1 Enoch

1 Enoch 100 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

	Ge'ez Ge'ez Bible	Ge'ez Apocrypha
100:1	ወበእማንቱ፡ መዋዕል፡ በአሐዱ፡ መካን፡ አበው፡ ምስለ፡ ውሉዶሙ፡ ይትጓድኡ፡ ወአኀው፡ ምስለ፡ ቢጾሙ፡ ይወድቁ፡ በሞት፡ እስከ፡ ይውሕዝ፡ ከመ፡ ተከዚ፡ እምደመ፡ ዚኣሆሙ።	ወበእማንቱ፡ መዋዕል፡ በአሐዱ፡ መካን፡ አበው፡ ምስለ፡ ውሉዶሙ፡ ይትጓድኡ፡ ወአኀው፡ ምስለ፡ ቢጾሙ፡ ይወድቁ፡ በሞት፡ እስከ፡ ይውሕዝ፡ ከመ፡ ተከዚ፡ እምደመ፡ ዚኣሆሙ።
100:2	እስመ፡ ብእሲ፡ ኢይከልእ፡ እዴሁ፡ እምውሉዱ፡ ወእምውሉደ፡ ውሉዱ፡ ምሒረ፡ ከመ፡ ይቅትሎ፡ ወኃጥእ፡ ኢይከልእ፡ እዴሁ፡ እምነ፡ እኁሁ፡ ክቡር፡ እምጎህ፡ እስከ፡ የዐርብ፡ ፀሓይ፡ ወይትቃተሉ።	እስመ፡ ብእሲ፡ ኢይከልእ፡ እዴሁ፡ እምውሉዱ፡ ወእምውሉደ፡ ውሉዱ፡ ምሒረ፡ ከመ፡ ይቅትሎ፡ ወኃጥእ፡ ኢይከልእ፡ እዴሁ፡ እምነ፡ እኁሁ፡ ክቡር፡ እምጎህ፡ እስከ፡ የዐርብ፡ ፀሓይ፡ ወይትቃተሉ።
100:3	ወየሐውር፡ ፈረስ፡ እስከ፡ እንግድዓሁ፡ ውስተ፡ ደመ፡ ኃጥኣን፡ ወሠረገላ፡ እስከ፡ መልዕልታ፡ ትሰጠም።	ወየሐውር፡ ፈረስ፡ እስከ፡ እንግድዓሁ፡ ውስተ፡ ደመ፡ ኃጥኣን፡ ወሠረገላ፡ እስከ፡ መልዕልታ፡ ትሰጠም።
100:4	ወበእማንቱ፡ መዋዕል፡ መላእክት፡ ይወርዱ፡ ውስተ፡ ምኅባኣት፡ ወያገብእዎሙ፡ በአሐዱ፡ መካን፡ ለኵሎሙ፡ ለእለ፡ ያረድእዋ፡ ለኀጢአት፡ ወይትነሣእ፡ ልዑል፡ በይእቲ፡ ዕለት፡ ከመ፡ ይግበር፡ ኵነኔ፡ ዐቢየ፡ እምኵሎሙ፡ ለኃጥኣን።	ወበእማንቱ፡ መዋዕል፡ መላእክት፡ ይወርዱ፡ ውስተ፡ ምኅባኣት፡ ወያገብእዎሙ፡ በአሐዱ፡ መካን፡ ለኵሎሙ፡ ለእለ፡ ያረድእዋ፡ ለኀጢአት፡ ወይትነሣእ፡ ልዑል፡ በይእቲ፡ ዕለት፡ ከመ፡ ይግበር፡ ኵነኔ፡ ዐቢየ፡ እምኵሎሙ፡ ለኃጥኣን።
100:5	ወዐቀብተ፡ ይሁብ፡ ዲበ፡ ኵሎሙ፡ ጻድቃን፡ ወቅዱሳን፡ እመላእክት፡ ቅዱሳን፡ ወየዐቅብዎሙ፡ ከመ፡ ብንተ፡ ዐይን፡ እስከ፡ ይትዌዳእ፡ ኵሉ፡ እከይ፡ ወኵሉ፡ ኀጢአት፡ ወእመኒ፡ ይነውሙ፡ ጻድቃን፡ ንዋመ፡ ነዋኀ፡ ይነውሙ፡ ወአልቦሙ፡ ዘይፈርሁ።	ወዐቀብተ፡ ይሁብ፡ ዲበ፡ ኵሎሙ፡ ጻድቃን፡ ወቅዱሳን፡ እመላእክት፡ ቅዱሳን፡ ወየዐቅብዎሙ፡ ከመ፡ ብንተ፡ ዐይን፡ እስከ፡ ይትዌዳእ፡ ኵሉ፡ እከይ፡ ወኵሉ፡ ኀጢአት፡ ወእመኒ፡ ይነውሙ፡ ጻድቃን፡ ንዋመ፡ ነዋኀ፡ ይነውሙ፡ ወአልቦሙ፡ ዘይፈርሁ።
100:6	ወእሙነ፡ ይሬእዩ፡ ሰብእ፡ ጠቢባን፡ ወይሌብዉ፡ ውሉደ፡ ምድር፡ ኵሎ፡ ነገረ፡ ዛቲ፡ መጽሐፍ፡ ወየአምሩ፡ ከመ፡ ኢይክል፡ ብዕሎሙ፡ አድኅኖቶሙ፡ በሙዳቀ፡ ኀጢአቶሙ።	ወእሙነ፡ ይሬእዩ፡ ሰብእ፡ ጠቢባን፡ ወይሌብዉ፡ ውሉደ፡ ምድር፡ ኵሎ፡ ነገረ፡ ዛቲ፡ መጽሐፍ፡ ወየአምሩ፡ ከመ፡ ኢይክል፡ ብዕሎሙ፡ አድኅኖቶሙ፡ በሙዳቀ፡ ኀጢአቶሙ።
100:7	አሌ፡ ለክሙ፡ ኃጥኣን፡ ሶበ፡ ታመነድብዎሙ፡ ለጻድቃን፡ በዕለተ፡ ጻሕብ፡ ኀያል፡ ወታነድድዎሙ፡ በእሳት፡ ወትትፈደዩ፡ በከመ፡ ምግባሪክሙ።	አሌ፡ ለክሙ፡ ኃጥኣን፡ ሶበ፡ ታመነድብዎሙ፡ ለጻድቃን፡ በዕለተ፡ ጻሕብ፡ ኀያል፡ ወታነድድዎሙ፡ በእሳት፡ ወትትፈደዩ፡ በከመ፡ ምግባሪክሙ።
100:8	አሌ፡ ለክሙ፡ ግፍቱዓነ፡ ልብ፡ እለ፡ ትተግሁ፡ ከመ፡ ትለብውዎ፡ ለእኩይ፡ ወሀለወክሙ፡ ይርከብክሙ፡ ፍርሀት፡ ወአልቦ፡ ዘይረድአክሙ።	አሌ፡ ለክሙ፡ ግፍቱዓነ፡ ልብ፡ እለ፡ ትተግሁ፡ ከመ፡ ትለብውዎ፡ ለእኩይ፡ ወሀለወክሙ፡ ይርከብክሙ፡ ፍርሀት፡ ወአልቦ፡ ዘይረድአክሙ።
100:9	አሌ፡ ለክሙ፡ ኃጥኣን፡ እስመ፡ ዲበ፡ ቃለ፡ አፉክሙ፡ ወዲበ፡ ተግባረ፡ እደዊክሙ፡ እለ፡ ግብረ፡ ረሳዕክሙ፡ በዋዕየ፡ ላህበ፡ እሳት፡ ትውዕዩ።	አሌ፡ ለክሙ፡ ኃጥኣን፡ እስመ፡ ዲበ፡ ቃለ፡ አፉክሙ፡ ወዲበ፡ ተግባረ፡ እደዊክሙ፡ እለ፡ ግብረ፡ ረሳዕክሙ፡ በዋዕየ፡ ላህበ፡ እሳት፡ ትውዕዩ።
100:10	ወይእዜኒ፡ አእምሩ፡ እስመ፡ እመላእክት፡ ይትኀሠሥ፡ ምግባሪክሙ፡ በሰማይ፡ እምፀሓይ፡ ወእምወርኅ፡ ወእምከዋክብት፡ በእንተ፡ ኀጢአተ፡ ዚኣክሙ፡ እስመ፡ በዲበ፡ ምድር፡ ትገብሩ፡ ኀበ፡ ጻድቃን፡ ኵነኔ።	ወይእዜኒ፡ አእምሩ፡ እስመ፡ እመላእክት፡ ይትኀሠሥ፡ ምግባሪክሙ፡ በሰማይ፡ እምፀሓይ፡ ወእምወርኅ፡ ወእምከዋክብት፡ በእንተ፡ ኀጢአተ፡ ዚኣክሙ፡ እስመ፡ በዲበ፡ ምድር፡ ትገብሩ፡ ኀበ፡ ጻድቃን፡ ኵነኔ።
100:11	ወያሰምዕ፡ ላዕሌክሙ፡ ኵሎ፡ ደመና፡ ወጊሜ፡ ወጠለ፡ ወዝናመ፡ እስመ፡ ሀለዉ፡ ኵሎሙ፡ ይትከልኡ፡ እምኔክሙ፡ ከመ፡ ኢይረዱ፡ ዲቤክሙ፡ ወኢይኄልዩ፡ ዲበ፡ ኀጢአትክሙ።	ወያሰምዕ፡ ላዕሌክሙ፡ ኵሎ፡ ደመና፡ ወጊሜ፡ ወጠለ፡ ወዝናመ፡ እስመ፡ ሀለዉ፡ ኵሎሙ፡ ይትከልኡ፡ እምኔክሙ፡ ከመ፡ ኢይረዱ፡ ዲቤክሙ፡ ወኢይኄልዩ፡ ዲበ፡ ኀጢአትክሙ።
100:12	ወይእዜኒ፡ ሀቡ፡ አምኃ፡ ለዝናም፡ ከመ፡ ኢትትከላእ፡ ወሪደ፡ ዲቤክሙ፡ ወጠል፡ እመ፡ ተመጠወ፡ እምኔክሙ፡ ወርቀ፡ ወብሩረ፡ ከመ፡ ይረድ፡ ሶበ፡ ይወድቅ፡ እምኔክሙ፡ አስሐትያ፡ ወሐመዳ፡ ወቍረ፡ ዚኣሆሙ፡ ወኵሎሙ፡ ነፋሳተ፡ ሐመዳ፡ ወኵሎ፡ ጻዕራተ፡ ዚኣሆሙ፡ በእማንቱ፡ መዋዕል፡ ኢትክሉ፡ ቀዊመ፡ ቅድሜሆሙ።	ወይእዜኒ፡ ሀቡ፡ አምኃ፡ ለዝናም፡ ከመ፡ ኢትትከላእ፡ ወሪደ፡ ዲቤክሙ፡ ወጠል፡ እመ፡ ተመጠወ፡ እምኔክሙ፡ ወርቀ፡ ወብሩረ፡ ከመ፡ ይረድ፡ ሶበ፡ ይወድቅ፡ እምኔክሙ፡ አስሐትያ፡ ወሐመዳ፡ ወቍረ፡ ዚኣሆሙ፡ ወኵሎሙ፡ ነፋሳተ፡ ሐመዳ፡ ወኵሎ፡ ጻዕራተ፡ ዚኣሆሙ፡ በእማንቱ፡ መዋዕል፡ ኢትክሉ፡ ቀዊመ፡ ቅድሜሆሙ።

read Ge'ez alone read Ge'ez alone