| 52:1 | ወእምድኅረ፡ እማንቱ፡ መዋዕል፡ በውእቱ፡ መካን፡ ኀበ፡ ርኢኩ፡ ኵሎ፡ ራእያተ፡ ኅቡኣተ፡ እስመ፡ ተመሠጥኩ፡ በነኰርኳረ፡ ነፋስ፡ ወወሰዱኒ፡ ውስተ፡ ዐረብ። | ወእምድኅረ፡ እማንቱ፡ መዋዕል፡ በውእቱ፡ መካን፡ ኀበ፡ ርኢኩ፡ ኵሎ፡ ራእያተ፡ ኅቡኣተ፡ እስመ፡ ተመሠጥኩ፡ በነኰርኳረ፡ ነፋስ፡ ወወሰዱኒ፡ ውስተ፡ ዐረብ። |
|---|
| 52:2 | ወበህየ፡ ርእያ፡ አዕይንትየ፡ ኅቡኣተ፡ ሰማይ፡ ኵሎ፡ ዘይከውን፡ ሀሎ፡ በዲበ፡ ምድር፡ ደብረ፡ ኀጺን፡ ወደብረ፡ ጸሪቅ፡ ወደብረ፡ ብሩር፡ ወደብረ፡ ወርቅ፡ ወደብረ፡ ነጠብጣብ፡ ወደብረ፡ ዓረር። | ወበህየ፡ ርእያ፡ አዕይንትየ፡ ኅቡኣተ፡ ሰማይ፡ ኵሎ፡ ዘይከውን፡ ሀሎ፡ በዲበ፡ ምድር፡ ደብረ፡ ኀጺን፡ ወደብረ፡ ጸሪቅ፡ ወደብረ፡ ብሩር፡ ወደብረ፡ ወርቅ፡ ወደብረ፡ ነጠብጣብ፡ ወደብረ፡ ዓረር። |
|---|
| 52:3 | ወተስእልክዎ፡ ለመልአክ፡ ዘየሐውር፡ ምስሌየ፡ እንዘ፡ እብል፡ ምንት፡ እሙንቱ፡ እሉ፡ እለ፡ በኅቡእ፡ ርኢኩ። | ወተስእልክዎ፡ ለመልአክ፡ ዘየሐውር፡ ምስሌየ፡ እንዘ፡ እብል፡ ምንት፡ እሙንቱ፡ እሉ፡ እለ፡ በኅቡእ፡ ርኢኩ። |
|---|
| 52:4 | ወይቤለኒ፡ እሉ፡ ኵሎሙ፡ ዘርኢከ፡ ለሥልጣነ፡ መሲሑ፡ እሙንቱ፡ ይከውኑ፡ ከመ፡ የአዝዝ፡ ወይትኀየል፡ ዲበ፡ ምድር። | ወይቤለኒ፡ እሉ፡ ኵሎሙ፡ ዘርኢከ፡ ለሥልጣነ፡ መሲሑ፡ እሙንቱ፡ ይከውኑ፡ ከመ፡ የአዝዝ፡ ወይትኀየል፡ ዲበ፡ ምድር። |
|---|
| 52:5 | ወአውሥአኒ፡ እንዘ፡ ይብል፡ ውእቱ፡ መልአከ፡ ሰላም፡ ጽናሕ፡ ንስቲተ፡ ወትሬኢ፡ ወይትከሠት፡ ለከ፡ ኵሉ፡ ዘኅቡእ፡ ዘተከላ፡ እግዚአ፡ መናፍስት። | ወአውሥአኒ፡ እንዘ፡ ይብል፡ ውእቱ፡ መልአከ፡ ሰላም፡ ጽናሕ፡ ንስቲተ፡ ወትሬኢ፡ ወይትከሠት፡ ለከ፡ ኵሉ፡ ዘኅቡእ፡ ዘተከላ፡ እግዚአ፡ መናፍስት። |
|---|
| 52:6 | ወእሎንቱ፡ አድባር፡ ዘርኢከ፡ ደብረ፡ ኀጺን፡ ወደብረ፡ ጸሪቅ፡ ወደብረ፡ ብሩር፡ ወደብረ፡ ወርቅ፡ ወደብረ፡ ነጠብጣብ፡ ወደብረ፡ ዓረር፡ እሉ፡ ኵሎሙ፡ ቅድሜሁ፡ ለኅሩይ፡ ይከውኑ፡ ከመ፡ መዓረ፡ ግራ፡ ዘቅድመ፡ ገጸ፡ እሳት፡ ወከመ፡ ማይ፡ ዘይወርድ፡ እምላዕሉ፡ ዲበ፡ እማንቱ፡ አድባር፡ ወይከውኑ፡ ድኩማነ፡ ታሕተ፡ እገሪሁ። | ወእሎንቱ፡ አድባር፡ ዘርኢከ፡ ደብረ፡ ኀጺን፡ ወደብረ፡ ጸሪቅ፡ ወደብረ፡ ብሩር፡ ወደብረ፡ ወርቅ፡ ወደብረ፡ ነጠብጣብ፡ ወደብረ፡ ዓረር፡ እሉ፡ ኵሎሙ፡ ቅድሜሁ፡ ለኅሩይ፡ ይከውኑ፡ ከመ፡ መዓረ፡ ግራ፡ ዘቅድመ፡ ገጸ፡ እሳት፡ ወከመ፡ ማይ፡ ዘይወርድ፡ እምላዕሉ፡ ዲበ፡ እማንቱ፡ አድባር፡ ወይከውኑ፡ ድኩማነ፡ ታሕተ፡ እገሪሁ። |
|---|
| 52:7 | ወይከውን፡ በእማንቱ፡ መዋዕል፡ ኢይድኅኑ፡ ኢ፡ በወርቅ፡ ወኢ፡ በብሩር፡ ወኢይክሉ፡ ድኂነ፡ ወጐይየ። | ወይከውን፡ በእማንቱ፡ መዋዕል፡ ኢይድኅኑ፡ ኢ፡ በወርቅ፡ ወኢ፡ በብሩር፡ ወኢይክሉ፡ ድኂነ፡ ወጐይየ። |
|---|
| 52:8 | ወኢይከውን፡ ኀጺን፡ ለጸብእ፡ ወኢ፡ ልብስ፡ ለድርዐ፡ እንግድዓ፡ ኢይበቍዕ፡ ብርት፡ ወኢ፡ ናእክ፡ ኢይበቍዕ፡ ወኢይትኌለቍ፡ ወዓረር፡ ኢይትፈቀድ። | ወኢይከውን፡ ኀጺን፡ ለጸብእ፡ ወኢ፡ ልብስ፡ ለድርዐ፡ እንግድዓ፡ ኢይበቍዕ፡ ብርት፡ ወኢ፡ ናእክ፡ ኢይበቍዕ፡ ወኢይትኌለቍ፡ ወዓረር፡ ኢይትፈቀድ። |
|---|
| 52:9 | አላ፡ ኵሎሙ፡ ይትከየዱ፡ ወይትሀጐሉ፡ ሀለዎሙ፡ እምገጸ፡ ምድር፡ ሶበ፡ ያስተርኢ፡ ኅሩይ፡ በቅድመ፡ ገጹ፡ ለእግዚአ፡ መናፍስት። | አላ፡ ኵሎሙ፡ ይትከየዱ፡ ወይትሀጐሉ፡ ሀለዎሙ፡ እምገጸ፡ ምድር፡ ሶበ፡ ያስተርኢ፡ ኅሩይ፡ በቅድመ፡ ገጹ፡ ለእግዚአ፡ መናፍስት። |
|---|