1 Enoch

1 Enoch 39 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

	Ge'ez Ge'ez Bible	Ge'ez Apocrypha
39:1	ወይከውን፡ በዝንቱ፡ መዋዕል፡ ይወርዱ፡ ደቂቅ፡ ኅሩያን፡ ወቅዱሳን፡ እምልዑላን፡ ሰማያት፡ ወአሐደ፡ ይከውን፡ ዘርዖሙ፡ ምስለ፡ ውሉደ፡ ሰብእ።	ወይከውን፡ በዝንቱ፡ መዋዕል፡ ይወርዱ፡ ደቂቅ፡ ኅሩያን፡ ወቅዱሳን፡ እምልዑላን፡ ሰማያት፡ ወአሐደ፡ ይከውን፡ ዘርዖሙ፡ ምስለ፡ ውሉደ፡ ሰብእ።
39:2	ወበውእቱ፡ መዋዕል፡ ነሥአ፡ ሄኖክ፡ መጻሕፍተ፡ ቅንአት፡ ወመዓት፡ ወመጻሕፍተ፡ ጕጕአ፡ ወሀውክ፡ ወምሕረት፡ ኢይከውን፡ ላዕሌሆሙ፡ ይቤ፡ እግዚአ፡ መናፍስት።	ወበውእቱ፡ መዋዕል፡ ነሥአ፡ ሄኖክ፡ መጻሕፍተ፡ ቅንአት፡ ወመዓት፡ ወመጻሕፍተ፡ ጕጕአ፡ ወሀውክ፡ ወምሕረት፡ ኢይከውን፡ ላዕሌሆሙ፡ ይቤ፡ እግዚአ፡ መናፍስት።
39:3	ወበውእቱ፡ ጊዜ፡ መሠጠኒ፡ ደመና፡ ወዐውሎ፡ ነፋስ፡ እምነ፡ ገጻ፡ ለምድር፡ ወአንበረኒ፡ ውስተ፡ ጽንፈ፡ ሰማያት።	ወበውእቱ፡ ጊዜ፡ መሠጠኒ፡ ደመና፡ ወዐውሎ፡ ነፋስ፡ እምነ፡ ገጻ፡ ለምድር፡ ወአንበረኒ፡ ውስተ፡ ጽንፈ፡ ሰማያት።
39:4	ወበህየ፡ ርኢኩ፡ ካልአ፡ ራእየ፡ ማኅደሪሆሙ፡ ለጻድቃን፡ ወምስካባቲሆሙ፡ ለቅዱሳን።	ወበህየ፡ ርኢኩ፡ ካልአ፡ ራእየ፡ ማኅደሪሆሙ፡ ለጻድቃን፡ ወምስካባቲሆሙ፡ ለቅዱሳን።
39:5	ወበህየ፡ ርእያ፡ አዕይንትየ፡ ማኅደሪሆሙ፡ ምስለ፡ መላእክት፡ ወምስካባቲሆሙ፡ ምስለ፡ ቅዱሳን፡ ወይስእሉ፡ ወያስተበቍዑ፡ ወይጼልዩ፡ በእንተ፡ ውሉደ፡ ሰብእ፡ ወጽድቅ፡ ከመ፡ ማይ፡ ይውሕዝ፡ በቅድሜሆሙ፡ ወምሕረት፡ ከመ፡ ጠል፡ ውስተ፡ ምድር፡ ከመ፡ ዝ፡ ውእቱ፡ ማእከሎሙ፡ ለዓለመ፡ ዓለም።	ወበህየ፡ ርእያ፡ አዕይንትየ፡ ማኅደሪሆሙ፡ ምስለ፡ መላእክት፡ ወምስካባቲሆሙ፡ ምስለ፡ ቅዱሳን፡ ወይስእሉ፡ ወያስተበቍዑ፡ ወይጼልዩ፡ በእንተ፡ ውሉደ፡ ሰብእ፡ ወጽድቅ፡ ከመ፡ ማይ፡ ይውሕዝ፡ በቅድሜሆሙ፡ ወምሕረት፡ ከመ፡ ጠል፡ ውስተ፡ ምድር፡ ከመ፡ ዝ፡ ውእቱ፡ ማእከሎሙ፡ ለዓለመ፡ ዓለም።
39:6	ወበውእቱ፡ መዋዕል፡ ርእያ፡ አዕይንትየ፡ መካነ፡ ኅሩያን፡ ዘጽድቅ፡ ወዘሃይማኖት፡ ወጽድቅ፡ ይከውን፡ በመዋዕሊሆሙ፡ ለጻድቃን፡ ወኅሩያን፡ ኍልቊ፡ አልቦሙ፡ ቅድሜሁ፡ ለዓለመ፡ ዓለም።	ወበውእቱ፡ መዋዕል፡ ርእያ፡ አዕይንትየ፡ መካነ፡ ኅሩያን፡ ዘጽድቅ፡ ወዘሃይማኖት፡ ወጽድቅ፡ ይከውን፡ በመዋዕሊሆሙ፡ ለጻድቃን፡ ወኅሩያን፡ ኍልቊ፡ አልቦሙ፡ ቅድሜሁ፡ ለዓለመ፡ ዓለም።
39:7	ወርኢኩ፡ ማኅደሮሙ፡ መትሕተ፡ አክናፈ፡ እግዚአ፡ መናፍስት፡ ወኵሎሙ፡ ጻድቃን፡ ወኅሩያን፡ በቅድሜሁ፡ ይትለሐዩ፡ ከመ፡ ብርሃነ፡ እሳት፡ ወአፉሆሙ፡ ይመልእ፡ በረከተ፡ ወከናፍሪሆሙ፡ ይሴብሕ፡ ስሞ፡ ለእግዚአ፡ መናፍስት፡ ወጽድቅ፡ ቅድሜሁ፡ ኢየኀልቅ፡ ወርትዕ፡ ቅድሜሁ፡ ኢየኀልቅ።	ወርኢኩ፡ ማኅደሮሙ፡ መትሕተ፡ አክናፈ፡ እግዚአ፡ መናፍስት፡ ወኵሎሙ፡ ጻድቃን፡ ወኅሩያን፡ በቅድሜሁ፡ ይትለሐዩ፡ ከመ፡ ብርሃነ፡ እሳት፡ ወአፉሆሙ፡ ይመልእ፡ በረከተ፡ ወከናፍሪሆሙ፡ ይሴብሕ፡ ስሞ፡ ለእግዚአ፡ መናፍስት፡ ወጽድቅ፡ ቅድሜሁ፡ ኢየኀልቅ፡ ወርትዕ፡ ቅድሜሁ፡ ኢየኀልቅ።
39:8	ወበህየ፡ ፈቀድኩ፡ እኅድር፡ ወፈተወቶ፡ ነፍስየ፡ ለውእቱ፡ ማኅደር፡ በህየ፡ ኮነ፡ ክፍልየ፡ ቅድመ፡ እስመ፡ ከመ፡ ዝ፡ ጸንዐ፡ በእንቲኣየ፡ በቅድመ፡ እግዚአ፡ መናፍስት።	ወበህየ፡ ፈቀድኩ፡ እኅድር፡ ወፈተወቶ፡ ነፍስየ፡ ለውእቱ፡ ማኅደር፡ በህየ፡ ኮነ፡ ክፍልየ፡ ቅድመ፡ እስመ፡ ከመ፡ ዝ፡ ጸንዐ፡ በእንቲኣየ፡ በቅድመ፡ እግዚአ፡ መናፍስት።
39:9	ወበውእቶን፡ መዋዕል፡ ሰባሕኩ፡ ወአልዐልኩ፡ ስሞ፡ ለእግዚአ፡ መናፍስት፡ በረከተ፡ ወስብሐተ፡ ወሀብኩ፡ እስመ፡ ውእቱ፡ አጽንዐኒ፡ በበረከት፡ ወስብሐት፡ በከመ፡ ፈቃዱ፡ ለእግዚአ፡ መናፍስት።	ወበውእቶን፡ መዋዕል፡ ሰባሕኩ፡ ወአልዐልኩ፡ ስሞ፡ ለእግዚአ፡ መናፍስት፡ በረከተ፡ ወስብሐተ፡ ወሀብኩ፡ እስመ፡ ውእቱ፡ አጽንዐኒ፡ በበረከት፡ ወስብሐት፡ በከመ፡ ፈቃዱ፡ ለእግዚአ፡ መናፍስት።
39:10	ወጕንዱየ፡ ርእያ፡ አዕይንትየ፡ በውእቱ፡ መካን፡ ወባረክዎ፡ ወሰባሕክዎ፡ እንዘ፡ እብል፡ ቡሩክ፡ ውእቱ፡ ወይትባረክ፡ እምቅድመ፡ ዓለም፡ ወእስከ፡ ለዓለም።	ወጕንዱየ፡ ርእያ፡ አዕይንትየ፡ በውእቱ፡ መካን፡ ወባረክዎ፡ ወሰባሕክዎ፡ እንዘ፡ እብል፡ ቡሩክ፡ ውእቱ፡ ወይትባረክ፡ እምቅድመ፡ ዓለም፡ ወእስከ፡ ለዓለም።
39:11	ወበቅድሜሁ፡ አልቦ፡ ማኅለቅት፡ ውእቱ፡ የአምር፡ ዘእንበለ፡ ይትፈጠር፡ ዓለም፡ ምንት፡ ውእቱ፡ ዓለም፡ ወለትውልደ፡ ትውልድ፡ ዘትከውን።	ወበቅድሜሁ፡ አልቦ፡ ማኅለቅት፡ ውእቱ፡ የአምር፡ ዘእንበለ፡ ይትፈጠር፡ ዓለም፡ ምንት፡ ውእቱ፡ ዓለም፡ ወለትውልደ፡ ትውልድ፡ ዘትከውን።
39:12	ይባርኩከ፡ እለ፡ ኢይነውሙ፡ ወይቀውሙ፡ በቅድመ፡ ስብሐቲከ፡ ወይባርኩ፡ ወይሴብሑ፡ ወያሌዕሉ፡ እንዘ፡ ይብሉ፡ ቅዱስ፡ ቅዱስ፡ ቅዱስ፡ እግዚአ፡ መናፍስት፡ ወይመልእ፡ ምድረ፡ መናፍስተ።	ይባርኩከ፡ እለ፡ ኢይነውሙ፡ ወይቀውሙ፡ በቅድመ፡ ስብሐቲከ፡ ወይባርኩ፡ ወይሴብሑ፡ ወያሌዕሉ፡ እንዘ፡ ይብሉ፡ ቅዱስ፡ ቅዱስ፡ ቅዱስ፡ እግዚአ፡ መናፍስት፡ ወይመልእ፡ ምድረ፡ መናፍስተ።
39:13	ወበህየ፡ ርእያ፡ አዕይንትየ፡ ኵሎ፡ እለ፡ ኢይነውሙ፡ ይቀውሙ፡ ቅድሜሁ፡ ወይባርኩ፡ ወይብሉ፡ ቡሩክ፡ አንተ፡ ወቡሩክ፡ ስሙ፡ ለእግዚአ፡ መናፍስት፡ ለዓለመ፡ ዓለም።	ወበህየ፡ ርእያ፡ አዕይንትየ፡ ኵሎ፡ እለ፡ ኢይነውሙ፡ ይቀውሙ፡ ቅድሜሁ፡ ወይባርኩ፡ ወይብሉ፡ ቡሩክ፡ አንተ፡ ወቡሩክ፡ ስሙ፡ ለእግዚአ፡ መናፍስት፡ ለዓለመ፡ ዓለም።
39:14	ወተወለጠ፡ ገጽየ፡ እስመ፡ ስእንኩ፡ ነጽሮ።	ወተወለጠ፡ ገጽየ፡ እስመ፡ ስእንኩ፡ ነጽሮ።

read Ge'ez alone read Ge'ez alone