3 Meqabyan (Ethiopian)

3 Meqabyan (Ethiopian) 5 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
5:1	አእምሮ፡ ለዘፈጠርከ፡ ወኢትርሥዖ፡ ለዘአፅንዓከ፡ ወአድኃነከ፡ ቅዱሰ፡ እስራኤል፡ እስመ፡ እንዘ፡ መሬት፡ አንተ፡ ረሰየከ፡ በአርአያሁ፡ ወበአምሳሌሁ፡ ወሤመከ፡ ውስተ፡ ገነት፡ ከመ፡ ትትፈጋዕ፡ ወትትገብራ፡ ለምድር።	አእምሮ፡ ለዘፈጠርከ፡ ወኢትርሥዖ፡ ለዘአፅንዓከ፡ ወአድኃነከ፡ ቅዱሰ፡ እስራኤል፡ እስመ፡ እንዘ፡ መሬት፡ አንተ፡ ረሰየከ፡ በአርአያሁ፡ ወበአምሳሌሁ፡ ወሤመከ፡ ውስተ፡ ገነት፡ ከመ፡ ትትፈጋዕ፡ ወትትገብራ፡ ለምድር።
5:2	ወሶበ፡ አለውከ፡ ትእዛዞ፡ አውፅአከ፡ እምህየ፡ ውስተ፡ ዛቲ፡ ምድር፡ ይብስት፡ ምድረ፡ ሦክ፡ ወአሜከላ፡ አንተ፡ ረገማ፡ በእንቲአከ።	ወሶበ፡ አለውከ፡ ትእዛዞ፡ አውፅአከ፡ እምህየ፡ ውስተ፡ ዛቲ፡ ምድር፡ ይብስት፡ ምድረ፡ ሦክ፡ ወአሜከላ፡ አንተ፡ ረገማ፡ በእንቲአከ።
5:3	እስመ፡ አንተ፡ ምድር፡ ወይእቲ፡ ምድር፡ ወአንተ፡ ሐመድ፡ ወይእቲ፡ ሐመድ፡ ወአንተ፡ መሬት፡ ወይእቲ፡ መሬት፡ ወትሴሰይ፡ እምኔሃ፡ ወትገብአ፡ ኀቤሃ፡ ወትከውን፡ ሐመደ፡ እስከ፡ አመ፡ ፈቀደ፡ ከመ፡ ያንሥእከ፡ ወያሐትተከ፡ ኵሎ፡ ዘገበርከ፡ አበሰ፡ ወኃጢአተ።	እስመ፡ አንተ፡ ምድር፡ ወይእቲ፡ ምድር፡ ወአንተ፡ ሐመድ፡ ወይእቲ፡ ሐመድ፡ ወአንተ፡ መሬት፡ ወይእቲ፡ መሬት፡ ወትሴሰይ፡ እምኔሃ፡ ወትገብአ፡ ኀቤሃ፡ ወትከውን፡ ሐመደ፡ እስከ፡ አመ፡ ፈቀደ፡ ከመ፡ ያንሥእከ፡ ወያሐትተከ፡ ኵሎ፡ ዘገበርከ፡ አበሰ፡ ወኃጢአተ።
5:4	ውእተ፡ ጊዜ፡ አእምር፡ ዘታውሥእ፡ ወትዘከር፡ በዝየ፡ ዘገበርከ፡ እኩየ፡ ወሠናየ፡ ወድሉ፡ ወምክር፡ ለእመ፡ ይበዝኅ፡ እኩይ፡ ወለእመ፡ ይበዝኅ፡ ሠናይ።	ውእተ፡ ጊዜ፡ አእምር፡ ዘታውሥእ፡ ወትዘከር፡ በዝየ፡ ዘገበርከ፡ እኩየ፡ ወሠናየ፡ ወድሉ፡ ወምክር፡ ለእመ፡ ይበዝኅ፡ እኩይ፡ ወለእመ፡ ይበዝኅ፡ ሠናይ።
5:5	ወለእመ፡ አብዛኅኮ፡ ለሠናይ፡ ሠናይ፡ ለከ፡ ከመ፡ ትትፈሣሕ፡ ወትትኃሠይ፡ በትንሣኤ፡ ሙታን።	ወለእመ፡ አብዛኅኮ፡ ለሠናይ፡ ሠናይ፡ ለከ፡ ከመ፡ ትትፈሣሕ፡ ወትትኃሠይ፡ በትንሣኤ፡ ሙታን።
5:6	ወለእመ፡ አብዛኅኮ፡ ለእከይ፡ አሊ፡ ለከ፡ እስመ፡ ትትፈደይ፡ ብበከ፡ ግብረ፡ እደዊከ፡ ወበከመ፡ እከየ፡ ሕሊናከ፡ ወበከመ፡ ትፀውጎ፡ ለእኁከ፡ ወበከመ፡ ኢትፈርሆ፡ ለእግዚአብሔር፡ ትት፡ ፈደይ፡ በከመ፡ ምግባሪከ።	ወለእመ፡ አብዛኅኮ፡ ለእከይ፡ አሊ፡ ለከ፡ እስመ፡ ትትፈደይ፡ ብበከ፡ ግብረ፡ እደዊከ፡ ወበከመ፡ እከየ፡ ሕሊናከ፡ ወበከመ፡ ትፀውጎ፡ ለእኁከ፡ ወበከመ፡ ኢትፈርሆ፡ ለእግዚአብሔር፡ ትት፡ ፈደይ፡ በከመ፡ ምግባሪከ።
5:7	ወበከመ፡ ትሔስዎ፡ ለቢጽከ፡ ወትምሐል፡ በሐሰት፡ ስመ፡ እግዚአብሔር፡ ትትፈደይ፡ በከመ፡ ምግባሪከ።	ወበከመ፡ ትሔስዎ፡ ለቢጽከ፡ ወትምሐል፡ በሐሰት፡ ስመ፡ እግዚአብሔር፡ ትትፈደይ፡ በከመ፡ ምግባሪከ።
5:8	እስመ፡ ትረሰዮ፡ ሐሰተ፡ ለቃልከ፡ ከመ፡ ይኩን፡ እሙነ፡ በአስተማሰሎ፡ ለቢጽከ፡ ወአንተሰ፡ ተአምር፡ ከመ፡ ሐሰተ፡ ትነብብ።	እስመ፡ ትረሰዮ፡ ሐሰተ፡ ለቃልከ፡ ከመ፡ ይኩን፡ እሙነ፡ በአስተማሰሎ፡ ለቢጽከ፡ ወአንተሰ፡ ተአምር፡ ከመ፡ ሐሰተ፡ ትነብብ።
5:9	ወለእለሰ፡ ምስሌከ፡ ትቀውም፡ ከመ፡ ጽድቅ፡ ቃልከ፡ እንዘ፡ ታስተአምኖሙ፡ ወታበዝኅ፡ ነገረ፡ ኀበ፡ ዘኢኮነ፡ እሙነ፡ ጽድክ፡ ቃልከ፡ ወትትፈደይ፡ በከመ፡ ምግባሪከ፡ ወበከመ፡ አንተ፡ ትብል፡ እሁበከ፡ ኀበ፡ ዘኢትሁቦ፡ ለቢጽከ፡ ወዘትሔሰዎ፡ ለካልዕከ።	ወለእለሰ፡ ምስሌከ፡ ትቀውም፡ ከመ፡ ጽድቅ፡ ቃልከ፡ እንዘ፡ ታስተአምኖሙ፡ ወታበዝኅ፡ ነገረ፡ ኀበ፡ ዘኢኮነ፡ እሙነ፡ ጽድክ፡ ቃልከ፡ ወትትፈደይ፡ በከመ፡ ምግባሪከ፡ ወበከመ፡ አንተ፡ ትብል፡ እሁበከ፡ ኀበ፡ ዘኢትሁቦ፡ ለቢጽከ፡ ወዘትሔሰዎ፡ ለካልዕከ።
5:10	ወሶበ፡ ትብል፡ በንጹሕ፡ ልብከ፡ እሑብ፡ ያጸንሑከ፡ አጋንንት፡ ከመ፡ ከለባት፡ ወያረሥዑከ፡ ኵሎ፡ እመኒ፡ ነሣእከ፡ ወፈቀድከ፡ ከመ፡ ተሀብ፡ ያፈትወከ፡ ንዋየ፡ ዓለም፡ ከመ፡ ትዝግብ፡ ለዘኢይበቍዓከ፡ ወለዘኢትበልዕ፡ እስመ፡ ይቤ፡ ይዘግቡ፡ ወኢየአምሩ፡ ለዘያስተጋብዑ።	ወሶበ፡ ትብል፡ በንጹሕ፡ ልብከ፡ እሑብ፡ ያጸንሑከ፡ አጋንንት፡ ከመ፡ ከለባት፡ ወያረሥዑከ፡ ኵሎ፡ እመኒ፡ ነሣእከ፡ ወፈቀድከ፡ ከመ፡ ተሀብ፡ ያፈትወከ፡ ንዋየ፡ ዓለም፡ ከመ፡ ትዝግብ፡ ለዘኢይበቍዓከ፡ ወለዘኢትበልዕ፡ እስመ፡ ይቤ፡ ይዘግቡ፡ ወኢየአምሩ፡ ለዘያስተጋብዑ።
5:11	ወካዕበ፡ ይቤ፡ ሐሳውያን፡ ደቂቀ፡ እጓለ፡ እመሕያው፡ ይዔምፁ፡ መዳልወ፡ ወእሙንቱሰ፡ እምከንቱ፡ ውስተ፡ ከንቱ፡ ክመ።	ወካዕበ፡ ይቤ፡ ሐሳውያን፡ ደቂቀ፡ እጓለ፡ እመሕያው፡ ይዔምፁ፡ መዳልወ፡ ወእሙንቱሰ፡ እምከንቱ፡ ውስተ፡ ከንቱ፡ ክመ።
5:12	ኦሰብእ፡ ኢትለፈውዋ፡ ለዓመፃ፡ በዐምፆ፡ መዳልው፡ ወበዓምፆ፡ መስፍርት፡ ወበቀሲጠ፡ ንዋየ፡ ባዕድ፡ ወደምሮ፡ ኀበ፡ ንዋይክሙ፡ በዓመፃ፡ ወበተዓደዎ፡ ንዋየ፡ ቢጽክሙ፡ ወኵሎ፡ በዘታረብሁ፡ ለርእስክሙ፡ ወአኮ፡ ለቢጽክሙ።	ኦሰብእ፡ ኢትለፈውዋ፡ ለዓመፃ፡ በዐምፆ፡ መዳልው፡ ወበዓምፆ፡ መስፍርት፡ ወበቀሲጠ፡ ንዋየ፡ ባዕድ፡ ወደምሮ፡ ኀበ፡ ንዋይክሙ፡ በዓመፃ፡ ወበተዓደዎ፡ ንዋየ፡ ቢጽክሙ፡ ወኵሎ፡ በዘታረብሁ፡ ለርእስክሙ፡ ወአኮ፡ ለቢጽክሙ።
5:13	ወዘንተሂ፡ ለእመ፡ ገብርክሙ፡ ትትፈደዩ፡ በከመ፡ ምግባሪክሙ።	ወዘንተሂ፡ ለእመ፡ ገብርክሙ፡ ትትፈደዩ፡ በከመ፡ ምግባሪክሙ።
5:14	እሰብእ፡ ኢትትአመንዋ፡ ለሐይድ፡ አላ፡ በዘይረትዕ፡ በግብረ፡ እደዊክሙ፡ ትሴሰዩ፡ ወኢትፍቅዱ፡ ፃማ፡ ባዕድ፡ ከመ፡ ትብልዑ፡ በሐይድ፡ ወመሢጥ፡ ዘእንበለ፡ ፍትሕ፡ ወርትዕ።	እሰብእ፡ ኢትትአመንዋ፡ ለሐይድ፡ አላ፡ በዘይረትዕ፡ በግብረ፡ እደዊክሙ፡ ትሴሰዩ፡ ወኢትፍቅዱ፡ ፃማ፡ ባዕድ፡ ከመ፡ ትብልዑ፡ በሐይድ፡ ወመሢጥ፡ ዘእንበለ፡ ፍትሕ፡ ወርትዕ።
5:15	ወዘኢያጸግበክሙ፡ ሶበ፡ ትበልዑ፡ ወዘኢይረብሐብክሙ፡ ሶበ፡ ትዘግቡ፡ አላ፡ ተኀድግዎ፡ ለባዕድ፡ ሶበ፡ ትመውቱ።	ወዘኢያጸግበክሙ፡ ሶበ፡ ትበልዑ፡ ወዘኢይረብሐብክሙ፡ ሶበ፡ ትዘግቡ፡ አላ፡ ተኀድግዎ፡ ለባዕድ፡ ሶበ፡ ትመውቱ።
5:16	ወብዕልክሙኒ፡ ለእመ፡ በዝኃ፡ ፈታዕብዩ፡ ልበክሙ፡ ይኄይስ፡ ኅዳጥ፡ ዘበጽድቅ፡ እምብዙኅ፡ ብዕለ፡ ኃጥአን፡ እስመ፡ ብዕሎሙ፡ ለኃጥአን፡ ከመ፡ ጢስ፡ ዘይወጽእ፡ እምአፈ፡ እቶን፡ ወይነሥአ፡ ነፋስ።	ወብዕልክሙኒ፡ ለእመ፡ በዝኃ፡ ፈታዕብዩ፡ ልበክሙ፡ ይኄይስ፡ ኅዳጥ፡ ዘበጽድቅ፡ እምብዙኅ፡ ብዕለ፡ ኃጥአን፡ እስመ፡ ብዕሎሙ፡ ለኃጥአን፡ ከመ፡ ጢስ፡ ዘይወጽእ፡ እምአፈ፡ እቶን፡ ወይነሥአ፡ ነፋስ።