1 Enoch

1 Enoch 101 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

	Ge'ez Ge'ez Bible	Ge'ez Apocrypha
101:1	ጠይቅዋ፡ ለሰማይ፡ ኵልክሙ፡ ውሉደ፡ ሰማይ፡ ወኵሎ፡ ግብሮ፡ ለልዑል፡ ወፍርሁ፡ እምኔሁ፡ ወኢትግበሩ፡ እኩየ፡ በቅድሜሁ።	ጠይቅዋ፡ ለሰማይ፡ ኵልክሙ፡ ውሉደ፡ ሰማይ፡ ወኵሎ፡ ግብሮ፡ ለልዑል፡ ወፍርሁ፡ እምኔሁ፡ ወኢትግበሩ፡ እኩየ፡ በቅድሜሁ።
101:2	እመ፡ ዐጸወ፡ መስኮተ፡ ሰማይ፡ ወከልአ፡ ዝናመ፡ ወጠለ፡ ከመ፡ ኢይረድ፡ ዲበ፡ ምድር፡ በእንቲኣክሙ፡ ሚ፡ ሀለወክሙ፡ ትግበሩ።	እመ፡ ዐጸወ፡ መስኮተ፡ ሰማይ፡ ወከልአ፡ ዝናመ፡ ወጠለ፡ ከመ፡ ኢይረድ፡ ዲበ፡ ምድር፡ በእንቲኣክሙ፡ ሚ፡ ሀለወክሙ፡ ትግበሩ።
101:3	ወእመ፡ ፈነወ፡ መዓቶ፡ ዲቤክሙ፡ ወዲበ፡ ኵሉ፡ ምግባሪክሙ፡ አኮኑ፡ አንትሙ፡ ዘታስተበቍዕዎ፡ እስመ፡ ትትናገሩ፡ ዲበ፡ ጽድቀ፡ ዚኣሁ፡ ዐቢያተ፡ ወጽኑዓተ፡ ወአልብክሙ፡ ሰላም።	ወእመ፡ ፈነወ፡ መዓቶ፡ ዲቤክሙ፡ ወዲበ፡ ኵሉ፡ ምግባሪክሙ፡ አኮኑ፡ አንትሙ፡ ዘታስተበቍዕዎ፡ እስመ፡ ትትናገሩ፡ ዲበ፡ ጽድቀ፡ ዚኣሁ፡ ዐቢያተ፡ ወጽኑዓተ፡ ወአልብክሙ፡ ሰላም።
101:4	ኢትሬእይዎሙኑ፡ ለነገሥተ፡ አሕማር፡ እለ፡ ይትሀወኩ፡ እሞገድ፡ ወያንቀለቅሉ፡ እምነፋሳት፡ አሕማሮሙ፡ ወይትመነደቡ።	ኢትሬእይዎሙኑ፡ ለነገሥተ፡ አሕማር፡ እለ፡ ይትሀወኩ፡ እሞገድ፡ ወያንቀለቅሉ፡ እምነፋሳት፡ አሕማሮሙ፡ ወይትመነደቡ።
101:5	ወበእንተ፡ ዝንቱ፡ ይፈርሁ፡ እስመ፡ ኵሉ፡ ንዋዮሙ፡ ሠናይ፡ ይወፅእ፡ ውስተ፡ ባሕር፡ ምስሌሆሙ፡ ወሠናየ፡ ኢይኄልዩ፡ በልቦሙ፡ እስመ፡ ባሕር፡ ትውኅጦሙ፡ ወይትሀጐሉ፡ ውስቴታ።	ወበእንተ፡ ዝንቱ፡ ይፈርሁ፡ እስመ፡ ኵሉ፡ ንዋዮሙ፡ ሠናይ፡ ይወፅእ፡ ውስተ፡ ባሕር፡ ምስሌሆሙ፡ ወሠናየ፡ ኢይኄልዩ፡ በልቦሙ፡ እስመ፡ ባሕር፡ ትውኅጦሙ፡ ወይትሀጐሉ፡ ውስቴታ።
101:6	አኮኑ፡ ኵሉ፡ ባሕር፡ ወኵሉ፡ ማያቲሃ፡ ወኵሉ፡ ሑሰታ፡ ግብረ፡ ልዑል፡ ውእቱ፡ ወውእቱ፡ ኵሎ፡ ግብረታ፡ ወማያቲሃ፡ ኀተመ፡ ወአሰረ፡ ኵለንታሃ፡ በኆጻ።	አኮኑ፡ ኵሉ፡ ባሕር፡ ወኵሉ፡ ማያቲሃ፡ ወኵሉ፡ ሑሰታ፡ ግብረ፡ ልዑል፡ ውእቱ፡ ወውእቱ፡ ኵሎ፡ ግብረታ፡ ወማያቲሃ፡ ኀተመ፡ ወአሰረ፡ ኵለንታሃ፡ በኆጻ።
101:7	ወበተግሣጹ፡ ትየብስ፡ ወትፈርህ፡ ወኵሉ፡ ዓሣቲሃ፡ ይመውቱ፡ ወኵሉ፡ ዘሀሎ፡ ውስቴታ፡ ወአንትሙሰ፡ ኃጥኣን፡ እለ፡ ውስተ፡ ምድር፡ ኢትፍርህዎ።	ወበተግሣጹ፡ ትየብስ፡ ወትፈርህ፡ ወኵሉ፡ ዓሣቲሃ፡ ይመውቱ፡ ወኵሉ፡ ዘሀሎ፡ ውስቴታ፡ ወአንትሙሰ፡ ኃጥኣን፡ እለ፡ ውስተ፡ ምድር፡ ኢትፍርህዎ።
101:8	አኮኑ፡ ውእቱ፡ ገብረ፡ ሰማየ፡ ወምድረ፡ ወኵሉ፡ ዘሀሎ፡ ውስቴቶሙ፡ ወመኑ፡ ወሀበ፡ ትምህርተ፡ ወጥበበ፡ ለኵሎሙ፡ እለ፡ ይትሐወሱ፡ ዲበ፡ ምድር፡ ወለእለ፡ ውስተ፡ ባሕር።	አኮኑ፡ ውእቱ፡ ገብረ፡ ሰማየ፡ ወምድረ፡ ወኵሉ፡ ዘሀሎ፡ ውስቴቶሙ፡ ወመኑ፡ ወሀበ፡ ትምህርተ፡ ወጥበበ፡ ለኵሎሙ፡ እለ፡ ይትሐወሱ፡ ዲበ፡ ምድር፡ ወለእለ፡ ውስተ፡ ባሕር።
101:9	አኮኑ፡ ውእቶሙ፡ ነገሥተ፡ አሕማር፡ ይፈርህዎ፡ ለባሕር፡ ወኃጥኣንሰ፡ ኢይፈርህዎ፡ ለልዑል።	አኮኑ፡ ውእቶሙ፡ ነገሥተ፡ አሕማር፡ ይፈርህዎ፡ ለባሕር፡ ወኃጥኣንሰ፡ ኢይፈርህዎ፡ ለልዑል።

read Ge'ez alone read Ge'ez alone