1 Meqabyan (Ethiopian)

1 Meqabyan (Ethiopian) 13 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
13:1	ጢሮስ፡ ወሲዶና፡ ወኵሉ፡ አድያሚሃ፡ ለብሔረ፡ ይሑዳ፡ እለ፡ ያዓብያ፡ ርእሶን፡ ይእዜ፡ አሌ፡ ሎን፡ አመ፡ አኃዝክዎን፡ በመዓትየ፡ እስመ፡ የኃሥራ፡ ወይትቀሥፋ።	ጢሮስ፡ ወሲዶና፡ ወኵሉ፡ አድያሚሃ፡ ለብሔረ፡ ይሑዳ፡ እለ፡ ያዓብያ፡ ርእሶን፡ ይእዜ፡ አሌ፡ ሎን፡ አመ፡ አኃዝክዎን፡ በመዓትየ፡ እስመ፡ የኃሥራ፡ ወይትቀሥፋ።
13:2	ይቤ፡ እግዚአብሔር፡ እስመ፡ ይወፅእ፡ እምኔሆን፡ ዕቡይ፡ ወዝኁር፡ ወልደ፡ ኃጕል፡ ፀራ፡ ለጽድቅ፡ ዘያገዝፍ፡ ክሣይ፡ ወይትሜካህ፡ ወኢየአምር፡ ፈጣሪሁ፡ እስመ፡ አርአያ፡ ረሰይክዎ፡ ለመዓትየ፡ ከመ፡ አርኢ፡ ኃይልየ፡ በላዕሌሁ፡ ይቤ፡ እግዚአብሔር፡ ዘኵሎ፡ ይመልክ።	ይቤ፡ እግዚአብሔር፡ እስመ፡ ይወፅእ፡ እምኔሆን፡ ዕቡይ፡ ወዝኁር፡ ወልደ፡ ኃጕል፡ ፀራ፡ ለጽድቅ፡ ዘያገዝፍ፡ ክሣይ፡ ወይትሜካህ፡ ወኢየአምር፡ ፈጣሪሁ፡ እስመ፡ አርአያ፡ ረሰይክዎ፡ ለመዓትየ፡ ከመ፡ አርኢ፡ ኃይልየ፡ በላዕሌሁ፡ ይቤ፡ እግዚአብሔር፡ ዘኵሎ፡ ይመልክ።
13:3	ዛቲ፡ ቅፍርናሆሙ፡ ወሰማርያ፡ ወገሊላ፡ ወሶርያ፡ ወደማስቆ፡ ወቆጵሮስ፡ ወአክይያ፡ ወኵሉ፡ ደወለ፡ ዮርዳኖስ፡ አሕዛብ፡ ግዙፍነ፡ ክሣድ፡ እለ፡ በግዕዞሙ፡ የሐውሩ፡ እለ፡ ደፈኖሙ፡ ጽልመት፡ ወጽላሎተ፡ ሞተ። ወኢይትመየጡ፡ ውስተ፡ ፈሪሃ፡ እግዚአብሔር፡ እለ፡ ደፈኖሙ፡ ልቦሙ፡ ሰብላንዮስ፡ ወኢትእዘዝዎ፡ ለውእቱ፡ ዕቡይ።	ዛቲ፡ ቅፍርናሆሙ፡ ወሰማርያ፡ ወገሊላ፡ ወሶርያ፡ ወደማስቆ፡ ወቆጵሮስ፡ ወአክይያ፡ ወኵሉ፡ ደወለ፡ ዮርዳኖስ፡ አሕዛብ፡ ግዙፍነ፡ ክሣድ፡ እለ፡ በግዕዞሙ፡ የሐውሩ፡ እለ፡ ደፈኖሙ፡ ጽልመት፡ ወጽላሎተ፡ ሞተ። ወኢይትመየጡ፡ ውስተ፡ ፈሪሃ፡ እግዚአብሔር፡ እለ፡ ደፈኖሙ፡ ልቦሙ፡ ሰብላንዮስ፡ ወኢትእዘዝዎ፡ ለውእቱ፡ ዕቡይ።
13:4	አሌ፡ ሎሙ፡ አሜሃ፡ ለእለ፡ ይትኤዘዝዎሙ፡ ለርኩሳን፡ ወይገብሩ፡ መሥዋዕተ፡ በስሞሙ፡ እስመ፡ የዓልውዎ፡ ለእግዚአብሔር፡ ዘፈጠሮሙ፡ ወይትሜሰሉ፡ ከመ፡ እንስሳ፡ ዘአልቦ፡ ልብ፡ እስመ፡ ያቀውም፡ አምሳሊሁ፡ ውእቱ፡ ረሲዕ፡ ወልደ፡ ኃጕል፡ ውስተ፡ ኵሉ፡ መካን፡ ወይትፌሣሕ፡ በግብረ፡ እደዊሁ፡ ወበፍትወተ፡ ነፍሱ፡ ወበኵሉ፡ ጹግ፡ ወትዕግልት፡ ወዓመፃ፡ ወኅብል፡ ወኵሉ፡ ዘይገብር፡ ዝሙት፡ ወትዕግልት፡ ወሐሰት።	አሌ፡ ሎሙ፡ አሜሃ፡ ለእለ፡ ይትኤዘዝዎሙ፡ ለርኩሳን፡ ወይገብሩ፡ መሥዋዕተ፡ በስሞሙ፡ እስመ፡ የዓልውዎ፡ ለእግዚአብሔር፡ ዘፈጠሮሙ፡ ወይትሜሰሉ፡ ከመ፡ እንስሳ፡ ዘአልቦ፡ ልብ፡ እስመ፡ ያቀውም፡ አምሳሊሁ፡ ውእቱ፡ ረሲዕ፡ ወልደ፡ ኃጕል፡ ውስተ፡ ኵሉ፡ መካን፡ ወይትፌሣሕ፡ በግብረ፡ እደዊሁ፡ ወበፍትወተ፡ ነፍሱ፡ ወበኵሉ፡ ጹግ፡ ወትዕግልት፡ ወዓመፃ፡ ወኅብል፡ ወኵሉ፡ ዘይገብር፡ ዝሙት፡ ወትዕግልት፡ ወሐሰት።
13:5	እስመ፡ በመዋዕሊሁ፡ ዕውቅ፡ ከመ፡ ይገብር፡ ከመዝ፡ እስመ፡ እምኀበ፡ እግዚአብሔር፡ ኊልቍ፡ ከመ፡ ይግበሮ፡ ለዝንቱ።	እስመ፡ በመዋዕሊሁ፡ ዕውቅ፡ ከመ፡ ይገብር፡ ከመዝ፡ እስመ፡ እምኀበ፡ እግዚአብሔር፡ ኊልቍ፡ ከመ፡ ይግበሮ፡ ለዝንቱ።
13:6	ፀሐይኒ፡ ተፀልም፡ ወወርኀኒ፡ ደመ፡ ትከውን፡ ወከዋክብትኒ፡ ይወድቁ፡ እምሰማይ፡ ወኵሉ፡ ግብር፡ ይማስን፡ በተአምር፡ ዘይመጽእ፡ በድኃሪ፡ መዋዕል፡ ከመ፡ ይኰንና፡ ለምድር፡ ወኵሉ፡ ዘውስቴታ፡ በከመ፡ ግብረ፡ እደዊሆሙ፡ ለእለ፡ ይነብሩ፡ ውስቴታ።	ፀሐይኒ፡ ተፀልም፡ ወወርኀኒ፡ ደመ፡ ትከውን፡ ወከዋክብትኒ፡ ይወድቁ፡ እምሰማይ፡ ወኵሉ፡ ግብር፡ ይማስን፡ በተአምር፡ ዘይመጽእ፡ በድኃሪ፡ መዋዕል፡ ከመ፡ ይኰንና፡ ለምድር፡ ወኵሉ፡ ዘውስቴታ፡ በከመ፡ ግብረ፡ እደዊሆሙ፡ ለእለ፡ ይነብሩ፡ ውስቴታ።
13:7	ወለደኃሪኒ፡ ጸላዒ፡ ይሥዕሮ፡ ሞት፡ እስመ፡ ተዓበየ፡ ላዕለ፡ ፍጥረተ፡ እግዚአብሔር፡ ወገብረ፡ በከመ፡ ፈቀደ፡ አሐተ፡ ሰዓተ።	ወለደኃሪኒ፡ ጸላዒ፡ ይሥዕሮ፡ ሞት፡ እስመ፡ ተዓበየ፡ ላዕለ፡ ፍጥረተ፡ እግዚአብሔር፡ ወገብረ፡ በከመ፡ ፈቀደ፡ አሐተ፡ ሰዓተ።
13:8	ወእምድኅሬሁ፡ አልቦ፡ መባሕት፡ እስመ፡ አነ፡ እትቤቀል፡ ይቤ፡ እግዚአብሔር፡ ዘኵሉ፡ ይመልክ።	ወእምድኅሬሁ፡ አልቦ፡ መባሕት፡ እስመ፡ አነ፡ እትቤቀል፡ ይቤ፡ እግዚአብሔር፡ ዘኵሉ፡ ይመልክ።
13:9	ወውእቱኒ፡ ይወርድ፡ ውስተ፡ መቅሠፍት፡ ወኵኔኒ፡ ዘጽኑሕ፡ ሎቱ፡ እመ፡ ዕለተ፡ ይትአኃዝ፡ በመዓትየ፡ እስመ፡ ይስሕብ፡ ኵሉ፡ እለ፡ ምስሌሁ፡ ውስተ፡ ኃጕል፡ ወውስተ፡ መቅሠፍት፡ ወሙስና፡ እስመ፡ አነ፡ ዘአውፅእ፡ ወአበውዕ፡ ውስተ፡ ኵነኔ፡ ገሃነም።	ወውእቱኒ፡ ይወርድ፡ ውስተ፡ መቅሠፍት፡ ወኵኔኒ፡ ዘጽኑሕ፡ ሎቱ፡ እመ፡ ዕለተ፡ ይትአኃዝ፡ በመዓትየ፡ እስመ፡ ይስሕብ፡ ኵሉ፡ እለ፡ ምስሌሁ፡ ውስተ፡ ኃጕል፡ ወውስተ፡ መቅሠፍት፡ ወሙስና፡ እስመ፡ አነ፡ ዘአውፅእ፡ ወአበውዕ፡ ውስተ፡ ኵነኔ፡ ገሃነም።
13:10	ወኢይትመካህ፡ ኃያል፡ በኃይሉ፡ እስመ፡ ውእቱ፡ ይሁቦሙ፡ ኃይለ፡ ወጽንዓ፡ ለድኩማን፡ ወካዕበ፡ ይሁብ፡ ድካመ፡ ለጽኑዓን፡ ወኃያላን።	ወኢይትመካህ፡ ኃያል፡ በኃይሉ፡ እስመ፡ ውእቱ፡ ይሁቦሙ፡ ኃይለ፡ ወጽንዓ፡ ለድኩማን፡ ወካዕበ፡ ይሁብ፡ ድካመ፡ ለጽኑዓን፡ ወኃያላን።
13:11	ወትትፈደይ፡ በቀለ፡ ዕቤራት፡ ወዕጓለ፡ ማውታ፡ እስመ፡ ውእቱ፡ አኃዚ፡ ወተበቃሊ፡ ለዕለ፡ ይትገፍዑ፡ እምዕደ፡ ገፋዕያኒሆሙ።	ወትትፈደይ፡ በቀለ፡ ዕቤራት፡ ወዕጓለ፡ ማውታ፡ እስመ፡ ውእቱ፡ አኃዚ፡ ወተበቃሊ፡ ለዕለ፡ ይትገፍዑ፡ እምዕደ፡ ገፋዕያኒሆሙ።
13:12	እሌ፡ ለኪ፡ እንተ፡ ትትሜክሂ፡ ወታገዝፈ፡ ክሣደኪ፡ ወይመስለኪ፡ ዘኢይእኅዘኪ፡ ወኢይትበቀልኪ፡ በመዓትየ፡ በከመ፡ ይቤ፡ ለምንት፡ ወጽድቅ፡ ኮከበ፡ ጽባሕ፡ እምሰማይ፡ ዘይሠርቅ፡ በጊዜ፡ ጽባሕ።	እሌ፡ ለኪ፡ እንተ፡ ትትሜክሂ፡ ወታገዝፈ፡ ክሣደኪ፡ ወይመስለኪ፡ ዘኢይእኅዘኪ፡ ወኢይትበቀልኪ፡ በመዓትየ፡ በከመ፡ ይቤ፡ ለምንት፡ ወጽድቅ፡ ኮከበ፡ ጽባሕ፡ እምሰማይ፡ ዘይሠርቅ፡ በጊዜ፡ ጽባሕ።
13:13	እስመ፡ ይቤ፡ በትዕቢቱ፡ ወበትምክህቱ፡ አነብር፡ መንበርየ፡ መልዕልተ፡ ሰማያት፡ ወከዋክብት፡ ወእከውን፡ ከመ፡ ልዑል።	እስመ፡ ይቤ፡ በትዕቢቱ፡ ወበትምክህቱ፡ አነብር፡ መንበርየ፡ መልዕልተ፡ ሰማያት፡ ወከዋክብት፡ ወእከውን፡ ከመ፡ ልዑል።
13:14	ዘንተኪ፡ ደፈርከ፡ በትዕቢትከ፡ ወኢተዘከርከ፡ እግዚአብሔርሃ፡ ዘፈጠረከ፡ ወገብረከ፡ በእደዊሁ፡ ለምንትኪ፡ አዕበይከ፡ ርእሰከ፡ አንተ፡ ከመ፡ ትረድ፡ መትሕተ፡ ታሕቲት፡ በግዝፈተ፡ ልብከ።	ዘንተኪ፡ ደፈርከ፡ በትዕቢትከ፡ ወኢተዘከርከ፡ እግዚአብሔርሃ፡ ዘፈጠረከ፡ ወገብረከ፡ በእደዊሁ፡ ለምንትኪ፡ አዕበይከ፡ ርእሰከ፡ አንተ፡ ከመ፡ ትረድ፡ መትሕተ፡ ታሕቲት፡ በግዝፈተ፡ ልብከ።
13:15	ወበትዕቢትከ፡ ተትሕትከ፡ እምኵሎሙ፡ መላእክተ፡ እለ፡ ከማከ፡ እስመ፡ እሙንቱ፡ ይሴብሕዎ፡ በትሕትና፡ መንፈሰ፡ ለፈጣሪሆሙ፡ ወኢይትዓተቱ፡ እምትእዛዙ፡ እስመ፡ አእመሩ፡ ከመ፡ ውእቱ፡ ዘገብሮሙ፡ ወፈጠሮሙ፡ ወዓቀቡ፡ ሕሊናሆሙ፡ ከመ፡ ኢይኃልፉ፡ ወኢይትዓደዉ፡ እምትእዛዙ።	ወበትዕቢትከ፡ ተትሕትከ፡ እምኵሎሙ፡ መላእክተ፡ እለ፡ ከማከ፡ እስመ፡ እሙንቱ፡ ይሴብሕዎ፡ በትሕትና፡ መንፈሰ፡ ለፈጣሪሆሙ፡ ወኢይትዓተቱ፡ እምትእዛዙ፡ እስመ፡ አእመሩ፡ ከመ፡ ውእቱ፡ ዘገብሮሙ፡ ወፈጠሮሙ፡ ወዓቀቡ፡ ሕሊናሆሙ፡ ከመ፡ ኢይኃልፉ፡ ወኢይትዓደዉ፡ እምትእዛዙ።
13:16	ወአንተሰ፡ ገበርከ፡ በትዕቢተ፡ ልብከ፡ እኩየ፡ ወኮንከ፡ ኀሡረ፡ እምካልዓኒከ፡ እስመ፡ አቃቤሁ፡ አንተ፡ ለኵሉ፡ ዓመፃ፡ ወጹግ፡ ወጽልሑት፡ ወትዕግልት፡ እለ፡ የሐውርዋ፡ ኃጥአን፡ እለ፡ ከማከ፡ ወረሢዓን፡ እለ፡ ኮኑ፡ እምፍጥረተ፡ ዚአከ፤ ወየዓልዉ፡ ከማከ። ወየሐውሩ፡ በኵሉ፡ ፈቃድከ፡ ወትእዛዝከ፡ ዘትሜሕሮሙ፡ ጹገ።	ወአንተሰ፡ ገበርከ፡ በትዕቢተ፡ ልብከ፡ እኩየ፡ ወኮንከ፡ ኀሡረ፡ እምካልዓኒከ፡ እስመ፡ አቃቤሁ፡ አንተ፡ ለኵሉ፡ ዓመፃ፡ ወጹግ፡ ወጽልሑት፡ ወትዕግልት፡ እለ፡ የሐውርዋ፡ ኃጥአን፡ እለ፡ ከማከ፡ ወረሢዓን፡ እለ፡ ኮኑ፡ እምፍጥረተ፡ ዚአከ፤ ወየዓልዉ፡ ከማከ። ወየሐውሩ፡ በኵሉ፡ ፈቃድከ፡ ወትእዛዝከ፡ ዘትሜሕሮሙ፡ ጹገ።
13:17	አሌለለ፡ አንተ፡ ወእለ፡ አስሐትከ፡ በትምይንተሰ፡ ትወርዱ፡ ኅቡረ፡ ውስተ፡ ሙስና።	አሌለለ፡ አንተ፡ ወእለ፡ አስሐትከ፡ በትምይንተሰ፡ ትወርዱ፡ ኅቡረ፡ ውስተ፡ ሙስና።
13:18	ወደቂቀ፡ እግዚአብሔር፡ እለ፡ ስሕትክሙ፡ በውእቱ፡ መምዕላይ፡ ዘይስሕት፡ አሊ፡ ለክሙ፡ ኅቡረ፡ ትወርዱ፡ ውስተ፡ መቅሠፍት፡ ለዘለዓለም፡ እስመ፡ ከማሁ፡ ስሕትክሙ፡ በዘመሐርክሙ፡ ወእቱ፡ ወአጋንንቲሁ።	ወደቂቀ፡ እግዚአብሔር፡ እለ፡ ስሕትክሙ፡ በውእቱ፡ መምዕላይ፡ ዘይስሕት፡ አሊ፡ ለክሙ፡ ኅቡረ፡ ትወርዱ፡ ውስተ፡ መቅሠፍት፡ ለዘለዓለም፡ እስመ፡ ከማሁ፡ ስሕትክሙ፡ በዘመሐርክሙ፡ ወእቱ፡ ወአጋንንቲሁ።
13:19	ወለቀዳሚኒ፡ እንዘ፡ ሀሎ፡ ሙሴ፡ ገብረ፡ እግዚአብሔር፡ ወአምዓዕክምዎ፡ በኮረብ፡ ወበኀበ፡ ማየ፡ ትሰት፡ ወበደብረሲና፡ ወበአማሌቅ።	ወለቀዳሚኒ፡ እንዘ፡ ሀሎ፡ ሙሴ፡ ገብረ፡ እግዚአብሔር፡ ወአምዓዕክምዎ፡ በኮረብ፡ ወበኀበ፡ ማየ፡ ትሰት፡ ወበደብረሲና፡ ወበአማሌቅ።
13:20	ወዓዲ፡ አመ፡ ፈነውክሙ፡ ሰብዓ፡ ዓይን፡ ውስተ፡ ምድረ፡ ርስት፡ ወሶበ፡ ይቤለክሙ፡ ርኁቅ፡ ፍኖቱ፡ ወፅኑዕ፡ ቅጽሮሙ፡ ዘይበጽሕ፡ እስከ፡ ሰማይ፡ ወለዕፃዳቲሆሙ፡ ኑዕ፡ ወእለ፡ ያርብህኒህየ፡ የኃድሩ፡ ወይነብሩ፡ ወዘንተ፡ ሶበ፡ ይቤሉክሙ፡ ዮምበዕክሙ፡ ወለውክሙ፡ ቃለ፡ እግዚአብሔር፡ ከመ፡ ትግብዑ፡ ብሔረ፡ ግብፅ፡ ውስተ፡ ቅኔክሙ፡ ዕፁብ።	ወዓዲ፡ አመ፡ ፈነውክሙ፡ ሰብዓ፡ ዓይን፡ ውስተ፡ ምድረ፡ ርስት፡ ወሶበ፡ ይቤለክሙ፡ ርኁቅ፡ ፍኖቱ፡ ወፅኑዕ፡ ቅጽሮሙ፡ ዘይበጽሕ፡ እስከ፡ ሰማይ፡ ወለዕፃዳቲሆሙ፡ ኑዕ፡ ወእለ፡ ያርብህኒህየ፡ የኃድሩ፡ ወይነብሩ፡ ወዘንተ፡ ሶበ፡ ይቤሉክሙ፡ ዮምበዕክሙ፡ ወለውክሙ፡ ቃለ፡ እግዚአብሔር፡ ከመ፡ ትግብዑ፡ ብሔረ፡ ግብፅ፡ ውስተ፡ ቅኔክሙ፡ ዕፁብ።
13:21	ወኢታዘከርክዎ፡ ለእግዚአብሔር፡ ዘአድኃነክሙ፡ እምንዳቤክሙ፡ ዘገብረ፡ ዓቢያተ፡ በግብፅ፡ ወመርሐክሙ፡ በእደ፡ መልአኩ፡ ለመ፡ ኢያውዒክሙ፡ ፀሐይ፡ ይጼልለክሙ፡ ደመና፡ መዓልተ፡ ወከመ፡ ኢይትዓቀፍ፡ እገሪክሙ፡ በጽልመት፡ ያበርህ፡ ለክሙ፡ ለሊተ፡ በዓምደ፡ እሳት።	ወኢታዘከርክዎ፡ ለእግዚአብሔር፡ ዘአድኃነክሙ፡ እምንዳቤክሙ፡ ዘገብረ፡ ዓቢያተ፡ በግብፅ፡ ወመርሐክሙ፡ በእደ፡ መልአኩ፡ ለመ፡ ኢያውዒክሙ፡ ፀሐይ፡ ይጼልለክሙ፡ ደመና፡ መዓልተ፡ ወከመ፡ ኢይትዓቀፍ፡ እገሪክሙ፡ በጽልመት፡ ያበርህ፡ ለክሙ፡ ለሊተ፡ በዓምደ፡ እሳት።
13:22	ወሶበ፡ አፍርሁክሙ፡ ፈርዖን፡ ወሠራዊቱ፡ አውየውክሙ፡ ወጾራኅክሙ፡ ኀበ፡ ሙሴ፡ ወሙሴ፡ ጸርሐ፡ ወአውየወ፡ ኀበ፡ እግዚአብሔር፡ ወበመልአኩ፡ መገበክሙ፡ ከመ፡ ኢትትራከቡ፡ ምስለ፡ ሠራዊቱ፡ ለፈርዖን።	ወሶበ፡ አፍርሁክሙ፡ ፈርዖን፡ ወሠራዊቱ፡ አውየውክሙ፡ ወጾራኅክሙ፡ ኀበ፡ ሙሴ፡ ወሙሴ፡ ጸርሐ፡ ወአውየወ፡ ኀበ፡ እግዚአብሔር፡ ወበመልአኩ፡ መገበክሙ፡ ከመ፡ ኢትትራከቡ፡ ምስለ፡ ሠራዊቱ፡ ለፈርዖን።
13:23	ወሎሙሰ፡ አግብዖሙ፡ በሥቃይ፡ እስመ፡ ይቤ፡ እግዚአብሔር፡ ባሕቲቱ፡ መርሆሙ፡ ወአልቦ፡ ምስሌሆሙ፡ አምላክ፡ ነኪር፡ ወለጸላእቶሙሰ፡ ደፈኖሙ፡ ውስተ፡ ባሕር፡ በምዕር። ወኢያትረፈ፡ ነፋፂተ፡ እውስቴቶሙ።	ወሎሙሰ፡ አግብዖሙ፡ በሥቃይ፡ እስመ፡ ይቤ፡ እግዚአብሔር፡ ባሕቲቱ፡ መርሆሙ፡ ወአልቦ፡ ምስሌሆሙ፡ አምላክ፡ ነኪር፡ ወለጸላእቶሙሰ፡ ደፈኖሙ፡ ውስተ፡ ባሕር፡ በምዕር። ወኢያትረፈ፡ ነፋፂተ፡ እውስቴቶሙ።
13:24	ወለእስራኤል፡ አኅለፎ፡ በእግር፡ እንተ፡ ማዕከለ፡ ባሕር፡ ወአልቦ፡ ወኢምንተኒ፡ ዘረከቦሙ፡ እኪት፡ እምግብፃውያን፡ ወአብጽሖሙ፡ ውስተ፡ ደብረ፡ ሲና። ወበህየ፡ ሲሰዮሙ፡ መና፡ 4ዓመተ።	ወለእስራኤል፡ አኅለፎ፡ በእግር፡ እንተ፡ ማዕከለ፡ ባሕር፡ ወአልቦ፡ ወኢምንተኒ፡ ዘረከቦሙ፡ እኪት፡ እምግብፃውያን፡ ወአብጽሖሙ፡ ውስተ፡ ደብረ፡ ሲና። ወበህየ፡ ሲሰዮሙ፡ መና፡ 4ዓመተ።
13:25	ወተሐከዩ፡ አምልኮቶ፡ ለእግዚአብሔር፡ መጠነዝ፡ ገቢሮ፡ ሎሙ፡ ሠናያተ፡ እስመ፡ ወትረ፡ ያምዕዕዎ፡ ለእግዚአብሔር፡ ውስተ፡ መጽሐፈ፡ ልደተ፡ አበው፡ ወይቤ፡ ሐመድ፡ ልቦሙ፡ ለእጓለ፡ እመሕያው፡ ወኵሉ፡ ግብሮሙ፡ ውስተ፡ ትዕግልት፡ ወእኪት፡ ይረውፁ፡ ወአልቦ፡ እምኔሆሙ፡ ዘይፈቅዳ፡ ለርትዕ፡ ዘእንበለ፡ አስተጋብኦ፡ ንዋይ፡ በዓመፃ፡ ወመሐላ፡ በሐሰት፡ ወዓምፆ፡ ቢጽ፡ ወሥርቅ፡ ወትዕግልት።	ወተሐከዩ፡ አምልኮቶ፡ ለእግዚአብሔር፡ መጠነዝ፡ ገቢሮ፡ ሎሙ፡ ሠናያተ፡ እስመ፡ ወትረ፡ ያምዕዕዎ፡ ለእግዚአብሔር፡ ውስተ፡ መጽሐፈ፡ ልደተ፡ አበው፡ ወይቤ፡ ሐመድ፡ ልቦሙ፡ ለእጓለ፡ እመሕያው፡ ወኵሉ፡ ግብሮሙ፡ ውስተ፡ ትዕግልት፡ ወእኪት፡ ይረውፁ፡ ወአልቦ፡ እምኔሆሙ፡ ዘይፈቅዳ፡ ለርትዕ፡ ዘእንበለ፡ አስተጋብኦ፡ ንዋይ፡ በዓመፃ፡ ወመሐላ፡ በሐሰት፡ ወዓምፆ፡ ቢጽ፡ ወሥርቅ፡ ወትዕግልት።
13:26	ወኀበ፡ ዝንቱ፡ እኪት፡ ይረውፁ፡ ኵሎሙ፡ መዋዕለ፡ ሕይወቶሙ። ወፈድፋደ፡ አምዕዕዎ፡ ለእግዚአብሔር፡ ደቂቀ፡ እስራኤል፡ አላውያን፡ ትእዛዛቲሁ፡ ለእግዚአብሔር፡ እምቀዳሚ፡ እስከ፡ ደኃሪ።	ወኀበ፡ ዝንቱ፡ እኪት፡ ይረውፁ፡ ኵሎሙ፡ መዋዕለ፡ ሕይወቶሙ። ወፈድፋደ፡ አምዕዕዎ፡ ለእግዚአብሔር፡ ደቂቀ፡ እስራኤል፡ አላውያን፡ ትእዛዛቲሁ፡ ለእግዚአብሔር፡ እምቀዳሚ፡ እስከ፡ ደኃሪ።