| 98:1 | ወይእዜኒ፡ አነ፡ እምሕል፡ ለክሙ፡ ለጠቢባን፡ ወለአብዳን፡ እስመ፡ ብዙኀ፡ ትሬእዩ፡ በዲበ፡ ምድር። | ወይእዜኒ፡ አነ፡ እምሕል፡ ለክሙ፡ ለጠቢባን፡ ወለአብዳን፡ እስመ፡ ብዙኀ፡ ትሬእዩ፡ በዲበ፡ ምድር። |
|---|
| 98:2 | እስመ፡ ሥነ፡ ትወድዩ፡ ላዕሌክሙ፡ አንትሙ፡ ዕደው፡ ፈድፋደ፡ እምአንስት፡ ወኅብረ፡ ፈድፋደ፡ እምድንግል፡ በመንግል፡ በመንግሥት፡ ወበዕበይ፡ ወበሥልጣን፡ ወበብሩር፡ ወወርቅ፡ ወሜላት፡ ወክብር፡ ወመባልዕት፡ ከመ፡ ማይ፡ ይውሕዝ። | እስመ፡ ሥነ፡ ትወድዩ፡ ላዕሌክሙ፡ አንትሙ፡ ዕደው፡ ፈድፋደ፡ እምአንስት፡ ወኅብረ፡ ፈድፋደ፡ እምድንግል፡ በመንግል፡ በመንግሥት፡ ወበዕበይ፡ ወበሥልጣን፡ ወበብሩር፡ ወወርቅ፡ ወሜላት፡ ወክብር፡ ወመባልዕት፡ ከመ፡ ማይ፡ ይውሕዝ። |
|---|
| 98:3 | ወበእንተ፡ ዝ፡ ትምህርት፡ ወጥበብ፡ አልቦሙ፡ ወቦቱ፡ ይትሀጐሉ፡ ኅቡረ፡ ምስለ፡ ንዋያቲሆሙ፡ ወምስለ፡ ኵሉ፡ ስብሐቶሙ፡ ወክብሮሙ፡ ወበጽእለት፡ ወበንዴት፡ ወበቀትለ፡ ነፍስ፡ ወበንዴት፡ ዐቢይ፡ ትትወደይ፡ መንፈሶሙ፡ ውስተ፡ እቶነ፡ እሳት። | ወበእንተ፡ ዝ፡ ትምህርት፡ ወጥበብ፡ አልቦሙ፡ ወቦቱ፡ ይትሀጐሉ፡ ኅቡረ፡ ምስለ፡ ንዋያቲሆሙ፡ ወምስለ፡ ኵሉ፡ ስብሐቶሙ፡ ወክብሮሙ፡ ወበጽእለት፡ ወበንዴት፡ ወበቀትለ፡ ነፍስ፡ ወበንዴት፡ ዐቢይ፡ ትትወደይ፡ መንፈሶሙ፡ ውስተ፡ እቶነ፡ እሳት። |
|---|
| 98:4 | መሐልኩ፡ ለክሙ፡ ኃጥኣን፡ ከመ፡ ኢኮነ፡ ደብር፡ ገብረ፡ ወኢይከውን፡ ወኢ፡ ወግር፡ ለብእሲት፡ አመተ፡ ከመ፡ ዝ፡ ኀጢአተኒ፡ ኢተፈነወት፡ ዲበ፡ ምድር፡ አላ፡ ሰብእ፡ እምርእሶሙ፡ ፈጠርዋ፡ ወለመርገም፡ ዐቢይ፡ ይከውኑ፡ እለ፡ ገብርዋ። | መሐልኩ፡ ለክሙ፡ ኃጥኣን፡ ከመ፡ ኢኮነ፡ ደብር፡ ገብረ፡ ወኢይከውን፡ ወኢ፡ ወግር፡ ለብእሲት፡ አመተ፡ ከመ፡ ዝ፡ ኀጢአተኒ፡ ኢተፈነወት፡ ዲበ፡ ምድር፡ አላ፡ ሰብእ፡ እምርእሶሙ፡ ፈጠርዋ፡ ወለመርገም፡ ዐቢይ፡ ይከውኑ፡ እለ፡ ገብርዋ። |
|---|
| 98:5 | ወምክነት፡ ለብእሲት፡ ኢተውህበት፡ አላ፡ በእንተ፡ ግብረ፡ እደዊሃ፡ ትመውት፡ ዘእንበለ፡ ውሉድ። | ወምክነት፡ ለብእሲት፡ ኢተውህበት፡ አላ፡ በእንተ፡ ግብረ፡ እደዊሃ፡ ትመውት፡ ዘእንበለ፡ ውሉድ። |
|---|
| 98:6 | መሐልኩ፡ ለክሙ፡ ኃጥኣን፡ በቅዱስ፡ ወዐቢይ፡ እስመ፡ ኵሉ፡ ግብርክሙ፡ እኩይ፡ ክሡት፡ ውእቱ፡ በሰማያት፡ ወአልብክሙ፡ ግብረ፡ ግፍዕ፡ ክዱን፡ ወኢኅቡእ። | መሐልኩ፡ ለክሙ፡ ኃጥኣን፡ በቅዱስ፡ ወዐቢይ፡ እስመ፡ ኵሉ፡ ግብርክሙ፡ እኩይ፡ ክሡት፡ ውእቱ፡ በሰማያት፡ ወአልብክሙ፡ ግብረ፡ ግፍዕ፡ ክዱን፡ ወኢኅቡእ። |
|---|
| 98:7 | ወኢታምስሉ፡ በመንፈስክሙ፡ ወኢትበሉ፡ በልብክሙ፡ እስመ፡ ኢተአምሩ፡ ወኢትሬእዩ፡ ኵሎ፡ ኀጢአተክሙ፡ ዘበሰማይ፡ ይጸሐፍ፡ ሀሎ፡ በኵሉ፡ ዕለት፡ በቅድሜሁ፡ ለልዑል። | ወኢታምስሉ፡ በመንፈስክሙ፡ ወኢትበሉ፡ በልብክሙ፡ እስመ፡ ኢተአምሩ፡ ወኢትሬእዩ፡ ኵሎ፡ ኀጢአተክሙ፡ ዘበሰማይ፡ ይጸሐፍ፡ ሀሎ፡ በኵሉ፡ ዕለት፡ በቅድሜሁ፡ ለልዑል። |
|---|
| 98:8 | ወእምይእዜ፡ ተአምሩ፡ እስመ፡ ኵሉ፡ ግፍዕክሙ፡ ዘትገፍዑ፡ ይጸሐፍ፡ በኵሉ፡ ዕለት፡ እስከ፡ ዕለተ፡ ኵነኔክሙ። | ወእምይእዜ፡ ተአምሩ፡ እስመ፡ ኵሉ፡ ግፍዕክሙ፡ ዘትገፍዑ፡ ይጸሐፍ፡ በኵሉ፡ ዕለት፡ እስከ፡ ዕለተ፡ ኵነኔክሙ። |
|---|
| 98:9 | አሌ፡ ለክሙ፡ አብዳን፡ እስመ፡ ትትሀጐሉ፡ በእበድክሙ፡ ወለጠቢባን፡ ኢትሰምዕዎሙ፡ ወሠናይ፡ ኢይረክበክሙ። | አሌ፡ ለክሙ፡ አብዳን፡ እስመ፡ ትትሀጐሉ፡ በእበድክሙ፡ ወለጠቢባን፡ ኢትሰምዕዎሙ፡ ወሠናይ፡ ኢይረክበክሙ። |
|---|
| 98:10 | ወይእዜኒ፡ አእምሩ፡ ከመ፡ ድልዋን፡ አንትሙ፡ ለዕለተ፡ ሀጕል፡ ወኢትሰፈዉ፡ ከመ፡ ትሕየዉ፡ ኃጥኣን፡ አላ፡ ተሐውሩ፡ ወትመውቱ፡ እስመ፡ ኢተአምሩ፡ ቤዛ፡ እስመ፡ ተደለውክሙ፡ ለዕለተ፡ ኵነኔ፡ ዐባይ፡ ወለዕለተ፡ ምንዳቤ፡ ወኀሳር፡ ዐቢይ፡ በመንፈስክሙ። | ወይእዜኒ፡ አእምሩ፡ ከመ፡ ድልዋን፡ አንትሙ፡ ለዕለተ፡ ሀጕል፡ ወኢትሰፈዉ፡ ከመ፡ ትሕየዉ፡ ኃጥኣን፡ አላ፡ ተሐውሩ፡ ወትመውቱ፡ እስመ፡ ኢተአምሩ፡ ቤዛ፡ እስመ፡ ተደለውክሙ፡ ለዕለተ፡ ኵነኔ፡ ዐባይ፡ ወለዕለተ፡ ምንዳቤ፡ ወኀሳር፡ ዐቢይ፡ በመንፈስክሙ። |
|---|
| 98:11 | አሌ፡ ለክሙ፡ ግዙፋነ፡ ልብ፡ እለ፡ ትገብሩ፡ እኩየ፡ ወትበልዑ፡ ደመ፡ እምአይቴ፡ አንትሙ፡ ትበልዑ፡ በሠናይ፡ ወትበልዑ፡ ወትሰትዩ፡ ወትጸግቡ፡ እስመ፡ ኵሉ፡ ሠናይ፡ ዘአፈድፈደ፡ እግዚእነ፡ ልዑል፡ ዲበ፡ ምድር፡ ወአልብክሙ፡ ሰላመ። | አሌ፡ ለክሙ፡ ግዙፋነ፡ ልብ፡ እለ፡ ትገብሩ፡ እኩየ፡ ወትበልዑ፡ ደመ፡ እምአይቴ፡ አንትሙ፡ ትበልዑ፡ በሠናይ፡ ወትበልዑ፡ ወትሰትዩ፡ ወትጸግቡ፡ እስመ፡ ኵሉ፡ ሠናይ፡ ዘአፈድፈደ፡ እግዚእነ፡ ልዑል፡ ዲበ፡ ምድር፡ ወአልብክሙ፡ ሰላመ። |
|---|
| 98:12 | አሌ፡ ለክሙ፡ እለ፡ ታፈቅርዎ፡ ለግብረ፡ ዐመፃ፡ ለምንት፡ ለክሙ፡ ትሴፈውዋ፡ ለሠናይት፡ አእምሩ፡ ከመ፡ ሀለወክሙ፡ ትትወሀቡ፡ በእደዊሆሙ፡ ለጻድቃን፡ ወይመትሩ፡ ክሳውዲክሙ፡ ወይቀትሉክሙ፡ ወኢይምሕሩክሙ። | አሌ፡ ለክሙ፡ እለ፡ ታፈቅርዎ፡ ለግብረ፡ ዐመፃ፡ ለምንት፡ ለክሙ፡ ትሴፈውዋ፡ ለሠናይት፡ አእምሩ፡ ከመ፡ ሀለወክሙ፡ ትትወሀቡ፡ በእደዊሆሙ፡ ለጻድቃን፡ ወይመትሩ፡ ክሳውዲክሙ፡ ወይቀትሉክሙ፡ ወኢይምሕሩክሙ። |
|---|
| 98:13 | አሌ፡ ለክሙ፡ እለ፡ ትትፌሥሑ፡ በምንዳቤሆሙ፡ ለጻድቃን፡ እስመ፡ መቃብር፡ ኢይትከረይ፡ ለክሙ። | አሌ፡ ለክሙ፡ እለ፡ ትትፌሥሑ፡ በምንዳቤሆሙ፡ ለጻድቃን፡ እስመ፡ መቃብር፡ ኢይትከረይ፡ ለክሙ። |
|---|
| 98:14 | አሌ፡ ለክሙ፡ እለ፡ ታበጥሉ፡ ነገረ፡ ጻድቃን፡ እስመ፡ ኢይከውን፡ ለክሙ፡ ተስፋ፡ ሕይወት። | አሌ፡ ለክሙ፡ እለ፡ ታበጥሉ፡ ነገረ፡ ጻድቃን፡ እስመ፡ ኢይከውን፡ ለክሙ፡ ተስፋ፡ ሕይወት። |
|---|
| 98:15 | አሌ፡ ለክሙ፡ እለ፡ ትጽሕፉ፡ ነገረ፡ ሐሰት፡ ወነገረ፡ ረሲዓን፡ እስመ፡ ውእቶሙ፡ ይጽሕፉ፡ ሐሰቶሙ፡ ከመ፡ ይስምዕዋ፡ ወኢይርስዕዋ፡ ለእበድ፡ ወኢይከውን፡ ሎሙ፡ ሰላም፡ አላ፡ ሞተ፡ ይመውቱ፡ ወኢይጐነድዩ። | አሌ፡ ለክሙ፡ እለ፡ ትጽሕፉ፡ ነገረ፡ ሐሰት፡ ወነገረ፡ ረሲዓን፡ እስመ፡ ውእቶሙ፡ ይጽሕፉ፡ ሐሰቶሙ፡ ከመ፡ ይስምዕዋ፡ ወኢይርስዕዋ፡ ለእበድ፡ ወኢይከውን፡ ሎሙ፡ ሰላም፡ አላ፡ ሞተ፡ ይመውቱ፡ ወኢይጐነድዩ። |
|---|