| 51:1 | ወበእማንቱ፡ መዋዕል፡ ታገብእ፡ ምድር፡ ማሕፀንታ፡ ወሲኦል፡ ታገብእ፡ ማሕፀንታ፡ ዘተመጠወት፡ ወሀጕል፡ ያገብእ፡ ዘይፈዲ። | ወበእማንቱ፡ መዋዕል፡ ታገብእ፡ ምድር፡ ማሕፀንታ፡ ወሲኦል፡ ታገብእ፡ ማሕፀንታ፡ ዘተመጠወት፡ ወሀጕል፡ ያገብእ፡ ዘይፈዲ። |
|---|
| 51:2 | ወየኀሪ፡ ጻድቃነ፡ ወቅዱሳነ፡ እምኔሆሙ፡ እስመ፡ ቀርበት፡ ዕለት፡ ከመ፡ እሙንቱ፡ ይድኅኑ። | ወየኀሪ፡ ጻድቃነ፡ ወቅዱሳነ፡ እምኔሆሙ፡ እስመ፡ ቀርበት፡ ዕለት፡ ከመ፡ እሙንቱ፡ ይድኅኑ። |
|---|
| 51:3 | ወበእማንቱ፡ መዋዕል፡ ይነብር፡ ኅሩይ፡ ዲበ፡ መንበሩ፡ ወኵሎ፡ ኅሊናተ፡ ጥበብ፡ እምኅሊና፡ አፉሁ፡ ያወፅእ፡ እስመ፡ እግዚአ፡ መናፍስት፡ ወሀቦ፡ ወሰብሖ። | ወበእማንቱ፡ መዋዕል፡ ይነብር፡ ኅሩይ፡ ዲበ፡ መንበሩ፡ ወኵሎ፡ ኅሊናተ፡ ጥበብ፡ እምኅሊና፡ አፉሁ፡ ያወፅእ፡ እስመ፡ እግዚአ፡ መናፍስት፡ ወሀቦ፡ ወሰብሖ። |
|---|
| 51:4 | ወበእማንቱ፡ መዋዕል፡ ይዘፍኑ፡ አድባር፡ ከመ፡ ሐራጊት፡ ወያንፈርዕፁ፡ ከመ፡ መሐስእ፡ ጽጉባነ፡ ሐሊብ፡ ወይከውኑ፡ ኵሎሙ፡ መላእክት፡ በሰማይ። | ወበእማንቱ፡ መዋዕል፡ ይዘፍኑ፡ አድባር፡ ከመ፡ ሐራጊት፡ ወያንፈርዕፁ፡ ከመ፡ መሐስእ፡ ጽጉባነ፡ ሐሊብ፡ ወይከውኑ፡ ኵሎሙ፡ መላእክት፡ በሰማይ። |
|---|
| 51:5 | ወገጾሙ፡ ይበርህ፡ በፍሥሓ፡ እስመ፡ በእማንቱ፡ መዋዕል፡ ኅሩይ፡ ተንሥአ፡ ወምድር፡ ትትፌሣሕ፡ ወጻድቃን፡ ዲቤሃ፡ የኀድሩ፡ ወኅሩያን፡ ውስቴታ፡ የሐውሩ፡ ወያንሶስዉ። | ወገጾሙ፡ ይበርህ፡ በፍሥሓ፡ እስመ፡ በእማንቱ፡ መዋዕል፡ ኅሩይ፡ ተንሥአ፡ ወምድር፡ ትትፌሣሕ፡ ወጻድቃን፡ ዲቤሃ፡ የኀድሩ፡ ወኅሩያን፡ ውስቴታ፡ የሐውሩ፡ ወያንሶስዉ። |
|---|