| 73:1 | ወድኅሬሁ፡ ለዝ፡ ትእዛዝ፡ ርኢኩ፡ ካልአ፡ ትእዛዘ፡ ለብርሃን፡ ንኡስ፡ ዘስሙ፡ ወርኅ። | ወድኅሬሁ፡ ለዝ፡ ትእዛዝ፡ ርኢኩ፡ ካልአ፡ ትእዛዘ፡ ለብርሃን፡ ንኡስ፡ ዘስሙ፡ ወርኅ። |
|---|
| 73:2 | ወክበቡ፡ ከመ፡ ክበበ፡ ሰማይ፡ ወሠረገላ፡ ዚኣሁ፡ በኀበ፡ ይጼዐን፡ ነፋሰ፡ ይነፍኅ፡ ወበመስፈርት፡ ይትወሀብ፡ ሎቱ፡ ብርሃን። | ወክበቡ፡ ከመ፡ ክበበ፡ ሰማይ፡ ወሠረገላ፡ ዚኣሁ፡ በኀበ፡ ይጼዐን፡ ነፋሰ፡ ይነፍኅ፡ ወበመስፈርት፡ ይትወሀብ፡ ሎቱ፡ ብርሃን። |
|---|
| 73:3 | ወበኵሉ፡ ወርኅ፡ ሙፃኢሁ፡ ወሙባኢሁ፡ ይትዌለጥ፡ ወመዋዕሊሁ፡ ከመ፡ መዋዕለ፡ ፀሓይ፡ ወሶበ፡ ይዔሪ፡ ከዊነ፡ ብርሃኑ፡ ይከውን፡ ብርሃኑ፡ ሳብዐየ፡ እደ፡ እምብርሃነ፡ ፀሓይ። | ወበኵሉ፡ ወርኅ፡ ሙፃኢሁ፡ ወሙባኢሁ፡ ይትዌለጥ፡ ወመዋዕሊሁ፡ ከመ፡ መዋዕለ፡ ፀሓይ፡ ወሶበ፡ ይዔሪ፡ ከዊነ፡ ብርሃኑ፡ ይከውን፡ ብርሃኑ፡ ሳብዐየ፡ እደ፡ እምብርሃነ፡ ፀሓይ። |
|---|
| 73:4 | ወከመ፡ ዝ፡ ይሠርቅ፡ ወርእሱ፡ ዘመንገለ፡ ጽባሕ፡ ይወፅእ፡ ሠላሳ፡ በሠላሳ፡ ጽባሕ፡ ወበይእቲ፡ ዕለት፡ ያስተርኢ፡ ወይከውን፡ ለክሙ፡ ርእሰ፡ ወርኅ፡ ሠላሳ፡ ጽባሐ፡ ምስለ፡ ፀሓይ፡ በኆኅት፡ እንተ፡ ይወፅእ፡ ፀሓይ። | ወከመ፡ ዝ፡ ይሠርቅ፡ ወርእሱ፡ ዘመንገለ፡ ጽባሕ፡ ይወፅእ፡ ሠላሳ፡ በሠላሳ፡ ጽባሕ፡ ወበይእቲ፡ ዕለት፡ ያስተርኢ፡ ወይከውን፡ ለክሙ፡ ርእሰ፡ ወርኅ፡ ሠላሳ፡ ጽባሐ፡ ምስለ፡ ፀሓይ፡ በኆኅት፡ እንተ፡ ይወፅእ፡ ፀሓይ። |
|---|
| 73:5 | ወመንፈቁ፡ ርሑቅ፡ ሰብዐቱ፡ እድ፡ አሐዱ፡ ወኵሉ፡ ክበበ፡ ዚኣሁ፡ በክ፡ ዘአልቦቱ፡ ብርሃነ፡ ዘእንበለ፡ ሳብዒት፡ እደ፡ ዚኣሁ፡ እምዐሠርቱ፡ ወአርባዕቱ፡ እደ፡ ብርሃኑ። | ወመንፈቁ፡ ርሑቅ፡ ሰብዐቱ፡ እድ፡ አሐዱ፡ ወኵሉ፡ ክበበ፡ ዚኣሁ፡ በክ፡ ዘአልቦቱ፡ ብርሃነ፡ ዘእንበለ፡ ሳብዒት፡ እደ፡ ዚኣሁ፡ እምዐሠርቱ፡ ወአርባዕቱ፡ እደ፡ ብርሃኑ። |
|---|
| 73:6 | ወበዕለተ፡ ይነሥእ፡ ሳብዐየ፡ እደ፡ መንፈቀ፡ ብርሃኑ፡ ይከውን፡ ሰብዐቱ፡ ሰብዐተ፡ እድ፡ አሐቲ፡ ወመንፈቃ። | ወበዕለተ፡ ይነሥእ፡ ሳብዐየ፡ እደ፡ መንፈቀ፡ ብርሃኑ፡ ይከውን፡ ሰብዐቱ፡ ሰብዐተ፡ እድ፡ አሐቲ፡ ወመንፈቃ። |
|---|
| 73:7 | የዐርብ፡ ምስለ፡ ፀሓይ፡ ወሶበ፡ ይሠርቅ፡ ፀሓይ፡ ይሠርቅ፡ ወርኅ፡ ምስሌሁ፡ ወይነሥእ፡ መንፈቀ፡ እደ፡ ብርሃን፡ ወበይእቲ፡ ሌሊት፡ በርእሰ፡ ጽባሐ፡ ዚኣሁ፡ በቅድመ፡ ዕለቱ፡ ለወርኅ፡ የዐርብ፡ ወርኅ፡ ምስለ፡ ፀሓይ፡ ወይጸልም፡ በይእቲ፡ ሌሊት፡ ሰብዐቱ፡ ወስድስቱ፡ እድ፡ ወንፍቃ። | የዐርብ፡ ምስለ፡ ፀሓይ፡ ወሶበ፡ ይሠርቅ፡ ፀሓይ፡ ይሠርቅ፡ ወርኅ፡ ምስሌሁ፡ ወይነሥእ፡ መንፈቀ፡ እደ፡ ብርሃን፡ ወበይእቲ፡ ሌሊት፡ በርእሰ፡ ጽባሐ፡ ዚኣሁ፡ በቅድመ፡ ዕለቱ፡ ለወርኅ፡ የዐርብ፡ ወርኅ፡ ምስለ፡ ፀሓይ፡ ወይጸልም፡ በይእቲ፡ ሌሊት፡ ሰብዐቱ፡ ወስድስቱ፡ እድ፡ ወንፍቃ። |
|---|
| 73:8 | ወይሠርቅ፡ በይእቲ፡ ዕለት፡ ሳብዐየ፡ እደ፡ ጥንቁቀ፡ ወይወፅእ፡ ወይጸንን፡ እምሥራቀ፡ ፀሓይ፡ ወያበርህ፡ በተረፈ፡ ዕለቱ፡ ሰብዐተ፡ ወሰብዐተ፡ እደ። | ወይሠርቅ፡ በይእቲ፡ ዕለት፡ ሳብዐየ፡ እደ፡ ጥንቁቀ፡ ወይወፅእ፡ ወይጸንን፡ እምሥራቀ፡ ፀሓይ፡ ወያበርህ፡ በተረፈ፡ ዕለቱ፡ ሰብዐተ፡ ወሰብዐተ፡ እደ። |
|---|