| 94:1 | ወይእዜኒ፡ እብለክሙ፡ ደቂቅየ፡ አፍቅርዋ፡ ለጽድቅ፡ ወባቲ፡ ሑሩ፡ እስመ፡ ፍናዋተ፡ ጽድቅ፡ ይደሉ፡ ይትወከፍዎሙ፡ ወፍናዋተ፡ ዐመፃ፡ ፍጡነ፡ ይትሀጐሉ፡ ወየሐጽጹ። | ወይእዜኒ፡ እብለክሙ፡ ደቂቅየ፡ አፍቅርዋ፡ ለጽድቅ፡ ወባቲ፡ ሑሩ፡ እስመ፡ ፍናዋተ፡ ጽድቅ፡ ይደሉ፡ ይትወከፍዎሙ፡ ወፍናዋተ፡ ዐመፃ፡ ፍጡነ፡ ይትሀጐሉ፡ ወየሐጽጹ። |
|---|
| 94:2 | ወለሰብእ፡ እሙራን፡ እምትውልድ፡ ይትከሠቱ፡ ፍናዋተ፡ ግፍዕ፡ ወሞት፡ ወይርሕቁ፡ እምኔሆሙ፡ ወኢይተልውዎሙ። | ወለሰብእ፡ እሙራን፡ እምትውልድ፡ ይትከሠቱ፡ ፍናዋተ፡ ግፍዕ፡ ወሞት፡ ወይርሕቁ፡ እምኔሆሙ፡ ወኢይተልውዎሙ። |
|---|
| 94:3 | ወይእዜኒ፡ ለክሙ፡ እብለክሙ፡ ለጻድቃን፡ ኢትሑሩ፡ በፍናዋተ፡ እኩይ፡ ወግፍዕ፡ ወኢ፡ በፍናዋተ፡ ሞት፡ ወኢትቅረቡ፡ ኀቤሆሙ፡ ከመ፡ ኢትትሀጐሉ። | ወይእዜኒ፡ ለክሙ፡ እብለክሙ፡ ለጻድቃን፡ ኢትሑሩ፡ በፍናዋተ፡ እኩይ፡ ወግፍዕ፡ ወኢ፡ በፍናዋተ፡ ሞት፡ ወኢትቅረቡ፡ ኀቤሆሙ፡ ከመ፡ ኢትትሀጐሉ። |
|---|
| 94:4 | አላ፡ ፍቅዱ፡ ወኅረዩ፡ ለክሙ፡ ጽድቀ፡ ወሕይወተ፡ ኅሪተ፡ ወሑሩ፡ በፍናዋተ፡ ሰላም፡ ከመ፡ ትሕየዉ፡ ወትደለዉ። | አላ፡ ፍቅዱ፡ ወኅረዩ፡ ለክሙ፡ ጽድቀ፡ ወሕይወተ፡ ኅሪተ፡ ወሑሩ፡ በፍናዋተ፡ ሰላም፡ ከመ፡ ትሕየዉ፡ ወትደለዉ። |
|---|
| 94:5 | ወትእኅዙ፡ በኅሊና፡ ልብክሙ፡ ወኢይደምሰስ፡ ነገርየ፡ እምልብክሙ፡ እስመ፡ ኣአምር፡ ከመ፡ ያመክርዎሙ፡ ኃጥኣን፡ ለሰብእ፡ ከመ፡ ይግበሩ፡ ጥበበ፡ እኩየ፡ ወኵሉ፡ መካን፡ ኢይትረከብ፡ ላቲ፡ ወኵሉ፡ መከራ፡ ኢየሐጽጽ። | ወትእኅዙ፡ በኅሊና፡ ልብክሙ፡ ወኢይደምሰስ፡ ነገርየ፡ እምልብክሙ፡ እስመ፡ ኣአምር፡ ከመ፡ ያመክርዎሙ፡ ኃጥኣን፡ ለሰብእ፡ ከመ፡ ይግበሩ፡ ጥበበ፡ እኩየ፡ ወኵሉ፡ መካን፡ ኢይትረከብ፡ ላቲ፡ ወኵሉ፡ መከራ፡ ኢየሐጽጽ። |
|---|
| 94:6 | አሌ፡ ሎሙ፡ ለእለ፡ የሐንጽዋ፡ ለዐመፃ፡ ወለግፍዕ፡ ወይሣርርዋ፡ ለጕሕሉት፡ እስመ፡ ፍጡነ፡ ይትነሠቱ፡ ወአልቦሙ፡ ሰላም። | አሌ፡ ሎሙ፡ ለእለ፡ የሐንጽዋ፡ ለዐመፃ፡ ወለግፍዕ፡ ወይሣርርዋ፡ ለጕሕሉት፡ እስመ፡ ፍጡነ፡ ይትነሠቱ፡ ወአልቦሙ፡ ሰላም። |
|---|
| 94:7 | አሌ፡ ሎሙ፡ ለእለ፡ የሐንጹ፡ አብያቲሆሙ፡ በኀጢአት፡ እስመ፡ እምኵሉ፡ መሠረቶሙ፡ ይትነሠቱ፡ ወበሰይፍ፡ ይወድቁ፡ ወእለ፡ ያጠርይዋ፡ ለወርቅ፡ ወለብሩር፡ በኵነኔ፡ ፍጡነ፡ ይትሀጐሉ። | አሌ፡ ሎሙ፡ ለእለ፡ የሐንጹ፡ አብያቲሆሙ፡ በኀጢአት፡ እስመ፡ እምኵሉ፡ መሠረቶሙ፡ ይትነሠቱ፡ ወበሰይፍ፡ ይወድቁ፡ ወእለ፡ ያጠርይዋ፡ ለወርቅ፡ ወለብሩር፡ በኵነኔ፡ ፍጡነ፡ ይትሀጐሉ። |
|---|
| 94:8 | አሌ፡ ለክሙ፡ አብዕልት፡ እስመ፡ ዲበ፡ ብዕልክሙ፡ ተወከልክሙ፡ ወእምነ፡ ብዕልክሙ፡ ትወፅኡ፡ እስመ፡ ኢተዘከርክምዎ፡ ለልዑል፡ በዕለተ፡ ብዕልክሙ። | አሌ፡ ለክሙ፡ አብዕልት፡ እስመ፡ ዲበ፡ ብዕልክሙ፡ ተወከልክሙ፡ ወእምነ፡ ብዕልክሙ፡ ትወፅኡ፡ እስመ፡ ኢተዘከርክምዎ፡ ለልዑል፡ በዕለተ፡ ብዕልክሙ። |
|---|
| 94:9 | ወገበርክምዎ፡ ለፅርፈት፡ ወለዐመፃ፡ ወድልዋነ፡ ኮንክሙ፡ ለዕለተ፡ ክዕወተ፡ ደም፡ ወለዕለተ፡ ጽልመት፡ ወለዕለተ፡ ኵነኔ፡ ዐባይ። | ወገበርክምዎ፡ ለፅርፈት፡ ወለዐመፃ፡ ወድልዋነ፡ ኮንክሙ፡ ለዕለተ፡ ክዕወተ፡ ደም፡ ወለዕለተ፡ ጽልመት፡ ወለዕለተ፡ ኵነኔ፡ ዐባይ። |
|---|
| 94:10 | ከመ፡ ዝ፡ አነ፡ እብል፡ ወኣየድዐክሙ፡ ከመ፡ ይገፈትዐክሙ፡ ዘፈጠረክሙ፡ ወዲበ፡ ድቀትክሙ፡ ከመ፡ ኢይከውን፡ ምሕረት፡ ወፈጣሪክሙ፡ ይትፌሣሕ፡ በሀጕልክሙ። | ከመ፡ ዝ፡ አነ፡ እብል፡ ወኣየድዐክሙ፡ ከመ፡ ይገፈትዐክሙ፡ ዘፈጠረክሙ፡ ወዲበ፡ ድቀትክሙ፡ ከመ፡ ኢይከውን፡ ምሕረት፡ ወፈጣሪክሙ፡ ይትፌሣሕ፡ በሀጕልክሙ። |
|---|
| 94:11 | ወጻድቃነ፡ ዚኣክሙ፡ ይከውኑ፡ በእማንቱ፡ መዋዕል፡ ጽእለተ፡ ለኃጥኣን፡ ወለረሲዓን። | ወጻድቃነ፡ ዚኣክሙ፡ ይከውኑ፡ በእማንቱ፡ መዋዕል፡ ጽእለተ፡ ለኃጥኣን፡ ወለረሲዓን። |
|---|