1 Meqabyan (Ethiopian)

1 Meqabyan (Ethiopian) 36 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
36:1	ኢትትመካሁ፡ መቄዶናውያን፡ ወኢታዕበዩ፡ ክሣደክሙ፡ አማሌቃውያን፡ እስመ፡ ሀሎ፡ እግዚአብሔር፡ ዘይትቤቀል፡ ላዕሌክሙ።	ኢትትመካሁ፡ መቄዶናውያን፡ ወኢታዕበዩ፡ ክሣደክሙ፡ አማሌቃውያን፡ እስመ፡ ሀሎ፡ እግዚአብሔር፡ ዘይትቤቀል፡ ላዕሌክሙ።
36:2	እስመ፡ ትትሊዓሉ፡ እስከ፡ ሰማይ፡ ወትወርዱ፡ ውስተ፡ ሲኦል።	እስመ፡ ትትሊዓሉ፡ እስከ፡ ሰማይ፡ ወትወርዱ፡ ውስተ፡ ሲኦል።
36:3	ወአመ፡ ቀዳሜ፡ በዓቶሙ፡ ለእስራኤል፡ ውስተ፡ ምድረ፡ ግብፅ፡ በመንግሥተ፡ ሜዶና፡ ውያን፡ ወሞዓባውያን፡ ይቤ፡ ኢትትመክሁ፡ እስመ፡ ኢይደሉ፡ ትዕይርተ፡ እግዚአብሔር፡ ላዕሌክሙ፡ ከመ፡ ትትዓየርዎ።	ወአመ፡ ቀዳሜ፡ በዓቶሙ፡ ለእስራኤል፡ ውስተ፡ ምድረ፡ ግብፅ፡ በመንግሥተ፡ ሜዶና፡ ውያን፡ ወሞዓባውያን፡ ይቤ፡ ኢትትመክሁ፡ እስመ፡ ኢይደሉ፡ ትዕይርተ፡ እግዚአብሔር፡ ላዕሌክሙ፡ ከመ፡ ትትዓየርዎ።
36:4	ወአንተሂ፡ ወልደ፡ ዓመት፡ ይስማኤላዊ፡ ለምንት፡ ታነውህ፡ ክሣደከ፡ ኀበ፡ ዘኢኮነ፡ ዚአከ፡ ኢትዜከርኑ፡ ከመ፡ እግዚአብሔር፡ ይኳንነከ፡ አመ፡ ዕለተ፡ ኵነኔ፡ ከመ፡ አመ፡ ተንሥአ፡ ከመ፡ ይኰንና፡ ለምድር።	ወአንተሂ፡ ወልደ፡ ዓመት፡ ይስማኤላዊ፡ ለምንት፡ ታነውህ፡ ክሣደከ፡ ኀበ፡ ዘኢኮነ፡ ዚአከ፡ ኢትዜከርኑ፡ ከመ፡ እግዚአብሔር፡ ይኳንነከ፡ አመ፡ ዕለተ፡ ኵነኔ፡ ከመ፡ አመ፡ ተንሥአ፡ ከመ፡ ይኰንና፡ ለምድር።
36:5	አሜሃ፡ ትትፈደይ፡ በከመ፡ ግብረ፡ እደዊከ፡ ለምንት፡ ታሌዕል፡ ልበከ፡ ወታነውኅ፡ ክሣደከ፡ ይቤ፡ እግዚአብሔር፡ ዘኵሎይመልክ።	አሜሃ፡ ትትፈደይ፡ በከመ፡ ግብረ፡ እደዊከ፡ ለምንት፡ ታሌዕል፡ ልበከ፡ ወታነውኅ፡ ክሣደከ፡ ይቤ፡ እግዚአብሔር፡ ዘኵሎይመልክ።
36:6	ወአነሂ፡ እትዒየረከ፡ በከመ፡ ተዓየርኮሙ፡ ለእለ፡ ኢኮኑ፡ ዚአከ፡ ወኀበሂ፡ ፈነውኩከ፡ እስመ፡ ትከውን፡ ዘፈቀድከ፡ ትግብር፡ እኪተ።	ወአነሂ፡ እትዒየረከ፡ በከመ፡ ተዓየርኮሙ፡ ለእለ፡ ኢኮኑ፡ ዚአከ፡ ወኀበሂ፡ ፈነውኩከ፡ እስመ፡ ትከውን፡ ዘፈቀድከ፡ ትግብር፡ እኪተ።
36:7	ወከማሁ፡ አነኒ፡ ዕገብር፡ ላዕሌከ፡ ይቤ፡ እግዚአብሔር፡ ዘኵሎ፡ ይመልክ፡ ወአንተኒ፡ ለእመ፡ ገብርከ፡ ሠናየ፡ ወአፍቀርከ፡ ዘአነ፡ አፈቅር፡ ወአነሂ፡ እሰምዓከ፡ በኵሉ፡ ዘሰአልከኒ።	ወከማሁ፡ አነኒ፡ ዕገብር፡ ላዕሌከ፡ ይቤ፡ እግዚአብሔር፡ ዘኵሎ፡ ይመልክ፡ ወአንተኒ፡ ለእመ፡ ገብርከ፡ ሠናየ፡ ወአፍቀርከ፡ ዘአነ፡ አፈቅር፡ ወአነሂ፡ እሰምዓከ፡ በኵሉ፡ ዘሰአልከኒ።
36:8	ወእገብር፡ ፈቃድከ፡ ለእመ፡ ገብርከ፡ ፈቃድየ፡ ወትኢቃወም፡ ለከ፡ ፀረከ፡ ወእባርክ፡ ለከ፡ ተግባረከ፡ ወዘርአከ፡ ወውሉደከ።	ወእገብር፡ ፈቃድከ፡ ለእመ፡ ገብርከ፡ ፈቃድየ፡ ወትኢቃወም፡ ለከ፡ ፀረከ፡ ወእባርክ፡ ለከ፡ ተግባረከ፡ ወዘርአከ፡ ወውሉደከ።
36:9	ወእባርክ፡ መራዕየ፡ አልህምቲከ፡ ወአባግዒከ፡ ወእባርክ፡ ኀበ፡ ኵሉ፡ ዘወደይከ፡ እዴከ፡ ለእመ፡ ሐርከ፡ በትእዛዝየ፡ ወገበርከ፡ ዘአነ፡ አፈቅር፡ ይቤ፡ እግዚአብሔር፡ ዘኵሎ፡ ይመልክ።	ወእባርክ፡ መራዕየ፡ አልህምቲከ፡ ወአባግዒከ፡ ወእባርክ፡ ኀበ፡ ኵሉ፡ ዘወደይከ፡ እዴከ፡ ለእመ፡ ሐርከ፡ በትእዛዝየ፡ ወገበርከ፡ ዘአነ፡ አፈቅር፡ ይቤ፡ እግዚአብሔር፡ ዘኵሎ፡ ይመልክ።
36:10	ወለእመ፡ ኢገበርከ፡ ፈቃድየ፡ ወኢሐርከ፡ በትእዛዝየ፡ ወኵነኒየ፡ ይረክብከ፡ ዝንቱ፡ ኵሉ፡ ኵነኔየ፡ ዘተነግረ፡ ቀዳሚ፡ ወኢትክል፡ አምሥጦ፡ እመዓትየ፡ እንተ፡ ትመጽእ፡ ላዕሌከ፡ በኵሉ፡ ጊዜ፡ እስመ፡ ኢተገሥከ፡ በትእዛዝየ፡ ወኢሐርከ፡ በኵነኔየ።	ወለእመ፡ ኢገበርከ፡ ፈቃድየ፡ ወኢሐርከ፡ በትእዛዝየ፡ ወኵነኒየ፡ ይረክብከ፡ ዝንቱ፡ ኵሉ፡ ኵነኔየ፡ ዘተነግረ፡ ቀዳሚ፡ ወኢትክል፡ አምሥጦ፡ እመዓትየ፡ እንተ፡ ትመጽእ፡ ላዕሌከ፡ በኵሉ፡ ጊዜ፡ እስመ፡ ኢተገሥከ፡ በትእዛዝየ፡ ወኢሐርከ፡ በኵነኔየ።
36:11	ውኢያብደርከ፡ ዘአነ፡ አበድር፡ ወተሐይከ፡ እምስብሐትየ፡ ወእምአምልኮትየ፡ እንዘ፡ አነ፡ ፈጠርኩከ፡ እምኀበ፡ ኢሀሎከ።	ውኢያብደርከ፡ ዘአነ፡ አበድር፡ ወተሐይከ፡ እምስብሐትየ፡ ወእምአምልኮትየ፡ እንዘ፡ አነ፡ ፈጠርኩከ፡ እምኀበ፡ ኢሀሎከ።
36:12	ወሀብኩከ፡ ክብረ፡ ወስብሐተ፡ በኀበ፡ ሰብእ፡ እለ፡ ታሕቲከ፡ ከመ፡ ትግበር፡ ኵሎ፡ ዘፈ፡ ቀድከ፡ ትቅትል፡ ወታሁ፡ ትሕንጽ፡ ወትንስት፡ ታክብር፡ ወታኅሥር፡ ታልዕል፡ ወታት፡ ሕት፡ ዚአከ፡ ውእቱ።	ወሀብኩከ፡ ክብረ፡ ወስብሐተ፡ በኀበ፡ ሰብእ፡ እለ፡ ታሕቲከ፡ ከመ፡ ትግበር፡ ኵሎ፡ ዘፈ፡ ቀድከ፡ ትቅትል፡ ወታሁ፡ ትሕንጽ፡ ወትንስት፡ ታክብር፡ ወታኅሥር፡ ታልዕል፡ ወታት፡ ሕት፡ ዚአከ፡ ውእቱ።
36:13	ለእመ፡ ገብርከ፡ ፈቃደ፡ እግዚአብሔር፡ ወሖርከ፡ በትእዛዛቲሁ፡ ያፈቅረከ፡ ከመ፡ ትትፌሣሕ፡ ምስሌሁ፡ በመንግሥቱ፡ ወትኩን፡ ክፍለ፡ ምስሌሆሙ፡ ለእለ፡ ወረሰዋ፡ ለቅድስት፡ ሀገር።	ለእመ፡ ገብርከ፡ ፈቃደ፡ እግዚአብሔር፡ ወሖርከ፡ በትእዛዛቲሁ፡ ያፈቅረከ፡ ከመ፡ ትትፌሣሕ፡ ምስሌሁ፡ በመንግሥቱ፡ ወትኩን፡ ክፍለ፡ ምስሌሆሙ፡ ለእለ፡ ወረሰዋ፡ ለቅድስት፡ ሀገር።
36:14	እስመ፡ ይቤ፡ ለእመ፡ ተዓገሡኒ፡ አወርሶሙ፡ ክብረ፡ ወሞገሰ፡ ወአሥተፌሥሆሙ፡ በቤተ፡ ጸሎትየ፡ ወይከውኑ፡ ኅሩያነ፡ ወሥሙራነ፡ ከመ፡ መሥዋዕተ፡ ቍርባን፡ ይቤ፡ እግዚአብሔር፡ ዘኵሎ፡ ይመልክ።	እስመ፡ ይቤ፡ ለእመ፡ ተዓገሡኒ፡ አወርሶሙ፡ ክብረ፡ ወሞገሰ፡ ወአሥተፌሥሆሙ፡ በቤተ፡ ጸሎትየ፡ ወይከውኑ፡ ኅሩያነ፡ ወሥሙራነ፡ ከመ፡ መሥዋዕተ፡ ቍርባን፡ ይቤ፡ እግዚአብሔር፡ ዘኵሎ፡ ይመልክ።
36:15	ኢትትሐከዩ፡ ገቢረ፡ ሠናይ፡ ወፍኖተ፡ መድኃኒት፡ ከመ፡ ትዕድዉ፡ እሞት፡ ውስተ፡ ሕይወት።	ኢትትሐከዩ፡ ገቢረ፡ ሠናይ፡ ወፍኖተ፡ መድኃኒት፡ ከመ፡ ትዕድዉ፡ እሞት፡ ውስተ፡ ሕይወት።
36:16	ወለእለሰ፡ የዓቅቡ፡ ገቢረ፡ ሠናይ፡ ይተመሐፀኖሙ፡ እግዚአብሔር፡ ውስተ፡ ኵሉ፡ ሠናይ፡ ከመ፡ ይኵንዎ፡ አግብርቲሁ፡ ከመ፡ ኢዮብ፡ ዘዓቀቦ፡ እግዚአብሔር፡ እምኵሉ፡ እኩይ።	ወለእለሰ፡ የዓቅቡ፡ ገቢረ፡ ሠናይ፡ ይተመሐፀኖሙ፡ እግዚአብሔር፡ ውስተ፡ ኵሉ፡ ሠናይ፡ ከመ፡ ይኵንዎ፡ አግብርቲሁ፡ ከመ፡ ኢዮብ፡ ዘዓቀቦ፡ እግዚአብሔር፡ እምኵሉ፡ እኩይ።
36:17	ወከመ፡ አብርሃም፡ ዘአድኃኖሙ፡ አመ፡ ይቀትሎሙ፡ ለንግሥት፡ ወበከመ፡ አድኀኖ፡ ለሙሴ፡ እምእደ፡ ፈርዖን፡ ወእምእዴሆሙ፡ ለከናኔዎን፡ እለ፡ ነበረ፡ ኀቤሆሙ፡ አብርሃም፡ እንዘ፡ ይህክዋ፡ ለነፍሱ፡ ሠርከ፡ ወነግህ፡ መዓልተ፡ ወሌሊተ፡ ከመ፡ ያወርድዎ፡ ውስተ፡ ጣዖቶሙ።	ወከመ፡ አብርሃም፡ ዘአድኃኖሙ፡ አመ፡ ይቀትሎሙ፡ ለንግሥት፡ ወበከመ፡ አድኀኖ፡ ለሙሴ፡ እምእደ፡ ፈርዖን፡ ወእምእዴሆሙ፡ ለከናኔዎን፡ እለ፡ ነበረ፡ ኀቤሆሙ፡ አብርሃም፡ እንዘ፡ ይህክዋ፡ ለነፍሱ፡ ሠርከ፡ ወነግህ፡ መዓልተ፡ ወሌሊተ፡ ከመ፡ ያወርድዎ፡ ውስተ፡ ጣዖቶሙ።
36:18	ወውእቱሰ፡ ይትዔገሥ፡ እንዘ፡ የዓብዮሙ፡ ውስተ፡ ዘዚአሆሙ፡ ግልፍዋት፡ እንዘ፡ ይስሕብዎ።	ወውእቱሰ፡ ይትዔገሥ፡ እንዘ፡ የዓብዮሙ፡ ውስተ፡ ዘዚአሆሙ፡ ግልፍዋት፡ እንዘ፡ ይስሕብዎ።
36:19	ወውእቱኒ፡ እንዘ፡ የአብዮሙ፡ ወይፈርሆ፡ ለእግዚአብሔር፡ ዘፈጠሮ፡ እስመ፡ ምዕመኑ፡ ውእቱ፡ አብርሃም፡ እግዚአብሔር፡ ዘኪያሁ፡ ተአመነ፡ እምንዕሱ።	ወውእቱኒ፡ እንዘ፡ የአብዮሙ፡ ወይፈርሆ፡ ለእግዚአብሔር፡ ዘፈጠሮ፡ እስመ፡ ምዕመኑ፡ ውእቱ፡ አብርሃም፡ እግዚአብሔር፡ ዘኪያሁ፡ ተአመነ፡ እምንዕሱ።
36:20	ወኢያሕፀፀ፡ አምልኮቶ፡ ለእግዚአብሔር፡ እስከ፡ ዓመ፡ ሞቱ፡ እስመ፡ ፈድፋደ፡ ያፈቅሮ፡ ለእግዚአብሔር፡ ወኢተዓደወ፡ እምትእዛዙ፡ እስከ፡ ዕለተ፡ ሞቱ፡ ወመሐረ፡ ለደቂቁ፡ ከመ፡ ይዕቀቡ፡ ትእዛዘ፡ እግዚአብሔር።	ወኢያሕፀፀ፡ አምልኮቶ፡ ለእግዚአብሔር፡ እስከ፡ ዓመ፡ ሞቱ፡ እስመ፡ ፈድፋደ፡ ያፈቅሮ፡ ለእግዚአብሔር፡ ወኢተዓደወ፡ እምትእዛዙ፡ እስከ፡ ዕለተ፡ ሞቱ፡ ወመሐረ፡ ለደቂቁ፡ ከመ፡ ይዕቀቡ፡ ትእዛዘ፡ እግዚአብሔር።
36:21	ወእሙንቱኒ፡ ኢተዓደዉ፡ እምትእዛዙ፡ በከመ፡ ገብረ፡ አቡሆሙ፡ ዘርአ፡ አብርሃም፡ አግብርቲሁ፡ ኢተዓደወ፡ እምትእዛዙ፡ ለእግዚአብሔር፡ ይስሐቅ፡ ወያዕቆብ፡ ዘበእንቲአሆሙ፡ ነገረ፡ እግዚአብሔር፡ እንዘ፡ ይብሎሙ፡ ለመላእክቲሁ፡ ብየ፡ አርክ።	ወእሙንቱኒ፡ ኢተዓደዉ፡ እምትእዛዙ፡ በከመ፡ ገብረ፡ አቡሆሙ፡ ዘርአ፡ አብርሃም፡ አግብርቲሁ፡ ኢተዓደወ፡ እምትእዛዙ፡ ለእግዚአብሔር፡ ይስሐቅ፡ ወያዕቆብ፡ ዘበእንቲአሆሙ፡ ነገረ፡ እግዚአብሔር፡ እንዘ፡ ይብሎሙ፡ ለመላእክቲሁ፡ ብየ፡ አርክ።
36:22	በዲበ፡ ምድር፡ አብርሃም፡ ፍቁርየ፡ ወይስሐቅ፡ ቍልዒየ፡ ወያዕቆብ፡ ዘሠምረት፡ ነፍስየ፡ ዘእምኔሆሙ፡ ተሰባሕኩ፡ ይቤ፡ እግዚአብሔር፡ ዘኵሎ፡ ይመልክ።	በዲበ፡ ምድር፡ አብርሃም፡ ፍቁርየ፡ ወይስሐቅ፡ ቍልዒየ፡ ወያዕቆብ፡ ዘሠምረት፡ ነፍስየ፡ ዘእምኔሆሙ፡ ተሰባሕኩ፡ ይቤ፡ እግዚአብሔር፡ ዘኵሎ፡ ይመልክ።
36:23	ወደደቂቀ፡ እስራኤል፡ ፈድፋደ፡ እንዘ፡ ያምዕዕዎሙ፡ ዘልፈ፡ ወውእቱኒ፡ እንዘ፡ ይት፡ ዔሦሙ፡ ወይሴስዮሙ፡ መና፡ በገዳም።	ወደደቂቀ፡ እስራኤል፡ ፈድፋደ፡ እንዘ፡ ያምዕዕዎሙ፡ ዘልፈ፡ ወውእቱኒ፡ እንዘ፡ ይት፡ ዔሦሙ፡ ወይሴስዮሙ፡ መና፡ በገዳም።
36:24	ወአልባሲሆሙኒ፡ ኢበልያ፡ ወኢገርሆሙ፡ ኢነቅዓ፡ እስመ፡ ተሴሰዩ፡ መና፡ ዝውእቱ፡ ኅብስተ፡ አእምሮ።	ወአልባሲሆሙኒ፡ ኢበልያ፡ ወኢገርሆሙ፡ ኢነቅዓ፡ እስመ፡ ተሴሰዩ፡ መና፡ ዝውእቱ፡ ኅብስተ፡ አእምሮ።
36:25	ወልቦሙሰ፡ ዘልፈ፡ ይርኅቅ፡ እምእግዚአብሔር፡ ወአልቦሙ፡ ተስፋ፡ ለድኂን፡ እስመ፡ እምትካት፡ ገባርያነ፡ እኪት።	ወልቦሙሰ፡ ዘልፈ፡ ይርኅቅ፡ እምእግዚአብሔር፡ ወአልቦሙ፡ ተስፋ፡ ለድኂን፡ እስመ፡ እምትካት፡ ገባርያነ፡ እኪት።
36:26	ወኢኮኑ፡ ከመ፡ አበዊሆሙ፡ አብርሃም፡ ይስሐቅ፡ ወያዕቆብ፡ እለ፡ አሥመርዎ፡ ለእግዚአብሔር፡ በስነ፡ ሕይወቶሙ፡ አላ፡ ኮኑ፡ ከመ፡ ቀስተ፡ ጠዋይ፡ ወዘልፈ፡ ያምዕዕዎ፡ በጣዖቶሙ፡ ወበአውግሪሆሙ፡ ወበአድባሪሆሙ፡ ወይበልዑ፡ በውስተ፡ አድባር፡ ወበውስተ፡ አዕዋም፡ ወበውስተ፡ ፆላዕት።	ወኢኮኑ፡ ከመ፡ አበዊሆሙ፡ አብርሃም፡ ይስሐቅ፡ ወያዕቆብ፡ እለ፡ አሥመርዎ፡ ለእግዚአብሔር፡ በስነ፡ ሕይወቶሙ፡ አላ፡ ኮኑ፡ ከመ፡ ቀስተ፡ ጠዋይ፡ ወዘልፈ፡ ያምዕዕዎ፡ በጣዖቶሙ፡ ወበአውግሪሆሙ፡ ወበአድባሪሆሙ፡ ወይበልዑ፡ በውስተ፡ አድባር፡ ወበውስተ፡ አዕዋም፡ ወበውስተ፡ ፆላዕት።
36:27	ወይጠብሑ፡ ወይሠውዑ፡ ወይቴፈሥሑ፡ በግብረ፡ እደዊሆሙ፡ ወይበልዑ፡ ዝቡሐ፡ ወይሰተዩ፡ ወይነ፡ ሞጻሕቶሙ፡ ወይዘፍኑ፡ ወይትዋነዩ፡ ምስለ፡ አጋንንት።	ወይጠብሑ፡ ወይሠውዑ፡ ወይቴፈሥሑ፡ በግብረ፡ እደዊሆሙ፡ ወይበልዑ፡ ዝቡሐ፡ ወይሰተዩ፡ ወይነ፡ ሞጻሕቶሙ፡ ወይዘፍኑ፡ ወይትዋነዩ፡ ምስለ፡ አጋንንት።
36:28	ወያስተጥዕሙ፡ ሎሙ፡ አጋንንት፡ በኵሉ፡ ዘፈኖሙ፡ ወተውኔቶሙ፡ ወበኵሉ፡ ስካ፡ ሮሙ፡ ወዝሙት፡ ዘእንበለ፡ ዓቅም፡ ወስስዕት፡ ወትዕግልት፡ ዘኢይሠምር፡ ቦቱ፡ እግዚአ፡ ብሔር።	ወያስተጥዕሙ፡ ሎሙ፡ አጋንንት፡ በኵሉ፡ ዘፈኖሙ፡ ወተውኔቶሙ፡ ወበኵሉ፡ ስካ፡ ሮሙ፡ ወዝሙት፡ ዘእንበለ፡ ዓቅም፡ ወስስዕት፡ ወትዕግልት፡ ዘኢይሠምር፡ ቦቱ፡ እግዚአ፡ ብሔር።
36:29	ወሦዑ፡ ለግልፎ፡ ከነዓን፡ ወለበዓል፡ ወለማርያ፡ ምድያም፡ ወለግልፍዋተ፡ ኤሎፍሊ፡ ዳጎን፡ ወአጵሎን፡ ወለአርጤማዲስ፡ ወለራጽዮን።	ወሦዑ፡ ለግልፎ፡ ከነዓን፡ ወለበዓል፡ ወለማርያ፡ ምድያም፡ ወለግልፍዋተ፡ ኤሎፍሊ፡ ዳጎን፡ ወአጵሎን፡ ወለአርጤማዲስ፡ ወለራጽዮን።
36:30	ወለኵሉ፡ አማልክቲሆሙ፡ ለአሕዛብ፡ እለ፡ ዓውዶሙ፡ ይመልኩ፡ ኵሉ፡ በከመ፡ ገብሩ፡ አሕዛብ፡ በዘርእዩ፡ ወበዘሰምዑ፡ ወኵሉ፡ ተውኔቶሙ፡ ወዘፈኖሙ፡ ወውዋዒሆሙ፡ ዘይገብሩ፡ አሕዛብ።	ወለኵሉ፡ አማልክቲሆሙ፡ ለአሕዛብ፡ እለ፡ ዓውዶሙ፡ ይመልኩ፡ ኵሉ፡ በከመ፡ ገብሩ፡ አሕዛብ፡ በዘርእዩ፡ ወበዘሰምዑ፡ ወኵሉ፡ ተውኔቶሙ፡ ወዘፈኖሙ፡ ወውዋዒሆሙ፡ ዘይገብሩ፡ አሕዛብ።
36:31	ወከማሁ፡ ይገብሩ፡ ሕዝበ፡ እስራኤል፡ እለ፡ ይብሉ፡ ናመልኮ፡ ለእግዚአብሔር፡ ወኢይገብሩ፡ ሕጎ፡ ወትእዛዞ፡ ዘነገሮሙ፡ ሙሴ፡ በኦሪት፡ ከመ፡ ይዕቀቡ፡ ትእዛዛተ፡ እግዚአ፡ ብሔር፡ ወይትገሃሡ፡ እምአምልኮ፡ ጣዖት።	ወከማሁ፡ ይገብሩ፡ ሕዝበ፡ እስራኤል፡ እለ፡ ይብሉ፡ ናመልኮ፡ ለእግዚአብሔር፡ ወኢይገብሩ፡ ሕጎ፡ ወትእዛዞ፡ ዘነገሮሙ፡ ሙሴ፡ በኦሪት፡ ከመ፡ ይዕቀቡ፡ ትእዛዛተ፡ እግዚአ፡ ብሔር፡ ወይትገሃሡ፡ እምአምልኮ፡ ጣዖት።
36:32	ወኢያመልኩ፡ ባዕዳነ፡ አማልክተ፡ ዘእንበለ፡ አምላከ፡ አበዊሆሙ፡ ዘሴሰዮሙ፡ እክለ፡ ገራውህ፡ ወአዕረጎሙ፡ ዲበ፡ ኃይለ፡ ምድር፡ ወአጽገቦሙ፡ መዓረ፡ እምኰኵሕ፡ ወሴሰዮሙ፡ መና።	ወኢያመልኩ፡ ባዕዳነ፡ አማልክተ፡ ዘእንበለ፡ አምላከ፡ አበዊሆሙ፡ ዘሴሰዮሙ፡ እክለ፡ ገራውህ፡ ወአዕረጎሙ፡ ዲበ፡ ኃይለ፡ ምድር፡ ወአጽገቦሙ፡ መዓረ፡ እምኰኵሕ፡ ወሴሰዮሙ፡ መና።
36:33	ወኢያኀጥዖሙ፡ ዘተመነዩ፡ ወዘፈቀዱ፡ እስመ፡ ውእቱ፡ አምላኮሙ፡ ወይሴስዮሙ፡ ዘፈቀዱ።	ወኢያኀጥዖሙ፡ ዘተመነዩ፡ ወዘፈቀዱ፡ እስመ፡ ውእቱ፡ አምላኮሙ፡ ወይሴስዮሙ፡ ዘፈቀዱ።
36:34	ወውእቶሙሰ፡ ኢየኃድጉ፡ አምዕዖቶ፡ ለእግዚአብሔር፡ ወሶበ፡ ያስተፈሥሆሙ፡ ይረ፡ ስዕዎ፡ ለእግዚአብሔር።	ወውእቶሙሰ፡ ኢየኃድጉ፡ አምዕዖቶ፡ ለእግዚአብሔር፡ ወሶበ፡ ያስተፈሥሆሙ፡ ይረ፡ ስዕዎ፡ ለእግዚአብሔር።
36:35	ወሶበ፡ ይቀሥፎሙ፡ የዓወይው፡ ኀቤሁ፡ ወያድኅኖሙ፡ እምንዳቤሆሙ፡ ዘረከቦሙ፡ ወካዕበ፡ ይትፌሥሑ፡ ገሃደ፡ ወይነብሩ፡ ነዋሃ፡ መዋዕለ።	ወሶበ፡ ይቀሥፎሙ፡ የዓወይው፡ ኀቤሁ፡ ወያድኅኖሙ፡ እምንዳቤሆሙ፡ ዘረከቦሙ፡ ወካዕበ፡ ይትፌሥሑ፡ ገሃደ፡ ወይነብሩ፡ ነዋሃ፡ መዋዕለ።
36:36	ወሶቤሃ፡ ይመይጡ፡ ልቦሙ፡ ወይገብዑ፡ ከመ፡ ያምዕዕዎ፡ ለእግዚአብሔር፡ ከመ፡ ትካት፡ ወያነሥእ፡ ቦሙ፡ አሕዛበ፡ እለ፡ ዓውዶሙ፡ ከመ፡ ይቅትልዎሙ፡ ወያገብርዎሙ፡ ወያመነድብዎሙ።	ወሶቤሃ፡ ይመይጡ፡ ልቦሙ፡ ወይገብዑ፡ ከመ፡ ያምዕዕዎ፡ ለእግዚአብሔር፡ ከመ፡ ትካት፡ ወያነሥእ፡ ቦሙ፡ አሕዛበ፡ እለ፡ ዓውዶሙ፡ ከመ፡ ይቅትልዎሙ፡ ወያገብርዎሙ፡ ወያመነድብዎሙ።
36:37	ወካዕበ፡ ይትመየጡ፡ ወይገይሱ፡ ወየዓወይዉ፡ ኀበ፡ እግዚአብሔር፡ አምላኮሙ።	ወካዕበ፡ ይትመየጡ፡ ወይገይሱ፡ ወየዓወይዉ፡ ኀበ፡ እግዚአብሔር፡ አምላኮሙ።
36:38	ወውእቱኒ፡ ይምህሮሙ፡ አኮ፡ በእንተ፡ ርእሶሙ፡ አላ፡ በእንተ፡ አበዊሆሙ፡ ዘመሐለ፡ ወዓቀመ፡ ኪዲኖ፡ ምስለ፡ ወአብርሃም፡ ወይስሐቅ፡ ወያዕቆብ፡ እለ፡ እምዓለም፡ አሠምርዎ፡ ለእግዚአብሔር፡ በስነ፡ ሕይወቶሙ።	ወውእቱኒ፡ ይምህሮሙ፡ አኮ፡ በእንተ፡ ርእሶሙ፡ አላ፡ በእንተ፡ አበዊሆሙ፡ ዘመሐለ፡ ወዓቀመ፡ ኪዲኖ፡ ምስለ፡ ወአብርሃም፡ ወይስሐቅ፡ ወያዕቆብ፡ እለ፡ እምዓለም፡ አሠምርዎ፡ ለእግዚአብሔር፡ በስነ፡ ሕይወቶሙ።
36:39	ወለእለ፡ አፍቀርዎ፡ ወዓቀቡ፡ ትእዛዞ፡ አፍቀሮሙ፡ ከመ፡ ያብዝኅ፡ ዘርኦሙ፡ ከመ፡ ኆፃ፡ ባሕር፡ ወከመ፡ ከዋክብተ፡ ሰማይ።	ወለእለ፡ አፍቀርዎ፡ ወዓቀቡ፡ ትእዛዞ፡ አፍቀሮሙ፡ ከመ፡ ያብዝኅ፡ ዘርኦሙ፡ ከመ፡ ኆፃ፡ ባሕር፡ ወከመ፡ ከዋክብተ፡ ሰማይ።
36:40	ወከመ፡ ኆፃ፡ ባሕርሰ፡ ዘይቤ፡ ነፍሳት፡ ኃጥአን፡ አመ፡ ትንሣኤ፡ ሙታን፡ እለ፡ ይበውኡ፡ ውስተ፡ ባሕረ፡ እሳት፡ እምደቂቀ፡ እስራኤል።	ወከመ፡ ኆፃ፡ ባሕርሰ፡ ዘይቤ፡ ነፍሳት፡ ኃጥአን፡ አመ፡ ትንሣኤ፡ ሙታን፡ እለ፡ ይበውኡ፡ ውስተ፡ ባሕረ፡ እሳት፡ እምደቂቀ፡ እስራኤል።