2 Meqabyan (Ethiopian)

2 Meqabyan (Ethiopian) 2 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

	Ge'ez Ge'ez Bible	Ge'ez Apocrypha
2:1	ወከመዝ፡ ይቤሎ፡ ነቢይ፡ ረዓይ፡ ዘይብልዎ፡ ይእዜሰ፡ ተፈሣሕ፡ ኅዳጠ፡ በብርሃነ፡ ሰዓት፡ ወሀለዎ፡ ይትበቀለከ፡ እግዚአብሔር፡ ቅዱስ፡ እስራኤል፡ በዘኢተሐዘብከ፡ ገጽ።	ወከመዝ፡ ይቤሎ፡ ነቢይ፡ ረዓይ፡ ዘይብልዎ፡ ይእዜሰ፡ ተፈሣሕ፡ ኅዳጠ፡ በብርሃነ፡ ሰዓት፡ ወሀለዎ፡ ይትበቀለከ፡ እግዚአብሔር፡ ቅዱስ፡ እስራኤል፡ በዘኢተሐዘብከ፡ ገጽ።
2:2	ተብለነ፡ ረዋጽያነ፡ አፍራስየ፡ ወበእንተዝ፡ አመሥጥ፡ በበዲር።	ተብለነ፡ ረዋጽያነ፡ አፍራስየ፡ ወበእንተዝ፡ አመሥጥ፡ በበዲር።
2:3	ወአንሰ፡ እብአከ፡ እምአንስርት፡ ይረውፁ፡ እለ፡ ይዴግኑከ፡ ወኢታመሥጥ፡ እመንሱት፡ ወመዓተ፡ እግዚአብሔር፡ ዘላዕሌከ።	ወአንሰ፡ እብአከ፡ እምአንስርት፡ ይረውፁ፡ እለ፡ ይዴግኑከ፡ ወኢታመሥጥ፡ እመንሱት፡ ወመዓተ፡ እግዚአብሔር፡ ዘላዕሌከ።
2:4	ወትብልኑ፡ እለብስ፡ ሐፂነ፡ ወኢይክለኒ፡ ሂጵተ፡ ቀስት፡ ወደርብዮ፡ ኵያንው፡ ወአክኮኪ፡ ከማሁ፡ በደርብዮ፡ ሐፂን፡ ዘኢትቤቀለከ፡ ይቤ፡ እግዚአብሔር፡ ቅዱሰ፡ እስራኤል፡ አላ፡ አመጽእ፡ እኪተ፡ ሕማመ፡ ውስተ፡ ልብከ፡ ዘየአኪ፡ እምሄጳተ፡ ቀስት፡ ወደርብዮ፡ ኵናት፡ ወደዌ፡ ሲሕ፡ ወአበቅ።	ወትብልኑ፡ እለብስ፡ ሐፂነ፡ ወኢይክለኒ፡ ሂጵተ፡ ቀስት፡ ወደርብዮ፡ ኵያንው፡ ወአክኮኪ፡ ከማሁ፡ በደርብዮ፡ ሐፂን፡ ዘኢትቤቀለከ፡ ይቤ፡ እግዚአብሔር፡ ቅዱሰ፡ እስራኤል፡ አላ፡ አመጽእ፡ እኪተ፡ ሕማመ፡ ውስተ፡ ልብከ፡ ዘየአኪ፡ እምሄጳተ፡ ቀስት፡ ወደርብዮ፡ ኵናት፡ ወደዌ፡ ሲሕ፡ ወአበቅ።
2:5	ወአመጽእ፡ እኪተ፡ ሕማመ፡ ውስተ፡ ልብከ፡ ወተኃጥእ፡ ዘይረድአከ፡ ወኢትረክብ፡ እስመ፡ ወሀከ፡ መዓትየ፡ ወኢታመሥጥ፡ እምእዴየ፡ እስከ፡ አጥፍዕ፡ እምድር፡ ዝክረከ።	ወአመጽእ፡ እኪተ፡ ሕማመ፡ ውስተ፡ ልብከ፡ ወተኃጥእ፡ ዘይረድአከ፡ ወኢትረክብ፡ እስመ፡ ወሀከ፡ መዓትየ፡ ወኢታመሥጥ፡ እምእዴየ፡ እስከ፡ አጥፍዕ፡ እምድር፡ ዝክረከ።
2:6	ወተአምረኒ፡ ከመ፡ አነ፡ እግዚአብሔር፡ ፈጣሪከ፡ ሶበ፡ አገብሮ፡ ለዝንቱ፡ ነገር፡ ፍጡነ፡ ከመ፡ ቅጽበተ፡ ዓይን፡ እስመ፡ አንተ፡ አግዘፍከ፡ ክሣድከ፡ ወአልዓልከ፡ ርእሰከ፡ ዲበ፡ ሀገርየ፡ እስመ፡ አንተ፡ ከመ፡ ሣዕር፡ ዘቅድመ፡ ገጸ፡ ነፋስ፡ ዘይበልዖ፡ እሳት፡ በቅድመ፡ አዕይን፡ ትየ፡ ወከመ፡ ሐመድ፡ ዘይነሥእዎ፡ ነፋሳት፡ ወአውሎ፡ እምቅድመ፡ ገጸ፡ ምድር፡ ከማሁ፡ አንተ፡ በኀቤየ።	ወተአምረኒ፡ ከመ፡ አነ፡ እግዚአብሔር፡ ፈጣሪከ፡ ሶበ፡ አገብሮ፡ ለዝንቱ፡ ነገር፡ ፍጡነ፡ ከመ፡ ቅጽበተ፡ ዓይን፡ እስመ፡ አንተ፡ አግዘፍከ፡ ክሣድከ፡ ወአልዓልከ፡ ርእሰከ፡ ዲበ፡ ሀገርየ፡ እስመ፡ አንተ፡ ከመ፡ ሣዕር፡ ዘቅድመ፡ ገጸ፡ ነፋስ፡ ዘይበልዖ፡ እሳት፡ በቅድመ፡ አዕይን፡ ትየ፡ ወከመ፡ ሐመድ፡ ዘይነሥእዎ፡ ነፋሳት፡ ወአውሎ፡ እምቅድመ፡ ገጸ፡ ምድር፡ ከማሁ፡ አንተ፡ በኀቤየ።
2:7	እስመ፡ ወሀኮ፡ መዓትየ፡ ወኢያእመርከ፡ ፈጣሬ፡ ዚአከ፡ ወአነሂ፡ ኢትኄየዮ፡ ለኵሉ፡ ዘዚአከ፡ ወኢያተርፍ፡ ዘያስተአዝብ፡ በኵሉ፡ አድባሪከ።	እስመ፡ ወሀኮ፡ መዓትየ፡ ወኢያእመርከ፡ ፈጣሬ፡ ዚአከ፡ ወአነሂ፡ ኢትኄየዮ፡ ለኵሉ፡ ዘዚአከ፡ ወኢያተርፍ፡ ዘያስተአዝብ፡ በኵሉ፡ አድባሪከ።
2:8	ወይእዜኒ፡ ነስሕ፡ እምነ፡ ኵሉ፡ እኩይ፡ ዘገበርከ፡ ወለእመ፡ ነሳሕከ፡ ወተጋነይከ፡ በቅድመ፡ እግዚአብሔር፡ በአንብዕ፡ ወበብካይ፡ ወሰአልከ፡ ኀቤሁ፡ በንጹሕ፡ ልብ፡ ይትዓደዋ፡ እግዚአብሔር፡ ለኃጢአትከ፡ በኵሉ፡ ዘአበስከ፡ በቅድሜሁ።	ወይእዜኒ፡ ነስሕ፡ እምነ፡ ኵሉ፡ እኩይ፡ ዘገበርከ፡ ወለእመ፡ ነሳሕከ፡ ወተጋነይከ፡ በቅድመ፡ እግዚአብሔር፡ በአንብዕ፡ ወበብካይ፡ ወሰአልከ፡ ኀቤሁ፡ በንጹሕ፡ ልብ፡ ይትዓደዋ፡ እግዚአብሔር፡ ለኃጢአትከ፡ በኵሉ፡ ዘአበስከ፡ በቅድሜሁ።
2:9	ወውእተ፡ ጊዜ፡ በከየ፡ መቃቢስ፡ ቅድመ፡ እግዚአብሔር፡ በእንተ፡ ኃጢአቱ፡ ወለብሰ፡ ሐመደ፡ እስመ፡ ተምዕዖ፡ እግዚአብሔር።	ወውእተ፡ ጊዜ፡ በከየ፡ መቃቢስ፡ ቅድመ፡ እግዚአብሔር፡ በእንተ፡ ኃጢአቱ፡ ወለብሰ፡ ሐመደ፡ እስመ፡ ተምዕዖ፡ እግዚአብሔር።
2:10	ወአእመረ፡ ከመ፡ ኢያጐነዲ፡ እግዚአብሔር፡ እኪተ፡ ዘነበበ፡ በአፈ፡ ነቢዩ፡ እስመ፡ ትጉሕ፡ አዕይንቲሁ፡ ወኢይነውም፡ ወክሡት፡ ዕዘኒሁ፡ ወኢይጸመም፡ ወኢትሔሱ፡ ቃለ፡ ዘነበበ፡ ወይገብራ፡ በአሐቲ፡ ጊዜ፡ ከመ፡ ቅጽበተ፡ ዓይን።	ወአእመረ፡ ከመ፡ ኢያጐነዲ፡ እግዚአብሔር፡ እኪተ፡ ዘነበበ፡ በአፈ፡ ነቢዩ፡ እስመ፡ ትጉሕ፡ አዕይንቲሁ፡ ወኢይነውም፡ ወክሡት፡ ዕዘኒሁ፡ ወኢይጸመም፡ ወኢትሔሱ፡ ቃለ፡ ዘነበበ፡ ወይገብራ፡ በአሐቲ፡ ጊዜ፡ ከመ፡ ቅጽበተ፡ ዓይን።
2:11	ወገደፈ፡ አልባሲሁ፡ ወለብሰ፡ ሠቅ፡ ጸጕር፡ ወወደየ፡ ሐመደ፡ ዲበ፡ ርእሱ፡ ወበከየ፡ ወገዓረ፡ ቅድመ፡ እግዚአብሔር፡ አምላኩ፡ በእንተ፡ ዘገብረ፡ እኩየ።	ወገደፈ፡ አልባሲሁ፡ ወለብሰ፡ ሠቅ፡ ጸጕር፡ ወወደየ፡ ሐመደ፡ ዲበ፡ ርእሱ፡ ወበከየ፡ ወገዓረ፡ ቅድመ፡ እግዚአብሔር፡ አምላኩ፡ በእንተ፡ ዘገብረ፡ እኩየ።

read Ge'ez alone read Ge'ez alone