1 Enoch

1 Enoch 74 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
74:1	ወካልአ፡ ምሕዋረ፡ ወትእዛዘ፡ ርኢኩ፡ ሎቱ፡ እንተ፡ በውእቱ፡ ትእዛዝ፡ ይገብር፡ ምሕዋሮ፡ ዘአውራኅ።	ወካልአ፡ ምሕዋረ፡ ወትእዛዘ፡ ርኢኩ፡ ሎቱ፡ እንተ፡ በውእቱ፡ ትእዛዝ፡ ይገብር፡ ምሕዋሮ፡ ዘአውራኅ።
74:2	ወኵሎ፡ አርአየኒ፡ ኡርኤል፡ መልአክ፡ ቅዱስ፡ ዘውእቱ፡ መራሒሆሙ፡ ለኵሎሙ፡ ወምንባሪሆሙ፡ ጸሐፍኩ፡ በከመ፡ አርአየኒ፡ ወጸሐፍኩ፡ አውራኂሆሙ፡ በከመ፡ ሀለዉ፡ ወርእየተ፡ ብርሃኖሙ፡ እስከ፡ ተፈጸመ፡ ዐሠርቱ፡ ወኀምስቱ፡ መዋዕል።	ወኵሎ፡ አርአየኒ፡ ኡርኤል፡ መልአክ፡ ቅዱስ፡ ዘውእቱ፡ መራሒሆሙ፡ ለኵሎሙ፡ ወምንባሪሆሙ፡ ጸሐፍኩ፡ በከመ፡ አርአየኒ፡ ወጸሐፍኩ፡ አውራኂሆሙ፡ በከመ፡ ሀለዉ፡ ወርእየተ፡ ብርሃኖሙ፡ እስከ፡ ተፈጸመ፡ ዐሠርቱ፡ ወኀምስቱ፡ መዋዕል።
74:3	በአሐዱ፡ ሰብዐተ፡ ሰብዐተ፡ እደ፡ ይፌጽም፡ ኵሎ፡ ብርሃኖ፡ በምሥራቅ፡ ወበበ፡ ሰብዐቱ፡ ሰብዐቱ፡ እድ፡ ይፌጽም፡ ኵሎ፡ ጽልመቶ፡ በምዕራብ።	በአሐዱ፡ ሰብዐተ፡ ሰብዐተ፡ እደ፡ ይፌጽም፡ ኵሎ፡ ብርሃኖ፡ በምሥራቅ፡ ወበበ፡ ሰብዐቱ፡ ሰብዐቱ፡ እድ፡ ይፌጽም፡ ኵሎ፡ ጽልመቶ፡ በምዕራብ።
74:4	ወበአውራኅ፡ እሙራት፡ ይፌጽም፡ ምዕራባቲሁ፡ ወበአውራኅ፡ እሙራት፡ የሐውር፡ ምሕዋሪሁ፡ አሐደ፡ አሐደ።	ወበአውራኅ፡ እሙራት፡ ይፌጽም፡ ምዕራባቲሁ፡ ወበአውራኅ፡ እሙራት፡ የሐውር፡ ምሕዋሪሁ፡ አሐደ፡ አሐደ።
74:5	በክልኤቱ፡ ወርኅ፡ የዐርብ፡ ምስለ፡ ፀሓይ፡ በእሉ፡ ክልኤቱ፡ ኀዋኅው፡ እለ፡ በማእከል፡ በሣልስ፡ ወበራብዕ፡ ኆኅት።	በክልኤቱ፡ ወርኅ፡ የዐርብ፡ ምስለ፡ ፀሓይ፡ በእሉ፡ ክልኤቱ፡ ኀዋኅው፡ እለ፡ በማእከል፡ በሣልስ፡ ወበራብዕ፡ ኆኅት።
74:6	ይወፅእ፡ ሰብዐተ፡ መዋዕለ፡ ወየዐውድ፡ ወይገብእ፡ ካዕበ፡ በኆኅት፡ እንተ፡ ይወፅእ፡ ፀሓይ፡ ወበውእቱ፡ ይፌጽም፡ ኵሎ፡ ብርሃኖ፡ ወይጸንን፡ እምፀሓይ፡ ወይበውእ፡ ሰሙነ፡ መዋዕለ፡ በሳድስት፡ ኆኅት፡ እንተ፡ እምኔሃ፡ ይወፅእ፡ ፀሓይ።	ይወፅእ፡ ሰብዐተ፡ መዋዕለ፡ ወየዐውድ፡ ወይገብእ፡ ካዕበ፡ በኆኅት፡ እንተ፡ ይወፅእ፡ ፀሓይ፡ ወበውእቱ፡ ይፌጽም፡ ኵሎ፡ ብርሃኖ፡ ወይጸንን፡ እምፀሓይ፡ ወይበውእ፡ ሰሙነ፡ መዋዕለ፡ በሳድስት፡ ኆኅት፡ እንተ፡ እምኔሃ፡ ይወፅእ፡ ፀሓይ።
74:7	ወሶበ፡ ይወፅእ፡ ፀሓይ፡ እምራብዕት፡ ኆኅት፡ ይወፅእ፡ ሰቡዐ፡ መዋዕለ፡ እስከ፡ ይወፅእ፡ እምነ፡ ኀምስት፡ ወካዕበ፡ ይገብእ፡ ሰቡዐ፡ መዋዕለ፡ በኆኅት፡ ራብዕ፡ ወይፌጽም፡ ኵሎ፡ ብርሃኖ፡ ወይጸንን፡ ወይበውእ፡ በቀዳሚት፡ ኆኅት፡ ሰሙነ፡ መዋዕለ።	ወሶበ፡ ይወፅእ፡ ፀሓይ፡ እምራብዕት፡ ኆኅት፡ ይወፅእ፡ ሰቡዐ፡ መዋዕለ፡ እስከ፡ ይወፅእ፡ እምነ፡ ኀምስት፡ ወካዕበ፡ ይገብእ፡ ሰቡዐ፡ መዋዕለ፡ በኆኅት፡ ራብዕ፡ ወይፌጽም፡ ኵሎ፡ ብርሃኖ፡ ወይጸንን፡ ወይበውእ፡ በቀዳሚት፡ ኆኅት፡ ሰሙነ፡ መዋዕለ።
74:8	ወካዕበ፡ ይገብእ፡ ሰቡዐ፡ መዋዕለ፡ በራብዕት፡ ኆኅት፡ እንተ፡ እምኔሃ፡ ይወፅእ፡ ፀሓይ።	ወካዕበ፡ ይገብእ፡ ሰቡዐ፡ መዋዕለ፡ በራብዕት፡ ኆኅት፡ እንተ፡ እምኔሃ፡ ይወፅእ፡ ፀሓይ።
74:9	ወከመ፡ ዝ፡ ርኢኩ፡ ምንባሮሙ፡ በከመ፡ ሥርዐተ፡ አውራኂሆሙ፡ ይሠርቅ፡ ወየዐርብ፡ ፀሐይ።	ወከመ፡ ዝ፡ ርኢኩ፡ ምንባሮሙ፡ በከመ፡ ሥርዐተ፡ አውራኂሆሙ፡ ይሠርቅ፡ ወየዐርብ፡ ፀሐይ።
74:10	ወበእማንቱ፡ መዋዕል፡ ኀምስቱ፡ ዓመት፡ ወይበጽሖ፡ ለፀሓይ፡ ሠላሳ፡ መዋዕል፡ ወኵሎሙ፡ መዋዕላት፡ ይበጽሕዎ፡ ለአሐዱ፡ ዓመት፡ እምእልኩ፡ ኀምስቱ፡ ዓመት፡ ተመሊኦሙ፡ ይከውኑ፡ ሠለስተ፡ ምእተ፡ ወስሳ፡ ወረቡዐ፡ መዋዕለ።	ወበእማንቱ፡ መዋዕል፡ ኀምስቱ፡ ዓመት፡ ወይበጽሖ፡ ለፀሓይ፡ ሠላሳ፡ መዋዕል፡ ወኵሎሙ፡ መዋዕላት፡ ይበጽሕዎ፡ ለአሐዱ፡ ዓመት፡ እምእልኩ፡ ኀምስቱ፡ ዓመት፡ ተመሊኦሙ፡ ይከውኑ፡ ሠለስተ፡ ምእተ፡ ወስሳ፡ ወረቡዐ፡ መዋዕለ።
74:11	ወይበጽሕ፡ ምብጻሒሆሙ፡ ለፀሓይ፡ ወለከዋክብት፡ ስሱ፡ መዋዕል፡ እምኀምስቱ፡ ዓመታት፡ በበ፡ ስሱ፡ ይበጽሖሙ፡ ሠላሳ፡ ዕለት፡ ወየሐጽጽ፡ ወርኅ፡ እምፀሓይ፡ ወእምከዋክብት፡ ሠላሳ፡ መዋዕለ።	ወይበጽሕ፡ ምብጻሒሆሙ፡ ለፀሓይ፡ ወለከዋክብት፡ ስሱ፡ መዋዕል፡ እምኀምስቱ፡ ዓመታት፡ በበ፡ ስሱ፡ ይበጽሖሙ፡ ሠላሳ፡ ዕለት፡ ወየሐጽጽ፡ ወርኅ፡ እምፀሓይ፡ ወእምከዋክብት፡ ሠላሳ፡ መዋዕለ።
74:12	ወወርኅ፡ ያመጽኦሙ፡ ለዓመታት፡ ጥንቁቀ፡ ወኵሎሙ፡ በከመ፡ ምንባሪሆሙ፡ ኢይበድሩ፡ ወኢይዴኀሩ፡ አሐተ፡ ዕለተ፡ አላ፡ ይዌልጡ፡ ዓመተ፡ በጽድቅ፡ ጥንቁቀ፡ በበ፡ ሠለስቱ፡ ምእት፡ ወስሳ፡ ወረቡዕ፡ መዋዕል።	ወወርኅ፡ ያመጽኦሙ፡ ለዓመታት፡ ጥንቁቀ፡ ወኵሎሙ፡ በከመ፡ ምንባሪሆሙ፡ ኢይበድሩ፡ ወኢይዴኀሩ፡ አሐተ፡ ዕለተ፡ አላ፡ ይዌልጡ፡ ዓመተ፡ በጽድቅ፡ ጥንቁቀ፡ በበ፡ ሠለስቱ፡ ምእት፡ ወስሳ፡ ወረቡዕ፡ መዋዕል።
74:13	ለሠለስቱ፡ ዓመት፡ መዋዕሊሁ፡ ዐሠርቱ፡ ምእት፡ ወተስዓ፡ ወክልኤቱ፡ ወለኀምስቱ፡ ዓመት፡ መዋዕሊሁ፡ ዐሠርቱ፡ ወሰመንቱ፡ ምእት፡ ወዕሥራ፡ መዋዕል፡ ከመ፡ ይኩን፡ ለሰመንቱ፡ ዓመት፡ ዕሥራ፡ ወተስዓቱ፡ ምእት፡ ወዐሠርቱ፡ ወክልኤቱ፡ መዋዕልይ።	ለሠለስቱ፡ ዓመት፡ መዋዕሊሁ፡ ዐሠርቱ፡ ምእት፡ ወተስዓ፡ ወክልኤቱ፡ ወለኀምስቱ፡ ዓመት፡ መዋዕሊሁ፡ ዐሠርቱ፡ ወሰመንቱ፡ ምእት፡ ወዕሥራ፡ መዋዕል፡ ከመ፡ ይኩን፡ ለሰመንቱ፡ ዓመት፡ ዕሥራ፡ ወተስዓቱ፡ ምእት፡ ወዐሠርቱ፡ ወክልኤቱ፡ መዋዕልይ።
74:14	ለወርኅ፡ ለባሕቲቱ፡ ይበጽሕ፡ መዋዕሊሁ፡ ለሠለስቱ፡ ዓመት፡ ዐሠርቱ፡ ምእት፡ ወስሳ፡ ወክልኤቱ፡ መዋዕል፡ ወለኀምስቱ፡ ዓመት፡ የሐጽጽ፡ ኀምሳ፡ መዋዕለ፡ እስመ፡ ይትዌሰክ፡ በፀአቱ፡ ዲበ፡ ስሳ፡ ወክልኤቱ፡ መዋዕል።	ለወርኅ፡ ለባሕቲቱ፡ ይበጽሕ፡ መዋዕሊሁ፡ ለሠለስቱ፡ ዓመት፡ ዐሠርቱ፡ ምእት፡ ወስሳ፡ ወክልኤቱ፡ መዋዕል፡ ወለኀምስቱ፡ ዓመት፡ የሐጽጽ፡ ኀምሳ፡ መዋዕለ፡ እስመ፡ ይትዌሰክ፡ በፀአቱ፡ ዲበ፡ ስሳ፡ ወክልኤቱ፡ መዋዕል።
74:15	ወይከውን፡ ለኀምስቱ፡ ዓመት፡ ዐሠርቱ፡ ወሰብዐቱ፡ ምእት፡ ወሰብዓ፡ መዋዕል፡ ከመ፡ ይኩን፡ ለወርኅ፡ በሰመንቱ፡ ዓመት፡ መዋዕሊሁ፡ ዕሥራ፡ ምእት፡ ወሰመንቱ፡ ምእት፡ ሠላሳ፡ ወክልኤቱ፡ መዋዕል።	ወይከውን፡ ለኀምስቱ፡ ዓመት፡ ዐሠርቱ፡ ወሰብዐቱ፡ ምእት፡ ወሰብዓ፡ መዋዕል፡ ከመ፡ ይኩን፡ ለወርኅ፡ በሰመንቱ፡ ዓመት፡ መዋዕሊሁ፡ ዕሥራ፡ ምእት፡ ወሰመንቱ፡ ምእት፡ ሠላሳ፡ ወክልኤቱ፡ መዋዕል።
74:16	እስመ፡ ሕጸጹ፡ ለሰመንቱ፡ ዓመት፡ መዋዕሊሁ፡ ሰማንያ፡ ወኵሎሙ፡ መዋዕል፡ ዘሐጸ፡ እምሰመንቱ፡ ዓም፡ ሰማንያ።	እስመ፡ ሕጸጹ፡ ለሰመንቱ፡ ዓመት፡ መዋዕሊሁ፡ ሰማንያ፡ ወኵሎሙ፡ መዋዕል፡ ዘሐጸ፡ እምሰመንቱ፡ ዓም፡ ሰማንያ።
74:17	ወይትፌጸም፡ ዓመት፡ በጽድቅ፡ በከመ፡ መንበረ፡ ዚኣሆሙ፡ ወመንበረ፡ ፀሓይ፡ እለ፡ ይሠርቁ፡ እምነ፡ ኆኅት፡ እለ፡ እምኔሆሙ፡ ይሠርቅ፡ ወየዐርብ፡ መዋዕለ፡ ሠላሳ።	ወይትፌጸም፡ ዓመት፡ በጽድቅ፡ በከመ፡ መንበረ፡ ዚኣሆሙ፡ ወመንበረ፡ ፀሓይ፡ እለ፡ ይሠርቁ፡ እምነ፡ ኆኅት፡ እለ፡ እምኔሆሙ፡ ይሠርቅ፡ ወየዐርብ፡ መዋዕለ፡ ሠላሳ።