1 Meqabyan (Ethiopian)

1 Meqabyan (Ethiopian) 12 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
12:1	ዝንቱኪ፡ ኃሣርኪ፡ ወለተ፡ ኢየሩሳሌም፡ ዘተጽሕፈ፡ በነቢይ፡ እስመ፡ ዘከመ፡ ምግባሮሙ፡ ወአበሳሆሙ፡ ለሰብአ፡ ሰዶም፡ ወገሞራ፡ ከማሁኪ፡ ምግባርኪ፡ ወአበሳኪ፡ ወለተ፡ ኢየሩሳሌም።	ዝንቱኪ፡ ኃሣርኪ፡ ወለተ፡ ኢየሩሳሌም፡ ዘተጽሕፈ፡ በነቢይ፡ እስመ፡ ዘከመ፡ ምግባሮሙ፡ ወአበሳሆሙ፡ ለሰብአ፡ ሰዶም፡ ወገሞራ፡ ከማሁኪ፡ ምግባርኪ፡ ወአበሳኪ፡ ወለተ፡ ኢየሩሳሌም።
12:2	ወበከመ፡ ሰዶም፡ ወገሞራ፡ ከማሁ፡ ኃሣርኪ፡ ተተክለ፡ ዓፀደ፡ ወይኖሙ፡ በዝሙት፡ ወበትዕቢት።	ወበከመ፡ ሰዶም፡ ወገሞራ፡ ከማሁ፡ ኃሣርኪ፡ ተተክለ፡ ዓፀደ፡ ወይኖሙ፡ በዝሙት፡ ወበትዕቢት።
12:3	ወኢዘንመ፡ ላዕሌሆሙ፡ ዝናመ፡ ትሕትና፡ ወምሕረት፡ ዘእንበለ፡ ዝናመ፡ ትዕቢት፡ ወዝሙት፡ በዘይሠርፅ፡ ዓፀደ፡ ወይኖሙ፡ ዘእንበለ፡ ዓመፃ፡ ወጹግ፡ ወትዕግልት፡ ወክዒወ፡ ወም፡ ወረሲአ፡ ስመ፡ እግዚአብሔር፡ አምላኮሙ።	ወኢዘንመ፡ ላዕሌሆሙ፡ ዝናመ፡ ትሕትና፡ ወምሕረት፡ ዘእንበለ፡ ዝናመ፡ ትዕቢት፡ ወዝሙት፡ በዘይሠርፅ፡ ዓፀደ፡ ወይኖሙ፡ ዘእንበለ፡ ዓመፃ፡ ወጹግ፡ ወትዕግልት፡ ወክዒወ፡ ወም፡ ወረሲአ፡ ስመ፡ እግዚአብሔር፡ አምላኮሙ።
12:4	ወኢያእመርዎ፡ ለፈጣሪሆሙ፡ ዘእንበለ፡ ጣዖቶም፡ ወእክዩም፡ ግባሮሙ፡ ወተፈግዑ፡ በግብረ፡ እደዊሆሙ፡ ወይገብሩ፡ ምርዓተ፡ ምስለ፡ እንስሰ፡ ወተባዕት።	ወኢያእመርዎ፡ ለፈጣሪሆሙ፡ ዘእንበለ፡ ጣዖቶም፡ ወእክዩም፡ ግባሮሙ፡ ወተፈግዑ፡ በግብረ፡ እደዊሆሙ፡ ወይገብሩ፡ ምርዓተ፡ ምስለ፡ እንስሰ፡ ወተባዕት።
12:5	ወኢያእምርዎ፡ ለእግዚአብሔር፡ በምግባሮሙእስመ፡ ዖሩ፡ አዕይንቲሆሙ፡ ከመ፡ ኢይርአዩ፡ ወጻመ፡ እዘኒሆሙ፡ ከመ፡ ኢይሰምዑ፡ ወኢይግበሩ፡ ፈቃደ፡ ለእግዚአብሔር፡ ወዘያሠምር፡ ዓፀደ፡ ወይነ፡ ሰዶም፡ እሙንቱ፡ ሐረገ፡ ወይን፡ ገሞራ፡ እሙንት፡ እለ፡ ኢይፈርዩ፡ አስካለ፡ ጥዑመ።	ወኢያእምርዎ፡ ለእግዚአብሔር፡ በምግባሮሙእስመ፡ ዖሩ፡ አዕይንቲሆሙ፡ ከመ፡ ኢይርአዩ፡ ወጻመ፡ እዘኒሆሙ፡ ከመ፡ ኢይሰምዑ፡ ወኢይግበሩ፡ ፈቃደ፡ ለእግዚአብሔር፡ ወዘያሠምር፡ ዓፀደ፡ ወይነ፡ ሰዶም፡ እሙንቱ፡ ሐረገ፡ ወይን፡ ገሞራ፡ እሙንት፡ እለ፡ ኢይፈርዩ፡ አስካለ፡ ጥዑመ።
12:6	ወሶበኒ፡ ዓፀርዎ፡ ለወይኖሙ፡ ይከውን፡ ሕምዘ፡ ዘይቀትል፡ እስመ፡ እምፍጥረቱ፡ ተተክለ፡ በመርገው፡ ወፀዓቱ፡ ኮነ፡ በዘመነ፡ መንሱት።	ወሶበኒ፡ ዓፀርዎ፡ ለወይኖሙ፡ ይከውን፡ ሕምዘ፡ ዘይቀትል፡ እስመ፡ እምፍጥረቱ፡ ተተክለ፡ በመርገው፡ ወፀዓቱ፡ ኮነ፡ በዘመነ፡ መንሱት።
12:7	ወበኵሉ፡ ጊዜ፡ አልቦ፡ ሠናይ፡ ለሐረገ፡ ወይኖሙ፡ እስመ፡ በጠለ፡ ሲኦል፡ ተሰቅየ፡ ዓፀደ፡ ወይኖሙ፡ በነፋሰ፡ ሐሩር፡ ፀንዓ፡ ኃረጎሙ።	ወበኵሉ፡ ጊዜ፡ አልቦ፡ ሠናይ፡ ለሐረገ፡ ወይኖሙ፡ እስመ፡ በጠለ፡ ሲኦል፡ ተሰቅየ፡ ዓፀደ፡ ወይኖሙ፡ በነፋሰ፡ ሐሩር፡ ፀንዓ፡ ኃረጎሙ።
12:8	ወሶበኒ፡ ፈረየ፡ ወተዐፀረ፡ ኮነ፡ ለሙስና፡ ወለመቅሠፍት፡ ወለእለ፡ ይሰትይዎ፡ ያገዝፍ፡ አልባቢሆሙ፡ ወይረስዮሙ፡ ለቍራረ፡ ውርሑቃነ፡ እምእግዚአብሔር።	ወሶበኒ፡ ፈረየ፡ ወተዐፀረ፡ ኮነ፡ ለሙስና፡ ወለመቅሠፍት፡ ወለእለ፡ ይሰትይዎ፡ ያገዝፍ፡ አልባቢሆሙ፡ ወይረስዮሙ፡ ለቍራረ፡ ውርሑቃነ፡ እምእግዚአብሔር።
12:9	ወማኅደረ፡ ለዲያብሎስ፡ እስመ፡ በምግባረ፡ ዚአሁ፡ እኩይ፡ የሐውሩ፡ ወሐረገ፡ ሰዶምኒ፡ ትእኅዝ፡ በሊዓ፡ ወተዓርግ፡ ውስተ፡ አድባር፡ ወውስተ፡ አዕዋም።	ወማኅደረ፡ ለዲያብሎስ፡ እስመ፡ በምግባረ፡ ዚአሁ፡ እኩይ፡ የሐውሩ፡ ወሐረገ፡ ሰዶምኒ፡ ትእኅዝ፡ በሊዓ፡ ወተዓርግ፡ ውስተ፡ አድባር፡ ወውስተ፡ አዕዋም።
12:10	ወትኬልሎ፡ ለበዓለ፡ ዘበዓውደ፡ ያመልኩ፡ ወትሠውዕ፡ ደቂቃ፡ ወአዋልዲሃ፡ ለአጋንንት፡ እለ፡ ኢየአምርዎ፡ ለእኩይ፡ ወለሠናይ።	ወትኬልሎ፡ ለበዓለ፡ ዘበዓውደ፡ ያመልኩ፡ ወትሠውዕ፡ ደቂቃ፡ ወአዋልዲሃ፡ ለአጋንንት፡ እለ፡ ኢየአምርዎ፡ ለእኩይ፡ ወለሠናይ።
12:11	ወይክዕው፡ ደመ፡ ንጹሐ፡ ወውስተ፡ ግልፍዋት፡ ያወጽሑ፡ እም፡ አስካሊሃ፡ ለዓፀደ፡ ወይነ፡ ሰዶም።	ወይክዕው፡ ደመ፡ ንጹሐ፡ ወውስተ፡ ግልፍዋት፡ ያወጽሑ፡ እም፡ አስካሊሃ፡ ለዓፀደ፡ ወይነ፡ ሰዶም።
12:12	ወደጎነሂ፡ ዘኢሎፍሊ፡ ታመልክ፡ ወታከብር፡ ወትሠውዕ፡ ሎቱ፡ እምስቡሐኒሃ፡ ወእመራዕይሃ፡ ከመ፡ ትትፈጋዕ፡ በሞፃሕቶሙ፡ ወበዕበዶሙ፡ ዘመሐርዋ፡ አጋንንት፡ ከመ፡ ትሡዕ፡ ሎሙ፡ ወትገብር፡ ፈቃዶሙ።	ወደጎነሂ፡ ዘኢሎፍሊ፡ ታመልክ፡ ወታከብር፡ ወትሠውዕ፡ ሎቱ፡ እምስቡሐኒሃ፡ ወእመራዕይሃ፡ ከመ፡ ትትፈጋዕ፡ በሞፃሕቶሙ፡ ወበዕበዶሙ፡ ዘመሐርዋ፡ አጋንንት፡ ከመ፡ ትሡዕ፡ ሎሙ፡ ወትገብር፡ ፈቃዶሙ።
12:13	ወከመ፡ ኢታእምር፡ ፈጣሪሃ፡ እግዚአብሔርሃ፡ በኩሉ፡ ጊዜ፡ ዘይሴስያ፡ ወየሐንፃ፡ እምንዕሳ፡ እስከ፡ መዋዕለ፡ ውርዙታ፡ ወዓዲ፡ እስከ፡ መዋዕለ፡ ርስዓታ፡ ወእስከ፡ ዕለተ፡ ሞታ።	ወከመ፡ ኢታእምር፡ ፈጣሪሃ፡ እግዚአብሔርሃ፡ በኩሉ፡ ጊዜ፡ ዘይሴስያ፡ ወየሐንፃ፡ እምንዕሳ፡ እስከ፡ መዋዕለ፡ ውርዙታ፡ ወዓዲ፡ እስከ፡ መዋዕለ፡ ርስዓታ፡ ወእስከ፡ ዕለተ፡ ሞታ።
12:14	ወዓዲ፡ እትቤቀል፡ አመ፡ ትንሣኤ፡ ወይከውን፡ ጊዜሃ፡ እስከ፡ ለዓለም፡ እስመ፡ ኢተመይጠት፡ ውስተ፡ ሕግየ፡ ወኢሖረት፡ በትእዛዝየ።	ወዓዲ፡ እትቤቀል፡ አመ፡ ትንሣኤ፡ ወይከውን፡ ጊዜሃ፡ እስከ፡ ለዓለም፡ እስመ፡ ኢተመይጠት፡ ውስተ፡ ሕግየ፡ ወኢሖረት፡ በትእዛዝየ።
12:15	ይትነሥኡኪ፡ አማልክቲሃ፡ ለእመ፡ ኮኑ፡ አማልክተ፡ ዕሙነ፡ ይሩፁምስሌሃ፡ ውስተ፡ ገሃነም፡ ወያድኅንዋ፡ አመ፡ ተማዕኩ፡ አነ፡ ላዕሌሃ፡ በመዓትየ፡ ወአሰሰልኩ፡ ኵሎሙ፡ መመሐዛኒሃ፡ እለ፡ ይዜምው፡ ምስሌሃ።	ይትነሥኡኪ፡ አማልክቲሃ፡ ለእመ፡ ኮኑ፡ አማልክተ፡ ዕሙነ፡ ይሩፁምስሌሃ፡ ውስተ፡ ገሃነም፡ ወያድኅንዋ፡ አመ፡ ተማዕኩ፡ አነ፡ ላዕሌሃ፡ በመዓትየ፡ ወአሰሰልኩ፡ ኵሎሙ፡ መመሐዛኒሃ፡ እለ፡ ይዜምው፡ ምስሌሃ።
12:16	ወረሰይክዋ፡ ኅሥርተ፡ በኵሉ፡ ዘከመ፡ ገብረት፡ ጽዕልተ፡ ወኃሣረ፡ በላዕለ፡ ቤትየ፡ ወቅዱሳትየ።	ወረሰይክዋ፡ ኅሥርተ፡ በኵሉ፡ ዘከመ፡ ገብረት፡ ጽዕልተ፡ ወኃሣረ፡ በላዕለ፡ ቤትየ፡ ወቅዱሳትየ።
12:17	ወአምጽአት፡ ስምየ፡ ዘተሰምየ፡ በላዕሌሃ፡ እንዘ፡ ይብልዋ፡ ዝየ፡ ሕዝበ፡ እግዚአብሔር፡ ወቤተ፡ እግዚአብሔር፡ ዘእስራኤል፡ ወማኅደረ፡ ስሙ፡ ለልዑል፡ ኢየሩሳሌም፡ ቅድስተ፡ ቅዱሳን፡ ሀገሩ፡ ለንጉሥ፡ ዓቢይ።	ወአምጽአት፡ ስምየ፡ ዘተሰምየ፡ በላዕሌሃ፡ እንዘ፡ ይብልዋ፡ ዝየ፡ ሕዝበ፡ እግዚአብሔር፡ ወቤተ፡ እግዚአብሔር፡ ዘእስራኤል፡ ወማኅደረ፡ ስሙ፡ ለልዑል፡ ኢየሩሳሌም፡ ቅድስተ፡ ቅዱሳን፡ ሀገሩ፡ ለንጉሥ፡ ዓቢይ።
12:18	ወትትሜካህ፡ ብየ፡ ከመ፡ ይእቲ፡ ዓመትየ፡ ወአነኒ፡ እግዚኦ፡ ወአኮ፡ ዘትፈርሃኒ፡ ወትገብር፡ ፈቃድየ፡ ከመ፡ እግዚኦ፡ አላ፡ ትትቃጸበኒ፡ ከመ፡ ዓላዊ።	ወትትሜካህ፡ ብየ፡ ከመ፡ ይእቲ፡ ዓመትየ፡ ወአነኒ፡ እግዚኦ፡ ወአኮ፡ ዘትፈርሃኒ፡ ወትገብር፡ ፈቃድየ፡ ከመ፡ እግዚኦ፡ አላ፡ ትትቃጸበኒ፡ ከመ፡ ዓላዊ።
12:19	ወትትቀነይ፡ ለባዕዳን፡ አማላክት፡ እለ፡ ኢይሴስይዋ፡ ወኢያልህቅዋ፡ ወኢየዓርዝዋ፡ አላ፡ ጻዕሙ፡ ኮንዋ፡ ዕቅፍተ፡ ለአስሕቶ፡ ከመ፡ ያርኅቅዋ፡ እምኔየ።	ወትትቀነይ፡ ለባዕዳን፡ አማላክት፡ እለ፡ ኢይሴስይዋ፡ ወኢያልህቅዋ፡ ወኢየዓርዝዋ፡ አላ፡ ጻዕሙ፡ ኮንዋ፡ ዕቅፍተ፡ ለአስሕቶ፡ ከመ፡ ያርኅቅዋ፡ እምኔየ።
12:20	ወተሠውዕ፡ ሎሙ፡ ወትበልዕ፡ መሥዋዕቶሙ፡ ወታወጽሕ፡ ሎሙ፡ ወትሰቲ፡ ወይነ፡ ሞፃሕቶሙ፡ ወተዓጥን፡ ሎሙ፡ ወታፂኑ፡ መዓዛ፡ ዕጣኖሙ፡ ወይኤዝዝዋ፡ ወትትኤዘዝ፡ ሎሙ።	ወተሠውዕ፡ ሎሙ፡ ወትበልዕ፡ መሥዋዕቶሙ፡ ወታወጽሕ፡ ሎሙ፡ ወትሰቲ፡ ወይነ፡ ሞፃሕቶሙ፡ ወተዓጥን፡ ሎሙ፡ ወታፂኑ፡ መዓዛ፡ ዕጣኖሙ፡ ወይኤዝዝዋ፡ ወትትኤዘዝ፡ ሎሙ።
12:21	ወዓዲ፡ ትሠውእ፡ ደቂቃ፡ ወአዋልዲሃ፡ ወትትጌሣሕ፡ በግብረ፡ እደዊሃ፡ ወበፃማ፡ ከናፍሪሃ፡ እስመ፡ ትዌውዕ፡ ሎሙ፡ በእንተ፡ ፍቅሮሙ።	ወዓዲ፡ ትሠውእ፡ ደቂቃ፡ ወአዋልዲሃ፡ ወትትጌሣሕ፡ በግብረ፡ እደዊሃ፡ ወበፃማ፡ ከናፍሪሃ፡ እስመ፡ ትዌውዕ፡ ሎሙ፡ በእንተ፡ ፍቅሮሙ።
12:22	አሌሳ፡ በዕለተ፡ ደይን፡ ላቲኒ፡ ወለአማልክቲሃ፡ እለ፡ ታፈቅሮሙ፡ ወተሐቀፎሙ፡ ወምስሌሆሙ፡ ትወርድ፡ ውስተ፡ ሲኦል፡ መትሕተ፡ ታሕቲት፡ ኀበ፡ ዕፄሁ፡ ዝኢይነውም፡ ውእስቱ፡ ዘኢይጠፍዕ።	አሌሳ፡ በዕለተ፡ ደይን፡ ላቲኒ፡ ወለአማልክቲሃ፡ እለ፡ ታፈቅሮሙ፡ ወተሐቀፎሙ፡ ወምስሌሆሙ፡ ትወርድ፡ ውስተ፡ ሲኦል፡ መትሕተ፡ ታሕቲት፡ ኀበ፡ ዕፄሁ፡ ዝኢይነውም፡ ውእስቱ፡ ዘኢይጠፍዕ።
12:23	እሌለኪ፡ ወለተ፡ ኢየሩሳሌም፡ ኅሥርተ፡ እስመ፡ ኀደጊ፡ ኪያየ፡ ዘፈጠርኩኪ፡ ወአምለኪባዕዳነ፡ አማልክተ።	እሌለኪ፡ ወለተ፡ ኢየሩሳሌም፡ ኅሥርተ፡ እስመ፡ ኀደጊ፡ ኪያየ፡ ዘፈጠርኩኪ፡ ወአምለኪባዕዳነ፡ አማልክተ።
12:24	ወአነሂ፡ በከመ፡ ምግባርኪ፡ እፈድየኪ፡ ወእትቤከለኪ፡ በከመ፡ ትዕይርትኪ፡ እስመ፡ አምዑዕክኒ፡ ወተሐየይኪዮ፡ ለታልየ፡ ወኢያሠነይኪ፡ ምግባረኪ።	ወአነሂ፡ በከመ፡ ምግባርኪ፡ እፈድየኪ፡ ወእትቤከለኪ፡ በከመ፡ ትዕይርትኪ፡ እስመ፡ አምዑዕክኒ፡ ወተሐየይኪዮ፡ ለታልየ፡ ወኢያሠነይኪ፡ ምግባረኪ።
12:25	ወአነሂ፡ እትሄየየኪ፡ ወኢያፈጥን፡ አድኅኖተኪ፡ እስመ፡ አንቲ፡ እምአዕኪዮ፡ ለቃልየ፡ ወኢተዓገሥኪ፡ በምክርየ፡ ዘተካየድኪ፡ ምስሌየ፡ ከመ፡ ትዕቀቢ፡ ትእዛዝየ፡ ወአነሂ፡ አሀሉ፡ ምስሌኪ፡ ወአድኅነኪ፡ እምኵሎሙ፡ እለ፡ ይፃረሩኪ፡ ወአንቲ፡ ከመ፡ ትዕቀቢ፡ ትእዛዝየ፡ ዘአዘዝኩኪ፡ ወሥርዓትየ።	ወአነሂ፡ እትሄየየኪ፡ ወኢያፈጥን፡ አድኅኖተኪ፡ እስመ፡ አንቲ፡ እምአዕኪዮ፡ ለቃልየ፡ ወኢተዓገሥኪ፡ በምክርየ፡ ዘተካየድኪ፡ ምስሌየ፡ ከመ፡ ትዕቀቢ፡ ትእዛዝየ፡ ወአነሂ፡ አሀሉ፡ ምስሌኪ፡ ወአድኅነኪ፡ እምኵሎሙ፡ እለ፡ ይፃረሩኪ፡ ወአንቲ፡ ከመ፡ ትዕቀቢ፡ ትእዛዝየ፡ ዘአዘዝኩኪ፡ ወሥርዓትየ።
12:26	ወዘንተ፡ ኵሎ፡ ኢዓአቀብኪ፡ ወአነሂ፡ ተሐየይኩኪ፡ ወአመ፡ ኵነኒ፡ እትቤቀለኪ፡ አኮኑ፡ አነ፡ ፈጠርኩኪ፡ ወኢዓቀብኪ፡ ቃልየ፡ ወትእዛዝየ፡ ወባረኩኪ፡ ከመ፡ ትኩኒ፡ እንቲአየ።	ወዘንተ፡ ኵሎ፡ ኢዓአቀብኪ፡ ወአነሂ፡ ተሐየይኩኪ፡ ወአመ፡ ኵነኒ፡ እትቤቀለኪ፡ አኮኑ፡ አነ፡ ፈጠርኩኪ፡ ወኢዓቀብኪ፡ ቃልየ፡ ወትእዛዝየ፡ ወባረኩኪ፡ ከመ፡ ትኩኒ፡ እንቲአየ።
12:27	ወአንቲሰ፡ ተበዓድኪ፡ እምኔየ፡ በከመ፡ ተበዓዱ፡ ሰዶም፡ ወገሞራ።	ወአንቲሰ፡ ተበዓድኪ፡ እምኔየ፡ በከመ፡ ተበዓዱ፡ ሰዶም፡ ወገሞራ።
12:28	ወአነሂ፡ ጠሰይክዎሙበመዓትየ፡ እስመ፡ እምሥረዊሆሙ፡ አንቲ፡ ለሰዶም፡ ወገሞራ፡ እለ፡ አነ፡ ሠረውክዎሙ፡ ወአጥፋዕኩ፡ እምድር፡ ዝክሮሙ፡ ከመ፡ ኢየሐልዉ፡ በፍግዓሆሙ፡ እስመ፡ አምዕዑ፡ ኪያየ፡ ዘፈጠርክዎሙ፡ በሐዊረ፡ ብእሲተ፡ ብእሲ፡ ወዘምዎ፡ ዘእንበለ፡ ሕግ፡ ምስለ፡ ተባዕት፡ ወእንስሳ፡ ከመ፡ ዘምስለ፡ አንስት።	ወአነሂ፡ ጠሰይክዎሙበመዓትየ፡ እስመ፡ እምሥረዊሆሙ፡ አንቲ፡ ለሰዶም፡ ወገሞራ፡ እለ፡ አነ፡ ሠረውክዎሙ፡ ወአጥፋዕኩ፡ እምድር፡ ዝክሮሙ፡ ከመ፡ ኢየሐልዉ፡ በፍግዓሆሙ፡ እስመ፡ አምዕዑ፡ ኪያየ፡ ዘፈጠርክዎሙ፡ በሐዊረ፡ ብእሲተ፡ ብእሲ፡ ወዘምዎ፡ ዘእንበለ፡ ሕግ፡ ምስለ፡ ተባዕት፡ ወእንስሳ፡ ከመ፡ ዘምስለ፡ አንስት።
12:29	ወአልቦ፡ ፍርሃተ፡ እግዚአብሔር፡ ቅድመ፡ አዕይንቲሆሙ፡ እምንዑሶሙ፡ እስከ፡ ዓቢዮሙ። ወአልቦ፡ ዘይጌሥፆ፡ 1ለካልኡ፡ ከመ፡ ይኅድር፡ ኪያሃ፡ ገቢረ፡ እለ፡ ይረድዕዎሙ፡ ውስተ፡ ኵሉ፡ ምግባረ፡ እኩይ፡ ወጽጉባነ፡ ክውሉ፡ ዓመፃ፡ ወጹግ፡ እስመ፡ እኩይ፡ ምግባሮሙ።	ወአልቦ፡ ፍርሃተ፡ እግዚአብሔር፡ ቅድመ፡ አዕይንቲሆሙ፡ እምንዑሶሙ፡ እስከ፡ ዓቢዮሙ። ወአልቦ፡ ዘይጌሥፆ፡ 1ለካልኡ፡ ከመ፡ ይኅድር፡ ኪያሃ፡ ገቢረ፡ እለ፡ ይረድዕዎሙ፡ ውስተ፡ ኵሉ፡ ምግባረ፡ እኩይ፡ ወጽጉባነ፡ ክውሉ፡ ዓመፃ፡ ወጹግ፡ እስመ፡ እኩይ፡ ምግባሮሙ።
12:30	ወሥዩም፡ ውስተ፡ ኅሊናሆሙ፡ ኵሉ፡ ምግባረ፡ እኩይ፡ ወትዕቢት፡ ወትዕግልት፡ ወስስ፡ ዕት።	ወሥዩም፡ ውስተ፡ ኅሊናሆሙ፡ ኵሉ፡ ምግባረ፡ እኩይ፡ ወትዕቢት፡ ወትዕግልት፡ ወስስ፡ ዕት።
12:31	ወበእንተዝ፡ ተሐየዮሙ፡ እግዚአብሔር፡ ውገፍትዖን፡ ለአህጉሪሆሙ፡ ወቦ፡ እለ፡ አውዓዮን፡ በእሰት፡ እስከ፡ መሠረታቲሆን፡ ወኢተርፈ፡ 1እምውስቲቶን፡ እለ፡ ሐልቃ፡ ወተሠረዋ፡ እስከ፡ ለዓለም።	ወበእንተዝ፡ ተሐየዮሙ፡ እግዚአብሔር፡ ውገፍትዖን፡ ለአህጉሪሆሙ፡ ወቦ፡ እለ፡ አውዓዮን፡ በእሰት፡ እስከ፡ መሠረታቲሆን፡ ወኢተርፈ፡ 1እምውስቲቶን፡ እለ፡ ሐልቃ፡ ወተሠረዋ፡ እስከ፡ ለዓለም።
12:32	ወይጸንሕ፡ እስከ፡ ዕለተ፡ ኵነኔ፡ እስከ፡ ለዓለም፡ ወዕለተ፡ ደይን፡ ዓባኡ፡ እስመ፡ ተዓሥራ፡ በኃጢአት፡ ወኢይምህሮን፡ ወኢይሠሃሎን፡ እስመ፡ አምዓዓኒ፡ በእከየ፡ ምግባሮን።	ወይጸንሕ፡ እስከ፡ ዕለተ፡ ኵነኔ፡ እስከ፡ ለዓለም፡ ወዕለተ፡ ደይን፡ ዓባኡ፡ እስመ፡ ተዓሥራ፡ በኃጢአት፡ ወኢይምህሮን፡ ወኢይሠሃሎን፡ እስመ፡ አምዓዓኒ፡ በእከየ፡ ምግባሮን።
12:33	ወአነሂ፡ ተሐየይክዎሙ፡ ወከማሁ፡ አንቲኒ፡ ወለተ፡ ኢየሩሳሌም፡ ኅሥርት፡ ከመሁ፡ ትትዓሠሪ፡ በዕለተ፡ ኵነኔ፡ እስመ፡ ኢትረክቢ፡ ዘታመክንዩ፡ አመ፡ አኀዝኩኪ፡ በመዓትየ፡ እስመ፡ ኵሉ፡ ምግባርኪ፡ ዱግ፡ ወትዕግልት፡ ወስስዕት፡ ወዝሙት፡ ወነቢበ፡ ሐሰት፡ ወኵሉ፡ ፍኖት፡ ዘስሕተታት፡ ወደኅፅ፡ ዘኢይሠምሮ፡ አነ።	ወአነሂ፡ ተሐየይክዎሙ፡ ወከማሁ፡ አንቲኒ፡ ወለተ፡ ኢየሩሳሌም፡ ኅሥርት፡ ከመሁ፡ ትትዓሠሪ፡ በዕለተ፡ ኵነኔ፡ እስመ፡ ኢትረክቢ፡ ዘታመክንዩ፡ አመ፡ አኀዝኩኪ፡ በመዓትየ፡ እስመ፡ ኵሉ፡ ምግባርኪ፡ ዱግ፡ ወትዕግልት፡ ወስስዕት፡ ወዝሙት፡ ወነቢበ፡ ሐሰት፡ ወኵሉ፡ ፍኖት፡ ዘስሕተታት፡ ወደኅፅ፡ ዘኢይሠምሮ፡ አነ።
12:34	ወአነሰ፡ ረሰይኩኪ፡ ለክብር፡ ወአንቲሰ፡ ረሰይኪ፡ ርእስኪ፡ ለሐሣር። እንሰ፡ እብለኪ፡ ሊተ፡ ወአንቲሰ፡ ተረሰይኪ፡ ለባዕድ።	ወአነሰ፡ ረሰይኩኪ፡ ለክብር፡ ወአንቲሰ፡ ረሰይኪ፡ ርእስኪ፡ ለሐሣር። እንሰ፡ እብለኪ፡ ሊተ፡ ወአንቲሰ፡ ተረሰይኪ፡ ለባዕድ።
12:35	ወአንሰ፡ ፈኃርኩኪ፡ ለቅድሳት፡ ወአንቲሰ፡ ኮንኪ፡ ለዲያብሎስ፡ ወአነደ፡ ኢትቤቀልኪ፡ በከመ፡ እስከየ፡ ምግባሪኪ።	ወአንሰ፡ ፈኃርኩኪ፡ ለቅድሳት፡ ወአንቲሰ፡ ኮንኪ፡ ለዲያብሎስ፡ ወአነደ፡ ኢትቤቀልኪ፡ በከመ፡ እስከየ፡ ምግባሪኪ።
12:36	ወአነውኅ፡ እኩየ፡ በቀለ፡ ላዕሌኪ፡ በእንተ፡ ኵሉ፡ ዘኢሰማዕኪ፡ ቃልየ፡ ወኢቀብኪ፡ ትእዛዝየ፡ ዘአዘዝኩኪ፡ አመ፡ ዕለት፡ አፍቀርኩኪ፡ እስመ፡ አነ፡ እግዚአብሔር፡ ዘፈጠርኩኪ፡ ወእትመዓዕ፡ ላዕለ፡ ኵሎሙ፡ ኃጥአን፡ እለ፡ ከማኪ፡ ወእፈድዮሙ፡ በከመ፡ እኩዮሙ፡ በእለተ፡ ኵነኔ።	ወአነውኅ፡ እኩየ፡ በቀለ፡ ላዕሌኪ፡ በእንተ፡ ኵሉ፡ ዘኢሰማዕኪ፡ ቃልየ፡ ወኢቀብኪ፡ ትእዛዝየ፡ ዘአዘዝኩኪ፡ አመ፡ ዕለት፡ አፍቀርኩኪ፡ እስመ፡ አነ፡ እግዚአብሔር፡ ዘፈጠርኩኪ፡ ወእትመዓዕ፡ ላዕለ፡ ኵሎሙ፡ ኃጥአን፡ እለ፡ ከማኪ፡ ወእፈድዮሙ፡ በከመ፡ እኩዮሙ፡ በእለተ፡ ኵነኔ።
12:37	ወለኪኒ፡ አኳንነኪ፡ ምስሌሆሙ፡ እስመ፡ ኢአቀብኪ፡ ቃልየ፡ ወተሐየይኪ፡ ፍትሐየ።	ወለኪኒ፡ አኳንነኪ፡ ምስሌሆሙ፡ እስመ፡ ኢአቀብኪ፡ ቃልየ፡ ወተሐየይኪ፡ ፍትሐየ።
12:38	ኦ፡ ሰዶም፡ ወገሞራ፡ እለ፡ አልብክንፈርሃ፡ እግዚአብሔር፡ ውስተ፡ ልብክን።	ኦ፡ ሰዶም፡ ወገሞራ፡ እለ፡ አልብክንፈርሃ፡ እግዚአብሔር፡ ውስተ፡ ልብክን።
12:39	ከማሁ፡ ወከተ፡ ኢየሩሳሌም፡ አንትኪ፡ አንተ፡ ኅቡረ፡ ትትኳነን፡ ምስሌኪ፡ በረዓይ፡ ገሃነም፡ ወኵሎሙ፡ እለ፡ ገብሩ፡ ምግባረ፡ ዚአከ፡ እስመ፡ ኅብረ፡ ትውርዱ፡ ኀበ፡ ዘተደለወ፡ ገሃነም፡ ኀበ፡ አልባቲ፡ ሙፃዕ፡ እስከ፡ ለዓለመ፡ ዓለም።	ከማሁ፡ ወከተ፡ ኢየሩሳሌም፡ አንትኪ፡ አንተ፡ ኅቡረ፡ ትትኳነን፡ ምስሌኪ፡ በረዓይ፡ ገሃነም፡ ወኵሎሙ፡ እለ፡ ገብሩ፡ ምግባረ፡ ዚአከ፡ እስመ፡ ኅብረ፡ ትውርዱ፡ ኀበ፡ ዘተደለወ፡ ገሃነም፡ ኀበ፡ አልባቲ፡ ሙፃዕ፡ እስከ፡ ለዓለመ፡ ዓለም።
12:40	ወአንቲኒ፡ ወይእቲኒ፡ እለ፡ ኢየዓቀብክን፡ ቃልየ፡ ወትዕዛዝየ፡ ወእለሰ፡ ኅቡረ፡ ትወርዱ፡ ውስተ፡ ሲኦል፡ በዕለተ፡ ኵነኔ፡ እስመ፡ ኢዓቀብክን፡ ቃልየ፡ ወትእዛዝየ።	ወአንቲኒ፡ ወይእቲኒ፡ እለ፡ ኢየዓቀብክን፡ ቃልየ፡ ወትዕዛዝየ፡ ወእለሰ፡ ኅቡረ፡ ትወርዱ፡ ውስተ፡ ሲኦል፡ በዕለተ፡ ኵነኔ፡ እስመ፡ ኢዓቀብክን፡ ቃልየ፡ ወትእዛዝየ።