| 48:1 | ወበውእቱ፡ መካን፡ ርኢኩ፡ ነቅዐ፡ ጽድቅ፡ ዘኢይትኌለቍ፡ ወበዐውዱ፡ የዐውድዎ፡ ብዙኃን፡ አንቅዕተ፡ ጥበብ፡ ወኵሎሙ፡ ጽሙኣን፡ ይሰትዩ፡ እምኔሁ፡ ወይትመልኡ፡ ጥበበ፡ ወማኅደሪሆሙ፡ ምስለ፡ ጻድቃን፡ ወቅዱሳን፡ ወኅሩያን። | ወበውእቱ፡ መካን፡ ርኢኩ፡ ነቅዐ፡ ጽድቅ፡ ዘኢይትኌለቍ፡ ወበዐውዱ፡ የዐውድዎ፡ ብዙኃን፡ አንቅዕተ፡ ጥበብ፡ ወኵሎሙ፡ ጽሙኣን፡ ይሰትዩ፡ እምኔሁ፡ ወይትመልኡ፡ ጥበበ፡ ወማኅደሪሆሙ፡ ምስለ፡ ጻድቃን፡ ወቅዱሳን፡ ወኅሩያን። |
|---|
| 48:2 | ወበይእቲ፡ ሰዓት፡ ተጸውዐ፡ ዝኩ፡ ወልደ፡ ሰብእ፡ በኀበ፡ እግዚአ፡ መናፍስት፡ ወስሙ፡ መቅድመ፡ ርእሰ፡ መዋዕል። | ወበይእቲ፡ ሰዓት፡ ተጸውዐ፡ ዝኩ፡ ወልደ፡ ሰብእ፡ በኀበ፡ እግዚአ፡ መናፍስት፡ ወስሙ፡ መቅድመ፡ ርእሰ፡ መዋዕል። |
|---|
| 48:3 | ወዘእንበለ፡ ይትፈጠር፡ ፀሓይ፡ ወተኣምር፡ ወዘእንበለ፡ ይትገበሩ፡ ከዋክብተ፡ ሰማይ፡ ተጸውዐ፡ ስሙ፡ በቅድመ፡ እግዚአ፡ መናፍስት። | ወዘእንበለ፡ ይትፈጠር፡ ፀሓይ፡ ወተኣምር፡ ወዘእንበለ፡ ይትገበሩ፡ ከዋክብተ፡ ሰማይ፡ ተጸውዐ፡ ስሙ፡ በቅድመ፡ እግዚአ፡ መናፍስት። |
|---|
| 48:4 | ወውእቱ፡ ይከውን፡ በትረ፡ ለጻድቃን፡ ወለቅዱሳን፡ ከመ፡ ቦቱ፡ ይትመረጐዙ፡ ወከመ፡ ኢይደቁ፡ ወውእቱ፡ ብርሃነ፡ አሕዛብ፡ ወውእቱ፡ ይከውን፡ ተስፋ፡ ለእለ፡ የሐምሙ፡ ልቦሙ። | ወውእቱ፡ ይከውን፡ በትረ፡ ለጻድቃን፡ ወለቅዱሳን፡ ከመ፡ ቦቱ፡ ይትመረጐዙ፡ ወከመ፡ ኢይደቁ፡ ወውእቱ፡ ብርሃነ፡ አሕዛብ፡ ወውእቱ፡ ይከውን፡ ተስፋ፡ ለእለ፡ የሐምሙ፡ ልቦሙ። |
|---|
| 48:5 | ወይወድቁ፡ ወይሰግዱ፡ ቅድሜሁ፡ ኵሎሙ፡ እለ፡ የኀድሩ፡ ውስተ፡ የብስ፡ ወይባርክዎ፡ ወይሴብሕዎ፡ ወይዜምሩ፡ ሎቱ፡ ለስመ፡ እግዚአ፡ መናፍስት። | ወይወድቁ፡ ወይሰግዱ፡ ቅድሜሁ፡ ኵሎሙ፡ እለ፡ የኀድሩ፡ ውስተ፡ የብስ፡ ወይባርክዎ፡ ወይሴብሕዎ፡ ወይዜምሩ፡ ሎቱ፡ ለስመ፡ እግዚአ፡ መናፍስት። |
|---|
| 48:6 | ወበእንተ፡ ዝ፡ ኮነ፡ ኅሩየ፡ ወኅቡአ፡ በቅድሜሁ፡ እምቅድመ፡ ይትፈጠር፡ ዓለም። | ወበእንተ፡ ዝ፡ ኮነ፡ ኅሩየ፡ ወኅቡአ፡ በቅድሜሁ፡ እምቅድመ፡ ይትፈጠር፡ ዓለም። |
|---|
| 48:7 | ወከሠቶ፡ ለጻድቃን፡ ወለኅሩያን፡ ጥበቡ፡ ለእግዚአ፡ መናፍስት፡ እስመ፡ ዐቀበ፡ ክፍሎሙ፡ ለጻድቃን፡ እስመ፡ ጸልእዎ፡ ወመነንዎ፡ ለዝ፡ ዓለም፡ ዘዐመፃ፡ ወኵሎ፡ ምግባሮ፡ ወፍናዊሁ፡ ጸልኡ፡ በስሙ፡ ለእግዚአ፡ መናፍስት፡ እስመ፡ በስመ፡ ዚኣሁ፡ ይድኅኑ፡ ወፈቃዴ፡ ኮነ፡ ለሕይወቶሙ። | ወከሠቶ፡ ለጻድቃን፡ ወለኅሩያን፡ ጥበቡ፡ ለእግዚአ፡ መናፍስት፡ እስመ፡ ዐቀበ፡ ክፍሎሙ፡ ለጻድቃን፡ እስመ፡ ጸልእዎ፡ ወመነንዎ፡ ለዝ፡ ዓለም፡ ዘዐመፃ፡ ወኵሎ፡ ምግባሮ፡ ወፍናዊሁ፡ ጸልኡ፡ በስሙ፡ ለእግዚአ፡ መናፍስት፡ እስመ፡ በስመ፡ ዚኣሁ፡ ይድኅኑ፡ ወፈቃዴ፡ ኮነ፡ ለሕይወቶሙ። |
|---|
| 48:8 | ወበውእቱ፡ መዋዕል፡ ኮኑ፡ ትሑታነ፡ ገጽ፡ ነገሥተ፡ ምድር፡ ወጽኑዓን፡ እለ፡ ይእኅዝዋ፡ ለየብስ፡ በእንተ፡ ግብረ፡ እደዊሆሙ፡ እስመ፡ በዕለተ፡ ጻዕቆሙ፡ ወጻሕቦሙ፡ ኢያድኅኑ፡ ነፍሶሙ። | ወበውእቱ፡ መዋዕል፡ ኮኑ፡ ትሑታነ፡ ገጽ፡ ነገሥተ፡ ምድር፡ ወጽኑዓን፡ እለ፡ ይእኅዝዋ፡ ለየብስ፡ በእንተ፡ ግብረ፡ እደዊሆሙ፡ እስመ፡ በዕለተ፡ ጻዕቆሙ፡ ወጻሕቦሙ፡ ኢያድኅኑ፡ ነፍሶሙ። |
|---|
| 48:9 | ወውስተ፡ እዴሆሙ፡ ለኅሩያነ፡ ዚኣየ፡ እወድዮሙ፡ ከመ፡ ሣዕር፡ ውስተ፡ እሳት፡ ወከመ፡ አረር፡ ውስተ፡ ማይ፡ ወከመ፡ ዝ፡ ይውዕዩ፡ እምገጸ፡ ጻድቃን፡ ወይሠጠሙ፡ እምቅድመ፡ ገጸ፡ ቅዱሳን፡ ወኢይትረከብ፡ ሎሙ፡ አሠር። | ወውስተ፡ እዴሆሙ፡ ለኅሩያነ፡ ዚኣየ፡ እወድዮሙ፡ ከመ፡ ሣዕር፡ ውስተ፡ እሳት፡ ወከመ፡ አረር፡ ውስተ፡ ማይ፡ ወከመ፡ ዝ፡ ይውዕዩ፡ እምገጸ፡ ጻድቃን፡ ወይሠጠሙ፡ እምቅድመ፡ ገጸ፡ ቅዱሳን፡ ወኢይትረከብ፡ ሎሙ፡ አሠር። |
|---|
| 48:10 | ወበዕለተ፡ ጻሕበ፡ ዚኣሆሙ፡ ፍርሀተ፡ ትከውን፡ በዲበ፡ ምድር፡ ወበቅድሜሁ፡ ይወድቁ፡ ወኢይትነሥኡ፡ ወአልቦ፡ ዘይትሜጠዎሙ፡ በእደዊሁ፡ ወያነሥኦሙ፡ እስመ፡ ክሕድዎ፡ ለእግዚአ፡ መናፍስት፡ ወለመሲሑ፡ ወይትባረክ፡ ስሙ፡ ለእግዚአ፡ መናፍስት። | ወበዕለተ፡ ጻሕበ፡ ዚኣሆሙ፡ ፍርሀተ፡ ትከውን፡ በዲበ፡ ምድር፡ ወበቅድሜሁ፡ ይወድቁ፡ ወኢይትነሥኡ፡ ወአልቦ፡ ዘይትሜጠዎሙ፡ በእደዊሁ፡ ወያነሥኦሙ፡ እስመ፡ ክሕድዎ፡ ለእግዚአ፡ መናፍስት፡ ወለመሲሑ፡ ወይትባረክ፡ ስሙ፡ ለእግዚአ፡ መናፍስት። |
|---|