| 24:1 | ወእምህየ፡ ሖርኩ፡ ካልአ፡ መካነ፡ ምድር፡ ወአርአየኒ፡ ደብረ፡ እሳት፡ ዘያንበለብል፡ መዓልተ፡ ወሌሊተ። | ወእምህየ፡ ሖርኩ፡ ካልአ፡ መካነ፡ ምድር፡ ወአርአየኒ፡ ደብረ፡ እሳት፡ ዘያንበለብል፡ መዓልተ፡ ወሌሊተ። |
|---|
| 24:2 | ወሖርኩ፡ መንገሌሁ፡ ወርኢኩ፡ ሰብዓተ፡ አድባረ፡ ክቡራነ፡ ወኵሉ፡ አሐዱ፡ እምነ፡ አሐዱ፡ እንዘ፡ ይትዌለጥ፡ ወአእባነ፡ ክቡራነ፡ ወሠናያነ፡ ወኵሉ፡ ክቡር፡ ወስቡሕ፡ ራእዮሙ፡ ወሠናይ፡ ገጾሙ፡ ሠለስቱ፡ መንገለ፡ ጽባሕ፡ ወጽኑዓን፡ አሐዱ፡ ዲበ፡ አሐዱ፡ ወሠለስቱ፡ መንገለ፡ ሰሜን፡ አሐዱ፡ ዲበ፡ አሐዱ፡ ጽኑዓን፡ ወቈላት፡ ዕሙቃት፡ ወጠዋያት፡ አሐቲ፡ ለአሐቲ፡ ኢይትቃረባ። | ወሖርኩ፡ መንገሌሁ፡ ወርኢኩ፡ ሰብዓተ፡ አድባረ፡ ክቡራነ፡ ወኵሉ፡ አሐዱ፡ እምነ፡ አሐዱ፡ እንዘ፡ ይትዌለጥ፡ ወአእባነ፡ ክቡራነ፡ ወሠናያነ፡ ወኵሉ፡ ክቡር፡ ወስቡሕ፡ ራእዮሙ፡ ወሠናይ፡ ገጾሙ፡ ሠለስቱ፡ መንገለ፡ ጽባሕ፡ ወጽኑዓን፡ አሐዱ፡ ዲበ፡ አሐዱ፡ ወሠለስቱ፡ መንገለ፡ ሰሜን፡ አሐዱ፡ ዲበ፡ አሐዱ፡ ጽኑዓን፡ ወቈላት፡ ዕሙቃት፡ ወጠዋያት፡ አሐቲ፡ ለአሐቲ፡ ኢይትቃረባ። |
|---|
| 24:3 | ወሳብዕ፡ ደብር፡ ማእከሎሙ፡ ለእሎንቱ፡ ወኑኆሙሰ፡ ይትማሰሉ፡ ኵሎሙ፡ ከመ፡ መንበረ፡ አትራኖስ፡ ወየዐውድዎ፡ ዕፀወ፡ መዐዛ። | ወሳብዕ፡ ደብር፡ ማእከሎሙ፡ ለእሎንቱ፡ ወኑኆሙሰ፡ ይትማሰሉ፡ ኵሎሙ፡ ከመ፡ መንበረ፡ አትራኖስ፡ ወየዐውድዎ፡ ዕፀወ፡ መዐዛ። |
|---|
| 24:4 | ወሀሎ፡ ውስቴቶሙ፡ ዕፅ፡ አልቦ፡ ግሙራ፡ አመ፡ ጼነወኒ፡ ወኢ፡ አሐዱ፡ እምውስቴቶሙ፡ ወባዕዳንሂ፡ ዘከማሁ፡ ኢኮነ፡ ዘይምዕዝ፡ እምኵሉ፡ መዐዛ፡ ወቈጽሉሂ፡ ወጽጌሁ፡ ወዕፁ፡ ኢይጸመሒ፡ ለዓለም፡ ወፍሬሁኒ፡ ሠናይ፡ ወፍሬሁሰ፡ ከመ፡ አስካለ፡ በቀልት። | ወሀሎ፡ ውስቴቶሙ፡ ዕፅ፡ አልቦ፡ ግሙራ፡ አመ፡ ጼነወኒ፡ ወኢ፡ አሐዱ፡ እምውስቴቶሙ፡ ወባዕዳንሂ፡ ዘከማሁ፡ ኢኮነ፡ ዘይምዕዝ፡ እምኵሉ፡ መዐዛ፡ ወቈጽሉሂ፡ ወጽጌሁ፡ ወዕፁ፡ ኢይጸመሒ፡ ለዓለም፡ ወፍሬሁኒ፡ ሠናይ፡ ወፍሬሁሰ፡ ከመ፡ አስካለ፡ በቀልት። |
|---|
| 24:5 | ወውእተ፡ ጊዜ፡ እቤ፡ ነዋ፡ ዝንቱ፡ ሠናይ፡ ዕፅ፡ ወሠናይ፡ ለርእይ፡ ወአዳም፡ ቈጽሉ፡ ወፍሬሁኒ፡ ሞገስ፡ ጥቀ፡ ለርእየ፡ ገጽ። | ወውእተ፡ ጊዜ፡ እቤ፡ ነዋ፡ ዝንቱ፡ ሠናይ፡ ዕፅ፡ ወሠናይ፡ ለርእይ፡ ወአዳም፡ ቈጽሉ፡ ወፍሬሁኒ፡ ሞገስ፡ ጥቀ፡ ለርእየ፡ ገጽ። |
|---|
| 24:6 | ወውእተ፡ ጊዜ፡ አውሥአኒ፡ ሚካኤል፡ አሐዱ፡ እመላእክት፡ ቅዱሳን፡ ወክቡራን፡ ዘምስሌየ፡ ሀሎ፡ ወውእቱ፡ ዘዲቤሆሙ። | ወውእተ፡ ጊዜ፡ አውሥአኒ፡ ሚካኤል፡ አሐዱ፡ እመላእክት፡ ቅዱሳን፡ ወክቡራን፡ ዘምስሌየ፡ ሀሎ፡ ወውእቱ፡ ዘዲቤሆሙ። |
|---|