禧年書 第 34 章｜2 種原文並排

ወበሳድስ ፡ ዓመቱ ፡ ለዝ ፡ ሱባዔ ፡ እምዝንቱ ፡ ዘአርብዓ ፡ ወአርባዕቱ ፡ ኢዮቤልዉ ።

ወበሳድስ ፡ ዓመቱ ፡ ለዝ ፡ ሱባዔ ፡ እምዝንቱ ፡ ዘአርብዓ ፡ ወአርባዕቱ ፡ ኢዮቤልዉ ።

ወተጋብኡ ፡ ላዕሌሆሙ ፡ ሰብዐቲሆሙ ፡ ነገሥተ ፡ አሞሬዎን ፡ ከመ ፡ ይቅትልዎሙ ፡ ተኀቢኦሙ ፡ ታሕተ ፡ ኦም ፡ ወከመ ፡ ይማህርኩ ፡ እንስሳሆሙ ።

ወተጋብኡ ፡ ላዕሌሆሙ ፡ ሰብዐቲሆሙ ፡ ነገሥተ ፡ አሞሬዎን ፡ ከመ ፡ ይቅትልዎሙ ፡ ተኀቢኦሙ ፡ ታሕተ ፡ ኦም ፡ ወከመ ፡ ይማህርኩ ፡ እንስሳሆሙ ።

ወያዕቆብ ፡ ወሌዊ ፡ ወይሁዳ ፡ ወዮሴፍ ፡ ሀለዉ ፡ ውስተ ፡ ቤት ፡ ኀበ ፡ ይስሐቅ ፡ አቡሆሙ ፡ እስመ ፡ የሐዝኖ ፡ መንፈሱ ፡ ወስእኑ ፡ ኀዲጎቶ ፡ ወብንያም ፡ ውእቱ ፡ ዘይንእስ ፡ ወበእንተዝ ፡ ነበረ ፡ ኀቤሁ ።

ወያዕቆብ ፡ ወሌዊ ፡ ወይሁዳ ፡ ወዮሴፍ ፡ ሀለዉ ፡ ውስተ ፡ ቤት ፡ ኀበ ፡ ይስሐቅ ፡ አቡሆሙ ፡ እስመ ፡ የሐዝኖ ፡ መንፈሱ ፡ ወስእኑ ፡ ኀዲጎቶ ፡ ወብንያም ፡ ውእቱ ፡ ዘይንእስ ፡ ወበእንተዝ ፡ ነበረ ፡ ኀቤሁ ።

ወመጽኡ ፡ ነገሥተ ፡ ታፉ ፡ ወነገሥተ ፡ አሬስ ፡ ወነገሥተ ፡ ሴራጋን ፡ ወነገሥተ ፡ ሴሎ ፡ ወንጉሥ ፡ ጋአዝ ፡ ወንጉሠ ፡ ቤቶሮን ፡ ወንጉሠ ፡ ማአኒሳኪር ፡ ወኵሎሙ ፡ እለ ፡ ይነብሩ ፡ ውስተዝ ፡ ደብር ፡ እለ ፡ ይነብሩ ፡ ውስተ ፡ ኦመ ፡ ምድረ ፡ ከናአን ።

ወመጽኡ ፡ ነገሥተ ፡ ታፉ ፡ ወነገሥተ ፡ አሬስ ፡ ወነገሥተ ፡ ሴራጋን ፡ ወነገሥተ ፡ ሴሎ ፡ ወንጉሥ ፡ ጋአዝ ፡ ወንጉሠ ፡ ቤቶሮን ፡ ወንጉሠ ፡ ማአኒሳኪር ፡ ወኵሎሙ ፡ እለ ፡ ይነብሩ ፡ ውስተዝ ፡ ደብር ፡ እለ ፡ ይነብሩ ፡ ውስተ ፡ ኦመ ፡ ምድረ ፡ ከናአን ።

ወዜነውዎ ፡ ለያዕቆብ ፡ እንዘ ፡ ይብሉ ፡ ከመ ፡ ናሁ ፡ ነገሥቶ ፡ አሞሬዎን ፡ ዐገትዎሙ ፡ ለውሉድከ ፡ ወመራዕዮሙሂ ፡ ተማሠጡ ።

ወዜነውዎ ፡ ለያዕቆብ ፡ እንዘ ፡ ይብሉ ፡ ከመ ፡ ናሁ ፡ ነገሥቶ ፡ አሞሬዎን ፡ ዐገትዎሙ ፡ ለውሉድከ ፡ ወመራዕዮሙሂ ፡ ተማሠጡ ።

ወተንሥአ ፡ እምነ ፡ ቤቱ ፡ ውእቱ ፡ ወሠለስቲሆሙ ፡ ውሉዱ ፡ ወኵሎሙ ፡ ደቀ ፡ አቡሁ ፡ ወደቁ ፡ ወሖረ ፡ ላዕሌሆሙ ፡ በስሳ ፡ ምእት ፡ ዕድ ፡ እለ ፡ ይጸውሩ ፡ አስይፍተ ፡ 7 ወቀተሎሙ ፡ በውስተ ፡ ጺኦት ፡ ዘሰቂሞን ፡ ወዴገኑ ፡ እለ ፡ ጐዩ ፡ ወቀተሎሙ ፡ በአፈ ፡ ሰይፍ ።

ወተንሥአ ፡ እምነ ፡ ቤቱ ፡ ውእቱ ፡ ወሠለስቲሆሙ ፡ ውሉዱ ፡ ወኵሎሙ ፡ ደቀ ፡ አቡሁ ፡ ወደቁ ፡ ወሖረ ፡ ላዕሌሆሙ ፡ በስሳ ፡ ምእት ፡ ዕድ ፡ እለ ፡ ይጸውሩ ፡ አስይፍተ ፡ 7 ወቀተሎሙ ፡ በውስተ ፡ ጺኦት ፡ ዘሰቂሞን ፡ ወዴገኑ ፡ እለ ፡ ጐዩ ፡ ወቀተሎሙ ፡ በአፈ ፡ ሰይፍ ።

ወአስተጋብአ ፡ መራዕዪሁ ።

ወአስተጋብአ ፡ መራዕዪሁ ።

ወተመይጠ ፡ በሰላም ።

ወተመይጠ ፡ በሰላም ።

ወበሳብዕ ፡ ዓመት ፡ ዘዝ ፡ ሱባዔ ፡ ፈነወ ፡ ዮሴፍሃ ።

ወበሳብዕ ፡ ዓመት ፡ ዘዝ ፡ ሱባዔ ፡ ፈነወ ፡ ዮሴፍሃ ።

ወሐብለይዎ ፡ ወገብሩ ፡ ላዕሌሁ ፡ ምክረ ፡ ከመ ፡ ይቅትልዎ ።

ወሐብለይዎ ፡ ወገብሩ ፡ ላዕሌሁ ፡ ምክረ ፡ ከመ ፡ ይቅትልዎ ።

ወውሉደ ፡ ያዕቆብ ፡ ዘብሑ ፡ ደቤላ ፡ ጠሊ ፡ ወጸንቀቁ ፡ ልብሶ ፡ ለዮሴፍ ፡ በደሙ ፡ ወፈነዉ ፡ ኀበ ፡ ያዕቆብ ፡ አቡሆሙ ፡ አመ ፡ ዐሡሩ ፡ ለወርኅ ፡ ሳብዕ ።

ወውሉደ ፡ ያዕቆብ ፡ ዘብሑ ፡ ደቤላ ፡ ጠሊ ፡ ወጸንቀቁ ፡ ልብሶ ፡ ለዮሴፍ ፡ በደሙ ፡ ወፈነዉ ፡ ኀበ ፡ ያዕቆብ ፡ አቡሆሙ ፡ አመ ፡ ዐሡሩ ፡ ለወርኅ ፡ ሳብዕ ።

ወለሐወ ፡ ኵላ ፡ ይእተ ፡ ሌሊተ ፡ እስመ ፡ ሰርከ ፡ አምጽኡ ፡ ሎቱ ፡ ኪያሁ ፡ ወፈፀነ ፡ በላሐ ፡ ሞቱ ፡ ወይቤ ፡ ከመ ፡ አርዌ ፡ ፀዋግ ፡ በልዖ ፡ ለዮሴፍ ፡ ወላሐዉ ፡ ምስሌሁ ፡ ኵሉ ፡ ሰብአ ፡ ቤቱ ፡ በዛቲ ፡ ዕለት ፡ ወሀለዉ ፡ እንዘ ፡ የሐምሙ ፡ ወይላሕዉ ፡ ምስሌሁ ፡ ኵላ ፡ ይእተ ፡ ዕለተ ።

ወለሐወ ፡ ኵላ ፡ ይእተ ፡ ሌሊተ ፡ እስመ ፡ ሰርከ ፡ አምጽኡ ፡ ሎቱ ፡ ኪያሁ ፡ ወፈፀነ ፡ በላሐ ፡ ሞቱ ፡ ወይቤ ፡ ከመ ፡ አርዌ ፡ ፀዋግ ፡ በልዖ ፡ ለዮሴፍ ፡ ወላሐዉ ፡ ምስሌሁ ፡ ኵሉ ፡ ሰብአ ፡ ቤቱ ፡ በዛቲ ፡ ዕለት ፡ ወሀለዉ ፡ እንዘ ፡ የሐምሙ ፡ ወይላሕዉ ፡ ምስሌሁ ፡ ኵላ ፡ ይእተ ፡ ዕለተ ።

ወተንሥኡ ፡ ውሉዱ ፡ ወወለቱ ፡ ከመ ፡ ይናዝዝዎ ፡ ወኢተናዘዘ ፡ በእንተ ፡ ወልዱ ።

ወተንሥኡ ፡ ውሉዱ ፡ ወወለቱ ፡ ከመ ፡ ይናዝዝዎ ፡ ወኢተናዘዘ ፡ በእንተ ፡ ወልዱ ።

ወበውእቱ ፡ ዕለት ፡ ሰምዐት ፡ ባላን ፡ ከመ ፡ ተሐጕለ ፡ ዮሴፍ ፡ ወእንዘ ፡ ትላሕዎ ፡ ሞተት ፡ ወይእቲ ፡ ሀለወት ፡ ትነብር ፡ ውስተ ፡ ቀፍራቴፋ ፡ ወዲናኒ ፡ ወለቱ ፡ ሞተት ፡ እምድኅረ ፡ ተሐጕለ ፡ ዮሴፍ ፡ ወበጽሖሙ ፡ ለእስራኤል ፡ ዝንቱ ፡ ሠለስቱ ፡ ላሕ ፡ በወርኅ ፡ አሐዱ ፡ 16 ወቀበርዋ ፡ ለባላን ፡ አንጸረ ፡ መቃብራ ፡ ለራሔል ፡ ወዲናሃኒ ፡ ወለቶ ፡ ቀበሩ ፡ ህየ ።

ወበውእቱ ፡ ዕለት ፡ ሰምዐት ፡ ባላን ፡ ከመ ፡ ተሐጕለ ፡ ዮሴፍ ፡ ወእንዘ ፡ ትላሕዎ ፡ ሞተት ፡ ወይእቲ ፡ ሀለወት ፡ ትነብር ፡ ውስተ ፡ ቀፍራቴፋ ፡ ወዲናኒ ፡ ወለቱ ፡ ሞተት ፡ እምድኅረ ፡ ተሐጕለ ፡ ዮሴፍ ፡ ወበጽሖሙ ፡ ለእስራኤል ፡ ዝንቱ ፡ ሠለስቱ ፡ ላሕ ፡ በወርኅ ፡ አሐዱ ፡ 16 ወቀበርዋ ፡ ለባላን ፡ አንጸረ ፡ መቃብራ ፡ ለራሔል ፡ ወዲናሃኒ ፡ ወለቶ ፡ ቀበሩ ፡ ህየ ።

ወሀሎ ፡ እንዘ ፡ ይላሑ ፡ ድኅሬሁ ፡ ለዮሴፍ ፡ ዓመተ ፡ አሐደ ፡ ወኢነገፈ ፡ እስመ ፡ ይቤ ፡ እረድ ፡ ውስተ ፡ መቃብር ፡ እንዘ ፡ እላሑ ፡ በእንተ ፡ ወልድየ ።

ወሀሎ ፡ እንዘ ፡ ይላሑ ፡ ድኅሬሁ ፡ ለዮሴፍ ፡ ዓመተ ፡ አሐደ ፡ ወኢነገፈ ፡ እስመ ፡ ይቤ ፡ እረድ ፡ ውስተ ፡ መቃብር ፡ እንዘ ፡ እላሑ ፡ በእንተ ፡ ወልድየ ።

በእንተዝ ፡ ተሠርዐ ፡ ዲበ ፡ ውሉደ ፡ እስራኤል ፡ ከመ ፡ ይሕመሙ ፡ በዐሡር ፡ ወርኅ ፡ በሳብዕ ፡ አመ ፡ ዕለተ ፡ በጽሐ ፡ ዘያበኪ ፡ ዮሴፍሃ ፡ ኀበ ፡ ያዕቆብ ፡ አቡሁ ፡ ከመ ፡ ያስተስሪ ፡ ባቲ ፡ ሎቱ ፡ በእጕለ ፡ አጣሊ ።

በእንተዝ ፡ ተሠርዐ ፡ ዲበ ፡ ውሉደ ፡ እስራኤል ፡ ከመ ፡ ይሕመሙ ፡ በዐሡር ፡ ወርኅ ፡ በሳብዕ ፡ አመ ፡ ዕለተ ፡ በጽሐ ፡ ዘያበኪ ፡ ዮሴፍሃ ፡ ኀበ ፡ ያዕቆብ ፡ አቡሁ ፡ ከመ ፡ ያስተስሪ ፡ ባቲ ፡ ሎቱ ፡ በእጕለ ፡ አጣሊ ።

ወተሠርዐት ፡ ዛቲ ፡ ዕለት ፡ ከመ ፡ ይሕዘኑ ፡ ባቲ ፡ በእንተ ፡ ኀጢአቶሙ ፡ ወበእንተ ፡ ኵሉ ፡ አበሳሆሙ ፡ ወበእንተ ፡ ኵሉ ፡ ስሕተቶሙ ፡ ከመ ፡ ያንጽሑ ፡ ርእሶሙ ፡ በዛቲ ፡ ዕለት ፡ ምዕረ ፡ ለዓመት ።

ወተሠርዐት ፡ ዛቲ ፡ ዕለት ፡ ከመ ፡ ይሕዘኑ ፡ ባቲ ፡ በእንተ ፡ ኀጢአቶሙ ፡ ወበእንተ ፡ ኵሉ ፡ አበሳሆሙ ፡ ወበእንተ ፡ ኵሉ ፡ ስሕተቶሙ ፡ ከመ ፡ ያንጽሑ ፡ ርእሶሙ ፡ በዛቲ ፡ ዕለት ፡ ምዕረ ፡ ለዓመት ።

ወእምድኅረ ፡ ተሐጕለ ፡ ዮሴፍ ፡ ነሥኡ ፡ ለርእሶሙ ፡ ውሉደ ፡ ያዕቆብ ፡ አንስቲያ ።

ወእምድኅረ ፡ ተሐጕለ ፡ ዮሴፍ ፡ ነሥኡ ፡ ለርእሶሙ ፡ ውሉደ ፡ ያዕቆብ ፡ አንስቲያ ።

ወተመይጦ ፡ ስምዖን ፡ ነሥአ ፡ ብእሲተ ፡ እምነ ፡ መስጴጦምያ ፡ ካልእተ ፡ ከመ ፡ አኀዊሁ ።

ወተመይጦ ፡ ስምዖን ፡ ነሥአ ፡ ብእሲተ ፡ እምነ ፡ መስጴጦምያ ፡ ካልእተ ፡ ከመ ፡ አኀዊሁ ።