1 Enoch

1 Enoch 22 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

	Ge'ez Ge'ez Bible	Ge'ez Apocrypha
22:1	ወእምህየ፡ ሖርኩ፡ ካልአ፡ መካነ፡ ወአርአየኒ፡ በምዕራብ፡ ደብረ፡ ዐቢየ፡ ወነዋኀ፡ ወኰኵሐ፡ ጽኑዐ።	ወእምህየ፡ ሖርኩ፡ ካልአ፡ መካነ፡ ወአርአየኒ፡ በምዕራብ፡ ደብረ፡ ዐቢየ፡ ወነዋኀ፡ ወኰኵሐ፡ ጽኑዐ።
22:2	ወአርባዕቱ፡ መካናት፡ ሠናያት፡ ወበውስቴቱ፡ ዕሙቅ፡ ወርሒብ፡ ወልሙጽ፡ ጥቀ፡ ከመ፡ ልሙጽ፡ ዘያንኰረኵር፡ ወዕሙቅ፡ ወጽልመት፡ ለነጽሮ።	ወአርባዕቱ፡ መካናት፡ ሠናያት፡ ወበውስቴቱ፡ ዕሙቅ፡ ወርሒብ፡ ወልሙጽ፡ ጥቀ፡ ከመ፡ ልሙጽ፡ ዘያንኰረኵር፡ ወዕሙቅ፡ ወጽልመት፡ ለነጽሮ።
22:3	ውእተ፡ ጊዜ፡ አውሥአኒ፡ ሩፋኤል፡ አሐዱ፡ እመላእክት፡ ቅዱሳን፡ ዘሀለወ፡ ምስሌየ፡ ወይቤለኒ፡ እላ፡ መካናት፡ ሠናያት፡ ከመ፡ ይትጋብኡ፡ ዲቤሆን፡ መናፍስቲሆሙ፡ ለምዉታን፡ ሎሙ፡ እሎንቱ፡ ተፈጥሩ፡ ወዝየ፡ ያስተጋብኡ፡ ነፍሳተ፡ ውሉደ፡ ሰብእ።	ውእተ፡ ጊዜ፡ አውሥአኒ፡ ሩፋኤል፡ አሐዱ፡ እመላእክት፡ ቅዱሳን፡ ዘሀለወ፡ ምስሌየ፡ ወይቤለኒ፡ እላ፡ መካናት፡ ሠናያት፡ ከመ፡ ይትጋብኡ፡ ዲቤሆን፡ መናፍስቲሆሙ፡ ለምዉታን፡ ሎሙ፡ እሎንቱ፡ ተፈጥሩ፡ ወዝየ፡ ያስተጋብኡ፡ ነፍሳተ፡ ውሉደ፡ ሰብእ።
22:4	ወእላንቱ፡ መካናት፡ ኀበ፡ ያነብርዎሙ፡ ገብሩ፡ እስከ፡ ዕለተ፡ ኵነኔሆሙ፡ ወእስከ፡ አመ፡ ዕድሜሆሙ፡ ወዕድሜ፡ ዐቢይ፡ ውእቱ፡ እስከ፡ አመ፡ ኵነኔ፡ ዐቢይ፡ በላዕሌሆሙ።	ወእላንቱ፡ መካናት፡ ኀበ፡ ያነብርዎሙ፡ ገብሩ፡ እስከ፡ ዕለተ፡ ኵነኔሆሙ፡ ወእስከ፡ አመ፡ ዕድሜሆሙ፡ ወዕድሜ፡ ዐቢይ፡ ውእቱ፡ እስከ፡ አመ፡ ኵነኔ፡ ዐቢይ፡ በላዕሌሆሙ።
22:5	ወርኢኩ፡ መናፍስተ፡ ውሉደ፡ ሰብእ፡ እንዘ፡ ምዉታን፡ ውእቶሙ፡ ወቃሎሙ፡ ይበጽሕ፡ እስከ፡ ሰማይ፡ ወይሰኪ።	ወርኢኩ፡ መናፍስተ፡ ውሉደ፡ ሰብእ፡ እንዘ፡ ምዉታን፡ ውእቶሙ፡ ወቃሎሙ፡ ይበጽሕ፡ እስከ፡ ሰማይ፡ ወይሰኪ።
22:6	ውእተ፡ ጊዜ፡ ተስእልክዎ፡ ለሩፋኤል፡ መልአክ፡ ዘሀሎ፡ ምስሌየ፡ ወእቤሎ፡ ዝ፡ መንፈስ፡ ዘመኑ፡ ውእቱ፡ ዘከመ፡ ዝ፡ ቃሉ፡ ይበጽሕ፡ እስከ፡ ሰማይ፡ ወይሰኪ።	ውእተ፡ ጊዜ፡ ተስእልክዎ፡ ለሩፋኤል፡ መልአክ፡ ዘሀሎ፡ ምስሌየ፡ ወእቤሎ፡ ዝ፡ መንፈስ፡ ዘመኑ፡ ውእቱ፡ ዘከመ፡ ዝ፡ ቃሉ፡ ይበጽሕ፡ እስከ፡ ሰማይ፡ ወይሰኪ።
22:7	ወአውሥአኒ፡ ወይቤለኒ፡ እንዘ፡ ይብል፡ ዝንቱ፡ መንፈስ፡ ውእቱ፡ ዘይወፅእ፡ እምአቤል፡ ዘቀተሎ፡ ቃኤል፡ እኁሁ፡ ወይሰኪ፡ ኪያሁ፡ እስከ፡ አመ፡ ይትሀጐሉ፡ ዘርዑ፡ እምገጸ፡ ምድር፡ ወእምዘርዐ፡ ሰብእ፡ ይማስን፡ ዘርዑ።	ወአውሥአኒ፡ ወይቤለኒ፡ እንዘ፡ ይብል፡ ዝንቱ፡ መንፈስ፡ ውእቱ፡ ዘይወፅእ፡ እምአቤል፡ ዘቀተሎ፡ ቃኤል፡ እኁሁ፡ ወይሰኪ፡ ኪያሁ፡ እስከ፡ አመ፡ ይትሀጐሉ፡ ዘርዑ፡ እምገጸ፡ ምድር፡ ወእምዘርዐ፡ ሰብእ፡ ይማስን፡ ዘርዑ።
22:8	ወውእተ፡ ጊዜ፡ ተስእልክዎ፡ በእንቲኣሁ፡ ወበእንተ፡ ኵነኔ፡ ኵሉ፡ ወእቤ፡ በእንተ፡ ምንት፡ ተፈልጠ፡ አሐዱ፡ እምነ፡ አሐዱ።	ወውእተ፡ ጊዜ፡ ተስእልክዎ፡ በእንቲኣሁ፡ ወበእንተ፡ ኵነኔ፡ ኵሉ፡ ወእቤ፡ በእንተ፡ ምንት፡ ተፈልጠ፡ አሐዱ፡ እምነ፡ አሐዱ።
22:9	ወአውሥአኒ፡ ወይቤለኒ፡ እሎንቱ፡ ሠለስቱ፡ ተገብሩ፡ ከመ፡ ይፍልጡ፡ መንፈሶሙ፡ ለምዉታን፡ ወከመ፡ ዝ፡ ተፈልጡ፡ ነፍሶሙ፡ ለጻድቃን፡ ዝ፡ ውእቱ፡ ነቅዐ፡ ማይ፡ ዘበላዕሌሁ፡ ብርሃን።	ወአውሥአኒ፡ ወይቤለኒ፡ እሎንቱ፡ ሠለስቱ፡ ተገብሩ፡ ከመ፡ ይፍልጡ፡ መንፈሶሙ፡ ለምዉታን፡ ወከመ፡ ዝ፡ ተፈልጡ፡ ነፍሶሙ፡ ለጻድቃን፡ ዝ፡ ውእቱ፡ ነቅዐ፡ ማይ፡ ዘበላዕሌሁ፡ ብርሃን።
22:10	በከመ፡ ከማሁ፡ ተፈጥረ፡ ለኃጥኣን፡ ሶበ፡ ይመውቱ፡ ወይትቀበሩ፡ ውስተ፡ ምድር፡ ወኵነኔ፡ ኢኮነ፡ በላዕሌሆሙ፡ በሕይወቶሙ።	በከመ፡ ከማሁ፡ ተፈጥረ፡ ለኃጥኣን፡ ሶበ፡ ይመውቱ፡ ወይትቀበሩ፡ ውስተ፡ ምድር፡ ወኵነኔ፡ ኢኮነ፡ በላዕሌሆሙ፡ በሕይወቶሙ።
22:11	ወበዝየ፡ ይትፈለጣ፡ ነፍሳቲሆሙ፡ ዲበ፡ ዛቲ፡ ዐባይ፡ ጻዕር፡ እስከ፡ አመ፡ ዐባይ፡ ዕለት፡ እንተ፡ ኵነኔ፡ ወመቅሠፍት፡ ወጻዕር፡ ለእለ፡ ይረግሙ፡ እስከ፡ ለዓለም፡ ወበቀል፡ ለነፍሶሙ፡ ወበህየ፡ የአስሮሙ፡ እስከ፡ ለዓለም፡ ወእመኒ፡ ውእቱ፡ እምቅድመ፡ ዓለም።	ወበዝየ፡ ይትፈለጣ፡ ነፍሳቲሆሙ፡ ዲበ፡ ዛቲ፡ ዐባይ፡ ጻዕር፡ እስከ፡ አመ፡ ዐባይ፡ ዕለት፡ እንተ፡ ኵነኔ፡ ወመቅሠፍት፡ ወጻዕር፡ ለእለ፡ ይረግሙ፡ እስከ፡ ለዓለም፡ ወበቀል፡ ለነፍሶሙ፡ ወበህየ፡ የአስሮሙ፡ እስከ፡ ለዓለም፡ ወእመኒ፡ ውእቱ፡ እምቅድመ፡ ዓለም።
22:12	ወከመ፡ ዝ፡ ተፈልጠ፡ ለነፍሶሙ፡ ለእለ፡ ይሰክዩ፡ እለ፡ ያርእዩ፡ በእንተ፡ ህጕለት፡ አመ፡ ተቀትሉ፡ በመዋዕለ፡ ኃጥኣን።	ወከመ፡ ዝ፡ ተፈልጠ፡ ለነፍሶሙ፡ ለእለ፡ ይሰክዩ፡ እለ፡ ያርእዩ፡ በእንተ፡ ህጕለት፡ አመ፡ ተቀትሉ፡ በመዋዕለ፡ ኃጥኣን።
22:13	ወከመ፡ ዝ፡ ተፈጥሩ፡ ለነፍሶሙ፡ ለሰብእ፡ እኩያን፡ እለ፡ ኢኮኑ፡ ጻድቃነ፡ አላ፡ ኃጥኣነ፡ እለ፡ ፍጹማነ፡ አበሳ፡ ወምስለ፡ አባስያን፡ ይከውኑ፡ ከማሆሙ፡ ወነፍሶሙሰ፡ ኢትትቀተል፡ በዕለተ፡ ኵነኔ፡ ወኢይትነሥኡ፡ እም፡ ዝየ።	ወከመ፡ ዝ፡ ተፈጥሩ፡ ለነፍሶሙ፡ ለሰብእ፡ እኩያን፡ እለ፡ ኢኮኑ፡ ጻድቃነ፡ አላ፡ ኃጥኣነ፡ እለ፡ ፍጹማነ፡ አበሳ፡ ወምስለ፡ አባስያን፡ ይከውኑ፡ ከማሆሙ፡ ወነፍሶሙሰ፡ ኢትትቀተል፡ በዕለተ፡ ኵነኔ፡ ወኢይትነሥኡ፡ እም፡ ዝየ።
22:14	ውእተ፡ ጊዜ፡ ባረክዎ፡ ለእግዚአ፡ ስብሐት፡ ወእቤ፡ ቡሩክ፡ ውእቱ፡ እግዚእየ፡ እግዚአ፡ ስብሐት፡ ወጻድቅ፡ ዘኵሎ፡ ይመልክ፡ እስከ፡ ለዓለም።	ውእተ፡ ጊዜ፡ ባረክዎ፡ ለእግዚአ፡ ስብሐት፡ ወእቤ፡ ቡሩክ፡ ውእቱ፡ እግዚእየ፡ እግዚአ፡ ስብሐት፡ ወጻድቅ፡ ዘኵሎ፡ ይመልክ፡ እስከ፡ ለዓለም።

read Ge'ez alone read Ge'ez alone