ ፡ ውሉደ ፡ እስራኤል ፡ ወኢይከስቡ ፡ ውሉዶሙ ፡ በከመ ፡ ኵሉ ፡ ዝሕግ ፡ እስመ ፡ እምሥጋ ፡ ክስበቶሙ ፡ ይከውኑ ፡ መትርፋነ ፡ ውስተ ፡ ክስበተ ፡ ውሉዶሙ ፡ ወኵሎሙ ፡ ውሉደ ፡ ቤልአር ፡ የኀድጉ ፡ ውሉዶሙ ፡ ዘእንበለ ፡ ክስበት ፡ በከመ ፡ ተወልዱ ።

ወይእዜኒ ፡ አነ ፡ እዜንወከ ፡ ከመ ፡ በዛቲ ፡ ሥርዓት ፡ ይሔስዉ ፡ ውሉደ ፡ እስራኤል ፡ ወኢይከስቡ ፡ ውሉዶሙ ፡ በከመ ፡ ኵሉ ፡ ዝሕግ ፡ እስመ ፡ እምሥጋ ፡ ክስበቶሙ ፡ ይከውኑ ፡ መትርፋነ ፡ ውስተ ፡ ክስበተ ፡ ውሉዶሙ ፡ ወኵሎሙ ፡ ውሉደ ፡ ቤልአር ፡ የኀድጉ ፡ ውሉዶሙ ፡ ዘእንበለ ፡ ክስበት ፡ በከመ ፡ ተወልዱ ።

ወትከውን ፡ መዓት ፡ ላዕለ ፡ ውሉደ ፡ እስራኤል ፡ ዐባይ ፡ እምኀበ ፡ እግዚአብሔር ፡ እስመ ፡ ኀደጉ ፡ ኪዳኖ ፡ ወእምቃሉ ፡ ተግኅሡ ፡ ወወሐኩ ፡ ወፀረፉ ፡ በከመ ፡ ኢገብሩ ፡ ሥርዓቶ ፡ ለዝ ፡ ትእምርተ ።

ወትከውን ፡ መዓት ፡ ላዕለ ፡ ውሉደ ፡ እስራኤል ፡ ዐባይ ፡ እምኀበ ፡ እግዚአብሔር ፡ እስመ ፡ ኀደጉ ፡ ኪዳኖ ፡ ወእምቃሉ ፡ ተግኅሡ ፡ ወወሐኩ ፡ ወፀረፉ ፡ በከመ ፡ ኢገብሩ ፡ ሥርዓቶ ፡ ለዝ ፡ ትእምርተ ።