1 Meqabyan (Ethiopian)

1 Meqabyan (Ethiopian) 30 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
30:1	ወጾላዕኪ፡ ቤተ፡ ሳኦል፡ እስመ፡ አምፅዓኒ፡ በእንተ፡ ዘተዓደወ፡ ካልየ።	ወጾላዕኪ፡ ቤተ፡ ሳኦል፡ እስመ፡ አምፅዓኒ፡ በእንተ፡ ዘተዓደወ፡ ካልየ።
30:2	ወዓነሂ፡ ተዓወርክዎ፡ ወኢይደግም፡ አንግሦተ፡ እምቤተ፡ ዚአሁ፡ እስመ፡ ኢዓቀበ፡ ቃልየ።	ወዓነሂ፡ ተዓወርክዎ፡ ወኢይደግም፡ አንግሦተ፡ እምቤተ፡ ዚአሁ፡ እስመ፡ ኢዓቀበ፡ ቃልየ።
30:3	ወከማሁ፡ እለ፡ ኢዓቀቡ፡ ቃልየ፡ ወኢየሐውሩ፡ በሕግየ፡ ወበሥርዓትየ፡ እከልዕ፡ እምኔሆሙ፡ ሀብትየ፡ ወመንግሥትየ፡ እምዘርኦሙ፡ እስከ፡ ለዓለም።	ወከማሁ፡ እለ፡ ኢዓቀቡ፡ ቃልየ፡ ወኢየሐውሩ፡ በሕግየ፡ ወበሥርዓትየ፡ እከልዕ፡ እምኔሆሙ፡ ሀብትየ፡ ወመንግሥትየ፡ እምዘርኦሙ፡ እስከ፡ ለዓለም።
30:4	ወእኔስሕ፡ ከመ፡ ኢይድግም፡ አዕብዮቶሙ፡ አላ፡ ዘእንበለ፡ ዘአጠፍዖሙ፡ እስመ፡ አመ፡ አዕበይክዎሙ፡ ኢየዓብዩኒ፡ ወእመ፡ አክበርክዎሙ፡ ኢያከብሩኒ።	ወእኔስሕ፡ ከመ፡ ኢይድግም፡ አዕብዮቶሙ፡ አላ፡ ዘእንበለ፡ ዘአጠፍዖሙ፡ እስመ፡ አመ፡ አዕበይክዎሙ፡ ኢየዓብዩኒ፡ ወእመ፡ አክበርክዎሙ፡ ኢያከብሩኒ።
30:5	ወአመ፡ ዓሠነይኩ፡ ሎሙ፡ ኢያሤንዩ፡ ሊተ፡ ወአመ፡ መሀርክዎሙ፡ ኢይምህሩኒ።	ወአመ፡ ዓሠነይኩ፡ ሎሙ፡ ኢያሤንዩ፡ ሊተ፡ ወአመ፡ መሀርክዎሙ፡ ኢይምህሩኒ።
30:6	እስመ፡ ረሰይክዎሙ፡ ርእሰ፡ ላዕለ፡ ኵሉ፡ ወኢረስዩኒ፡ ርእሰ፡ ዲቤሆሙ፡ ወሶበ፡ አክበርክዎሙ፡ እምኵሉ፡ ኢያከብሩኒ፡ ወኢዓቀቡ፡ ትእዛዝየ።	እስመ፡ ረሰይክዎሙ፡ ርእሰ፡ ላዕለ፡ ኵሉ፡ ወኢረስዩኒ፡ ርእሰ፡ ዲቤሆሙ፡ ወሶበ፡ አክበርክዎሙ፡ እምኵሉ፡ ኢያከብሩኒ፡ ወኢዓቀቡ፡ ትእዛዝየ።
30:7	ወአነሂ፡ ነሣእኩ፡ ሀብተ፡ ዘወሀብክዎሙ፡ ወኢያገብዕ፡ ሎሙ፡ በከመ፡ መሐልኩ፡ በመዓትየ፡ ወለዘአክበረኒ፡ አከብሮ፡ ወለዘአፍቀረኒ፡ አፈክሮ፡ ከመዝ፡ ይቤ፡ እግዚአብሔር፡ ዘኵሎ፡ ይመልክ።	ወአነሂ፡ ነሣእኩ፡ ሀብተ፡ ዘወሀብክዎሙ፡ ወኢያገብዕ፡ ሎሙ፡ በከመ፡ መሐልኩ፡ በመዓትየ፡ ወለዘአክበረኒ፡ አከብሮ፡ ወለዘአፍቀረኒ፡ አፈክሮ፡ ከመዝ፡ ይቤ፡ እግዚአብሔር፡ ዘኵሎ፡ ይመልክ።
30:8	ወለእለሰ፡ ኢየከብሩኒ፡ ወኢዓቀቡ፡ ትእዛዝየ፡ እሞቅስሞ፡ እምሀብትየ፡ ዘወሀብክዎሙ።	ወለእለሰ፡ ኢየከብሩኒ፡ ወኢዓቀቡ፡ ትእዛዝየ፡ እሞቅስሞ፡ እምሀብትየ፡ ዘወሀብክዎሙ።
30:9	ይቤ፡ እግዚአብሔር፡ ዘኵሎ፡ ይመልክ፡ ለዘአፍቀረኒ፡ አፈቅሮ፡ ወለዘአዕበየኒ፡ አዓብዮ።	ይቤ፡ እግዚአብሔር፡ ዘኵሎ፡ ይመልክ፡ ለዘአፍቀረኒ፡ አፈቅሮ፡ ወለዘአዕበየኒ፡ አዓብዮ።
30:10	እስመ፡ አመ፡ እግዚአብሔር፡ ዘእኳንንኵሎ፡ ወአልቦ፡ ዘያመሥጥ፡ እምእዴየ፡ በሰማይ፡ በላዕሉ፡ ወበምድር፡ በታሐቱ፡ እስመ፡ አነ፡ እግዚአብሔር፡ ዘእቀትል፡ ወአሐዩ፡ ዘእቅሥፍ፡ ወእሠሃል።	እስመ፡ አመ፡ እግዚአብሔር፡ ዘእኳንንኵሎ፡ ወአልቦ፡ ዘያመሥጥ፡ እምእዴየ፡ በሰማይ፡ በላዕሉ፡ ወበምድር፡ በታሐቱ፡ እስመ፡ አነ፡ እግዚአብሔር፡ ዘእቀትል፡ ወአሐዩ፡ ዘእቅሥፍ፡ ወእሠሃል።
30:11	ወዕበይሰ፡ ወክብር፡ ዚአየ፡ ውእቱ፡ ለዘአፍቀርክዎ፡ አከብሮ፡ ወለዘጾላዕኩ፡ አኃሥር	ወዕበይሰ፡ ወክብር፡ ዚአየ፡ ውእቱ፡ ለዘአፍቀርክዎ፡ አከብሮ፡ ወለዘጾላዕኩ፡ አኃሥር
30:12	ወአነ፡ ዘእሠሀሎሙ፡ ለእለ፡ ያፈቅሩኒ፡ ወይዜከሩ፡ ስምየ፡ በኵሉ፡ ጊዜ፡ ለነዳይ፡ ወለባዕል፡ አነ፡ መጋቤ፡ ሲሳይ።	ወአነ፡ ዘእሠሀሎሙ፡ ለእለ፡ ያፈቅሩኒ፡ ወይዜከሩ፡ ስምየ፡ በኵሉ፡ ጊዜ፡ ለነዳይ፡ ወለባዕል፡ አነ፡ መጋቤ፡ ሲሳይ።
30:13	ወአኮ፡ ለሰብእ፡ ባሕቲቱ፡ አላ፡ ለእንስሳኒ፡ ወለአዕዋፍኒ፡ ወለአራዊትኒ፡ ወለዓሣትኒ፡ ዘውስተ፡ ባሕር፡ ወለአክይስትኒ።	ወአኮ፡ ለሰብእ፡ ባሕቲቱ፡ አላ፡ ለእንስሳኒ፡ ወለአዕዋፍኒ፡ ወለአራዊትኒ፡ ወለዓሣትኒ፡ ዘውስተ፡ ባሕር፡ ወለአክይስትኒ።
30:14	ወለአናብርትኒ፡ ወለሐርገፃትኒ፡ ወለእንጐታትኒ፡ ወለብሔሞትኒ፡ ወለቈርነነዓት።	ወለአናብርትኒ፡ ወለሐርገፃትኒ፡ ወለእንጐታትኒ፡ ወለብሔሞትኒ፡ ወለቈርነነዓት።
30:15	ወኵሉ፡ ዘይትሐወስ፡ ውስተ፡ ማይ፡ ውኵሉ፡ ዘይሠርር፡ መልዕልተ፡ ነራስ፡ ውእቱኪ፡ ዚአየውእቱ።	ወኵሉ፡ ዘይትሐወስ፡ ውስተ፡ ማይ፡ ውኵሉ፡ ዘይሠርር፡ መልዕልተ፡ ነራስ፡ ውእቱኪ፡ ዚአየውእቱ።
30:16	ወአነ፡ ዘእሴሲ፡ በዘይደሉ፡ ወበዘይትፈቀድ፡ ለኵሎሙ፡ እለ፡ ኃሠሡ፡ ኪያየ።	ወአነ፡ ዘእሴሲ፡ በዘይደሉ፡ ወበዘይትፈቀድ፡ ለኵሎሙ፡ እለ፡ ኃሠሡ፡ ኪያየ።