| 83:1 | ወይእዜኒ፡ አርእይኩከ፡ ወልድየ፡ ማቱሳላ፡ ኵሎ፡ ወኵሎ፡ ራእያተ፡ እለ፡ ርኢኩ፡ እነግር፡ በቅድሜከ። | ወይእዜኒ፡ አርእይኩከ፡ ወልድየ፡ ማቱሳላ፡ ኵሎ፡ ወኵሎ፡ ራእያተ፡ እለ፡ ርኢኩ፡ እነግር፡ በቅድሜከ። |
|---|
| 83:2 | ክልኤተ፡ ራእያተ፡ ርኢኩ፡ እንበለ፡ እንሣእ፡ ብእሲተ፡ ወአሐዱሂ፡ እምኔሆሙ፡ ኢይትማሰል፡ ምስለ፡ ካልኡ፡ ቀዳማየ፡ አመ፡ እትሜሀር፡ መጽሐፈ፡ ወካልአ፡ ዘእንበለ፡ እንሥኣ፡ ለእምከ፡ ርኢኩ፡ ራእየ፡ ጽኑዐ፡ ወበእንቲኣሆሙ፡ አስተብቋዕክዎ፡ ለእግዚእ። | ክልኤተ፡ ራእያተ፡ ርኢኩ፡ እንበለ፡ እንሣእ፡ ብእሲተ፡ ወአሐዱሂ፡ እምኔሆሙ፡ ኢይትማሰል፡ ምስለ፡ ካልኡ፡ ቀዳማየ፡ አመ፡ እትሜሀር፡ መጽሐፈ፡ ወካልአ፡ ዘእንበለ፡ እንሥኣ፡ ለእምከ፡ ርኢኩ፡ ራእየ፡ ጽኑዐ፡ ወበእንቲኣሆሙ፡ አስተብቋዕክዎ፡ ለእግዚእ። |
|---|
| 83:3 | ወስኩበ፡ ኮንኩ፡ በቤተ፡ መላልኤል፡ እምኄውየ፡ ርኢኩ፡ በራእይ፡ ሰማይ፡ ይትነጻሕ፡ ወይትሀየድ፡ ወይወድቅ፡ ዲበ፡ ምድር። | ወስኩበ፡ ኮንኩ፡ በቤተ፡ መላልኤል፡ እምኄውየ፡ ርኢኩ፡ በራእይ፡ ሰማይ፡ ይትነጻሕ፡ ወይትሀየድ፡ ወይወድቅ፡ ዲበ፡ ምድር። |
|---|
| 83:4 | ወሶበ፡ ይወድቅ፡ ዲበ፡ ምድር፡ ርኢክዋ፡ ለምድር፡ ከመ፡ ትትወሐጥ፡ ውስተ፡ ቀላይ፡ ዐቢይ፡ ወአድባር፡ ዲበ፡ አድባር፡ ይሰቀሉ፡ ወአውግር፡ ዲበ፡ አውግር፡ ይሰጠሙ፡ ወአዕዋም፡ ነዊኀት፡ እምጕንዳቲሆሙ፡ ይትገዘሙ፡ ወይትገደፉ፡ ወይሰጠሙ፡ ውስተ፡ ቀላይ። | ወሶበ፡ ይወድቅ፡ ዲበ፡ ምድር፡ ርኢክዋ፡ ለምድር፡ ከመ፡ ትትወሐጥ፡ ውስተ፡ ቀላይ፡ ዐቢይ፡ ወአድባር፡ ዲበ፡ አድባር፡ ይሰቀሉ፡ ወአውግር፡ ዲበ፡ አውግር፡ ይሰጠሙ፡ ወአዕዋም፡ ነዊኀት፡ እምጕንዳቲሆሙ፡ ይትገዘሙ፡ ወይትገደፉ፡ ወይሰጠሙ፡ ውስተ፡ ቀላይ። |
|---|
| 83:5 | ወእምኔሁ፡ ወድቀ፡ ነገር፡ ውስተ፡ አፉየ፡ ወአንሣእኩ፡ እጽራሕ፡ ወእቤ፡ ተሀጕለት፡ ምድር። | ወእምኔሁ፡ ወድቀ፡ ነገር፡ ውስተ፡ አፉየ፡ ወአንሣእኩ፡ እጽራሕ፡ ወእቤ፡ ተሀጕለት፡ ምድር። |
|---|
| 83:6 | ወመላልኤል፡ እምኄውየ፡ አንሥአኒ፡ እንዘ፡ አነ፡ እሰክብ፡ ወይቤለኒ፡ ለምንት፡ ከመ፡ ዝ፡ ትጸርሕ፡ ወልድየ፡ ወለምንት፡ ከመ፡ ዝ፡ ተዐወዩ። | ወመላልኤል፡ እምኄውየ፡ አንሥአኒ፡ እንዘ፡ አነ፡ እሰክብ፡ ወይቤለኒ፡ ለምንት፡ ከመ፡ ዝ፡ ትጸርሕ፡ ወልድየ፡ ወለምንት፡ ከመ፡ ዝ፡ ተዐወዩ። |
|---|
| 83:7 | ወነገርክዎ፡ ኵሎ፡ ራእየ፡ ዘርኢኩ፡ ወይቤለኒ፡ ከመ፡ ጽኑዐ፡ ርኢከ፡ ወልድየ፡ ወኀየለ፡ ራእየ፡ ሕልምከ፡ ኅቡአተ፡ ኵሉ፡ ኀጢአተ፡ ምድር፡ ወትሰጠም፡ ሀለወት፡ ውስተ፡ ቀላያት፡ ወተሀጕል፡ ሀጕለ፡ ዐቢየ። | ወነገርክዎ፡ ኵሎ፡ ራእየ፡ ዘርኢኩ፡ ወይቤለኒ፡ ከመ፡ ጽኑዐ፡ ርኢከ፡ ወልድየ፡ ወኀየለ፡ ራእየ፡ ሕልምከ፡ ኅቡአተ፡ ኵሉ፡ ኀጢአተ፡ ምድር፡ ወትሰጠም፡ ሀለወት፡ ውስተ፡ ቀላያት፡ ወተሀጕል፡ ሀጕለ፡ ዐቢየ። |
|---|
| 83:8 | ወይእዜኒ፡ ወልድየ፡ ተንሥእ፡ ወአስተብቍዖ፡ ለእግዚአ፡ ስብሐት፡ እስመ፡ መሃይምን፡ አንተ፡ ከመ፡ ይትርፍ፡ ትራፍ፡ ዲበ፡ ምድር፡ ወይደመስሳ፡ ለኵላ፡ ምድር። | ወይእዜኒ፡ ወልድየ፡ ተንሥእ፡ ወአስተብቍዖ፡ ለእግዚአ፡ ስብሐት፡ እስመ፡ መሃይምን፡ አንተ፡ ከመ፡ ይትርፍ፡ ትራፍ፡ ዲበ፡ ምድር፡ ወይደመስሳ፡ ለኵላ፡ ምድር። |
|---|
| 83:9 | ወልድየ፡ እምሰማይ፡ ይሄሉ፡ ኵሉ፡ ዝ፡ ዲበ፡ ምድር፡ ወዲበ፡ ምድር፡ ይከውን፡ ሀጕል፡ ዐቢይ። | ወልድየ፡ እምሰማይ፡ ይሄሉ፡ ኵሉ፡ ዝ፡ ዲበ፡ ምድር፡ ወዲበ፡ ምድር፡ ይከውን፡ ሀጕል፡ ዐቢይ። |
|---|
| 83:10 | ወእምኔሁ፡ ተንሣእኩ፡ ወጸለይኩ፡ ወአስተብቋዕኩ፡ ወጸሎትየ፡ ጸሐፍኩ፡ ለትውልደ፡ ዓለም፡ ወኵሎ፡ አርአይኩከ፡ ወልድየ፡ ማቱሳላ። | ወእምኔሁ፡ ተንሣእኩ፡ ወጸለይኩ፡ ወአስተብቋዕኩ፡ ወጸሎትየ፡ ጸሐፍኩ፡ ለትውልደ፡ ዓለም፡ ወኵሎ፡ አርአይኩከ፡ ወልድየ፡ ማቱሳላ። |
|---|
| 83:11 | ወሶበ፡ ወፃእኩ፡ ታሕተ፡ ርኢክዎ፡ ለሰማይ፡ ወለፀሓይ፡ ይወፅእ፡ እምሥራቅ፡ ወወርኅ፡ ይወርድ፡ እምዕራብ፡ ወውኁዳት፡ ከዋክብት፡ ወኵሉ፡ ምድር፡ ወኵሎ፡ ዘአእመረ፡ ዲበ፡ ቀዳሚ፡ ወባረክዎ፡ ለእግዚአ፡ ኵነኔ፡ ወሎቱ፡ ወሀብኩ፡ ዕበየ፡ እስመ፡ አውፅአ፡ ፀሓየ፡ እመሳክወ፡ ምሥራቅ፡ ወአዕረገ፡ ወአሥረቀ፡ ዲበ፡ ገጸ፡ ሰማይ፡ ወተንሥአ፡ ወየሐውር፡ ፍኖት፡ እንተ፡ ተርእየት፡ ሎቱ። | ወሶበ፡ ወፃእኩ፡ ታሕተ፡ ርኢክዎ፡ ለሰማይ፡ ወለፀሓይ፡ ይወፅእ፡ እምሥራቅ፡ ወወርኅ፡ ይወርድ፡ እምዕራብ፡ ወውኁዳት፡ ከዋክብት፡ ወኵሉ፡ ምድር፡ ወኵሎ፡ ዘአእመረ፡ ዲበ፡ ቀዳሚ፡ ወባረክዎ፡ ለእግዚአ፡ ኵነኔ፡ ወሎቱ፡ ወሀብኩ፡ ዕበየ፡ እስመ፡ አውፅአ፡ ፀሓየ፡ እመሳክወ፡ ምሥራቅ፡ ወአዕረገ፡ ወአሥረቀ፡ ዲበ፡ ገጸ፡ ሰማይ፡ ወተንሥአ፡ ወየሐውር፡ ፍኖት፡ እንተ፡ ተርእየት፡ ሎቱ። |
|---|