1 Meqabyan (Ethiopian)

1 Meqabyan (Ethiopian) 15 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
15:1	ወውእተ፡ አሚረ፡ ተንሥኡ፡ ላዕሌሆሙ፡ ሰብአ፡ ምድያም፡ ወአንሥኡ፡ ሠራዊቶሙ፡ ከመ፡ ይፅብዕዎሙ፡ ለእስራኤል፡ ወስሙ፡ ለንጉሦሙ፡ አክራንድስ፡ ወአስተጋብአ፡ በነግህ፡ ብዙኃ፡ ሠራዊት፡ ዘሰርያ፡ ወኪልቅያ፡ ወደማስቆ።	ወውእተ፡ አሚረ፡ ተንሥኡ፡ ላዕሌሆሙ፡ ሰብአ፡ ምድያም፡ ወአንሥኡ፡ ሠራዊቶሙ፡ ከመ፡ ይፅብዕዎሙ፡ ለእስራኤል፡ ወስሙ፡ ለንጉሦሙ፡ አክራንድስ፡ ወአስተጋብአ፡ በነግህ፡ ብዙኃ፡ ሠራዊት፡ ዘሰርያ፡ ወኪልቅያ፡ ወደማስቆ።
15:2	ወተዓየነ፡ በማዕይተ፡ ዮርዳኖስ፡ ወለዓከ፡ ሐዋርያተ፡ ኀበ፡ እስራኤል፡ እንዘ፡ ይብል፡ ህቡኒ፡ ጸባሕተ፡ ዲናር፡ ወእመአኮሰ፡ መጻእኩ፡ ከመ፡ እኰንክሙ፡ ወእማህረከ፡ ንዋየክሙ፡ ወእንሣእ፡ ኵሉ፡ ጥሪተክሙ፡ ወእፄውዉ፡ ደቂቀክሙ።	ወተዓየነ፡ በማዕይተ፡ ዮርዳኖስ፡ ወለዓከ፡ ሐዋርያተ፡ ኀበ፡ እስራኤል፡ እንዘ፡ ይብል፡ ህቡኒ፡ ጸባሕተ፡ ዲናር፡ ወእመአኮሰ፡ መጻእኩ፡ ከመ፡ እኰንክሙ፡ ወእማህረከ፡ ንዋየክሙ፡ ወእንሣእ፡ ኵሉ፡ ጥሪተክሙ፡ ወእፄውዉ፡ ደቂቀክሙ።
15:3	ወአፈልስክሙ፡ ውስተ፡ ብሔር፡ ዘኢተአምሩ፡ ወበህየ፡ እሬስየክሙ፡ ሐጣብያነ፡ ፅፅ፡ ወቀደሕያነ፡ ማይ።	ወአፈልስክሙ፡ ውስተ፡ ብሔር፡ ዘኢተአምሩ፡ ወበህየ፡ እሬስየክሙ፡ ሐጣብያነ፡ ፅፅ፡ ወቀደሕያነ፡ ማይ።
15:4	ወኢትትመክሑ፡ እንዘ፡ ትብሉ፡ ንሕነ፡ ሕዝበ፡ እግዚአብሔር፡ ወአቦ፡ ዘይክለነ፡ አኮኑ፡ እግዚአብሔር፡ ዘፈነወኒ፡ ከመ፡ አጥፍዕክሙ፡ ወእማኅርክ፡ ንዋየክሙ፡ ወኵሎ፡ ዘዚእክሙ፡ ከመ፡ አስተጋብእ፡ ፈነወኒ።	ወኢትትመክሑ፡ እንዘ፡ ትብሉ፡ ንሕነ፡ ሕዝበ፡ እግዚአብሔር፡ ወአቦ፡ ዘይክለነ፡ አኮኑ፡ እግዚአብሔር፡ ዘፈነወኒ፡ ከመ፡ አጥፍዕክሙ፡ ወእማኅርክ፡ ንዋየክሙ፡ ወኵሎ፡ ዘዚእክሙ፡ ከመ፡ አስተጋብእ፡ ፈነወኒ።
15:5	ቦኑ፡ እለ፡ አድኃንዎሙ፡ አማልክቲሆሙ፡ ለባዕዳን፡ ሕዝበ፡ እለ፡ አነ፡ ኰነንክዎሙ፡ ወማኅረኩ፡ ንዋዮሙ፡ ወጥሪቶሙ፡ ወቀተልኩ፡ ኪያሆሙ፡ ወጸወውኩ፡ ውሉዶሙ፡ ወደቂቆሙ።	ቦኑ፡ እለ፡ አድኃንዎሙ፡ አማልክቲሆሙ፡ ለባዕዳን፡ ሕዝበ፡ እለ፡ አነ፡ ኰነንክዎሙ፡ ወማኅረኩ፡ ንዋዮሙ፡ ወጥሪቶሙ፡ ወቀተልኩ፡ ኪያሆሙ፡ ወጸወውኩ፡ ውሉዶሙ፡ ወደቂቆሙ።
15:6	ከማሁ፡ ለክሙኒ፡ እሬስይክሙ፡ ለእመ፡ ኢጸባሕክሙ፡ ሊተ፡ ጸባሕተ፡ በከመ፡ አዘዝኩክሙ፡ ወዓደወ፡ ዮርዳኖስ፡ ከመ፡ ይማህርክ፡ ንዋዮሙ፡ ወእንስሳሆሙ፡ ወይፄውው፡ ብእሲቶ።	ከማሁ፡ ለክሙኒ፡ እሬስይክሙ፡ ለእመ፡ ኢጸባሕክሙ፡ ሊተ፡ ጸባሕተ፡ በከመ፡ አዘዝኩክሙ፡ ወዓደወ፡ ዮርዳኖስ፡ ከመ፡ ይማህርክ፡ ንዋዮሙ፡ ወእንስሳሆሙ፡ ወይፄውው፡ ብእሲቶ።
15:7	ወእምዝ፡ በከዩ፡ ደቂቀ፡ እስራኤል፡ ኀበ፡ እግዚአብሔር፡ ብካየ፡ መሪረ፡ ወጾርሑ፡ ወአውየው፡ ወኃጥኡ፡ ዘይረድኦሙ።	ወእምዝ፡ በከዩ፡ ደቂቀ፡ እስራኤል፡ ኀበ፡ እግዚአብሔር፡ ብካየ፡ መሪረ፡ ወጾርሑ፡ ወአውየው፡ ወኃጥኡ፡ ዘይረድኦሙ።
15:8	ወበእንተዝ፡ ወሀቦሙ፡ እግዚአብሔር፡ ጽንዓ፡ ለ3አኃው፡ ወአስማቲሆሙ፡ ከመዝ፡ መብክዩስ፡ ወመቃብዮስ፡ ወይሁዳ፡ እለ፡ ሠናይ፡ ላህዮሙ፡ ወጽኑዓን፡ በኵሉ፡ ኃይሎሙ።	ወበእንተዝ፡ ወሀቦሙ፡ እግዚአብሔር፡ ጽንዓ፡ ለ3አኃው፡ ወአስማቲሆሙ፡ ከመዝ፡ መብክዩስ፡ ወመቃብዮስ፡ ወይሁዳ፡ እለ፡ ሠናይ፡ ላህዮሙ፡ ወጽኑዓን፡ በኵሉ፡ ኃይሎሙ።
15:9	ወሶበ፡ ሰምዑ፡ እንዘ፡ ይበክዩ፡ ወያሰቅቅዉ፡ ደቂቀ፡ እስራኤል፡ አህመሞሙ፡ ልቦሙ፡ እምገብረ፡ ኵሎሙ፡ ደቂቀ፡ እስራኤል፡ እቤራተ፡ ወእጓለ፡ ማውታ፡ ወካህናቲሆሙ፡ ወመሳፍንቲሆሙ፡ ወኵሉ፡ ዘመደ፡ እስራኤል፡ ዕደ፡ ወአንስተ፡ ወሕፃናት፡ ውኵሎሙ፡ ይበክዩ፡ ወይወድዩ፡ ሐመደ፡ ዲበ፡ አርእስቲሆሙ፡ ወይለብሱ፡ ሠቀ፡ ክቡራኒሆሙ።	ወሶበ፡ ሰምዑ፡ እንዘ፡ ይበክዩ፡ ወያሰቅቅዉ፡ ደቂቀ፡ እስራኤል፡ አህመሞሙ፡ ልቦሙ፡ እምገብረ፡ ኵሎሙ፡ ደቂቀ፡ እስራኤል፡ እቤራተ፡ ወእጓለ፡ ማውታ፡ ወካህናቲሆሙ፡ ወመሳፍንቲሆሙ፡ ወኵሉ፡ ዘመደ፡ እስራኤል፡ ዕደ፡ ወአንስተ፡ ወሕፃናት፡ ውኵሎሙ፡ ይበክዩ፡ ወይወድዩ፡ ሐመደ፡ ዲበ፡ አርእስቲሆሙ፡ ወይለብሱ፡ ሠቀ፡ ክቡራኒሆሙ።
15:10	ወእሙንቱሰ፡ አኃው፡ ሠናያን፡ ወላህያን፡ ተሰነኣዉ፡ ከመ፡ ይሑሩ፡ ወከመ፡ ያድኅንዎሙ፡ ወተማከሩ፡ ወተበሀሉ፡ ንሑር፡ ወንመጡ፡ ነፍስነ፡ ለሞት፡ በእንተ፡ እሉ።	ወእሙንቱሰ፡ አኃው፡ ሠናያን፡ ወላህያን፡ ተሰነኣዉ፡ ከመ፡ ይሑሩ፡ ወከመ፡ ያድኅንዎሙ፡ ወተማከሩ፡ ወተበሀሉ፡ ንሑር፡ ወንመጡ፡ ነፍስነ፡ ለሞት፡ በእንተ፡ እሉ።
15:11	ወሖሩ፡ ተታቢዖሙ፡ እንዘ፡ ውስተ፡ ሐቋሆሙ፡ አሰይፍቲሆሙ፡ ወአርማሂሆሙ፡ ውስተ፡ እደዊሆሙ፡ ወሖሩ፡ ተደሊዎሙ፡ ከመ፡ ይትማዕአይዎ፡ ለረአታይ።	ወሖሩ፡ ተታቢዖሙ፡ እንዘ፡ ውስተ፡ ሐቋሆሙ፡ አሰይፍቲሆሙ፡ ወአርማሂሆሙ፡ ውስተ፡ እደዊሆሙ፡ ወሖሩ፡ ተደሊዎሙ፡ ከመ፡ ይትማዕአይዎ፡ ለረአታይ።
15:12	ወበፅሑ፡ እንዘ፡ ሀሎ፡ ውስተ፡ ምሳሕ፡ ወረገዞ፡ መብክዩስ፡ ለረአይታዊ፡ ወአውከዮ፡ ክሣደ፡ በአሐቲ፡ ዝብጠት፡ እንዘ፡ መብልዕ፡ ውስተ፡ አፉሁ፡ ወይሁዳ፡ ወመቃብዮስ፡ ዘበጥዎሙ፡ በሰይፍ፡ ለእለ፡ እምየማኑ፡ ወእምፀጋሙ፡ ለንጉሦሙ።	ወበፅሑ፡ እንዘ፡ ሀሎ፡ ውስተ፡ ምሳሕ፡ ወረገዞ፡ መብክዩስ፡ ለረአይታዊ፡ ወአውከዮ፡ ክሣደ፡ በአሐቲ፡ ዝብጠት፡ እንዘ፡ መብልዕ፡ ውስተ፡ አፉሁ፡ ወይሁዳ፡ ወመቃብዮስ፡ ዘበጥዎሙ፡ በሰይፍ፡ ለእለ፡ እምየማኑ፡ ወእምፀጋሙ፡ ለንጉሦሙ።
15:13	ወሶበ፡ ወድቀ፡ ንጉሦሙ፡ ነትዑ፡ ወጐዩ፡ ኵሉሙ፡ ወቦአ፡ ኵይንዊሆሙ፡ ውስተ፡ ልበ፡ ቢጾሙ፡ ወተቀጥቀጠ፡ አቅስስቲሆሙ፡ ወለሊሆሙ፡ ተሰብሩ።	ወሶበ፡ ወድቀ፡ ንጉሦሙ፡ ነትዑ፡ ወጐዩ፡ ኵሉሙ፡ ወቦአ፡ ኵይንዊሆሙ፡ ውስተ፡ ልበ፡ ቢጾሙ፡ ወተቀጥቀጠ፡ አቅስስቲሆሙ፡ ወለሊሆሙ፡ ተሰብሩ።
15:14	ወእሙንቱሰ፡ አኃው፡ ሠናያን፡ ወላሕያን፡ ድኅኑ፡ ወአልቦ፡ ዘረከቦሙ፡ ወኢምንትኒ፡ እኩት፡ ወእሙቱሰ፡ እኩያን፡ ተቀጥቀጡ፡ በበይናቲሆሙ፡ እስመ፡ እግዚአብሔርር፡ አግብአ፡ መቅሠፍተ፡ ላዕሌሆሙ።	ወእሙንቱሰ፡ አኃው፡ ሠናያን፡ ወላሕያን፡ ድኅኑ፡ ወአልቦ፡ ዘረከቦሙ፡ ወኢምንትኒ፡ እኩት፡ ወእሙቱሰ፡ እኩያን፡ ተቀጥቀጡ፡ በበይናቲሆሙ፡ እስመ፡ እግዚአብሔርር፡ አግብአ፡ መቅሠፍተ፡ ላዕሌሆሙ።
15:15	ወወድቁ፡ ወሞቱ፡ ወኵሎ፡ ዘዚአሆሙ፡ ገደፉ፡ እስከ፡ ይዓድዉ፡ ዮርዳኖስ፡ ወኵሉ፡ ዘዘዚአሆሙ፡ ተርፈ። ወሶበ፡ ርእዩ፡ ደቂቀ፡ እስራኤል፡ ከመ፡ ነትዑ፡ ወሖሩ፡ ምስለ፡ ትዕይንቶሙ፡ በርበረ፡ ዚአሆሙ፡ ነሥኡ፡ ለርእሰሙ።	ወወድቁ፡ ወሞቱ፡ ወኵሎ፡ ዘዚአሆሙ፡ ገደፉ፡ እስከ፡ ይዓድዉ፡ ዮርዳኖስ፡ ወኵሉ፡ ዘዘዚአሆሙ፡ ተርፈ። ወሶበ፡ ርእዩ፡ ደቂቀ፡ እስራኤል፡ ከመ፡ ነትዑ፡ ወሖሩ፡ ምስለ፡ ትዕይንቶሙ፡ በርበረ፡ ዚአሆሙ፡ ነሥኡ፡ ለርእሰሙ።
15:16	ወከመዝ፡ አድኃኖሙ፡ እፍዚአብሔር፡ ለደቂቀ፡ እስራኤል፡ በዕደ፡ መብክዩስ፡ ወአኃዊሁ።	ወከመዝ፡ አድኃኖሙ፡ እፍዚአብሔር፡ ለደቂቀ፡ እስራኤል፡ በዕደ፡ መብክዩስ፡ ወአኃዊሁ።
15:17	ወነበሩ፡ ኅዳጠ፡ መዋዕለ፡ እንዘ፡ ያሠምርዎ፡ ለእግዚአብሔር፡ ደቂቀ፡ እስራኤል።	ወነበሩ፡ ኅዳጠ፡ መዋዕለ፡ እንዘ፡ ያሠምርዎ፡ ለእግዚአብሔር፡ ደቂቀ፡ እስራኤል።
15:18	ወእምድሬሁሰ፡ ገብዑ፡ ካዕበ፡ ኀበ፡ እክዮሙ፡ ወተሐከዩ፡ አምኮቶ፡ ለእግዚአብሔር፡ ደቂቀ፡ እስራኤል፡ በንጹሕ፡ ወውእቱሰ፡ ካዕበ፡ አምዕዖሙ፡ በሕዝብ፡ እለ፡ ፈየአምሩ፡ እለ፡ የዓርሩ፡ ፍራ፡ ገራዊሆሙ፡ ወእለ፡ ያማስኑ፡ ዓፀደ፡ ወይኖሙ፡ ወይነሥኡ፡ መራዕይሆሙ፡ ወይጠብኡ፡ አልህምቲሆሙ፡ በቅድሜሆሙ፡ ወኢይክሉ፡ አድኅኖቶሙ፡ እስመ፡ ሕዝብ፡ ዓላውያነ፡ ሕግ፡ እሙንቱ፡ እስመ፡ ዘልፈ፡ ያምዕዕዎ፡ ለእግዚአብሔር፡ በኵሉን፡ ጊዜ።	ወእምድሬሁሰ፡ ገብዑ፡ ካዕበ፡ ኀበ፡ እክዮሙ፡ ወተሐከዩ፡ አምኮቶ፡ ለእግዚአብሔር፡ ደቂቀ፡ እስራኤል፡ በንጹሕ፡ ወውእቱሰ፡ ካዕበ፡ አምዕዖሙ፡ በሕዝብ፡ እለ፡ ፈየአምሩ፡ እለ፡ የዓርሩ፡ ፍራ፡ ገራዊሆሙ፡ ወእለ፡ ያማስኑ፡ ዓፀደ፡ ወይኖሙ፡ ወይነሥኡ፡ መራዕይሆሙ፡ ወይጠብኡ፡ አልህምቲሆሙ፡ በቅድሜሆሙ፡ ወኢይክሉ፡ አድኅኖቶሙ፡ እስመ፡ ሕዝብ፡ ዓላውያነ፡ ሕግ፡ እሙንቱ፡ እስመ፡ ዘልፈ፡ ያምዕዕዎ፡ ለእግዚአብሔር፡ በኵሉን፡ ጊዜ።