1 Enoch

1 Enoch 75 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

	Ge'ez Ge'ez Bible	Ge'ez Apocrypha
75:1	ወመራሕያኒሆሙ፡ ለአርእስተ፡ አእላፍ፡ እለ፡ ዲበ፡ ኵሉ፡ ፍጥረት፡ ወዲበ፡ ኵሉ፡ ከዋክብት፡ ወምስለ፡ አርባዕቱ፡ እለ፡ ይትዌሰኩ፡ ወኢይትሌለዩ፡ እምንባሮሙ፡ በከመ፡ ኵሉ፡ ሐሳበ፡ ዓመት፡ ወእሉ፡ ይትቀነዩ፡ አርባዕተ፡ መዋዕለ፡ እለ፡ ኢይትሐሰቡ፡ በሐሳበ፡ ዓመት።	ወመራሕያኒሆሙ፡ ለአርእስተ፡ አእላፍ፡ እለ፡ ዲበ፡ ኵሉ፡ ፍጥረት፡ ወዲበ፡ ኵሉ፡ ከዋክብት፡ ወምስለ፡ አርባዕቱ፡ እለ፡ ይትዌሰኩ፡ ወኢይትሌለዩ፡ እምንባሮሙ፡ በከመ፡ ኵሉ፡ ሐሳበ፡ ዓመት፡ ወእሉ፡ ይትቀነዩ፡ አርባዕተ፡ መዋዕለ፡ እለ፡ ኢይትሐሰቡ፡ በሐሳበ፡ ዓመት።
75:2	ወበእንቲኣሆሙ፡ ይጌግዩ፡ ቦሙ፡ ሰብእ፡ እስመ፡ እሙንቱ፡ ብርሃናት፡ ይትቀነዩ፡ በጽድቅ፡ በምንባረ፡ ዓለም፡ አሐዱ፡ በቀዳሚት፡ ኆኅት፡ ወአሐዱ፡ በሣልስት፡ ኆኅት፡ ወአሐዱ፡ በራብዕት፡ ኆኅት፡ ወአሐዱ፡ በሳድስት፡ ኆኅት፡ ወይትፌጸም፡ ጥንቃቄ፡ ዓለም፡ በበ፡ ሠለስቱ፡ ምእት፡ ወስሳ፡ ወረቡዕ፡ መንበረ፡ ዓለም።	ወበእንቲኣሆሙ፡ ይጌግዩ፡ ቦሙ፡ ሰብእ፡ እስመ፡ እሙንቱ፡ ብርሃናት፡ ይትቀነዩ፡ በጽድቅ፡ በምንባረ፡ ዓለም፡ አሐዱ፡ በቀዳሚት፡ ኆኅት፡ ወአሐዱ፡ በሣልስት፡ ኆኅት፡ ወአሐዱ፡ በራብዕት፡ ኆኅት፡ ወአሐዱ፡ በሳድስት፡ ኆኅት፡ ወይትፌጸም፡ ጥንቃቄ፡ ዓለም፡ በበ፡ ሠለስቱ፡ ምእት፡ ወስሳ፡ ወረቡዕ፡ መንበረ፡ ዓለም።
75:3	እስመ፡ ለትእምርት፡ ወለአዝማን፡ ወለዓመታት፡ ወለመዋዕል፡ አርአየኒ፡ ኡርኤል፡ መልአክ፡ ዘአንበሮ፡ እግዚአ፡ ስብሐት፡ ዘለዓለም፡ ዲበ፡ ኵሎሙ፡ ብርሃናተ፡ ሰማይ፡ ወበዓለም፡ ከመ፡ ይምልኩ፡ በገጸ፡ ሰማይ፡ ወይትረአዩ፡ ዲበ፡ ምድር፡ ወይኩኑ፡ መራሕያነ፡ ለመዓልት፡ ወለሌሊት፡ ፀሓይ፡ ወወርኅ፡ ወከዋክብት፡ ወኵሎሙ፡ ቅንየታት፡ እለ፡ የዐውዱ፡ በኵሎሙ፡ ሠረገላተ፡ ሰማይ።	እስመ፡ ለትእምርት፡ ወለአዝማን፡ ወለዓመታት፡ ወለመዋዕል፡ አርአየኒ፡ ኡርኤል፡ መልአክ፡ ዘአንበሮ፡ እግዚአ፡ ስብሐት፡ ዘለዓለም፡ ዲበ፡ ኵሎሙ፡ ብርሃናተ፡ ሰማይ፡ ወበዓለም፡ ከመ፡ ይምልኩ፡ በገጸ፡ ሰማይ፡ ወይትረአዩ፡ ዲበ፡ ምድር፡ ወይኩኑ፡ መራሕያነ፡ ለመዓልት፡ ወለሌሊት፡ ፀሓይ፡ ወወርኅ፡ ወከዋክብት፡ ወኵሎሙ፡ ቅንየታት፡ እለ፡ የዐውዱ፡ በኵሎሙ፡ ሠረገላተ፡ ሰማይ።
75:4	ከመ፡ ዝ፡ ዐሠርተ፡ ወክልኤተ፡ ኀዋኅወ፡ ርኅዋተ፡ አርአየኒ፡ ኡርኤል፡ ርኅዋተ፡ በክበበ፡ ሠረገላተ፡ ዘፀሓይ፡ በሰማይ፡ እለ፡ እምኔሆሙ፡ ይወፅኡ፡ እገሪሃ፡ ለፀሓይ፡ ወእምኔሆሙ፡ ይወፅእ፡ ሞቅ፡ ዲበ፡ ምድር፡ ሶበ፡ ይትረኀዉ፡ በአዝማን፡ እለ፡ እሙራን፡ ቦሙ።	ከመ፡ ዝ፡ ዐሠርተ፡ ወክልኤተ፡ ኀዋኅወ፡ ርኅዋተ፡ አርአየኒ፡ ኡርኤል፡ ርኅዋተ፡ በክበበ፡ ሠረገላተ፡ ዘፀሓይ፡ በሰማይ፡ እለ፡ እምኔሆሙ፡ ይወፅኡ፡ እገሪሃ፡ ለፀሓይ፡ ወእምኔሆሙ፡ ይወፅእ፡ ሞቅ፡ ዲበ፡ ምድር፡ ሶበ፡ ይትረኀዉ፡ በአዝማን፡ እለ፡ እሙራን፡ ቦሙ።
75:5	ወለነፋሳት፡ ወለመንፈሰ፡ ጠል፡ ሶበ፡ ይትረኀዉ፡ በአዝማን፡ ርኅዋተ፡ በሰማይ፡ ዲበ፡ አጽናፍ።	ወለነፋሳት፡ ወለመንፈሰ፡ ጠል፡ ሶበ፡ ይትረኀዉ፡ በአዝማን፡ ርኅዋተ፡ በሰማይ፡ ዲበ፡ አጽናፍ።
75:6	ዐሥርተ፡ ወክልኤተ፡ ኀዋኅወ፡ ርኢኩ፡ በሰማይ፡ በአጽናፈ፡ ምድር፡ እለ፡ እምኔሆሙ፡ ይወፅኡ፡ ፀሓይ፡ ወወርኅ፡ ወከዋክብት፡ ወኵሎሙ፡ ግብራተ፡ ሰማይ፡ እምሥራቅ፡ ወእምዕራብ።	ዐሥርተ፡ ወክልኤተ፡ ኀዋኅወ፡ ርኢኩ፡ በሰማይ፡ በአጽናፈ፡ ምድር፡ እለ፡ እምኔሆሙ፡ ይወፅኡ፡ ፀሓይ፡ ወወርኅ፡ ወከዋክብት፡ ወኵሎሙ፡ ግብራተ፡ ሰማይ፡ እምሥራቅ፡ ወእምዕራብ።
75:7	ወመሳክው፡ ርኅዋት፡ ብዙኃት፡ እምየማኑ፡ እምጸጋሙ፡ ወአሐቲ፡ መስኮት፡ በዘመነ፡ ዚኣሃ፡ ታመውቅ፡ ሞቀ፡ ዘከመ፡ እልኩ፡ ኀዋኅው፡ እለ፡ ይወፅኡ፡ እምኔሆሙ፡ ከዋክብት፡ በከመ፡ አዘዞሙ፡ ወእለ፡ ቦሙ፡ የዐርቡ፡ በከመ፡ ኍልቆሙ።	ወመሳክው፡ ርኅዋት፡ ብዙኃት፡ እምየማኑ፡ እምጸጋሙ፡ ወአሐቲ፡ መስኮት፡ በዘመነ፡ ዚኣሃ፡ ታመውቅ፡ ሞቀ፡ ዘከመ፡ እልኩ፡ ኀዋኅው፡ እለ፡ ይወፅኡ፡ እምኔሆሙ፡ ከዋክብት፡ በከመ፡ አዘዞሙ፡ ወእለ፡ ቦሙ፡ የዐርቡ፡ በከመ፡ ኍልቆሙ።
75:8	ወርኢኩ፡ ሠረገላተ፡ በሰማይ፡ እንዘ፡ ይረውጹ፡ በዓለም፡ እመልዕልቴሆሙ፡ ወእመትሕቴሆሙ፡ ለእልኩ፡ ኀዋኅው፡ እለ፡ ቦሙ፡ ይትመየጡ፡ ከዋክብት፡ እለ፡ ኢየዐርቡ።	ወርኢኩ፡ ሠረገላተ፡ በሰማይ፡ እንዘ፡ ይረውጹ፡ በዓለም፡ እመልዕልቴሆሙ፡ ወእመትሕቴሆሙ፡ ለእልኩ፡ ኀዋኅው፡ እለ፡ ቦሙ፡ ይትመየጡ፡ ከዋክብት፡ እለ፡ ኢየዐርቡ።
75:9	ወአሐዱ፡ የዐብዮሙ፡ ለኵሎሙ፡ ወውእቱ፡ የዐውድ፡ ለኵሉ፡ ዓለም።	ወአሐዱ፡ የዐብዮሙ፡ ለኵሎሙ፡ ወውእቱ፡ የዐውድ፡ ለኵሉ፡ ዓለም።

read Ge'ez alone read Ge'ez alone