| 68:1 | ወእምድኅረ፡ ዝ፡ ወሀበኒ፡ ትእምርተ፡ ኵሎሙ፡ ኅቡኣት፡ በመጽሐፍ፡ እምኄውየ፡ ሄኖክ፡ ወምሳሌያተ፡ ዘተውህባ፡ ሎቱ፡ ወደመሮሙ፡ ሊተ፡ በነገረ፡ መጽሐፍ፡ ዘምሳሌ። | ወእምድኅረ፡ ዝ፡ ወሀበኒ፡ ትእምርተ፡ ኵሎሙ፡ ኅቡኣት፡ በመጽሐፍ፡ እምኄውየ፡ ሄኖክ፡ ወምሳሌያተ፡ ዘተውህባ፡ ሎቱ፡ ወደመሮሙ፡ ሊተ፡ በነገረ፡ መጽሐፍ፡ ዘምሳሌ። |
|---|
| 68:2 | ወበይእቲ፡ ዕለተ፡ አውሥኦ፡ ቅዱስ፡ ሚካኤል፡ ለሩፋኤል፡ እንዘ፡ ይብል፡ ኀይሉ፡ ለመንፈስ፡ ይመሥጠኒ፡ ወያምዕዐኒ፡ ወበእንተ፡ ዕጸቡ፡ ለኵነኔ፡ እንተ፡ ኅቡኣት፡ መላእክት፡ መኑ፡ ውእቱ፡ ዘይክል፡ ተዐግሦተ፡ ዕጹበ፡ ለእንተ፡ ተገብረት፡ ኵነኔ፡ ወነበረት፡ ይትመሰዉ፡ በቅድሜሃ። | ወበይእቲ፡ ዕለተ፡ አውሥኦ፡ ቅዱስ፡ ሚካኤል፡ ለሩፋኤል፡ እንዘ፡ ይብል፡ ኀይሉ፡ ለመንፈስ፡ ይመሥጠኒ፡ ወያምዕዐኒ፡ ወበእንተ፡ ዕጸቡ፡ ለኵነኔ፡ እንተ፡ ኅቡኣት፡ መላእክት፡ መኑ፡ ውእቱ፡ ዘይክል፡ ተዐግሦተ፡ ዕጹበ፡ ለእንተ፡ ተገብረት፡ ኵነኔ፡ ወነበረት፡ ይትመሰዉ፡ በቅድሜሃ። |
|---|
| 68:3 | ወአውሥኦ፡ ካዕበ፡ ወይቤሎ፡ ቅዱስ፡ ሚካኤል፡ ለሩፋኤል፡ መኑ፡ ውእቱ፡ ዘኢያረኅርኅ፡ ልቦ፡ ዲቤሃ፡ ወኢይትሀወክ፡ ኵልያቲሁ፡ እምዛቲ፡ ቃል፡ ኵነኔ፡ ወፅአት፡ ዲቤሆሙ፡ እምኔሆሙ፡ ዘአውፅእዎሙ፡ ከመ፡ ዝ። | ወአውሥኦ፡ ካዕበ፡ ወይቤሎ፡ ቅዱስ፡ ሚካኤል፡ ለሩፋኤል፡ መኑ፡ ውእቱ፡ ዘኢያረኅርኅ፡ ልቦ፡ ዲቤሃ፡ ወኢይትሀወክ፡ ኵልያቲሁ፡ እምዛቲ፡ ቃል፡ ኵነኔ፡ ወፅአት፡ ዲቤሆሙ፡ እምኔሆሙ፡ ዘአውፅእዎሙ፡ ከመ፡ ዝ። |
|---|
| 68:4 | ወኮነ፡ ሶበ፡ ቆመ፡ በቅድመ፡ እግዚአ፡ መናፍስት፡ ከመ፡ ዝ፡ ይቤሎ፡ ቅዱስ፡ ሚካኤል፡ ለሩፋኤል፡ ኢይከውን፡ ሎሙ፡ ምሕረት፡ በውስተ፡ ዐይነ፡ እግዚእ፡ እስመ፡ እግዚአ፡ መናፍስት፡ ተምዕዖሙ፡ እስመ፡ በአምሳለ፡ እግዚእ፡ ይገብሩ። | ወኮነ፡ ሶበ፡ ቆመ፡ በቅድመ፡ እግዚአ፡ መናፍስት፡ ከመ፡ ዝ፡ ይቤሎ፡ ቅዱስ፡ ሚካኤል፡ ለሩፋኤል፡ ኢይከውን፡ ሎሙ፡ ምሕረት፡ በውስተ፡ ዐይነ፡ እግዚእ፡ እስመ፡ እግዚአ፡ መናፍስት፡ ተምዕዖሙ፡ እስመ፡ በአምሳለ፡ እግዚእ፡ ይገብሩ። |
|---|
| 68:5 | በእንተ፡ ዝ፡ ይመጽእ፡ ላዕሌሆሙ፡ ኵነኔ፡ ዘኅቡእ፡ ለዓለመ፡ ዓለም፡ እስመ፡ ኢ፡ መልአክ፡ ወኢ፡ ብእሲ፡ ኢይትመጠዉ፡ መክፈልቶ፡ አላ፡ እሙንቱ፡ ባሕቲቶሙ፡ ተመጠዉ፡ ኵነኔሆሙ፡ ለዓለመ፡ ዓለም። | በእንተ፡ ዝ፡ ይመጽእ፡ ላዕሌሆሙ፡ ኵነኔ፡ ዘኅቡእ፡ ለዓለመ፡ ዓለም፡ እስመ፡ ኢ፡ መልአክ፡ ወኢ፡ ብእሲ፡ ኢይትመጠዉ፡ መክፈልቶ፡ አላ፡ እሙንቱ፡ ባሕቲቶሙ፡ ተመጠዉ፡ ኵነኔሆሙ፡ ለዓለመ፡ ዓለም። |
|---|