1 Enoch

1 Enoch 91 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
91:1	ወይእዜኒ፡ ወልድየ፡ ማቱሳላ፡ ጸውዕ፡ ሊተ፡ ኵሎሙ፡ አኀዊከ፡ ወአስተጋብእ፡ ሊተ፡ ኵሎ፡ ደቂቀ፡ እምከ፡ እስመ፡ ቃል፡ ይጼውዐኒ፡ ወመንፈስ፡ ተክዕወ፡ በላዕሌየ፡ ከመ፡ አርእይክሙ፡ ኵሎ፡ ዘይበጽሐክሙ፡ እስከ፡ ለዓለም።	ወይእዜኒ፡ ወልድየ፡ ማቱሳላ፡ ጸውዕ፡ ሊተ፡ ኵሎሙ፡ አኀዊከ፡ ወአስተጋብእ፡ ሊተ፡ ኵሎ፡ ደቂቀ፡ እምከ፡ እስመ፡ ቃል፡ ይጼውዐኒ፡ ወመንፈስ፡ ተክዕወ፡ በላዕሌየ፡ ከመ፡ አርእይክሙ፡ ኵሎ፡ ዘይበጽሐክሙ፡ እስከ፡ ለዓለም።
91:2	ወእምኔሁ፡ ሖረ፡ ማቱሳላ፡ ወጸውዖሙ፡ ለኵሎሙ፡ አኀዊሁ፡ ኀቤሁ፡ ወአስተጋብኦሙ፡ ለአዝማደ፡ ዚኣሁ።	ወእምኔሁ፡ ሖረ፡ ማቱሳላ፡ ወጸውዖሙ፡ ለኵሎሙ፡ አኀዊሁ፡ ኀቤሁ፡ ወአስተጋብኦሙ፡ ለአዝማደ፡ ዚኣሁ።
91:3	ወተናገሮሙ፡ ለኵሎሙ፡ ውሉዱ፡ ጽድቅ፡ ወይቤ፡ ስምዑ፡ ደቂቅየ፡ ኵሎ፡ ነገረ፡ አቡክሙ፡ ወአጽምኡ፡ በርትዕ፡ ቃለ፡ አፉየ፡ እስመ፡ ኣሰምዕ፡ ዲቤክሙ፡ ወእነግረክሙ፡ ፍቁራንየ፡ አፍቅርዋ፡ ለርትዕ፡ ወባቲ፡ ሑሩ።	ወተናገሮሙ፡ ለኵሎሙ፡ ውሉዱ፡ ጽድቅ፡ ወይቤ፡ ስምዑ፡ ደቂቅየ፡ ኵሎ፡ ነገረ፡ አቡክሙ፡ ወአጽምኡ፡ በርትዕ፡ ቃለ፡ አፉየ፡ እስመ፡ ኣሰምዕ፡ ዲቤክሙ፡ ወእነግረክሙ፡ ፍቁራንየ፡ አፍቅርዋ፡ ለርትዕ፡ ወባቲ፡ ሑሩ።
91:4	ወኢትቅረቡ፡ ኀበ፡ ርትዕ፡ በክልኤ፡ ልብ፡ ወኢትኅበሩ፡ ምስለ፡ እለ፡ ክልኤ፡ ልብ፡ አላ፡ ሑሩ፡ በጽድቅ፡ ደቂቅየ፡ ወይእቲ፡ ትመርሐክሙ፡ በፍናዋት፡ ኄራት፡ ወጽድቅ፡ ይከውን፡ ለክሙ፡ ሱታፌ።	ወኢትቅረቡ፡ ኀበ፡ ርትዕ፡ በክልኤ፡ ልብ፡ ወኢትኅበሩ፡ ምስለ፡ እለ፡ ክልኤ፡ ልብ፡ አላ፡ ሑሩ፡ በጽድቅ፡ ደቂቅየ፡ ወይእቲ፡ ትመርሐክሙ፡ በፍናዋት፡ ኄራት፡ ወጽድቅ፡ ይከውን፡ ለክሙ፡ ሱታፌ።
91:5	እስመ፡ ኣአምር፡ ከመ፡ ይጸንዕ፡ ህላዌ፡ ግፍዕ፡ ዲበ፡ ምድር፡ ወይትፌጸም፡ መቅሠፍት፡ ዐቢይ፡ ዲበ፡ ምድር፡ ወትትፌጸም፡ ኵላ፡ ዐመፃ፡ ወትትገዘም፡ እምሥረዊሃ፡ ወኵሉ፡ ሕንጻ፡ የኀልፍ።	እስመ፡ ኣአምር፡ ከመ፡ ይጸንዕ፡ ህላዌ፡ ግፍዕ፡ ዲበ፡ ምድር፡ ወይትፌጸም፡ መቅሠፍት፡ ዐቢይ፡ ዲበ፡ ምድር፡ ወትትፌጸም፡ ኵላ፡ ዐመፃ፡ ወትትገዘም፡ እምሥረዊሃ፡ ወኵሉ፡ ሕንጻ፡ የኀልፍ።
91:6	ወትደግም፡ ካዕበ፡ ዐመፃ፡ ወትትፌጸም፡ ዲበ፡ ምድር፡ ወትትአኀዝ፡ ኵላ፡ ግብረ፡ ዐመፃ፡ ወግብረ፡ ግፍዕ፡ ወአበሳ፡ ካዕበተ።	ወትደግም፡ ካዕበ፡ ዐመፃ፡ ወትትፌጸም፡ ዲበ፡ ምድር፡ ወትትአኀዝ፡ ኵላ፡ ግብረ፡ ዐመፃ፡ ወግብረ፡ ግፍዕ፡ ወአበሳ፡ ካዕበተ።
91:7	ወእመኒ፡ ትልህቅ፡ ዐመፃ፡ ወኀጢአት፡ ወፅርፈት፡ ወግፍዕ፡ ወኵሉ፡ ግብር፡ ወትልህቅ፡ ዕልወት፡ ወአበሳ፡ ወርኵስ፡ መቅሠፍት፡ ዐቢይ፡ ይከውን፡ እምሰማይ፡ ዲበ፡ እሉ፡ ኵሎሙ፡ ወይወፅእ፡ እግዚእ፡ ቅዱስ፡ በመዓት፡ ወመቅሠፍት፡ ዐቢይ፡ ከመ፡ ይግበር፡ ኵነኔ፡ ዲበ፡ ምድር።	ወእመኒ፡ ትልህቅ፡ ዐመፃ፡ ወኀጢአት፡ ወፅርፈት፡ ወግፍዕ፡ ወኵሉ፡ ግብር፡ ወትልህቅ፡ ዕልወት፡ ወአበሳ፡ ወርኵስ፡ መቅሠፍት፡ ዐቢይ፡ ይከውን፡ እምሰማይ፡ ዲበ፡ እሉ፡ ኵሎሙ፡ ወይወፅእ፡ እግዚእ፡ ቅዱስ፡ በመዓት፡ ወመቅሠፍት፡ ዐቢይ፡ ከመ፡ ይግበር፡ ኵነኔ፡ ዲበ፡ ምድር።
91:8	ወበእማንቱ፡ መዋዕል፡ ትትገዘም፡ ግፍዕ፡ እምነ፡ ሥረዊሃ፡ ወአሥራወ፡ ዐመፃ፡ ምስለ፡ ጕሕሉት፡ ወይትሀጐሉ፡ እምታሕተ፡ ሰማይ።	ወበእማንቱ፡ መዋዕል፡ ትትገዘም፡ ግፍዕ፡ እምነ፡ ሥረዊሃ፡ ወአሥራወ፡ ዐመፃ፡ ምስለ፡ ጕሕሉት፡ ወይትሀጐሉ፡ እምታሕተ፡ ሰማይ።
91:9	ወኵሉ፡ ይትወሀብ፡ ምስለ፡ አሕዛብ፡ ወማኅፈድ፡ በእሳት፡ ትነድድ፡ ወያወፅእዎሙ፡ እምኵሉ፡ ምድር፡ ወይትገደፉ፡ በኵነኔ፡ እሳት፡ ወይትሀጐሉ፡ በመዓት፡ ወበኵነኔ፡ ኀያል፡ እንተ፡ ለዓለም።	ወኵሉ፡ ይትወሀብ፡ ምስለ፡ አሕዛብ፡ ወማኅፈድ፡ በእሳት፡ ትነድድ፡ ወያወፅእዎሙ፡ እምኵሉ፡ ምድር፡ ወይትገደፉ፡ በኵነኔ፡ እሳት፡ ወይትሀጐሉ፡ በመዓት፡ ወበኵነኔ፡ ኀያል፡ እንተ፡ ለዓለም።
91:10	ወይትነሣእ፡ ጻድቅ፡ እምንዋም፡ ወይትነሣእ፡ ጥበብ፡ ወይትወሀብ፡ ሎሙ።	ወይትነሣእ፡ ጻድቅ፡ እምንዋም፡ ወይትነሣእ፡ ጥበብ፡ ወይትወሀብ፡ ሎሙ።
91:11	ወእምኔሁ፡ ይትገዘሙ፡ አሥራወ፡ ዐመፃ፡ ወኃጥኣን፡ ይትሀጐሉ፡ በሰይፍ፡ ወእምነ፡ ፅሩፋን፡ ይትገዘሙ፡ በኵሉ፡ መካን፡ ወእለ፡ ይኄልይዋ፡ ለግፍዕ፡ ወእለ፡ ይገብርዋ፡ ለፅርፈት፡ ይትሀጐሉ፡ በመጥባሕት።	ወእምኔሁ፡ ይትገዘሙ፡ አሥራወ፡ ዐመፃ፡ ወኃጥኣን፡ ይትሀጐሉ፡ በሰይፍ፡ ወእምነ፡ ፅሩፋን፡ ይትገዘሙ፡ በኵሉ፡ መካን፡ ወእለ፡ ይኄልይዋ፡ ለግፍዕ፡ ወእለ፡ ይገብርዋ፡ ለፅርፈት፡ ይትሀጐሉ፡ በመጥባሕት።
91:12	ወእምድኅረ፡ ዝ፡ ትከውን፡ ካልእት፡ ሰንበት፡ ሳምኒት፡ እንተ፡ ጽድቅ፡ ወይትወሀብ፡ ላቲ፡ ሰይፍ፡ ከመ፡ ይትገበር፡ ኵነኔ፡ ጽድቅ፡ እምእለ፡ ይገፍዑ፡ ወይትመጠዉ፡ ኃጥኣን፡ ለጻድቃን።	ወእምድኅረ፡ ዝ፡ ትከውን፡ ካልእት፡ ሰንበት፡ ሳምኒት፡ እንተ፡ ጽድቅ፡ ወይትወሀብ፡ ላቲ፡ ሰይፍ፡ ከመ፡ ይትገበር፡ ኵነኔ፡ ጽድቅ፡ እምእለ፡ ይገፍዑ፡ ወይትመጠዉ፡ ኃጥኣን፡ ለጻድቃን።
91:13	በተፍጻሜታ፡ ያጠርዩ፡ አብያተ፡ እምጽድቀ፡ ዚኣሆሙ፡ ወይትሐነጽ፡ ቤት፡ ለንጉሥ፡ ዐቢይ፡ በስብሐት፡ እስከ፡ ለዓለም።	በተፍጻሜታ፡ ያጠርዩ፡ አብያተ፡ እምጽድቀ፡ ዚኣሆሙ፡ ወይትሐነጽ፡ ቤት፡ ለንጉሥ፡ ዐቢይ፡ በስብሐት፡ እስከ፡ ለዓለም።
91:14	ወእምድኅረ፡ ዝ፡ በሰንበት፡ ታስዕት፡ ባቲ፡ ኵነኔ፡ ጽድቅ፡ ትትከሠት፡ ለኵሉ፡ ዓለም፡ ወኵሉ፡ ተግባረ፡ ረሲዓን፡ ይወፅእ፡ እምዲበ፡ ምድር፡ ወይጸሐፍ፡ ዓለም፡ ለሀጕል፡ ወኵሉ፡ ሰብእ፡ ይኔጽሩ፡ ለፍኖተ፡ ርትዕ።	ወእምድኅረ፡ ዝ፡ በሰንበት፡ ታስዕት፡ ባቲ፡ ኵነኔ፡ ጽድቅ፡ ትትከሠት፡ ለኵሉ፡ ዓለም፡ ወኵሉ፡ ተግባረ፡ ረሲዓን፡ ይወፅእ፡ እምዲበ፡ ምድር፡ ወይጸሐፍ፡ ዓለም፡ ለሀጕል፡ ወኵሉ፡ ሰብእ፡ ይኔጽሩ፡ ለፍኖተ፡ ርትዕ።
91:15	ወእምድኅረ፡ ዝንቱ፡ በሰንበት፡ ዐሥርት፡ ሳብዓቱ፡ እድ፡ ባቲ፡ ኵነኔ፡ እንተ፡ ለዓለም፡ ወትትገበር፡ እምትጉሃን፡ ወሰማይ፡ ዘለዓለም፡ ዐቢይ፡ ዘይበቊል፡ እማእከሎሙ፡ ለመላእክት።	ወእምድኅረ፡ ዝንቱ፡ በሰንበት፡ ዐሥርት፡ ሳብዓቱ፡ እድ፡ ባቲ፡ ኵነኔ፡ እንተ፡ ለዓለም፡ ወትትገበር፡ እምትጉሃን፡ ወሰማይ፡ ዘለዓለም፡ ዐቢይ፡ ዘይበቊል፡ እማእከሎሙ፡ ለመላእክት።
91:16	ወሰማይ፡ ቀዳማይ፡ ይወፅእ፡ ወየኀልፍ፡ ወሰማይ፡ ሐዲስ፡ ይትረአይ፡ ወኵሉ፡ ኀይላተ፡ ሰማያት፡ ያበርሁ፡ ለዓለም፡ ሰብዐተ፡ ምክዕቢተ።	ወሰማይ፡ ቀዳማይ፡ ይወፅእ፡ ወየኀልፍ፡ ወሰማይ፡ ሐዲስ፡ ይትረአይ፡ ወኵሉ፡ ኀይላተ፡ ሰማያት፡ ያበርሁ፡ ለዓለም፡ ሰብዐተ፡ ምክዕቢተ።
91:17	ወእምድኅረ፡ ዝ፡ ብዙኃን፡ ሰንበታት፡ እለ፡ አልቦሙ፡ ኍልቊ፡ ለዓለም፡ በኂሩት፡ ወበጽድቅ፡ ይከውኑ፡ ወኀጢአት፡ እምህየ፡ ኢትትበሃል፡ እስከ፡ ለዓለም።	ወእምድኅረ፡ ዝ፡ ብዙኃን፡ ሰንበታት፡ እለ፡ አልቦሙ፡ ኍልቊ፡ ለዓለም፡ በኂሩት፡ ወበጽድቅ፡ ይከውኑ፡ ወኀጢአት፡ እምህየ፡ ኢትትበሃል፡ እስከ፡ ለዓለም።
91:18	ወይእዜኒ፡ እብለክሙ፡ ደቂቅየ፡ ወኣርእየክሙ፡ ፍናዋተ፡ ጽድቅ፡ ወፍናዋተ፡ ግፍዕ፡ ወኣርእየክሙ፡ ካዕበ፡ ከመ፡ ታእምሩ፡ ዘይመጽእ።	ወይእዜኒ፡ እብለክሙ፡ ደቂቅየ፡ ወኣርእየክሙ፡ ፍናዋተ፡ ጽድቅ፡ ወፍናዋተ፡ ግፍዕ፡ ወኣርእየክሙ፡ ካዕበ፡ ከመ፡ ታእምሩ፡ ዘይመጽእ።
91:19	ወይእዜኒ፡ ስምዑኒ፡ ደቂቅየ፡ ወሑሩ፡ በፍናዋተ፡ ጽድቅ፡ ወኢትሑሩ፡ በፍናዋተ፡ ግፍዕ፡ እስመ፡ ይትሀጐሉ፡ ለዓለም፡ ኵሎሙ፡ እለ፡ የሐውሩ፡ በፍኖተ፡ ዐመፃ።	ወይእዜኒ፡ ስምዑኒ፡ ደቂቅየ፡ ወሑሩ፡ በፍናዋተ፡ ጽድቅ፡ ወኢትሑሩ፡ በፍናዋተ፡ ግፍዕ፡ እስመ፡ ይትሀጐሉ፡ ለዓለም፡ ኵሎሙ፡ እለ፡ የሐውሩ፡ በፍኖተ፡ ዐመፃ።