1 Enoch

1 Enoch 102 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

	Ge'ez Ge'ez Bible	Ge'ez Apocrypha
102:1	ወበእማንቱ፡ መዋዕል፡ ለእመ፡ ወደየ፡ ዲቤክሙ፡ እሳተ፡ ዕጹበ፡ በአይቴ፡ ትነፍጹ፡ ወበአይቴ፡ ትድኅኑ፡ ወሶበ፡ ይወዲ፡ ቃሎ፡ ዲቤክሙ፡ አኮኑ፡ ትትመሀከዉ፡ ወትፈርሁ።	ወበእማንቱ፡ መዋዕል፡ ለእመ፡ ወደየ፡ ዲቤክሙ፡ እሳተ፡ ዕጹበ፡ በአይቴ፡ ትነፍጹ፡ ወበአይቴ፡ ትድኅኑ፡ ወሶበ፡ ይወዲ፡ ቃሎ፡ ዲቤክሙ፡ አኮኑ፡ ትትመሀከዉ፡ ወትፈርሁ።
102:2	ወኵሎሙ፡ ብርሃናት፡ ይትመሀከዉ፡ ወይትሀወኩ፡ በፍርሀት፡ ዐቢይ፡ ወኵላ፡ ምድር፡ ትትመሀከው፡ በፍርሀት፡ ዐቢይ፡ ወትርዕድ፡ ወትጔጕእ።	ወኵሎሙ፡ ብርሃናት፡ ይትመሀከዉ፡ ወይትሀወኩ፡ በፍርሀት፡ ዐቢይ፡ ወኵላ፡ ምድር፡ ትትመሀከው፡ በፍርሀት፡ ዐቢይ፡ ወትርዕድ፡ ወትጔጕእ።
102:3	ወኵሎሙ፡ መላእክት፡ ይፌጽሙ፡ ትእዛዞሙ፡ ወይፈቅዱ፡ ከመ፡ ይትኀብኡ፡ እምቅድመ፡ ዐቢይ፡ ስብሐት፡ ወይርዕዱ፡ ደቂቀ፡ ምድር፡ ወይትሀወኩ፡ ወአንትሙ፡ ኃጥኣን፡ ርጉማን፡ ለዓለም፡ ወአልብክሙ፡ ሰላመ።	ወኵሎሙ፡ መላእክት፡ ይፌጽሙ፡ ትእዛዞሙ፡ ወይፈቅዱ፡ ከመ፡ ይትኀብኡ፡ እምቅድመ፡ ዐቢይ፡ ስብሐት፡ ወይርዕዱ፡ ደቂቀ፡ ምድር፡ ወይትሀወኩ፡ ወአንትሙ፡ ኃጥኣን፡ ርጉማን፡ ለዓለም፡ ወአልብክሙ፡ ሰላመ።
102:4	ኢትፍርሁ፡ አንትሙ፡ ነፍሳተ፡ ጻድቃን፡ ወተሰፈዉ፡ እለ፡ ሞትክሙ፡ በጽድቅ።	ኢትፍርሁ፡ አንትሙ፡ ነፍሳተ፡ ጻድቃን፡ ወተሰፈዉ፡ እለ፡ ሞትክሙ፡ በጽድቅ።
102:5	ወኢትሕዝኑ፡ እስመ፡ ወረደት፡ ነፍስክሙ፡ ውስተ፡ ዐቢይ፡ ምንዳቤ፡ ወገዓር፡ ወናእክ፡ ወውስተ፡ ሲኦል፡ በሐዘን፡ ወኢረከበ፡ ሥጋክሙ፡ በሕይወትክሙ፡ በከመ፡ ኂሩትክሙ፡ አላ፡ እንከ፡ በዕለት፡ እንተ፡ ባቲ፡ ኮንክሙ፡ ኃጥኣነ፡ ወበዕለተ፡ መርገም፡ ወመቅሠፍት።	ወኢትሕዝኑ፡ እስመ፡ ወረደት፡ ነፍስክሙ፡ ውስተ፡ ዐቢይ፡ ምንዳቤ፡ ወገዓር፡ ወናእክ፡ ወውስተ፡ ሲኦል፡ በሐዘን፡ ወኢረከበ፡ ሥጋክሙ፡ በሕይወትክሙ፡ በከመ፡ ኂሩትክሙ፡ አላ፡ እንከ፡ በዕለት፡ እንተ፡ ባቲ፡ ኮንክሙ፡ ኃጥኣነ፡ ወበዕለተ፡ መርገም፡ ወመቅሠፍት።
102:6	ወሶበ፡ ትመውቱ፡ ይብሉ፡ ኃጥኣን፡ በላዕሌክሙ፡ ከመ፡ ሞትነ፡ ሞቱ፡ ጻድቃን፡ ወምንት፡ ኮነ፡ በቍዔቶሙ፡ በምግባሮሙ።	ወሶበ፡ ትመውቱ፡ ይብሉ፡ ኃጥኣን፡ በላዕሌክሙ፡ ከመ፡ ሞትነ፡ ሞቱ፡ ጻድቃን፡ ወምንት፡ ኮነ፡ በቍዔቶሙ፡ በምግባሮሙ።
102:7	ነዋ፡ ከማነ፡ ሞቱ፡ በሐዘን፡ ወበጽልመት፡ ወምንት፡ ፍድፋዶሙ፡ እምኔነ፡ እምይእዜ፡ ተዐረይነ።	ነዋ፡ ከማነ፡ ሞቱ፡ በሐዘን፡ ወበጽልመት፡ ወምንት፡ ፍድፋዶሙ፡ እምኔነ፡ እምይእዜ፡ ተዐረይነ።
102:8	ወምንተ፡ ይነሥኡ፡ ወምንተ፡ ይሬእዩ፡ ለዓለም፡ እስመ፡ እሙንቱሂ፡ ነዋ፡ ሞቱ፡ ወእምይእዜ፡ ለዓለም፡ ኢይሬእዩ፡ ብርሃነ።	ወምንተ፡ ይነሥኡ፡ ወምንተ፡ ይሬእዩ፡ ለዓለም፡ እስመ፡ እሙንቱሂ፡ ነዋ፡ ሞቱ፡ ወእምይእዜ፡ ለዓለም፡ ኢይሬእዩ፡ ብርሃነ።
102:9	እብለክሙ፡ አንትሙ፡ ኃጥኣን፡ አከለክሙ፡ በሊዕ፡ ወሰትይ፡ ሀይድ፡ ወኀጢአት፡ ወአዕርቆተ፡ ሰብእ፡ ወአጥርዮተ፡ ንዋይ፡ ወርእዮተ፡ መዋዕል፡ ሠናያት።	እብለክሙ፡ አንትሙ፡ ኃጥኣን፡ አከለክሙ፡ በሊዕ፡ ወሰትይ፡ ሀይድ፡ ወኀጢአት፡ ወአዕርቆተ፡ ሰብእ፡ ወአጥርዮተ፡ ንዋይ፡ ወርእዮተ፡ መዋዕል፡ ሠናያት።
102:10	ርኢክምዎሙኑ፡ ለጻድቃን፡ እፎ፡ ኮነ፡ ተፍጻሜቶሙ፡ ሰላመ፡ እስመ፡ ኵሉ፡ ግፍዕ፡ ኢተረክበ፡ በላዕሌሆሙ፡ እስከ፡ ዕለተ፡ ሞቶሙ።	ርኢክምዎሙኑ፡ ለጻድቃን፡ እፎ፡ ኮነ፡ ተፍጻሜቶሙ፡ ሰላመ፡ እስመ፡ ኵሉ፡ ግፍዕ፡ ኢተረክበ፡ በላዕሌሆሙ፡ እስከ፡ ዕለተ፡ ሞቶሙ።
102:11	ወተሀጕሉ፡ ወኮኑ፡ ከመ፡ ዘኢኮኑ፡ ወወረዱ፡ ውስተ፡ ሲኦል፡ ነፍሳቲሆሙ፡ በምንዳቤ።	ወተሀጕሉ፡ ወኮኑ፡ ከመ፡ ዘኢኮኑ፡ ወወረዱ፡ ውስተ፡ ሲኦል፡ ነፍሳቲሆሙ፡ በምንዳቤ።

read Ge'ez alone read Ge'ez alone