gezezra

gezezra 13 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
13:1	ወአመ፡ ሣልስት፡ ዕለት፡ እንዘ፡ እንብር፡ ታሕተ፡ ዕፅ።	ወአመ፡ ሣልስት፡ ዕለት፡ እንዘ፡ እንብር፡ ታሕተ፡ ዕፅ።
13:2	መጽአ፡ ቃል፡ እምንጸረ፡ ይእቲ፡ ዕፅ፡ ወይቤ፡ ዕዝራ፡ ዕዝራ። ወእቤ፡ አነ፡ ነየ። ወተንሣእኩ፡ ወቆምኩ።	መጽአ፡ ቃል፡ እምንጸረ፡ ይእቲ፡ ዕፅ፡ ወይቤ፡ ዕዝራ፡ ዕዝራ። ወእቤ፡ አነ፡ ነየ። ወተንሣእኩ፡ ወቆምኩ።
13:3	ወይቤለኒ፡ አስተርእ፡ አስተርአይክዎ፡ ለሙሴ፡ ወተናገርክዎ፡ በኀበ፡ ዕፀ፡ ጳጦስ፡ አመ፡ ተቀንዩ፡ ሕዝብየ፡ ለግብጽ።	ወይቤለኒ፡ አስተርእ፡ አስተርአይክዎ፡ ለሙሴ፡ ወተናገርክዎ፡ በኀበ፡ ዕፀ፡ ጳጦስ፡ አመ፡ ተቀንዩ፡ ሕዝብየ፡ ለግብጽ።
13:4	ወለአክዎ፡ ወአውፃእክዎሙ፡ ለሕዝብየ፡ እምነ፡ ግብጽ፡ ወወሰድክዎሙ፡ ውስተ፡ ደብረ፡ ሲና፡ ወአንበርክዎ፡ ኀቤየ፡ ብዙኀ፡ መዋዕለ።	ወለአክዎ፡ ወአውፃእክዎሙ፡ ለሕዝብየ፡ እምነ፡ ግብጽ፡ ወወሰድክዎሙ፡ ውስተ፡ ደብረ፡ ሲና፡ ወአንበርክዎ፡ ኀቤየ፡ ብዙኀ፡ መዋዕለ።
13:5	ወነገርክዎ፡ ብዙኀ፡ መድምመ፡ ወአይዳዕክዎ፡ ምስጢረ፡ መዋዕል፡ ወአይዳዕክዎ፡ ደኃሬ፡ ዘመነ።	ወነገርክዎ፡ ብዙኀ፡ መድምመ፡ ወአይዳዕክዎ፡ ምስጢረ፡ መዋዕል፡ ወአይዳዕክዎ፡ ደኃሬ፡ ዘመነ።
13:6	ወአዘዝክዎ፡ ወእቤሎ፡ ዘንተ፡ ነገረ፡ ንግር፡ ወዘንተ፡ ነገረ፡ ኅባእ።	ወአዘዝክዎ፡ ወእቤሎ፡ ዘንተ፡ ነገረ፡ ንግር፡ ወዘንተ፡ ነገረ፡ ኅባእ።
13:7	ወይእዜኒ፡ እብለከ፡ ለከ።	ወይእዜኒ፡ እብለከ፡ ለከ።
13:8	ተኣምር፡ ዘነገርኩከ፡ ወሕልምከኒ፡ ዘርኢከ፡ ወፍካሬሁኒ፡ ዘሰማዕከ፡ ዕቀቦን፡ በልብከ።	ተኣምር፡ ዘነገርኩከ፡ ወሕልምከኒ፡ ዘርኢከ፡ ወፍካሬሁኒ፡ ዘሰማዕከ፡ ዕቀቦን፡ በልብከ።
13:9	እስመ፡ ይነሥኡከ፡ እምነ፡ እጓለ፡ እመሕያው፡ ወትነብር፡ እንከ፡ ምስለ፡ ወልድየ፡ ኀበ፡ ሀለዉ፡ እለ፡ ከማከ፡ እስከ፡ አመ፡ የኀልቅ፡ ዓለም።	እስመ፡ ይነሥኡከ፡ እምነ፡ እጓለ፡ እመሕያው፡ ወትነብር፡ እንከ፡ ምስለ፡ ወልድየ፡ ኀበ፡ ሀለዉ፡ እለ፡ ከማከ፡ እስከ፡ አመ፡ የኀልቅ፡ ዓለም።
13:10	እስመ፡ ዓለምሰ፡ ኀለፈ፡ ውርዙቱ፡ ወረሥአ፡ መዋዕሊሁ።	እስመ፡ ዓለምሰ፡ ኀለፈ፡ ውርዙቱ፡ ወረሥአ፡ መዋዕሊሁ።
13:11	እስመ፡ ለዐሠርቱ፡ ክፍል፡ ተሠርዐ፡ ዓለም፡ ወበጽሐ፡ ውስተ፡ ዓሥር።	እስመ፡ ለዐሠርቱ፡ ክፍል፡ ተሠርዐ፡ ዓለም፡ ወበጽሐ፡ ውስተ፡ ዓሥር።
13:12	ወተረፈ፡ መንፈቀ፡ ዓሥር።	ወተረፈ፡ መንፈቀ፡ ዓሥር።
13:13	ወይእዜሰ፡ እንከ፡ ሥራዕ፡ ቤተከ፡ ወአስተፍሥሖሙ፡ ለሕዙናኒሆሙ፡ ወአለብዎሙ፡ ለጠቢባኒሆሙ፡ ወተናገፋ፡ እንከ፡ ለመዋቲት፡ ሕይወት።	ወይእዜሰ፡ እንከ፡ ሥራዕ፡ ቤተከ፡ ወአስተፍሥሖሙ፡ ለሕዙናኒሆሙ፡ ወአለብዎሙ፡ ለጠቢባኒሆሙ፡ ወተናገፋ፡ እንከ፡ ለመዋቲት፡ ሕይወት።
13:14	ወኅድጎ፡ እንከ፡ ለኅሊና፡ መዋቲ፡ ወግድፍ፡ እንከ፡ እምላዕሌከ፡ ክበደ፡ እጓለ፡ እመሕያው፡ ወልበስ፡ ዘኢይመውት፡ ወኅድጎ፡ ለኅሊና፡ ሐዘን፡ ወአስተፋጥን፡ እንከ፡ ከመ፡ ትዕደው፡ እምዝንቱ፡ ዓለም።	ወኅድጎ፡ እንከ፡ ለኅሊና፡ መዋቲ፡ ወግድፍ፡ እንከ፡ እምላዕሌከ፡ ክበደ፡ እጓለ፡ እመሕያው፡ ወልበስ፡ ዘኢይመውት፡ ወኅድጎ፡ ለኅሊና፡ ሐዘን፡ ወአስተፋጥን፡ እንከ፡ ከመ፡ ትዕደው፡ እምዝንቱ፡ ዓለም።
13:15	እስመ፡ ዝንቱ፡ ዘርኢከ፡ በጽሐት፡ እኪት፡ ይእዜ፡ እንተ፡ ተአኪ፡ አምኔሃ፡ ትከውን፡ ካዕበ።	እስመ፡ ዝንቱ፡ ዘርኢከ፡ በጽሐት፡ እኪት፡ ይእዜ፡ እንተ፡ ተአኪ፡ አምኔሃ፡ ትከውን፡ ካዕበ።
13:16	እስመ፡ አምጣነ፡ ይረሥእ፡ ዓለም፡ ወይደክም፡ ከማሁ፡ ትበዝኅ፡ እኪቶሙ፡ ለእለ፡ ይነብሩ፡ ውስቴቱ።	እስመ፡ አምጣነ፡ ይረሥእ፡ ዓለም፡ ወይደክም፡ ከማሁ፡ ትበዝኅ፡ እኪቶሙ፡ ለእለ፡ ይነብሩ፡ ውስቴቱ።
13:17	እስመ፡ ትጠፍእ፡ ጽድቅ፡ ወትቀውም፡ ሐሰት፡ እስመ፡ ዝንቱ፡ ንስር፡ ዘርኢከ፡ ይጔጒእ፡ ይብጻሕ።	እስመ፡ ትጠፍእ፡ ጽድቅ፡ ወትቀውም፡ ሐሰት፡ እስመ፡ ዝንቱ፡ ንስር፡ ዘርኢከ፡ ይጔጒእ፡ ይብጻሕ።
13:18	ወአውሣእክዎ፡ ወእቤሎ፡ እነግር፡ እንከሰ፡ ቅድሜከ።	ወአውሣእክዎ፡ ወእቤሎ፡ እነግር፡ እንከሰ፡ ቅድሜከ።
13:19	እስመ፡ አሐውር፡ አንሰ፡ እግዚኦ፡ ወበከመ፡ አዘዝከኒ፡ እሜህሮሙ፡ ለሕዝብ፡ ለእለ፡ ሀለዉ፡ ይእዜ፡ መኑ፡ እንከ፡ ይሜህሮሙ፡ ለእለ፡ ይትወለዱ፡ ካዕበ።	እስመ፡ አሐውር፡ አንሰ፡ እግዚኦ፡ ወበከመ፡ አዘዝከኒ፡ እሜህሮሙ፡ ለሕዝብ፡ ለእለ፡ ሀለዉ፡ ይእዜ፡ መኑ፡ እንከ፡ ይሜህሮሙ፡ ለእለ፡ ይትወለዱ፡ ካዕበ።
13:20	እስመ፡ ውስተ፡ ጽልመት፡ ሀሎ፡ ዓለም፡ ወእለኒ፡ ይነብሩ፡ ውስቴታ፡ አልቦሙ፡ ብርሃነ።	እስመ፡ ውስተ፡ ጽልመት፡ ሀሎ፡ ዓለም፡ ወእለኒ፡ ይነብሩ፡ ውስቴታ፡ አልቦሙ፡ ብርሃነ።
13:21	እስመ፡ ውዕየ፡ ኦሪትከ፡ ወአልቦ፡ ዘያአምር፡ ዘገበርከ፡ ወዘኒ፡ ዘሀለወከ፡ ትግበር።	እስመ፡ ውዕየ፡ ኦሪትከ፡ ወአልቦ፡ ዘያአምር፡ ዘገበርከ፡ ወዘኒ፡ ዘሀለወከ፡ ትግበር።
13:22	ወእመሰ፡ ረከብኩ፡ ሞገሰ፡ ቅድሜከ፡ ፈኑ፡ ላዕሌየ፡ መንፈሰ፡ ቅዱሰ፡ ወእጽሕፍ፡ ኵሎ፡ ዘከመ፡ ኮነ፡ ውስተ፡ ዓለም፡ እምጥንቱ፡ ወኵሎ፡ ዘከመ፡ ሀለወ፡ ውስተ፡ ኦሪትከ፡ ጽሑፍ፡ ከመ፡ ይክሀሉ፡ ሰብእ፡ ረኪበ፡ ፍኖተ፡ ሕይወት፡ እለ፡ ይፈቅዱ፡ ይሕየዉ።	ወእመሰ፡ ረከብኩ፡ ሞገሰ፡ ቅድሜከ፡ ፈኑ፡ ላዕሌየ፡ መንፈሰ፡ ቅዱሰ፡ ወእጽሕፍ፡ ኵሎ፡ ዘከመ፡ ኮነ፡ ውስተ፡ ዓለም፡ እምጥንቱ፡ ወኵሎ፡ ዘከመ፡ ሀለወ፡ ውስተ፡ ኦሪትከ፡ ጽሑፍ፡ ከመ፡ ይክሀሉ፡ ሰብእ፡ ረኪበ፡ ፍኖተ፡ ሕይወት፡ እለ፡ ይፈቅዱ፡ ይሕየዉ።
13:23	ወአውሥአኒ፡ ወይቤለኒ፡ ሖር፡ አስተጋብኦሙ፡ ለሕዝብከ፡ ወበሎሙ፡ ከመ፡ ኢይኅሥሡከ፡ እስከ፡ ፵፡ ዕለት።	ወአውሥአኒ፡ ወይቤለኒ፡ ሖር፡ አስተጋብኦሙ፡ ለሕዝብከ፡ ወበሎሙ፡ ከመ፡ ኢይኅሥሡከ፡ እስከ፡ ፵፡ ዕለት።
13:24	ወአንተሰ፡ አስተደሉ፡ ለከ፡ ብዙኀ፡ ሰሌዳተ፡ ወንሥኦሙ፡ ምስሌክ፡ ለሶርያ፡ ወለደብርያ፡ ወለሰላምያ፡ ወለኤቃናን፡ ወለአሳልሔልለእሉ፡ ፭ዕደው፡ እስመ፡ ጠቢባን፡ እሙንቱ፡ ውስተ፡ ጽሒፍ።	ወአንተሰ፡ አስተደሉ፡ ለከ፡ ብዙኀ፡ ሰሌዳተ፡ ወንሥኦሙ፡ ምስሌክ፡ ለሶርያ፡ ወለደብርያ፡ ወለሰላምያ፡ ወለኤቃናን፡ ወለአሳልሔልለእሉ፡ ፭ዕደው፡ እስመ፡ ጠቢባን፡ እሙንቱ፡ ውስተ፡ ጽሒፍ።
13:25	ወትመጽእ፡ ዝየ፡ ወአነ፡ ኣኀቱ፡ ማኅቶተ፡ ጥበብ፡ ውስተ፡ ልብከ፡ ወኢትጠፍእ፡ እስከ፡ ትፌጽም፡ ኵሎ፡ ዘሀለወከ፡ ትጽሐፍ።	ወትመጽእ፡ ዝየ፡ ወአነ፡ ኣኀቱ፡ ማኅቶተ፡ ጥበብ፡ ውስተ፡ ልብከ፡ ወኢትጠፍእ፡ እስከ፡ ትፌጽም፡ ኵሎ፡ ዘሀለወከ፡ ትጽሐፍ።
13:26	ወሶበ፡ ፈጸምከ፡ ቦዘ፡ ገሃደ፡ ትሬሲ፡ ወቦዘ፡ ተኀብእ፡ ወትሁቦሙ፡ ለጠቢባን፡ ወጌሠመ፡ በዛቲ፡ ሠዓት፡ ትእኅዝ፡ ትጽሐፍ።	ወሶበ፡ ፈጸምከ፡ ቦዘ፡ ገሃደ፡ ትሬሲ፡ ወቦዘ፡ ተኀብእ፡ ወትሁቦሙ፡ ለጠቢባን፡ ወጌሠመ፡ በዛቲ፡ ሠዓት፡ ትእኅዝ፡ ትጽሐፍ።
13:27	ወሖርኩ፡ በከመ፡ አዘዘኒ፡ ወአስተጋባእኩ፡ ኵሎ፡ ሕዝበ።	ወሖርኩ፡ በከመ፡ አዘዘኒ፡ ወአስተጋባእኩ፡ ኵሎ፡ ሕዝበ።
13:28	ወእቤሎሙ፡ ስምዑ፡ እስራኤል፡ ዘንተ፡ ነገረ።	ወእቤሎሙ፡ ስምዑ፡ እስራኤል፡ ዘንተ፡ ነገረ።
13:29	ነቢረ፡ ነበሩ፡ አበዊክሙ፡ ትካት፡ ውስተ፡ ምድረ፡ ግብጽ፡ ወቤዘዎሙ፡ እምህየ።	ነቢረ፡ ነበሩ፡ አበዊክሙ፡ ትካት፡ ውስተ፡ ምድረ፡ ግብጽ፡ ወቤዘዎሙ፡ እምህየ።
13:30	ወነሥኡ፡ ሕገ፡ ሕይወት፡ ወኢዐቀቡ፡ ወአንትሙሂ፡ እለ፡ እምድኅሬሆሙ፡ ክሕድክምዎ።	ወነሥኡ፡ ሕገ፡ ሕይወት፡ ወኢዐቀቡ፡ ወአንትሙሂ፡ እለ፡ እምድኅሬሆሙ፡ ክሕድክምዎ።
13:31	ወወሀበነ፡ ምድረ፡ ወአውረሰነ፡ ምድራኒ፡ ለጽዮን፡ ወአንትሙኒ፡ ወአበዊክሙኒ፡ አበስክሙ፡ ወኢዐቀብክሙ፡ ፍናዊሁ፡ ለልዑል፡ ዘአዘዘክሙ።	ወወሀበነ፡ ምድረ፡ ወአውረሰነ፡ ምድራኒ፡ ለጽዮን፡ ወአንትሙኒ፡ ወአበዊክሙኒ፡ አበስክሙ፡ ወኢዐቀብክሙ፡ ፍናዊሁ፡ ለልዑል፡ ዘአዘዘክሙ።
13:32	ወእስመ፡ መኰንነ፡ ጽድቅ፡ ውእቱ፡ ሄደክሙ፡ ዘወሀበክሙ፡ በጊዜሁ።	ወእስመ፡ መኰንነ፡ ጽድቅ፡ ውእቱ፡ ሄደክሙ፡ ዘወሀበክሙ፡ በጊዜሁ።
13:33	ወይእዜኒ፡ አንትሙሰ፡ ዝየ፡ ሀለውክሙ፡ ወአኀዊክሙ፡ ባሕቱ፡ ውስጠ፡ እምኔክሙ።	ወይእዜኒ፡ አንትሙሰ፡ ዝየ፡ ሀለውክሙ፡ ወአኀዊክሙ፡ ባሕቱ፡ ውስጠ፡ እምኔክሙ።
13:34	ወእምከመ፡ አግረርክምዎ፡ ለልብክሙ፡ ወገሠጽክምዎ፡ ለኅሊናክሙ፡ ወዐቀብክሙ፡ ሕይወተክሙ፡ ኢትመውቱ።	ወእምከመ፡ አግረርክምዎ፡ ለልብክሙ፡ ወገሠጽክምዎ፡ ለኅሊናክሙ፡ ወዐቀብክሙ፡ ሕይወተክሙ፡ ኢትመውቱ።
13:35	እስመ፡ ደይን፡ እምድኅረ፡ ሞት፡ ይመጽእ፡ ወኢያሐይወነ፡ ወይእተ፡ አሚረ፡ ያስተርኢ፡ አስማቲሆሙ፡ ለጻድቃን፡ ወትከሠት፡ ምግባሮሙ፡ ለኃጥኣን።	እስመ፡ ደይን፡ እምድኅረ፡ ሞት፡ ይመጽእ፡ ወኢያሐይወነ፡ ወይእተ፡ አሚረ፡ ያስተርኢ፡ አስማቲሆሙ፡ ለጻድቃን፡ ወትከሠት፡ ምግባሮሙ፡ ለኃጥኣን።
13:36	ወአልቦ፡ ዘይመጽእ፡ ኀቤየ፡ እምኔክሙ፡ ወኢትኅሥሡኒ፡ እስከ፡ ፵፡ ዕለት።	ወአልቦ፡ ዘይመጽእ፡ ኀቤየ፡ እምኔክሙ፡ ወኢትኅሥሡኒ፡ እስከ፡ ፵፡ ዕለት።
13:37	ወነሣእክዎሙ፡ ለእልክቱ፡ ፭፡ ዕደው፡ በከመ፡ አዘዘኒ፡ ወሖርነ፡ ውስተ፡ ገዳም፡ ወነበርነ፡ ህየ።	ወነሣእክዎሙ፡ ለእልክቱ፡ ፭፡ ዕደው፡ በከመ፡ አዘዘኒ፡ ወሖርነ፡ ውስተ፡ ገዳም፡ ወነበርነ፡ ህየ።
13:38	ወበሳኒታ፡ መጽአ፡ ቃል፡ ወጸውዐኒ፡ ወይቤለኒ፡ ዕዝራ፡ ፍታሕ፡ አፉከ፡ ወስተይ፡ ዘኣሰትየከ።	ወበሳኒታ፡ መጽአ፡ ቃል፡ ወጸውዐኒ፡ ወይቤለኒ፡ ዕዝራ፡ ፍታሕ፡ አፉከ፡ ወስተይ፡ ዘኣሰትየከ።
13:39	ወፈታሕኩ፡ አፉየ፡ ወመጠወኒ፡ ጽዋዐ፡ ዘምሉእ፡ ማየ፡ ወሕብሩ፡ እሳተ፡ ይመስል።	ወፈታሕኩ፡ አፉየ፡ ወመጠወኒ፡ ጽዋዐ፡ ዘምሉእ፡ ማየ፡ ወሕብሩ፡ እሳተ፡ ይመስል።
13:40	ወነሣእኩ፡ ወሰተይኩ፡ ወጐሥዐ፡ ልብየ፡ ጥቀ፡ ጥበበ፡ ወከብደ፡ ውስተ፡ እንግድዓየ፡ ልቡና፡ ወመንፈስየኒ፡ ተዐቅብ፡ ወትዜከር።	ወነሣእኩ፡ ወሰተይኩ፡ ወጐሥዐ፡ ልብየ፡ ጥቀ፡ ጥበበ፡ ወከብደ፡ ውስተ፡ እንግድዓየ፡ ልቡና፡ ወመንፈስየኒ፡ ተዐቅብ፡ ወትዜከር።
13:41	ወተከሥተ፡ አፉየ፡ ወኢተጋብአ፡ እንከ።	ወተከሥተ፡ አፉየ፡ ወኢተጋብአ፡ እንከ።
13:42	ወወሀቦሙ፡ ልዑል፡ ጥበበ፡ ለእልክቱ፡ ዕደው፡ ፭፡ ወጸሐፉ፡ ዘንተ፡ ኵሎ፡ ትእምርተ፡ ዘኢየአምሩ፡ በበ፡ መትልው። ወነበሩ፡ ህየ፡ ፵፡ ዕለተ፡ ወእሙንቱሰ፡ መዓልተ፡ ይጽሕፉ።	ወወሀቦሙ፡ ልዑል፡ ጥበበ፡ ለእልክቱ፡ ዕደው፡ ፭፡ ወጸሐፉ፡ ዘንተ፡ ኵሎ፡ ትእምርተ፡ ዘኢየአምሩ፡ በበ፡ መትልው። ወነበሩ፡ ህየ፡ ፵፡ ዕለተ፡ ወእሙንቱሰ፡ መዓልተ፡ ይጽሕፉ።
13:43	ወሰርከ፡ ይበልዑ፡ እክለ፡ ወአንሰ፡ መዓልተኒ፡ እነብብ፡ ወሌሊተኒ፡ ኢያረምም።	ወሰርከ፡ ይበልዑ፡ እክለ፡ ወአንሰ፡ መዓልተኒ፡ እነብብ፡ ወሌሊተኒ፡ ኢያረምም።
13:44	ወተጽሕፈ፡ በእማንቱ፡ ፵፡ መዋዕል፡ መጻሕፍት፡ ፺ወ፬።	ወተጽሕፈ፡ በእማንቱ፡ ፵፡ መዋዕል፡ መጻሕፍት፡ ፺ወ፬።
13:45	ወእምዝ፡ ሶበ፡ ተፈጸመ፡ እላንቱ፡ ፵፡ መዋዕል፡ ነበበኒ፡ ልዑል፡ ወይቤለኒ፡ ዝንቱ፡ ዘቀደምክሙ፡ ጽሒፈ፡ ገሃደ፡ ረሲ፡ ወያንብቦ፡ ኵሉ፡ ዘይደልዎ፡ ወዘኢይደልዎ።	ወእምዝ፡ ሶበ፡ ተፈጸመ፡ እላንቱ፡ ፵፡ መዋዕል፡ ነበበኒ፡ ልዑል፡ ወይቤለኒ፡ ዝንቱ፡ ዘቀደምክሙ፡ ጽሒፈ፡ ገሃደ፡ ረሲ፡ ወያንብቦ፡ ኵሉ፡ ዘይደልዎ፡ ወዘኢይደልዎ።
13:46	ወዘንተ፡ ዕቀቦ፡ ከመ፡ ተሀቦሙ፡ ለጠቢባነ፡ ሕዝብ።	ወዘንተ፡ ዕቀቦ፡ ከመ፡ ተሀቦሙ፡ ለጠቢባነ፡ ሕዝብ።
13:47	እስመ፡ ቦሙ፡ ማኅቶተ፡ ብርሃን፡ ወነቅዐ፡ ጥበብ፡ ወአእምሮ፡ ከመ፡ ውሒዝ።	እስመ፡ ቦሙ፡ ማኅቶተ፡ ብርሃን፡ ወነቅዐ፡ ጥበብ፡ ወአእምሮ፡ ከመ፡ ውሒዝ።
13:48	ወገበርኩ፡ ከማሁ፡ አመ፡ ራብዕ፡ ዓመት፡ እምነ፡ ሰንበታተ፡ ዓመታት፡ እምድኅረ፡ ዓመተ፡ ኵነኔ፡ በ፶፻፡ አመ፡ ዐሡሩ፡ ለጽልመት፡ በሣልስ፡ ወርኅ፡ ወመዋዕሊሁ፡ ፺ወ፪፡ ሎቱ። ወውእተ፡ አሚረ፡ ነሥእዎ፡ ለዕዥራ፡ ወወሰድዎ፡ ብሔረ፡ እለ፡ ከማሁ፡ ጽሒፎ፡ ኵሎ፡ ዘንተ፡ ወውእቱ፡ ተሰምየ፡ ጸሓፌ፡ ጥበቢሁ፡ ለልዑል፡ እስከ፡ ለዓለመ፡ ዓለም።	ወገበርኩ፡ ከማሁ፡ አመ፡ ራብዕ፡ ዓመት፡ እምነ፡ ሰንበታተ፡ ዓመታት፡ እምድኅረ፡ ዓመተ፡ ኵነኔ፡ በ፶፻፡ አመ፡ ዐሡሩ፡ ለጽልመት፡ በሣልስ፡ ወርኅ፡ ወመዋዕሊሁ፡ ፺ወ፪፡ ሎቱ። ወውእተ፡ አሚረ፡ ነሥእዎ፡ ለዕዥራ፡ ወወሰድዎ፡ ብሔረ፡ እለ፡ ከማሁ፡ ጽሒፎ፡ ኵሎ፡ ዘንተ፡ ወውእቱ፡ ተሰምየ፡ ጸሓፌ፡ ጥበቢሁ፡ ለልዑል፡ እስከ፡ ለዓለመ፡ ዓለም።