| 78:1 | አስማቱ፡ ለፀሓይ፡ ከመ፡ ዝ፡ አሐዱ፡ ኦርያሬስ፡ ወካልኡ፡ ቶማስስ። | አስማቱ፡ ለፀሓይ፡ ከመ፡ ዝ፡ አሐዱ፡ ኦርያሬስ፡ ወካልኡ፡ ቶማስስ። |
|---|
| 78:2 | ወለወርኅ፡ አርባዕቱ፡ አስማት፡ ቦቱ፡ አሐዱ፡ ስሙ፡ አሶንያ፡ ወካልኡ፡ እብላ፡ ወሣልሱ፡ ብናሴ፡ ወራብዑ፡ ኤራዕ። | ወለወርኅ፡ አርባዕቱ፡ አስማት፡ ቦቱ፡ አሐዱ፡ ስሙ፡ አሶንያ፡ ወካልኡ፡ እብላ፡ ወሣልሱ፡ ብናሴ፡ ወራብዑ፡ ኤራዕ። |
|---|
| 78:3 | እሉ፡ እሙንቱ፡ ክልኤቱ፡ ብርሃናት፡ ዐበይት፡ ወክበቦሙ፡ ከመ፡ ክበበ፡ ሰማይ፡ ወአምጣኒሆሙ፡ ለክልኤሆሙ፡ ዕሩያን። | እሉ፡ እሙንቱ፡ ክልኤቱ፡ ብርሃናት፡ ዐበይት፡ ወክበቦሙ፡ ከመ፡ ክበበ፡ ሰማይ፡ ወአምጣኒሆሙ፡ ለክልኤሆሙ፡ ዕሩያን። |
|---|
| 78:4 | በክበበ፡ ፀሓይ፡ ሰብዐቱ፡ ክፍለ፡ ብርሃን፡ ዘይትዌሰክ፡ ቦቱ፡ እምወርኅ፡ ወበመስፈርት፡ ትትወደይ፡ እስከ፡ የኀልፍ፡ ሳብዕ፡ ክፍለ፡ ፀሓይ። | በክበበ፡ ፀሓይ፡ ሰብዐቱ፡ ክፍለ፡ ብርሃን፡ ዘይትዌሰክ፡ ቦቱ፡ እምወርኅ፡ ወበመስፈርት፡ ትትወደይ፡ እስከ፡ የኀልፍ፡ ሳብዕ፡ ክፍለ፡ ፀሓይ። |
|---|
| 78:5 | ወየዐርቡ፡ ወይበውኡ፡ ውስተ፡ ኀዋኅወ፡ ምዕራብ፡ ወየዐውዱ፡ እንተ፡ መስዕ፡ ወእንተ፡ ኀዋኅወ፡ ምሥራቅ፡ ይወፅኡ፡ ዲበ፡ ገጸ፡ ሰማይ። | ወየዐርቡ፡ ወይበውኡ፡ ውስተ፡ ኀዋኅወ፡ ምዕራብ፡ ወየዐውዱ፡ እንተ፡ መስዕ፡ ወእንተ፡ ኀዋኅወ፡ ምሥራቅ፡ ይወፅኡ፡ ዲበ፡ ገጸ፡ ሰማይ። |
|---|
| 78:6 | ወሶበ፡ ይትነሣእ፡ ወርኅ፡ ያስተርኢ፡ በሰማይ፡ ወመንፈቀ፡ ሳብዕ፡ እደ፡ ብርሃን፡ ይከውን፡ ቦቱ፡ ወበዐሡር፡ ወረቡዕ፡ ይፌጽም፡ ኵሎ፡ ብርሃኖ። | ወሶበ፡ ይትነሣእ፡ ወርኅ፡ ያስተርኢ፡ በሰማይ፡ ወመንፈቀ፡ ሳብዕ፡ እደ፡ ብርሃን፡ ይከውን፡ ቦቱ፡ ወበዐሡር፡ ወረቡዕ፡ ይፌጽም፡ ኵሎ፡ ብርሃኖ። |
|---|
| 78:7 | ወሠለስቱ፡ ትኅምስተ፡ ብርሃን፡ ይትወደይ፡ ውስቴታ፡ እስከ፡ ዐሥር፡ ወኀምስ፡ ይትፌጸም፡ ብርሃነ፡ ዚኣሁ፡ ለትእምርተ፡ ዓመት፡ ወይከውን፡ ሠለስተ፡ ትኅምስተ፡ ወይከውን፡ ወርኅ፡ በመንፈቀ፡ ሳብዕተ፡ እድ። | ወሠለስቱ፡ ትኅምስተ፡ ብርሃን፡ ይትወደይ፡ ውስቴታ፡ እስከ፡ ዐሥር፡ ወኀምስ፡ ይትፌጸም፡ ብርሃነ፡ ዚኣሁ፡ ለትእምርተ፡ ዓመት፡ ወይከውን፡ ሠለስተ፡ ትኅምስተ፡ ወይከውን፡ ወርኅ፡ በመንፈቀ፡ ሳብዕተ፡ እድ። |
|---|
| 78:8 | ወበሕጸጸ፡ ዚኣሁ፡ በቀዳሚት፡ ዕለት፡ የሐጽጽ፡ ዐሠርተ፡ ወአርባዕተ፡ እደ፡ ብርሃነ፡ ዚኣሁ፡ ወበሣኒታ፡ የሐጽጽ፡ ዐሠርተ፡ ወሠለስተ፡ እደ፡ ወበሣልስ፡ የሐጽጽ፡ ዐሠርተ፡ ወክልኤተ፡ እደ፡ ወበራብዑ፡ የሐጽጽ፡ ዐሠርተ፡ ወአሐደ፡ ክፍለ፡ ወበኀምስ፡ የሐጽጽ፡ ዐሠርተ፡ ክፍለ፡ ወበሳድስ፡ የሐጽጽ፡ ተስዓተ፡ ክፍለ፡ ወበሳብዕ፡ የሐጽጽ፡ ሰመንተ፡ ክፍለ፡ ወበሳምን፡ የሐጽጽ፡ ሰብዐተ፡ ክፍለ፡ ወበታስዕ፡ የሐጽጽ፡ ስድስተ፡ ክፍለ፡ ወበዐሥር፡ የሐጽጽ፡ ኀምስተ፡ ክፍለ፡ ወበዐሥር፡ ወአሚር፡ የሐጽጽ፡ አርባዕተ፡ ክፍለ፡ ወበዐሥር፡ ወሰኑይ፡ የሐጽጽ፡ ሠለስተ፡ ክፍለ፡ ወበዐሥር፡ ወሠሉስ፡ የሐጽጽ፡ ክልኤተ፡ ክፍለ፡ ወበዐሥር፡ ወረቡዕ፡ የሐጽጽ፡ መንፈቀ፡ ሰብዐቱ፡ እደ፡ ወኵሉ፡ ብርሃኑ፡ በዐሥር፡ ወኀምስ፡ ዕለት፡ ይትዌዳእ፡ ዘተርፈ፡ እምኵሉ። | ወበሕጸጸ፡ ዚኣሁ፡ በቀዳሚት፡ ዕለት፡ የሐጽጽ፡ ዐሠርተ፡ ወአርባዕተ፡ እደ፡ ብርሃነ፡ ዚኣሁ፡ ወበሣኒታ፡ የሐጽጽ፡ ዐሠርተ፡ ወሠለስተ፡ እደ፡ ወበሣልስ፡ የሐጽጽ፡ ዐሠርተ፡ ወክልኤተ፡ እደ፡ ወበራብዑ፡ የሐጽጽ፡ ዐሠርተ፡ ወአሐደ፡ ክፍለ፡ ወበኀምስ፡ የሐጽጽ፡ ዐሠርተ፡ ክፍለ፡ ወበሳድስ፡ የሐጽጽ፡ ተስዓተ፡ ክፍለ፡ ወበሳብዕ፡ የሐጽጽ፡ ሰመንተ፡ ክፍለ፡ ወበሳምን፡ የሐጽጽ፡ ሰብዐተ፡ ክፍለ፡ ወበታስዕ፡ የሐጽጽ፡ ስድስተ፡ ክፍለ፡ ወበዐሥር፡ የሐጽጽ፡ ኀምስተ፡ ክፍለ፡ ወበዐሥር፡ ወአሚር፡ የሐጽጽ፡ አርባዕተ፡ ክፍለ፡ ወበዐሥር፡ ወሰኑይ፡ የሐጽጽ፡ ሠለስተ፡ ክፍለ፡ ወበዐሥር፡ ወሠሉስ፡ የሐጽጽ፡ ክልኤተ፡ ክፍለ፡ ወበዐሥር፡ ወረቡዕ፡ የሐጽጽ፡ መንፈቀ፡ ሰብዐቱ፡ እደ፡ ወኵሉ፡ ብርሃኑ፡ በዐሥር፡ ወኀምስ፡ ዕለት፡ ይትዌዳእ፡ ዘተርፈ፡ እምኵሉ። |
|---|
| 78:9 | ወበአውራኅ፡ እሙራት፡ ይከውን፡ በበ፡ ዕሥራ፡ ወተሱዕ፡ መዋዕል፡ ለወርኅ፡ ወቦ፡ ጊዜ፡ በበ፡ ዕሥራ፡ ወሰሙን። | ወበአውራኅ፡ እሙራት፡ ይከውን፡ በበ፡ ዕሥራ፡ ወተሱዕ፡ መዋዕል፡ ለወርኅ፡ ወቦ፡ ጊዜ፡ በበ፡ ዕሥራ፡ ወሰሙን። |
|---|
| 78:10 | ወካልኣተ፡ ሥርዐተ፡ አርአየኒ፡ ኡርኤል፡ መልአክ፡ ሶበ፡ ይትወደይ፡ ብርሃን፡ ውስተ፡ ወርኅ፡ ወእምኀበ፡ ይትወደይ፡ እምፀሓይ። | ወካልኣተ፡ ሥርዐተ፡ አርአየኒ፡ ኡርኤል፡ መልአክ፡ ሶበ፡ ይትወደይ፡ ብርሃን፡ ውስተ፡ ወርኅ፡ ወእምኀበ፡ ይትወደይ፡ እምፀሓይ። |
|---|
| 78:11 | ኵሎ፡ ዘመነ፡ ዘተሐውር፡ ወርኅ፡ ብርሃነ፡ ዚኣሃ፡ ትወዲ፡ በቅድመ፡ ፀሓይ፡ ወእስከ፡ ዐሥር፡ ወኀምስ፡ መዋዕል፡ ይትፌጸም፡ ብርሃና፡ ውስተ፡ ሰማይ፡ ወሶበ፡ ይውዒ፡ ኵሉ፡ ይትፌጸም፡ ብርሃና፡ ውስተ፡ ሰማይ። | ኵሎ፡ ዘመነ፡ ዘተሐውር፡ ወርኅ፡ ብርሃነ፡ ዚኣሃ፡ ትወዲ፡ በቅድመ፡ ፀሓይ፡ ወእስከ፡ ዐሥር፡ ወኀምስ፡ መዋዕል፡ ይትፌጸም፡ ብርሃና፡ ውስተ፡ ሰማይ፡ ወሶበ፡ ይውዒ፡ ኵሉ፡ ይትፌጸም፡ ብርሃና፡ ውስተ፡ ሰማይ። |
|---|
| 78:12 | ወቀዳሚት፡ ዕለት፡ ሠርቀ፡ ትሰመይ፡ እስመ፡ በይእቲ፡ ዕለት፡ ይትነሣእ፡ ላዕሌሃ፡ ብርሃን። | ወቀዳሚት፡ ዕለት፡ ሠርቀ፡ ትሰመይ፡ እስመ፡ በይእቲ፡ ዕለት፡ ይትነሣእ፡ ላዕሌሃ፡ ብርሃን። |
|---|
| 78:13 | ወይትፌጸም፡ ጥንቁቀ፡ በዕለተ፡ ይወርድ፡ ፀሓይ፡ ውስተ፡ ዓረብ፡ ወእምነ፡ ምሥራቅ፡ የዐርግ፡ በሌሊት፡ ወያበርህ፡ ወርኅ፡ በኵሉ፡ ሌሊት፡ እስከ፡ ይሠርቅ፡ ፀሓይ፡ በቅድሜሁ፡ ወይትረአይ፡ ወርኅ፡ በቅድመ፡ ፀሓይ። | ወይትፌጸም፡ ጥንቁቀ፡ በዕለተ፡ ይወርድ፡ ፀሓይ፡ ውስተ፡ ዓረብ፡ ወእምነ፡ ምሥራቅ፡ የዐርግ፡ በሌሊት፡ ወያበርህ፡ ወርኅ፡ በኵሉ፡ ሌሊት፡ እስከ፡ ይሠርቅ፡ ፀሓይ፡ በቅድሜሁ፡ ወይትረአይ፡ ወርኅ፡ በቅድመ፡ ፀሓይ። |
|---|
| 78:14 | ወእምኀበ፡ ይወፅእ፡ ብርሃኑ፡ ለወርኅ፡ እምህየ፡ ካዕበ፡ የሐጽጽ፡ እስከ፡ ይትዌዳእ፡ ኵሉ፡ ብርሃን፡ ወየኀልፍ፡ መዋዕለ፡ ወርኅ፡ ወይነብር፡ ክበቡ፡ በከ፡ ዘእንበለ፡ ብርሃን። | ወእምኀበ፡ ይወፅእ፡ ብርሃኑ፡ ለወርኅ፡ እምህየ፡ ካዕበ፡ የሐጽጽ፡ እስከ፡ ይትዌዳእ፡ ኵሉ፡ ብርሃን፡ ወየኀልፍ፡ መዋዕለ፡ ወርኅ፡ ወይነብር፡ ክበቡ፡ በከ፡ ዘእንበለ፡ ብርሃን። |
|---|
| 78:15 | ወሠለስተ፡ ወርኀ፡ ይገብር፡ ሠላሳ፡ መዋዕለ፡ ለዘመነ፡ ዚኣሁ፡ ወሠለስተ፡ ወርኀ፡ ይገብር፡ በበ፡ ዕሥራ፡ ወተሱዕ፡ መዋዕል፡ እለ፡ ቦሙ፡ ይገብር፡ ታሕጻጺተ፡ ዚኣሁ፡ በዘመን፡ ቀዳማዊ፡ ወበኆኅት፡ ቀዳማዊ፡ በመዋዕል፡ ምእት፡ ወሰብዓ፡ ወሰብዐቱ። | ወሠለስተ፡ ወርኀ፡ ይገብር፡ ሠላሳ፡ መዋዕለ፡ ለዘመነ፡ ዚኣሁ፡ ወሠለስተ፡ ወርኀ፡ ይገብር፡ በበ፡ ዕሥራ፡ ወተሱዕ፡ መዋዕል፡ እለ፡ ቦሙ፡ ይገብር፡ ታሕጻጺተ፡ ዚኣሁ፡ በዘመን፡ ቀዳማዊ፡ ወበኆኅት፡ ቀዳማዊ፡ በመዋዕል፡ ምእት፡ ወሰብዓ፡ ወሰብዐቱ። |
|---|
| 78:16 | ወበዘመነ፡ ሙፃኡ፡ ሠለስተ፡ ወርኀ፡ ያስተርኢ፡ በበ፡ ሠላሳ፡ መዋዕል፡ ወሠለስተ፡ ወርኀ፡ ያስተርኢ፡ በበ፡ ዕሥራ፡ ወተሱዕ፡ መዋዕል። | ወበዘመነ፡ ሙፃኡ፡ ሠለስተ፡ ወርኀ፡ ያስተርኢ፡ በበ፡ ሠላሳ፡ መዋዕል፡ ወሠለስተ፡ ወርኀ፡ ያስተርኢ፡ በበ፡ ዕሥራ፡ ወተሱዕ፡ መዋዕል። |
|---|
| 78:17 | በሌሊት፡ ያስተርኢ፡ በበ፡ ዕሥራ፡ ከመ፡ ብእሲ፡ ወመዓልተ፡ ከመ፡ ሰማይ፡ እስመ፡ ካልእ፡ ምንትኒ፡ አልባቲ፡ ዘእንበለ፡ ብርሃነ፡ ዚኣሃ። | በሌሊት፡ ያስተርኢ፡ በበ፡ ዕሥራ፡ ከመ፡ ብእሲ፡ ወመዓልተ፡ ከመ፡ ሰማይ፡ እስመ፡ ካልእ፡ ምንትኒ፡ አልባቲ፡ ዘእንበለ፡ ብርሃነ፡ ዚኣሃ። |
|---|