禧年書 第 17 章｜2 種原文並排

ወበአሐዱ ፡ ዓመት ፡ ዘሱባዔ ፡ ኃምስ ፡ ኀደገ ፡ ጥበ ፡ ይስሐቅ ፡ በዝንቱ ፡ ኢዮቤልዉ ፡ ወገብረ ፡ አብርሃም ፡ ግዝአ ፡ ዐቢየ ፡ በወርኅ ፡ ሣልስ ፡ በዕለተ ፡ ኀድገ ፡ ጥበ ፡ ወልዱ ፡ ደስሐቅ ።

ወበአሐዱ ፡ ዓመት ፡ ዘሱባዔ ፡ ኃምስ ፡ ኀደገ ፡ ጥበ ፡ ይስሐቅ ፡ በዝንቱ ፡ ኢዮቤልዉ ፡ ወገብረ ፡ አብርሃም ፡ ግዝአ ፡ ዐቢየ ፡ በወርኅ ፡ ሣልስ ፡ በዕለተ ፡ ኀድገ ፡ ጥበ ፡ ወልዱ ፡ ደስሐቅ ።

ወይስማዔል ፡ ወልዳ ፡ ለአጋር ፡ ግብጻዊት ፡ በቅድመ ፡ ገጹ ፡ ለአብርሃም ፡ አቡሁ ፡ በመካኑ ፡ ወተፈሥሐ ፡ አብርሃም ፡ ወባረኮ ፡ ለእግዚአብሔር ፡ እስመ ፡ ርእየ ፡ ሎቱ ፡ ውሉዶ ፡ ወኢሞተ ፡ ዘእንበለ ፡ ውሉድ ፡ 3 ወተዘከረ ፡ ቃሎ ፡ ዘተናገሮ ፡ በዕለተ ፡ ተፈልጠ ፡ ሎጥ ፡ እምኔሁ ።

ወይስማዔል ፡ ወልዳ ፡ ለአጋር ፡ ግብጻዊት ፡ በቅድመ ፡ ገጹ ፡ ለአብርሃም ፡ አቡሁ ፡ በመካኑ ፡ ወተፈሥሐ ፡ አብርሃም ፡ ወባረኮ ፡ ለእግዚአብሔር ፡ እስመ ፡ ርእየ ፡ ሎቱ ፡ ውሉዶ ፡ ወኢሞተ ፡ ዘእንበለ ፡ ውሉድ ፡ 3 ወተዘከረ ፡ ቃሎ ፡ ዘተናገሮ ፡ በዕለተ ፡ ተፈልጠ ፡ ሎጥ ፡ እምኔሁ ።

ወርእየቶ ፡ ለይስማዔል ፡ ሳራ ፡ እንዘ ፡ ይትዋነይ ፡ ወይዘፍን ፡ ወአብርሃምኒ ፡ እንዘ ፡ ይትፌሣሕ ፡ ፍሥሓ ፡ ዐቢየ ፡ ወቀንአት ፡ ለይስማዔል ።

ወርእየቶ ፡ ለይስማዔል ፡ ሳራ ፡ እንዘ ፡ ይትዋነይ ፡ ወይዘፍን ፡ ወአብርሃምኒ ፡ እንዘ ፡ ይትፌሣሕ ፡ ፍሥሓ ፡ ዐቢየ ፡ ወቀንአት ፡ ለይስማዔል ።

ወማሕዝን ፡ ቃሉ ፡ በቅድመ ፡ አዕይንተ ፡ አብርሃም ፡ በእንተ ፡ አመቱ ፡ ወበእንተ ፡ ወልዱ ፡ ከመ ፡ ይስድዶሙ ፡ እምኀቤሁ ።

ወማሕዝን ፡ ቃሉ ፡ በቅድመ ፡ አዕይንተ ፡ አብርሃም ፡ በእንተ ፡ አመቱ ፡ ወበእንተ ፡ ወልዱ ፡ ከመ ፡ ይስድዶሙ ፡ እምኀቤሁ ።

ወይቤሎ ፡ እግዚአብሔር ፡ ለአብርሃም ፡ ኢይኩን ፡ ሐዘን ፡ በቅድመ ፡ አዕይንቲከ ፡ በእንተ ፡ ሕፃን ፡ ወበእንተ ፡ ወለት ፡ ኵሎ ፡ ዘትቤለከ ፡ ሳራ ፡ ስማዕ ፡ ንባባ ፡ ወግበር ፡ እስመ ፡ በይስሐቅ ፡ ይጼዋዕ ፡ ለከ ፡ ስም ፡ ወዘርእ ።

ወይቤሎ ፡ እግዚአብሔር ፡ ለአብርሃም ፡ ኢይኩን ፡ ሐዘን ፡ በቅድመ ፡ አዕይንቲከ ፡ በእንተ ፡ ሕፃን ፡ ወበእንተ ፡ ወለት ፡ ኵሎ ፡ ዘትቤለከ ፡ ሳራ ፡ ስማዕ ፡ ንባባ ፡ ወግበር ፡ እስመ ፡ በይስሐቅ ፡ ይጼዋዕ ፡ ለከ ፡ ስም ፡ ወዘርእ ።

ወበእንተ ፡ ወልዳስ ፡ ለዛ ፡ ወለት ፡ ውስተ ፡ ዐቢይ ፡ ሕዝብ ፡ እሬስዮ ፡ እስመ ፡ እምዘርእከ ፡ ውእቱ ።

ወበእንተ ፡ ወልዳስ ፡ ለዛ ፡ ወለት ፡ ውስተ ፡ ዐቢይ ፡ ሕዝብ ፡ እሬስዮ ፡ እስመ ፡ እምዘርእከ ፡ ውእቱ ።

ወጌሠ ፡ አብርሃም ፡ በነግህ ፡ ወነሥአ ፡ ሐባውዘ ፡ ወዝቀ ፡ ማይ ፡ ወአስከማ ፡ ለአጋር ፡ ወለሕፃን ፡ ወፈነዋ ፡ 9 ወሖረት ፡ ወታንጌጊ ፡ በገዳመ ፡ ቤርሳቦ ፡ ወተፈጸመ ፡ ማይ ፡ እምዝቅ ፡ ወጸምአ ፡ ሕፃን ፡ ወስእነ ፡ ሐዊረ ፡ ወወድቀ ።

ወጌሠ ፡ አብርሃም ፡ በነግህ ፡ ወነሥአ ፡ ሐባውዘ ፡ ወዝቀ ፡ ማይ ፡ ወአስከማ ፡ ለአጋር ፡ ወለሕፃን ፡ ወፈነዋ ፡ 9 ወሖረት ፡ ወታንጌጊ ፡ በገዳመ ፡ ቤርሳቦ ፡ ወተፈጸመ ፡ ማይ ፡ እምዝቅ ፡ ወጸምአ ፡ ሕፃን ፡ ወስእነ ፡ ሐዊረ ፡ ወወድቀ ።

ወነሥአቶ ፡ እሙ ፡ ወሐዊራ ፡ ገደፈቶ ፡ ታሕተ ፡ አሐቲ ፡ ኤልያስ ፡ ወሖረት ፡ ወነበረት ፡ አንጻሮ ፡ መጠነ ፡ አሐቲ ፡ ምንዳፍ ፡ እስመ ፡ ትቤ ፡ ኢይርአይ ፡ ሞቶ ፡ ለሕፃንየ ፡ ወነቢራ ፡ በከየት ።

ወነሥአቶ ፡ እሙ ፡ ወሐዊራ ፡ ገደፈቶ ፡ ታሕተ ፡ አሐቲ ፡ ኤልያስ ፡ ወሖረት ፡ ወነበረት ፡ አንጻሮ ፡ መጠነ ፡ አሐቲ ፡ ምንዳፍ ፡ እስመ ፡ ትቤ ፡ ኢይርአይ ፡ ሞቶ ፡ ለሕፃንየ ፡ ወነቢራ ፡ በከየት ።

ወይቤላ ፡ መልአክ ፡ አምላክ ፡ አሐዱ ፡ እምቅዱሳን ፡ ምንተ ፡ ትበክዪ ፡ አንቲ ፡ አጋር ፡ ተንሢአኪ ፡ ንሥእዮ ፡ ለሕፃን ፡ ወአኀዝዮ ፡ በእዴኪ ፡ እስመ ፡ ሰምዐ ፡ እግዚአብሔር ፡ ቃለኪ ፡ ወርእዮ ፡ ለሕፃን ።

ወይቤላ ፡ መልአክ ፡ አምላክ ፡ አሐዱ ፡ እምቅዱሳን ፡ ምንተ ፡ ትበክዪ ፡ አንቲ ፡ አጋር ፡ ተንሢአኪ ፡ ንሥእዮ ፡ ለሕፃን ፡ ወአኀዝዮ ፡ በእዴኪ ፡ እስመ ፡ ሰምዐ ፡ እግዚአብሔር ፡ ቃለኪ ፡ ወርእዮ ፡ ለሕፃን ።

ወከሠተት ፡ አዕይንቲሃ ፡ ወርእየት ፡ ዐዘቅተ ፡ ማይ ፡ ወሖረት ፡ ወመልአት ፡ ዝቃ ፡ ማየ ፡ ወአስተየት ፡ ሕፃና ።

ወከሠተት ፡ አዕይንቲሃ ፡ ወርእየት ፡ ዐዘቅተ ፡ ማይ ፡ ወሖረት ፡ ወመልአት ፡ ዝቃ ፡ ማየ ፡ ወአስተየት ፡ ሕፃና ።

ወልህቀ ፡ ሕፃን ፡ ወኮነ ፡ ነዳፌ ፡ ወሀሎ ፡ እግዚአብሔር ፡ ምስሌሁ ፡ ወነሥአት ፡ ሎሙ ፡ እሙ ፡ ብእሲተ ፡ እምአዋልደ ፡ ግብጽ ፡ 14 ወወለደት ፡ ሎቱ ፡ ወልደ ፡ ወጸውዐ ፡ ስሞ ፡ ናቤዎት ፡ እስመ ፡ ትቤ ፡ ቅሩብ ፡ እግዚአብሔር ፡ ሊተ ፡ ሶበ ፡ ጸዋዕክዎ ።

ወልህቀ ፡ ሕፃን ፡ ወኮነ ፡ ነዳፌ ፡ ወሀሎ ፡ እግዚአብሔር ፡ ምስሌሁ ፡ ወነሥአት ፡ ሎሙ ፡ እሙ ፡ ብእሲተ ፡ እምአዋልደ ፡ ግብጽ ፡ 14 ወወለደት ፡ ሎቱ ፡ ወልደ ፡ ወጸውዐ ፡ ስሞ ፡ ናቤዎት ፡ እስመ ፡ ትቤ ፡ ቅሩብ ፡ እግዚአብሔር ፡ ሊተ ፡ ሶበ ፡ ጸዋዕክዎ ።

ወኮነ ፡ በሱባዔ ፡ ሳብዕ ፡ በቀዳሚ ፡ ዓመት ፡ በወርኅ ፡ ቀዳሚ ፡ በዝ ፡ ኢዮቤልዉ ፡ አመ ፡ ዐሡሩ ፡ ወሰኑዩ ፡ ለዝ ፡ ወርኅ ፡ ኮነ ፡ ቃላት ፡ በሰማያት ፡ በእንተ ፡ አብርሃም ።

ወኮነ ፡ በሱባዔ ፡ ሳብዕ ፡ በቀዳሚ ፡ ዓመት ፡ በወርኅ ፡ ቀዳሚ ፡ በዝ ፡ ኢዮቤልዉ ፡ አመ ፡ ዐሡሩ ፡ ወሰኑዩ ፡ ለዝ ፡ ወርኅ ፡ ኮነ ፡ ቃላት ፡ በሰማያት ፡ በእንተ ፡ አብርሃም ።

ወመጽአ ፡ መኰንን ፡ መስቴማ ፡ ወይቤ ፡ ቅድሜሁ ፡ ለአምላክ ፡ ናሁ ፡ አብርሃም ፡ ያፈቅሮ ፡ ለይስሐቅ ፡ ወልዱ ፡ ወያስተአድሞ ፡ ኪያሁ ፡ እምኵሉ ።

ወመጽአ ፡ መኰንን ፡ መስቴማ ፡ ወይቤ ፡ ቅድሜሁ ፡ ለአምላክ ፡ ናሁ ፡ አብርሃም ፡ ያፈቅሮ ፡ ለይስሐቅ ፡ ወልዱ ፡ ወያስተአድሞ ፡ ኪያሁ ፡ እምኵሉ ።

ወእግዚአብሔር ፡ ያአምር ፡ ከመ ፡ መሃይምን ፡ አብርሃም ፡ በኵሉ ፡ ምንዳቤ ፡ ዘይቤሎ ፡ እስመ ፡ አመክሮ ፡ በምድሩ ፡ ወበዐባር ፡ ወአመከሮ ፡ በብዕለ ፡ ነገሥት ።

ወእግዚአብሔር ፡ ያአምር ፡ ከመ ፡ መሃይምን ፡ አብርሃም ፡ በኵሉ ፡ ምንዳቤ ፡ ዘይቤሎ ፡ እስመ ፡ አመክሮ ፡ በምድሩ ፡ ወበዐባር ፡ ወአመከሮ ፡ በብዕለ ፡ ነገሥት ።

ወበኵሉ ፡ በዘአመከሮ ፡ ተረክበ ፡ ምእመነ ፡ ወኢተአንተለ ፡ ነፍሱ ፡ ወኢጐንደየ ፡ ገቢሮቶ ፡ እስመ ፡ ምእመን ፡ ወመፍቀሬ ፡ እግዚአብሔር ።

ወበኵሉ ፡ በዘአመከሮ ፡ ተረክበ ፡ ምእመነ ፡ ወኢተአንተለ ፡ ነፍሱ ፡ ወኢጐንደየ ፡ ገቢሮቶ ፡ እስመ ፡ ምእመን ፡ ወመፍቀሬ ፡ እግዚአብሔር ።