禧年書 第 43 章｜2 種原文並排

ወገብረ ፡ በከመ ፡ ይቤሎ ፡ ዮሴፍ ፡ ወመልአ ፡ ሎሙ ፡ አሕስሊሆሙ ፡ ኵሎ ፡ ሲሲተ ፡ ወወርቆሙኒ ፡ ወደየ ፡ ውስተ ፡ አሕስሊሆሙ ፡ ወኮራ ፡ ወደየ ፡ ውስተ ፡ ሐስለ ፡ ብንያም ።

ወገብረ ፡ በከመ ፡ ይቤሎ ፡ ዮሴፍ ፡ ወመልአ ፡ ሎሙ ፡ አሕስሊሆሙ ፡ ኵሎ ፡ ሲሲተ ፡ ወወርቆሙኒ ፡ ወደየ ፡ ውስተ ፡ አሕስሊሆሙ ፡ ወኮራ ፡ ወደየ ፡ ውስተ ፡ ሐስለ ፡ ብንያም ።

ወነግሀ ፡ በጽባሕ ፡ ሖሩ ፡ ወኮነ ፡ ሶበ ፡ ወፅኡ ፡ እምህየ ፡ ይቤሎ ፡ ዮሴፍ ፡ ለብእሴ ፡ ቤቱ ፡ ዴግኖሙ ፡ ሩጽ ፡ ወተጋአዞሙ ፡ እንዘ ፡ ትብል ፡ ህየንተ ፡ ሠናይት ፡ ዐሰይክሙኒ ፡ እኩየ ፡ ሰረቅሙኒ ፡ ጽዋዐ ፡ ብሩር ፡ በዘይሰቲ ፡ እግዚእየ ፡ ወአግብኦ ፡ ሊተ ፡ ለእኁሆሙ ፡ ዘይንእስ ፡ ወፍጡነ ፡ አምጽኦ ፡ ዘእንበለ ፡ እፃእ ፡ ውስተ ፡ ምኵናንየ ፡

ወነግሀ ፡ በጽባሕ ፡ ሖሩ ፡ ወኮነ ፡ ሶበ ፡ ወፅኡ ፡ እምህየ ፡ ይቤሎ ፡ ዮሴፍ ፡ ለብእሴ ፡ ቤቱ ፡ ዴግኖሙ ፡ ሩጽ ፡ ወተጋአዞሙ ፡ እንዘ ፡ ትብል ፡ ህየንተ ፡ ሠናይት ፡ ዐሰይክሙኒ ፡ እኩየ ፡ ሰረቅሙኒ ፡ ጽዋዐ ፡ ብሩር ፡ በዘይሰቲ ፡ እግዚእየ ፡ ወአግብኦ ፡ ሊተ ፡ ለእኁሆሙ ፡ ዘይንእስ ፡ ወፍጡነ ፡ አምጽኦ ፡ ዘእንበለ ፡ እፃእ ፡ ውስተ ፡ ምኵናንየ ፡

ወሮጸ ፡ ድኅሬሆሙ ።

ወሮጸ ፡ ድኅሬሆሙ ።

ወይቤልዎ ፡ ሐሰ ፡ ሎሙ ፡ ለአግብርቲከ ፡ ኢይገብሩ ፡ ዘንተሰ ፡ ነገረ ፡ ወኢይሰርቁ ፡ እምቤተ ፡ እግዚእከ ፡ ምንተኒ ፡ ንዋየ ።

ወይቤልዎ ፡ ሐሰ ፡ ሎሙ ፡ ለአግብርቲከ ፡ ኢይገብሩ ፡ ዘንተሰ ፡ ነገረ ፡ ወኢይሰርቁ ፡ እምቤተ ፡ እግዚእከ ፡ ምንተኒ ፡ ንዋየ ።

እፎ ፡ እንከ ፡ ንሰርቅ ፡ ምንተኒ ፡ ንዋየ ።

እፎ ፡ እንከ ፡ ንሰርቅ ፡ ምንተኒ ፡ ንዋየ ።

ወይቤሎሙ ፡ አኮ ፡ ከማሁ ፡ በኀበ ፡ ብእሲ ፡ ዘረከብክዎ ፡ ባሕቲቶ ፡ እነሥእ ፡ ገብረ ፡ ወአንትሙሰ ፡ ተአትዉ ፡ በሰላም ፡ ቤተክሙ ፡

ወይቤሎሙ ፡ አኮ ፡ ከማሁ ፡ በኀበ ፡ ብእሲ ፡ ዘረከብክዎ ፡ ባሕቲቶ ፡ እነሥእ ፡ ገብረ ፡ ወአንትሙሰ ፡ ተአትዉ ፡ በሰላም ፡ ቤተክሙ ፡

ወእንዘ ፡ ይፈትን ፡ ውስተ ፡ ንዋዮሙ ፡ እምዘ ፡ ይልህቅ ፡ ቀደመ ፡ ወፈጸመ ፡ በኀበ ፡ ዘይንእስ ፡ ወተረክበ ፡ ውስተ ፡ ሐስለ ፡ ብንያም ፡ 8 ወሠጠጡ ፡ አልባሲሆሙ ፡ ወጸዐኑ ፡ ዲበ ፡ አእዱጊሆሙ ፡ ወተመይጡ ፡ ሀገረ ፡ ወበጽሑ ፡ ቤቶ ፡ ለዮሴፍ ፡ ወሰገዱ ፡ ሎቱ ፡ ኵሎሙ ፡ በገጾሙ ፡ ውስተ ፡ ምድር ።

ወእንዘ ፡ ይፈትን ፡ ውስተ ፡ ንዋዮሙ ፡ እምዘ ፡ ይልህቅ ፡ ቀደመ ፡ ወፈጸመ ፡ በኀበ ፡ ዘይንእስ ፡ ወተረክበ ፡ ውስተ ፡ ሐስለ ፡ ብንያም ፡ 8 ወሠጠጡ ፡ አልባሲሆሙ ፡ ወጸዐኑ ፡ ዲበ ፡ አእዱጊሆሙ ፡ ወተመይጡ ፡ ሀገረ ፡ ወበጽሑ ፡ ቤቶ ፡ ለዮሴፍ ፡ ወሰገዱ ፡ ሎቱ ፡ ኵሎሙ ፡ በገጾሙ ፡ ውስተ ፡ ምድር ።

ወይቤሎሙ ፡ ዮሴፍ ፡ እኩየ ፡ ገበርክሙ ፡ ወይቤሉ ፡ ምንተ ፡ ንበል ፡ ወምንተ ፡ ንትዋቀሥ ፡ እግዚእነ ፡ ረከበ ፡ አበሳሆሙ ፡ ለአግብርቲሁ ፡ ነየነ ፡ ንሕነ ፡ አግብርቱ ፡ ለእግዚእነ ፡ ወአእዱጊነሂ ።

ወይቤሎሙ ፡ ዮሴፍ ፡ እኩየ ፡ ገበርክሙ ፡ ወይቤሉ ፡ ምንተ ፡ ንበል ፡ ወምንተ ፡ ንትዋቀሥ ፡ እግዚእነ ፡ ረከበ ፡ አበሳሆሙ ፡ ለአግብርቲሁ ፡ ነየነ ፡ ንሕነ ፡ አግብርቱ ፡ ለእግዚእነ ፡ ወአእዱጊነሂ ።

ወይቤሎሙ ፡ ዮሴፍ ፡ እግዚአብሔር ፡ አንሰ ፡ እፈርህ ፡ አንትሙሰ ፡ ሖሩ ፡ አብያቲክሙ ፡ ወእኁክሙ ፡ ከመ ፡ ይኩን ፡ ቅኑየ ፡ እስመ ፡ እኩየ ፡ ገበርክሙ ፡ ኢታአምሩኑ ፡ ከመ ፡ ያስተአድም ፡ ብእሲ ፡ ጽዋዖ ፡ በከመ ፡ አነ ፡ በዝ ፡ ጽዋዕ ፡ ወኪያሁ ፡ ሰረቅሙኒ ።

ወይቤሎሙ ፡ ዮሴፍ ፡ እግዚአብሔር ፡ አንሰ ፡ እፈርህ ፡ አንትሙሰ ፡ ሖሩ ፡ አብያቲክሙ ፡ ወእኁክሙ ፡ ከመ ፡ ይኩን ፡ ቅኑየ ፡ እስመ ፡ እኩየ ፡ ገበርክሙ ፡ ኢታአምሩኑ ፡ ከመ ፡ ያስተአድም ፡ ብእሲ ፡ ጽዋዖ ፡ በከመ ፡ አነ ፡ በዝ ፡ ጽዋዕ ፡ ወኪያሁ ፡ ሰረቅሙኒ ።

ወይቤ ፡ ይሁዳ ፡ ላዕሌየ ፡ እግዚኦ ፡ እትናገር ፡ ገብርከ ፡ ቃለ ፡ ውስተ ፡ እዝነ ፡ እግዚእየ ።

ወይቤ ፡ ይሁዳ ፡ ላዕሌየ ፡ እግዚኦ ፡ እትናገር ፡ ገብርከ ፡ ቃለ ፡ ውስተ ፡ እዝነ ፡ እግዚእየ ።

ወይከውን ፡ እምከመ ፡ ሖርነ ፡ ኀበ ፡ ገብርከ ፡ አቡነ ፡ ወእምከመ ፡ ኢሀሎ ፡ ምስሌነ ፡ ወሬዛ ፡ ይመውት ፡ ወንቀጽዕ ፡ አባነ ፡ በሐዘን ፡ እስከ ፡ ለመዊት ፡

ወይከውን ፡ እምከመ ፡ ሖርነ ፡ ኀበ ፡ ገብርከ ፡ አቡነ ፡ ወእምከመ ፡ ኢሀሎ ፡ ምስሌነ ፡ ወሬዛ ፡ ይመውት ፡ ወንቀጽዕ ፡ አባነ ፡ በሐዘን ፡ እስከ ፡ ለመዊት ፡

ወእገብር ፡ አነ ፡ ባሕቱ ፡ ገብርከ ፡ ህየንቴሁ ፡ ለሕፃን ፡ ገብረ ፡ ለእግዚእየ ።

ወእገብር ፡ አነ ፡ ባሕቱ ፡ ገብርከ ፡ ህየንቴሁ ፡ ለሕፃን ፡ ገብረ ፡ ለእግዚእየ ።

ወርእየ ፡ ዮሴፍ ፡ ከመ ፡ ልበ ፡ ኵሎሙ ፡ ዕሩይ ፡ ብእሲ ፡ ምስለ ፡ ካልኡ ፡ ለሠናይ ፡ ወስእነ ፡ ተዐግሦ ፡ ወነገሮሙ ፡ ከመ ፡ ውእቱ ፡ ዮሴፍ ፡

ወርእየ ፡ ዮሴፍ ፡ ከመ ፡ ልበ ፡ ኵሎሙ ፡ ዕሩይ ፡ ብእሲ ፡ ምስለ ፡ ካልኡ ፡ ለሠናይ ፡ ወስእነ ፡ ተዐግሦ ፡ ወነገሮሙ ፡ ከመ ፡ ውእቱ ፡ ዮሴፍ ፡

ወተናገረ ፡ ምስሌሆሙ ፡ በከመ ፡ ልሳነ ፡ ዕብራይስጥ ።

ወተናገረ ፡ ምስሌሆሙ ፡ በከመ ፡ ልሳነ ፡ ዕብራይስጥ ።

ወይቤሎሙ ፡ ኢትብክዩ ፡ ላዕሌየ ፡ አፍጥኑ ፡ ወአምጽእዎ ፡ ለአቡየ ፡ ኀቤየ ፡ ወእርአዮ ፡ ዘእንበለ ፡ እሙት ፡ ወአዕይንቲሁኒ ፡ ለእኁየ ፡ ብንያም ፡ እንዘ ፡ ይሬእያ ።

ወይቤሎሙ ፡ ኢትብክዩ ፡ ላዕሌየ ፡ አፍጥኑ ፡ ወአምጽእዎ ፡ ለአቡየ ፡ ኀቤየ ፡ ወእርአዮ ፡ ዘእንበለ ፡ እሙት ፡ ወአዕይንቲሁኒ ፡ ለእኁየ ፡ ብንያም ፡ እንዘ ፡ ይሬእያ ።

እስመ ፡ ናሁ ፡ ዝንቱ ፡ ካልእ ፡ ዓም ፡ ዘዐባር ፡ ወዓዲ ፡ ኀምስቱ ፡ ዓመት ፡ ሀሎ ፡ ወአልቦ ፡ ማእረረ ፡ ወአልቦ ፡ ፍሬ ፡ ዕፅ ፡ ወአልቦ ፡ ሐሪሰ ፡

እስመ ፡ ናሁ ፡ ዝንቱ ፡ ካልእ ፡ ዓም ፡ ዘዐባር ፡ ወዓዲ ፡ ኀምስቱ ፡ ዓመት ፡ ሀሎ ፡ ወአልቦ ፡ ማእረረ ፡ ወአልቦ ፡ ፍሬ ፡ ዕፅ ፡ ወአልቦ ፡ ሐሪሰ ፡

ፍጡነ ፡ ረዱ ፡ አንትሙ ፡ ወአብያቲክሙ ፡ ወኢትትሐጐሉ ፡ በዐባር ፡ ወኢትተክዙ ፡ በእንተ ፡ ጥሪትክሙ ፡ እስመ ፡ ለሠሪዕ ፡ አቅደመ ፡ ፈንዎትየ ፡ እግዚአብሔር ፡ ቅድሜክሙ ፡ ከመ ፡ ይሕየዉ ፡ ሕዝብ ፡ ብዙኃን ።

ፍጡነ ፡ ረዱ ፡ አንትሙ ፡ ወአብያቲክሙ ፡ ወኢትትሐጐሉ ፡ በዐባር ፡ ወኢትተክዙ ፡ በእንተ ፡ ጥሪትክሙ ፡ እስመ ፡ ለሠሪዕ ፡ አቅደመ ፡ ፈንዎትየ ፡ እግዚአብሔር ፡ ቅድሜክሙ ፡ ከመ ፡ ይሕየዉ ፡ ሕዝብ ፡ ብዙኃን ።

ወዜንውዎ ፡ ለአቡየ ፡ ከመ ፡ ዓዲ ፡ ሕያው ፡ አነ ፡ ወአንትሙኒ ፡ ናሁ ፡ ትሬእዩ ፡ ከመ ፡ ሠርዐኒ ፡ እግዚአብሔር ፡ ከመ ፡ እንተ ፡ አቡሁ ፡ ለፈርዖን ፡ ወከመ ፡ እመብል ፡ ውስተ ፡ ቤቱ ፡ ወዲበ ፡ ኵሉ ፡ ምድረ ፡ ግብጽ ፡

ወዜንውዎ ፡ ለአቡየ ፡ ከመ ፡ ዓዲ ፡ ሕያው ፡ አነ ፡ ወአንትሙኒ ፡ ናሁ ፡ ትሬእዩ ፡ ከመ ፡ ሠርዐኒ ፡ እግዚአብሔር ፡ ከመ ፡ እንተ ፡ አቡሁ ፡ ለፈርዖን ፡ ወከመ ፡ እመብል ፡ ውስተ ፡ ቤቱ ፡ ወዲበ ፡ ኵሉ ፡ ምድረ ፡ ግብጽ ፡

ወዜንውዎ ፡ ለአቡየ ፡ ኵሎ ፡ ክብርየ ፡ ወኵሎ ፡ ዘመጠነ ፡ ወሀበኒ ፡ እግዚአብሔር ፡ ብዕለ ፡ ወክብረ ።

ወዜንውዎ ፡ ለአቡየ ፡ ኵሎ ፡ ክብርየ ፡ ወኵሎ ፡ ዘመጠነ ፡ ወሀበኒ ፡ እግዚአብሔር ፡ ብዕለ ፡ ወክብረ ።

ወወሀቦሙ ፡ በቃለ ፡ አፈ ፡ ፈርዖን ፡ ሰረገላተ ፡ ወሥንቀ ፡ ለፍኖት ፡ ወወሀቦሙ ፡ ለኵሎሙ ፡ አልባሰ ፡ ሕብር ፡ ወብሩረ ።

ወወሀቦሙ ፡ በቃለ ፡ አፈ ፡ ፈርዖን ፡ ሰረገላተ ፡ ወሥንቀ ፡ ለፍኖት ፡ ወወሀቦሙ ፡ ለኵሎሙ ፡ አልባሰ ፡ ሕብር ፡ ወብሩረ ።

ወለአቡሆሙኒ ፡ ፈነወ ፡ አልባሰ ፡ ወብሩረ ፡ ወዐሠርተ ፡ አእዱገ ፡ ዘይወስዱ ፡ ስርናየ ፡ ወፈነዎሙ ፡

ወለአቡሆሙኒ ፡ ፈነወ ፡ አልባሰ ፡ ወብሩረ ፡ ወዐሠርተ ፡ አእዱገ ፡ ዘይወስዱ ፡ ስርናየ ፡ ወፈነዎሙ ፡

ወዐርጉ ፡ ወዜነዉ ፡ ለአቡሆሙ ።

ወዐርጉ ፡ ወዜነዉ ፡ ለአቡሆሙ ።

ወኢአምነ ፡ አቡሆሙ ፡ እስመ ፡ ደንገፀ ፡ በኅሊናሁ ።

ወኢአምነ ፡ አቡሆሙ ፡ እስመ ፡ ደንገፀ ፡ በኅሊናሁ ።