| 19:1 | ኦ፡ ምድር፡ እንተ፡ አስተጋባዕኪዮሙ፡ ለነገሥት፡ ወለመኰንንት፡ ወለዓበይት፡ ወለክቡራን፡ ወለአንስት፡ ላህያት፡ ወለሠናያት፡ ደናግል። | ኦ፡ ምድር፡ እንተ፡ አስተጋባዕኪዮሙ፡ ለነገሥት፡ ወለመኰንንት፡ ወለዓበይት፡ ወለክቡራን፡ ወለአንስት፡ ላህያት፡ ወለሠናያት፡ ደናግል። |
|---|
| 19:2 | ወለዕደው፡ ፅኑዓን፡ እለ፡ ቦሙ፡ ሰን፡ ወሠናያን፡ አቍያጽ፡ ወእለ፡ ቦሙ፡ አእምሮ፡ ወልቡና፡ ወእለ፡ ቦሙ፡ ሠናይ፡ ቃል፡ ከመ፡ ቃለ፡ አርጋኖን፡ ነባቢት፡ ወከመ፡ ዝብጠት፡ መሰንቆ፡ ወዕንዚራ። | ወለዕደው፡ ፅኑዓን፡ እለ፡ ቦሙ፡ ሰን፡ ወሠናያን፡ አቍያጽ፡ ወእለ፡ ቦሙ፡ አእምሮ፡ ወልቡና፡ ወእለ፡ ቦሙ፡ ሠናይ፡ ቃል፡ ከመ፡ ቃለ፡ አርጋኖን፡ ነባቢት፡ ወከመ፡ ዝብጠት፡ መሰንቆ፡ ወዕንዚራ። |
|---|
| 19:3 | ወእለ፡ ቦሙ፡ ሠናይ፡ ዜማ፡ እለ፡ ያስተፌሥሑ፡ ከመ፡ ስታየ፡ ወይን፡ አዳም፡ አዕይንቲሆሙ፡ ብሩሃት፡ ከመ፡ ኮከብ፡ ጽባሕ። | ወእለ፡ ቦሙ፡ ሠናይ፡ ዜማ፡ እለ፡ ያስተፌሥሑ፡ ከመ፡ ስታየ፡ ወይን፡ አዳም፡ አዕይንቲሆሙ፡ ብሩሃት፡ ከመ፡ ኮከብ፡ ጽባሕ። |
|---|
| 19:4 | ወየማኖሙ፡ ጽኑዕ፡ ከመ፡ ዘይሁብ፡ ወይነሥኦ፡ ወየሐይጱ፡ ወእገሪሆሙ፡ ሠናያን፡ ለርእይ፡ ወለእለ፡ ይረውጻ፡ ከመ፡ መኰራኵር፡ ርቱዓት። | ወየማኖሙ፡ ጽኑዕ፡ ከመ፡ ዘይሁብ፡ ወይነሥኦ፡ ወየሐይጱ፡ ወእገሪሆሙ፡ ሠናያን፡ ለርእይ፡ ወለእለ፡ ይረውጻ፡ ከመ፡ መኰራኵር፡ ርቱዓት። |
|---|
| 19:5 | አእምኔከ፡ ሞት፡ ዘነሣእከ፡ ነፍሣቲሆሙ፡ ለሠናያን፡ ዕደው፡ እስመ፡ በፈቃደ፡ እግዚአብ፡ ሔር፡ ተፈነውከ። | አእምኔከ፡ ሞት፡ ዘነሣእከ፡ ነፍሣቲሆሙ፡ ለሠናያን፡ ዕደው፡ እስመ፡ በፈቃደ፡ እግዚአብ፡ ሔር፡ ተፈነውከ። |
|---|
| 19:6 | ወአንቲኒ፡ ምድር፡ እስመ፡ አስተጋባዖኪ፡ ብዙኃት፡ ሥጋተ፡ እለ፡ እምኔኪ፡ አውፅኦሙ፡ እግዚአብሔር፡ ወአግብኦሙ፡ ኀቤኪ፡ እምኔኪ፡ ወፃዕነ፡ ወኀቤኪ፡ ግባዕነ፡ በፈካደ፡ እግዚአብሔር፡ ተፈሣሕነ፡ በፈቃደ፡ እግዚአብሔር፡ ዲቤኪ። | ወአንቲኒ፡ ምድር፡ እስመ፡ አስተጋባዖኪ፡ ብዙኃት፡ ሥጋተ፡ እለ፡ እምኔኪ፡ አውፅኦሙ፡ እግዚአብሔር፡ ወአግብኦሙ፡ ኀቤኪ፡ እምኔኪ፡ ወፃዕነ፡ ወኀቤኪ፡ ግባዕነ፡ በፈካደ፡ እግዚአብሔር፡ ተፈሣሕነ፡ በፈቃደ፡ እግዚአብሔር፡ ዲቤኪ። |
|---|
| 19:7 | ወኮንኪ፡ መንደፈ፡ ለአብድንቲነ፡ አንሶሰውነ፡ ዲቤኪ፡ ወኖምነ፡ በውቲትኪ፡ በላዕነ፡ ፍሬኪ፡ ወበላዕኪ፡ ሥጋነ። | ወኮንኪ፡ መንደፈ፡ ለአብድንቲነ፡ አንሶሰውነ፡ ዲቤኪ፡ ወኖምነ፡ በውቲትኪ፡ በላዕነ፡ ፍሬኪ፡ ወበላዕኪ፡ ሥጋነ። |
|---|
| 19:8 | ሠተይነ፡ እምጠለ፡ ነቅዕኪ፡ ወሰተይኪ፡ እምነቅዓ፡ ደምነ፡ በላዕነ፡ እምአንጕዓ፡ ምድርኪ፡ ወበላዕኪ፡ እምአንጕዓ፡ አዕፅምትኒ። | ሠተይነ፡ እምጠለ፡ ነቅዕኪ፡ ወሰተይኪ፡ እምነቅዓ፡ ደምነ፡ በላዕነ፡ እምአንጕዓ፡ ምድርኪ፡ ወበላዕኪ፡ እምአንጕዓ፡ አዕፅምትኒ። |
|---|
| 19:9 | ባላዕነ፡ እምጠዕመ፡ ሐመድ፡ ጠልኪ፡ ሠናይ፡ በከመ፡ አዘዘኪ፡ እግዚአብሔር፡ ለሲሲትነ፡ ወነሣእኪ፡ ላህየ፡ ሥጋነ፡ ወረሰይኪ፡ ፀበለ፡ በከመ፡ አዘዘኪ፡ እግዚአብሔር፡ ለሲሲትኪ። | ባላዕነ፡ እምጠዕመ፡ ሐመድ፡ ጠልኪ፡ ሠናይ፡ በከመ፡ አዘዘኪ፡ እግዚአብሔር፡ ለሲሲትነ፡ ወነሣእኪ፡ ላህየ፡ ሥጋነ፡ ወረሰይኪ፡ ፀበለ፡ በከመ፡ አዘዘኪ፡ እግዚአብሔር፡ ለሲሲትኪ። |
|---|
| 19:10 | ኦ፡ እምኔከ፡ ሞት፡ ዘአስተጋባዕከ፡ ብዙኃነ፡ ኃያላነ፡ ነገሥት፡ ወመኳንንት፡ ወኢፈራህከ፡ እምግርማሆሙ፡ ወእምዕበዮሙ፡ በከመ፡ አዘዘከ፡ ዘፈጠሮሙ፡ ወኢመነንከ፡ ምስኪነ። | ኦ፡ እምኔከ፡ ሞት፡ ዘአስተጋባዕከ፡ ብዙኃነ፡ ኃያላነ፡ ነገሥት፡ ወመኳንንት፡ ወኢፈራህከ፡ እምግርማሆሙ፡ ወእምዕበዮሙ፡ በከመ፡ አዘዘከ፡ ዘፈጠሮሙ፡ ወኢመነንከ፡ ምስኪነ። |
|---|
| 19:11 | ወኤምሕርከ፡ እለ፡ ሠናይ፡ ላህዮሙ፡ ወኢኀደገ፡ ኃያላነ፡ ወፅኑዓነ፡ ወኢኀደገ፡ አብዕልተ፡ ወነዳያነ፡ ኃሡማነ፡ ወሠናያነ፡ አዕሩገ፡ ወሕፃናተ፡ ዕደወ፡ ወአንስተ። | ወኤምሕርከ፡ እለ፡ ሠናይ፡ ላህዮሙ፡ ወኢኀደገ፡ ኃያላነ፡ ወፅኑዓነ፡ ወኢኀደገ፡ አብዕልተ፡ ወነዳያነ፡ ኃሡማነ፡ ወሠናያነ፡ አዕሩገ፡ ወሕፃናተ፡ ዕደወ፡ ወአንስተ። |
|---|
| 19:12 | ወኢኀደገ፡ እለ፡ ሠናየ፡ ይሔልዩ፡ ወኢትዓደወ፡ እምትእዛዙ፡ ወኢኀደገ፡ እለ፡ እኵየ፡ ይሔልዩ። እለ፡ ኮኑ፡ ከመ፡ እንስሳ፡ በምግባሮሙ፡ ወእለ፡ ፍጹማን፡ በሥነ፡ ላህዮሙ፡ ወቃሎሙ፡ ወጣዕመ፡ ነገሮሙ። | ወኢኀደገ፡ እለ፡ ሠናየ፡ ይሔልዩ፡ ወኢትዓደወ፡ እምትእዛዙ፡ ወኢኀደገ፡ እለ፡ እኵየ፡ ይሔልዩ። እለ፡ ኮኑ፡ ከመ፡ እንስሳ፡ በምግባሮሙ፡ ወእለ፡ ፍጹማን፡ በሥነ፡ ላህዮሙ፡ ወቃሎሙ፡ ወጣዕመ፡ ነገሮሙ። |
|---|
| 19:13 | ወኢኃደገ፡ እለ፡ መሪር፡ ቃሎሙ፡ ወምሉዕ፡ መርገመ፡ ውስተ፡ አፉሆሙ፡ ወአስተጋባዕከ፡ ነፍሳቲሆሙ፡ ውስተ፡ መዛግብቲከ፡ እመሂ፡ ዘብሃን፡ ውእመሂ፡ ዘጽልመት። | ወኢኃደገ፡ እለ፡ መሪር፡ ቃሎሙ፡ ወምሉዕ፡ መርገመ፡ ውስተ፡ አፉሆሙ፡ ወአስተጋባዕከ፡ ነፍሳቲሆሙ፡ ውስተ፡ መዛግብቲከ፡ እመሂ፡ ዘብሃን፡ ውእመሂ፡ ዘጽልመት። |
|---|
| 19:14 | ወምድርኒ፡ አስተጋብዖት፡ ሥጋሆሙ፡ እመሂ፡ ውስተ፡ ኰኵሕ፡ ወአመሂ፡ ውስተ፡ መሬት፡ እስከ፡ አመ፡ ንፍሐተ፡ ቀርን፡ ወይትነሥኦ፡ ምውታን። | ወምድርኒ፡ አስተጋብዖት፡ ሥጋሆሙ፡ እመሂ፡ ውስተ፡ ኰኵሕ፡ ወአመሂ፡ ውስተ፡ መሬት፡ እስከ፡ አመ፡ ንፍሐተ፡ ቀርን፡ ወይትነሥኦ፡ ምውታን። |
|---|
| 19:15 | ወይትፈደዩ፡ ገባርያነ፡ እስከ፡ በከመ፡ ምግባሮሙ፡ ዘገብሩ፡ እስመ፡ በንፍሐተ፡ ቀርን፡ ወበትእዛዘ፡ እግዚአብሔር፡ ይትነሥኡ፡ ምውታን፡ ከመ፡ ቅጽበተ፡ ዓይን፡ ወይት፡ ፌሥሑ፡ እለ፡ ሠናየ፡ ገብሩ። | ወይትፈደዩ፡ ገባርያነ፡ እስከ፡ በከመ፡ ምግባሮሙ፡ ዘገብሩ፡ እስመ፡ በንፍሐተ፡ ቀርን፡ ወበትእዛዘ፡ እግዚአብሔር፡ ይትነሥኡ፡ ምውታን፡ ከመ፡ ቅጽበተ፡ ዓይን፡ ወይት፡ ፌሥሑ፡ እለ፡ ሠናየ፡ ገብሩ። |
|---|