| 97:1 | ተአመኑ፡ ጻድቃን፡ እስመ፡ ለጽእለት፡ ይከውኑ፡ ኃጥኣን፡ ወይትሀጐሉ፡ በዕለተ፡ ዐመፃ። | ተአመኑ፡ ጻድቃን፡ እስመ፡ ለጽእለት፡ ይከውኑ፡ ኃጥኣን፡ ወይትሀጐሉ፡ በዕለተ፡ ዐመፃ። |
|---|
| 97:2 | እሙረ፡ ይከውን፡ ለክሙ፡ እስመ፡ ልዑል፡ ይዜክር፡ ሀጕለክሙ፡ ወይትፌሥሑ፡ መላእክት፡ ዲበ፡ ሀጕለ፡ ዚኣክሙ። | እሙረ፡ ይከውን፡ ለክሙ፡ እስመ፡ ልዑል፡ ይዜክር፡ ሀጕለክሙ፡ ወይትፌሥሑ፡ መላእክት፡ ዲበ፡ ሀጕለ፡ ዚኣክሙ። |
|---|
| 97:3 | ምንተ፡ ትግበሩ፡ ሀለወክሙ፡ ኃጥኣን፡ ወአይቴ፡ ትጐይዩ፡ በይእቲ፡ ዕለት፡ እንተ፡ ኵነኔ፡ ሶበ፡ ትሰምዑ፡ ቃለ፡ ጸሎቶሙ፡ ለጻድቃን። | ምንተ፡ ትግበሩ፡ ሀለወክሙ፡ ኃጥኣን፡ ወአይቴ፡ ትጐይዩ፡ በይእቲ፡ ዕለት፡ እንተ፡ ኵነኔ፡ ሶበ፡ ትሰምዑ፡ ቃለ፡ ጸሎቶሙ፡ ለጻድቃን። |
|---|
| 97:4 | ወአንትሙ፡ ኢትከውኑ፡ ከማሆሙ፡ አላ፡ ሰማዕተ፡ ይከውን፡ ዲቤሆሙ፡ ዝንቱ፡ ነገር፡ ሱቱፋነ፡ ኮንክሙ፡ ለኃጥኣን። | ወአንትሙ፡ ኢትከውኑ፡ ከማሆሙ፡ አላ፡ ሰማዕተ፡ ይከውን፡ ዲቤሆሙ፡ ዝንቱ፡ ነገር፡ ሱቱፋነ፡ ኮንክሙ፡ ለኃጥኣን። |
|---|
| 97:5 | ወበእማንቱ፡ መዋዕል፡ ትበጽሕ፡ ጸሎቶሙ፡ ለቅዱሳን፡ ኀበ፡ እግዚእ፡ ወለክሙ፡ ይበጽሕ፡ መዋዕለ፡ ኵነኔክሙ። | ወበእማንቱ፡ መዋዕል፡ ትበጽሕ፡ ጸሎቶሙ፡ ለቅዱሳን፡ ኀበ፡ እግዚእ፡ ወለክሙ፡ ይበጽሕ፡ መዋዕለ፡ ኵነኔክሙ። |
|---|
| 97:6 | ወይትነበብ፡ ኵሉ፡ ነገረ፡ ዐመፃሆሙ፡ ቅድመ፡ ዐቢይ፡ ወቅዱስ፡ ወይትኀፈር፡ ገጽክሙ፡ ወይትገድፍ፡ ኵሉ፡ ተግባረ፡ ዘጸንዐ፡ በዐመፃ። | ወይትነበብ፡ ኵሉ፡ ነገረ፡ ዐመፃሆሙ፡ ቅድመ፡ ዐቢይ፡ ወቅዱስ፡ ወይትኀፈር፡ ገጽክሙ፡ ወይትገድፍ፡ ኵሉ፡ ተግባረ፡ ዘጸንዐ፡ በዐመፃ። |
|---|
| 97:7 | አሌ፡ ለክሙ፡ ኃጥኣን፡ እለ፡ ማእከለ፡ ባሕር፡ ወዲበ፡ የብስ፡ እለ፡ ዝክሮሙ፡ እኩይ፡ ዲቤክሙ። | አሌ፡ ለክሙ፡ ኃጥኣን፡ እለ፡ ማእከለ፡ ባሕር፡ ወዲበ፡ የብስ፡ እለ፡ ዝክሮሙ፡ እኩይ፡ ዲቤክሙ። |
|---|
| 97:8 | አሌ፡ ለክሙ፡ እለ፡ ታጠርዩ፡ ብሩረ፡ ወወርቀ፡ ዚኢኮነ፡ በጽድቅ፡ ወትብሉ፡ ብዕልነ፡ ብዕለ፡ ወኮነ፡ ለነ፡ ንዋይ፡ ወአጥረይነ፡ ኵሎ፡ ዘፈቀድነ። | አሌ፡ ለክሙ፡ እለ፡ ታጠርዩ፡ ብሩረ፡ ወወርቀ፡ ዚኢኮነ፡ በጽድቅ፡ ወትብሉ፡ ብዕልነ፡ ብዕለ፡ ወኮነ፡ ለነ፡ ንዋይ፡ ወአጥረይነ፡ ኵሎ፡ ዘፈቀድነ። |
|---|
| 97:9 | ወይእዜኒ፡ ንግበር፡ ዘኀለይነ፡ እስመ፡ ብሩረ፡ አስተጋባእነ፡ ወመላእነ፡ መዛግብቲነ፡ ወከመ፡ ማይ፡ ብዙኅ፡ ሐረስተ፡ አብያቲነ። | ወይእዜኒ፡ ንግበር፡ ዘኀለይነ፡ እስመ፡ ብሩረ፡ አስተጋባእነ፡ ወመላእነ፡ መዛግብቲነ፡ ወከመ፡ ማይ፡ ብዙኅ፡ ሐረስተ፡ አብያቲነ። |
|---|
| 97:10 | ወከመ፡ ማይ፡ ይውሕዝ፡ ሐሰትክሙ፡ እስመ፡ ኢይነብር፡ ለክሙ፡ ብዕል፡ አላ፡ ፍጡነ፡ የዐርግ፡ እምኔክሙ፡ እስመ፡ ኵሎ፡ በዐመፃ፡ አጥረይክሙ፡ ወአንትሙሰ፡ ለመርገም፡ ዐቢይ፡ ትትወሀቡ። | ወከመ፡ ማይ፡ ይውሕዝ፡ ሐሰትክሙ፡ እስመ፡ ኢይነብር፡ ለክሙ፡ ብዕል፡ አላ፡ ፍጡነ፡ የዐርግ፡ እምኔክሙ፡ እስመ፡ ኵሎ፡ በዐመፃ፡ አጥረይክሙ፡ ወአንትሙሰ፡ ለመርገም፡ ዐቢይ፡ ትትወሀቡ። |
|---|