1 Meqabyan (Ethiopian)

1 Meqabyan (Ethiopian) 35 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

	Ge'ez Ge'ez Bible	Ge'ez Apocrypha
35:1	አሌ፡ ለክሙ፡ ኃያላነ፡ እስራኤል፡ እስመ፡ ላዕሌክሙ፡ ይትመዓዕ፡ እግዚአብሔር፡ በእንተ፡ ዘኢያሠነይክሙ፡ ፍትሐ፡ ለእጓለ፡ ማውታ።	አሌ፡ ለክሙ፡ ኃያላነ፡ እስራኤል፡ እስመ፡ ላዕሌክሙ፡ ይትመዓዕ፡ እግዚአብሔር፡ በእንተ፡ ዘኢያሠነይክሙ፡ ፍትሐ፡ ለእጓለ፡ ማውታ።
35:2	አሌ፡ ለክሙ፡ እለ፡ ተሐወሩ፡ ቤተ፡ መያሲ፡ በነግህ፡ ወበሠርክ፡ ወትሠክሩ፡ ወትገምፁ፡ ወኢታጸምዑ፡ ፍትሐ፡ ዕጓለ፡ ማውታ፡ ወዕቤራት፡ ወትነብሩ፡ ውስተ፡ ምርዓት፡ ወጹግ።	አሌ፡ ለክሙ፡ እለ፡ ተሐወሩ፡ ቤተ፡ መያሲ፡ በነግህ፡ ወበሠርክ፡ ወትሠክሩ፡ ወትገምፁ፡ ወኢታጸምዑ፡ ፍትሐ፡ ዕጓለ፡ ማውታ፡ ወዕቤራት፡ ወትነብሩ፡ ውስተ፡ ምርዓት፡ ወጹግ።
35:3	ከመዝ፡ ይቤሎሙ፡ እግዚአብሔር፡ ለኃያላን፡ እስራኤል፡ አሌ፡ ለክሙ፡ ለእመ፡ ኢሖርክሙ፡ በትእዛዝየ፡ ወኢዓቀብክሙ፡ ቃልየ፡ ወኢያፈቅርክሙ፡ ዘአነ፡ እፈቅድ።	ከመዝ፡ ይቤሎሙ፡ እግዚአብሔር፡ ለኃያላን፡ እስራኤል፡ አሌ፡ ለክሙ፡ ለእመ፡ ኢሖርክሙ፡ በትእዛዝየ፡ ወኢዓቀብክሙ፡ ቃልየ፡ ወኢያፈቅርክሙ፡ ዘአነ፡ እፈቅድ።
35:4	ወአነሂ፡ አመጽእ፡ ላዕሌክሙ፡ መቅሠፍተ፡ ወመንሡተ፡ ወሕማመ፡ ወተኃልቁ፡ ከመ፡ ብልዓ፡ ዓፄ፡ ወቍንቍኒ፡ ወአይትረከብ፡ ዓሠርክሙ፡ በውስተ፡ አድዋሌክሙ።	ወአነሂ፡ አመጽእ፡ ላዕሌክሙ፡ መቅሠፍተ፡ ወመንሡተ፡ ወሕማመ፡ ወተኃልቁ፡ ከመ፡ ብልዓ፡ ዓፄ፡ ወቍንቍኒ፡ ወአይትረከብ፡ ዓሠርክሙ፡ በውስተ፡ አድዋሌክሙ።
35:5	ወትከውን፡ በደወ፡ ሀገርክሙ፡ ወኵሎ፡ ዘርእያ፡ ቀዳሜ፡ ይጠፍሕ፡ እደዊሁ፡ ወይትፋፀይ፡ ላዕሌሃ፡ እንዘ፡ ይብል፡ አኮኑ፡ ዛቲ፡ ሀገር፡ እንተ፡ ምልዕተ፡ ላዕሌሃ፡ በረከተ፡ ወኵሎ፡ ሠናያተ፡ ከመዝኑ፡ ረሰይ፡ እግዚአብሔር፡ በእከዮሙ፡ ለእለ፡ ይነብሩ፡ ውስቴታ።	ወትከውን፡ በደወ፡ ሀገርክሙ፡ ወኵሎ፡ ዘርእያ፡ ቀዳሜ፡ ይጠፍሕ፡ እደዊሁ፡ ወይትፋፀይ፡ ላዕሌሃ፡ እንዘ፡ ይብል፡ አኮኑ፡ ዛቲ፡ ሀገር፡ እንተ፡ ምልዕተ፡ ላዕሌሃ፡ በረከተ፡ ወኵሎ፡ ሠናያተ፡ ከመዝኑ፡ ረሰይ፡ እግዚአብሔር፡ በእከዮሙ፡ ለእለ፡ ይነብሩ፡ ውስቴታ።
35:6	አሌ፡ ላቲ፡ ወአዕበየት፡ ልባ፡ ወአልዓለት፡ ርእሳ፡ ወአንኃት፡ ክሣዳ፡ እስከ፡ የኃሥራ፡ እግዚአብሔር፡ ውስተ፡ መሬተ፡ ምድር፡ ወበእንተ፡ ትዕቢቶሙ፡ ለዕለ፡ ይነብሩ፡ ውስቴታ፡ ወኮነት፡ በድወ፡ ወበቍለ፡ ላዕሌሃ፡ ሦክ፡ ወአሜከላ።	አሌ፡ ላቲ፡ ወአዕበየት፡ ልባ፡ ወአልዓለት፡ ርእሳ፡ ወአንኃት፡ ክሣዳ፡ እስከ፡ የኃሥራ፡ እግዚአብሔር፡ ውስተ፡ መሬተ፡ ምድር፡ ወበእንተ፡ ትዕቢቶሙ፡ ለዕለ፡ ይነብሩ፡ ውስቴታ፡ ወኮነት፡ በድወ፡ ወበቍለ፡ ላዕሌሃ፡ ሦክ፡ ወአሜከላ።
35:7	ወኮነት፡ ብሕውሰ፡ ወምጕሕያ፡ ወኮነት፡ ዐፀ፡ ወበድወ፡ ወአራዊትኒ፡ የኃድሩ፡ በውስቴታ።	ወኮነት፡ ብሕውሰ፡ ወምጕሕያ፡ ወኮነት፡ ዐፀ፡ ወበድወ፡ ወአራዊትኒ፡ የኃድሩ፡ በውስቴታ።
35:8	ወኪነት፡ መፍርህተ፡ ለእለ፡ የኃልፉ፡ ውስቴታ፡ እስመ፡ መዓተ፡ እግዚአብሔር፡ ወድቀ፡ ላዕሌሃ፡ ወሰትየት፡ እምጽዋዓ፡ መዓቱ፡ በእንተ፡ ትዕቢተ፡ ልባ፡ በእከዮሙ፡ ለእለ፡ ይነብርዋ።	ወኪነት፡ መፍርህተ፡ ለእለ፡ የኃልፉ፡ ውስቴታ፡ እስመ፡ መዓተ፡ እግዚአብሔር፡ ወድቀ፡ ላዕሌሃ፡ ወሰትየት፡ እምጽዋዓ፡ መዓቱ፡ በእንተ፡ ትዕቢተ፡ ልባ፡ በእከዮሙ፡ ለእለ፡ ይነብርዋ።

read Ge'ez alone read Ge'ez alone