禧年書 第 9 章｜2 種原文並排

ወከፈለ ፡ ካም ፡ ማእከለ ፡ ውሉዱ ፡ ወወፅአ ፡ ቀዳሚ ፡ መክፈልት ፡ ለኵስ ፡ መንገለ ፡ ጽባሕ ፡ ወዐረቢሁ ፡ ለሜጽሬም ፡ ወዐረቢሁ ፡ ሎቱ ፡ ለፉድ ።

ወከፈለ ፡ ካም ፡ ማእከለ ፡ ውሉዱ ፡ ወወፅአ ፡ ቀዳሚ ፡ መክፈልት ፡ ለኵስ ፡ መንገለ ፡ ጽባሕ ፡ ወዐረቢሁ ፡ ለሜጽሬም ፡ ወዐረቢሁ ፡ ሎቱ ፡ ለፉድ ።

ወሴምኒ ፡ ከፈለ ፡ ውእቱሂ ፡ ማእከለ ፡ ውሉዱ ፡ ወወፅአ ፡ መክፈልት ፡ ቀዳሚ ፡ ለኤላም ፡ ወለውሉዱ ፡ መንገለ ፡ ጽባሑ ፡ ለጢግሪስ ፡ ፈለግ ፡ እስከ ፡ ሶበ ፡ ይቀርብ ፡ መንገለ ፡ ጽባሐ ፡ ኵላ ፡ ምድረ ፡ እንደኬ ፡ ወበኤርትራ ፡ በእዴሁ ፡ ወማያተ ፡ ዴዳን ፡ ወኵሉ ፡ አድባር ፡ ዘምብሪ ፡ ወኤላ ፡ ወኵሉ ፡ ምድረ ፡ ሱሳን ፡ ወኵሉ ፡ ዘበእደ ፡ ፈርናክ ፡ እስከ ፡ ባሕረ ፡ ኤርትራ ፡ ወእስከ ፡ ጢና ፡ ፈለግ ፡

ወሴምኒ ፡ ከፈለ ፡ ውእቱሂ ፡ ማእከለ ፡ ውሉዱ ፡ ወወፅአ ፡ መክፈልት ፡ ቀዳሚ ፡ ለኤላም ፡ ወለውሉዱ ፡ መንገለ ፡ ጽባሑ ፡ ለጢግሪስ ፡ ፈለግ ፡ እስከ ፡ ሶበ ፡ ይቀርብ ፡ መንገለ ፡ ጽባሐ ፡ ኵላ ፡ ምድረ ፡ እንደኬ ፡ ወበኤርትራ ፡ በእዴሁ ፡ ወማያተ ፡ ዴዳን ፡ ወኵሉ ፡ አድባር ፡ ዘምብሪ ፡ ወኤላ ፡ ወኵሉ ፡ ምድረ ፡ ሱሳን ፡ ወኵሉ ፡ ዘበእደ ፡ ፈርናክ ፡ እስከ ፡ ባሕረ ፡ ኤርትራ ፡ ወእስከ ፡ ጢና ፡ ፈለግ ፡

ወለአሱርኒ ፡ ወፅአ ፡ መክፈልት ፡ ካልእ ፡ ኵላ ፡ ምድረ ፡ አሱር ፡ ወነነዌ ፡ ወሲናአር ፡ ወሰክ ፡ እስከ ፡ ቅሩበ ፡ እንደኬ ፡ ወየዐርግ ፡ ወደፋ ፡ ፈለግ ፡

ወለአሱርኒ ፡ ወፅአ ፡ መክፈልት ፡ ካልእ ፡ ኵላ ፡ ምድረ ፡ አሱር ፡ ወነነዌ ፡ ወሲናአር ፡ ወሰክ ፡ እስከ ፡ ቅሩበ ፡ እንደኬ ፡ ወየዐርግ ፡ ወደፋ ፡ ፈለግ ፡

ወለአርፋክስድ ፡ ወፅአ ፡ መክፈልት ፡ ሣልስ ፡ ኵላ ፡ ምድረ ፡ ዘደወለ ፡ ከላዴዎን ፡ መንገለ ፡ ጽባሑ ፡ ለኤውፍራጢስ ፡ ዘቅሩብ ፡ ለባሕረ ፡ ኤርትራ ፡ ወኵሉ ፡ ማያተ ፡ ገዳም ፡ እስከ ፡ ቅሩብ ፡ ውስተ ፡ ልሳነ ፡ ባሕር ፡ እንተ ፡ ትኔጽር ፡ መንገለ ፡ ግብጽ ፡ ኵላ ፡ ምድረ ፡ ሊባኖስ ፡ ወሳኒር ፡ ወአማና ፡ እስከ ፡ ቅሩበ ፡ ኤውፍራጢስ ።

ወለአርፋክስድ ፡ ወፅአ ፡ መክፈልት ፡ ሣልስ ፡ ኵላ ፡ ምድረ ፡ ዘደወለ ፡ ከላዴዎን ፡ መንገለ ፡ ጽባሑ ፡ ለኤውፍራጢስ ፡ ዘቅሩብ ፡ ለባሕረ ፡ ኤርትራ ፡ ወኵሉ ፡ ማያተ ፡ ገዳም ፡ እስከ ፡ ቅሩብ ፡ ውስተ ፡ ልሳነ ፡ ባሕር ፡ እንተ ፡ ትኔጽር ፡ መንገለ ፡ ግብጽ ፡ ኵላ ፡ ምድረ ፡ ሊባኖስ ፡ ወሳኒር ፡ ወአማና ፡ እስከ ፡ ቅሩበ ፡ ኤውፍራጢስ ።

ወለአራም ፡ ወፅአ ፡ መክፈልት ፡ ራብዕ ፡ ኵላ ፡ ምድረ ፡ ሜስጴጦምያ ፡ ማእከለ ፡ ጢግሮስ ፡ ወኤፍራጢስ ፡ መንገለ ፡ ደቡበ ፡ ከለዳውያን ፡ እስከ ፡ ቅሩበ ፡ ደብረ ፡ አሱር ፡ ወምድረ ፡ አራራ ።

ወለአራም ፡ ወፅአ ፡ መክፈልት ፡ ራብዕ ፡ ኵላ ፡ ምድረ ፡ ሜስጴጦምያ ፡ ማእከለ ፡ ጢግሮስ ፡ ወኤፍራጢስ ፡ መንገለ ፡ ደቡበ ፡ ከለዳውያን ፡ እስከ ፡ ቅሩበ ፡ ደብረ ፡ አሱር ፡ ወምድረ ፡ አራራ ።

ወለሉድ ፡ ውፅአ ፡ መክፈልት ፡ ኃምስ ፡ ደብረ ፡ አሱር ፡ ወኵሉ ፡ ዘዚአሁ ፡ እስከ ፡ ይቀርብ ፡ ባሕረ ፡ ዐቢየ ፡ ወይቀርብ ፡ መንገለ ፡ ጽባሕ ፡ አሱር ፡ እኁሁ ።

ወለሉድ ፡ ውፅአ ፡ መክፈልት ፡ ኃምስ ፡ ደብረ ፡ አሱር ፡ ወኵሉ ፡ ዘዚአሁ ፡ እስከ ፡ ይቀርብ ፡ ባሕረ ፡ ዐቢየ ፡ ወይቀርብ ፡ መንገለ ፡ ጽባሕ ፡ አሱር ፡ እኁሁ ።

ወያፌት ፡ ውእቱሂ ፡ ከፈለ ፡ ምድረ ፡ ለርስት ፡ ማእከለ ፡ ውሉዱ ፡ 8 ወወፅአ ፡ መክፈልት ፡ ቀዳሚ ፡ ለጎሜር ፡ መንገለ ፡ ጽባሕ ፡ እምገጸ ፡ ደቡብ ፡ እስከ ፡ ጢና ፡ ፈለግ ።

ወያፌት ፡ ውእቱሂ ፡ ከፈለ ፡ ምድረ ፡ ለርስት ፡ ማእከለ ፡ ውሉዱ ፡ 8 ወወፅአ ፡ መክፈልት ፡ ቀዳሚ ፡ ለጎሜር ፡ መንገለ ፡ ጽባሕ ፡ እምገጸ ፡ ደቡብ ፡ እስከ ፡ ጢና ፡ ፈለግ ።

ወለማዳይ ፡ ወፅአ ፡ መክፈልት ፡ ከመ ፡ የአኃዝ ፡ እምዐረብ ፡ ለክልኤሆሙ ፡ አኃዊሁ ፡ እስከ ፡ ደሰያት ፡ ወእስከ ፡ ጽነፊሆን ፡ ለደሰያት ፡ 10 ወለኢዮእዋን ፡ ወፅአ ፡ መክፈልት ፡ ራብዕ ፡ ኵሉ ፡ ደሴት ፡ ወደሰያት ፡ ዘመንገለ ፡ እደ ፡ ሉድ ።

ወለማዳይ ፡ ወፅአ ፡ መክፈልት ፡ ከመ ፡ የአኃዝ ፡ እምዐረብ ፡ ለክልኤሆሙ ፡ አኃዊሁ ፡ እስከ ፡ ደሰያት ፡ ወእስከ ፡ ጽነፊሆን ፡ ለደሰያት ፡ 10 ወለኢዮእዋን ፡ ወፅአ ፡ መክፈልት ፡ ራብዕ ፡ ኵሉ ፡ ደሴት ፡ ወደሰያት ፡ ዘመንገለ ፡ እደ ፡ ሉድ ።

ወለቶቤልሂ ፡ ወፅአ ፡ መክፈልት ፡ ኃምስ ፡ ማእከለ ፡ ልሳን ፡ እንተ ፡ ትቀርብ ፡ መንገለ ፡ እደ ፡ መክፈልተ ፡ ሉድ ፡ እስከ ፡ ልሳን ፡ ካልእት ፡ ወማዕዶታ ፡ ለልሳን ፡ ካልእት ፡ ውስተ ፡ ልሳን ፡ ሣልስት ።

ወለቶቤልሂ ፡ ወፅአ ፡ መክፈልት ፡ ኃምስ ፡ ማእከለ ፡ ልሳን ፡ እንተ ፡ ትቀርብ ፡ መንገለ ፡ እደ ፡ መክፈልተ ፡ ሉድ ፡ እስከ ፡ ልሳን ፡ ካልእት ፡ ወማዕዶታ ፡ ለልሳን ፡ ካልእት ፡ ውስተ ፡ ልሳን ፡ ሣልስት ።

ወለስምክ ፡ ወፅአ ፡ መክፈልት ፡ ሳድስ ፡ ወኵሉ ፡ ማዕዶተ ፡ ልሳን ፡ ዘሣልስት ፡ እስከ ፡ ይቀርብ ፡ ጽባሒሁ ፡ ለጋዲር ።

ወለስምክ ፡ ወፅአ ፡ መክፈልት ፡ ሳድስ ፡ ወኵሉ ፡ ማዕዶተ ፡ ልሳን ፡ ዘሣልስት ፡ እስከ ፡ ይቀርብ ፡ ጽባሒሁ ፡ ለጋዲር ።

ወለቲራስ ፡ ወፅአ ፡ መክፈልት ፡ ሳብዕ ፡ አርባዕቱ ፡ ደሰያት ፡ ዐበይት ፡ በማእከለ ፡ ባሕር ፡ እለ ፡ ይቀርባ ፡ ለመክፈልተ ፡ ካም ።

ወለቲራስ ፡ ወፅአ ፡ መክፈልት ፡ ሳብዕ ፡ አርባዕቱ ፡ ደሰያት ፡ ዐበይት ፡ በማእከለ ፡ ባሕር ፡ እለ ፡ ይቀርባ ፡ ለመክፈልተ ፡ ካም ።

ወከመዝ ፡ ከፈሉ ፡ ውሉደ ፡ ኖኅ ፡ ለደቂቆሙ ፡ በቅድመ ፡ ኖኅ ፡ አቡሆሙ ።

ወከመዝ ፡ ከፈሉ ፡ ውሉደ ፡ ኖኅ ፡ ለደቂቆሙ ፡ በቅድመ ፡ ኖኅ ፡ አቡሆሙ ።

ወይቤሉ ፡ ኵሎሙ ፡ ለይኩን ፡ ወለይኩን ፡ ሎሙ ፡ ወለውሉዶሙ ፡ እስከ ፡ ለዓለም ፡ በትዝምዶሙ ፡ እስከ ፡ አመ ፡ ዕለተ ፡ ደይን ፡ በዘ ፡ ይኴንኖሙ ፡ እግዚአብሔር ፡ አምላክ ፡ በሰይፍ ፡ ወበእሳት ፡ በእንተ ፡ ኵሉ ፡ እከይ ፡ ዘርኵስ ፡ ዘጌጋዮሙ ፡ ዘመልእዋ ፡ ለምድር ፡ አበሳ ፡ ወርኵሰ ፡ ወዝሙተ ፡ ወኃጢአተ ።

ወይቤሉ ፡ ኵሎሙ ፡ ለይኩን ፡ ወለይኩን ፡ ሎሙ ፡ ወለውሉዶሙ ፡ እስከ ፡ ለዓለም ፡ በትዝምዶሙ ፡ እስከ ፡ አመ ፡ ዕለተ ፡ ደይን ፡ በዘ ፡ ይኴንኖሙ ፡ እግዚአብሔር ፡ አምላክ ፡ በሰይፍ ፡ ወበእሳት ፡ በእንተ ፡ ኵሉ ፡ እከይ ፡ ዘርኵስ ፡ ዘጌጋዮሙ ፡ ዘመልእዋ ፡ ለምድር ፡ አበሳ ፡ ወርኵሰ ፡ ወዝሙተ ፡ ወኃጢአተ ።