Jubilees

Jubilees 14 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
14:1	ወእምድኅረ ፡ ዝነገር ፡ በራብዕ ፡ ዓመት ፡ ዘዝ ፡ ሱባዔ ፡ በሠርቀ ፡ ሣልስ ፡ ወርኅ ፡ ኮነ ፡ ቃለ ፡ እግዚአብሔር ፡ ኀበ ፡ አብራም ፡ በሕልም ፡ እንዘ ፡ ይብል ፡ ኢትፍራህ ፡ አብራም ፡ አነ ፡ ውእቱ ፡ ቃውምከ ፡ ወዐስብከ ፡ ይፈደፍድ ፡ ጥቀ ።	ወእምድኅረ ፡ ዝነገር ፡ በራብዕ ፡ ዓመት ፡ ዘዝ ፡ ሱባዔ ፡ በሠርቀ ፡ ሣልስ ፡ ወርኅ ፡ ኮነ ፡ ቃለ ፡ እግዚአብሔር ፡ ኀበ ፡ አብራም ፡ በሕልም ፡ እንዘ ፡ ይብል ፡ ኢትፍራህ ፡ አብራም ፡ አነ ፡ ውእቱ ፡ ቃውምከ ፡ ወዐስብከ ፡ ይፈደፍድ ፡ ጥቀ ።
14:2	ወይቤ ፡ እግዚኦ ፡ እግዚኦ ፡ ምንተ ፡ ትሁበኒ ፡ ወአንሰ ፡ አሐውር ፡ ዘእንበለ ፡ ውሉድ ፡ ወወልደ ፡ ማሴቅ ፡ አመትየ ፡ ውእቱ ፡ ደማስቆስ ፡ ኤሌኤዜር ፡ ውእቱ ፡ ይወርሰኒ ፡ ወሊተ ፡ ኢወሀብከኒ ፡ ዘርአ ፡ ሀበኒ ፡ ዘርአ ።	ወይቤ ፡ እግዚኦ ፡ እግዚኦ ፡ ምንተ ፡ ትሁበኒ ፡ ወአንሰ ፡ አሐውር ፡ ዘእንበለ ፡ ውሉድ ፡ ወወልደ ፡ ማሴቅ ፡ አመትየ ፡ ውእቱ ፡ ደማስቆስ ፡ ኤሌኤዜር ፡ ውእቱ ፡ ይወርሰኒ ፡ ወሊተ ፡ ኢወሀብከኒ ፡ ዘርአ ፡ ሀበኒ ፡ ዘርአ ።
14:3	2 ወይቤሎ ፡ ኢይወርሰከዝ ፡ ዘእንበለ ፡ ዘይወፅእ ፡ እምከርሥከ ፡ ውእቱ ፡ ይወርሰከ ።	2 ወይቤሎ ፡ ኢይወርሰከዝ ፡ ዘእንበለ ፡ ዘይወፅእ ፡ እምከርሥከ ፡ ውእቱ ፡ ይወርሰከ ።
14:4	ወአውፅኦ ፡ አፍአ ፡ ወይቤሎ ፡ ነጽር ፡ ውስተ ፡ ሰማይ ፡ ወኆልቍ ፡ ከዋክብተ ፡ እመ ፡ ትክል ፡ ኆልቆቶሙ ፡ 5 ወነጸረ ፡ ሰማየ ፡ ወርእየ ፡ ከዋክብተ ፡ ወይቤሎ ፡ ከመዝ ፡ ይከውን ፡ ዘርእከ ፡ 6 ወአምኖ ፡ ለእግዚአብሔር ፡ ወተኆለቆ ፡ ጽድቀ ።	ወአውፅኦ ፡ አፍአ ፡ ወይቤሎ ፡ ነጽር ፡ ውስተ ፡ ሰማይ ፡ ወኆልቍ ፡ ከዋክብተ ፡ እመ ፡ ትክል ፡ ኆልቆቶሙ ፡ 5 ወነጸረ ፡ ሰማየ ፡ ወርእየ ፡ ከዋክብተ ፡ ወይቤሎ ፡ ከመዝ ፡ ይከውን ፡ ዘርእከ ፡ 6 ወአምኖ ፡ ለእግዚአብሔር ፡ ወተኆለቆ ፡ ጽድቀ ።
14:7	ወይቤሎ ፡ አነ ፡ እግዚአብሔር ፡ ዘአውፃእኩከ ፡ እምነ ፡ ኡር ፡ ዘከለዳዊያን ፡ ከመ ፡ አሀብከ ፡ ምድረ ፡ ከነናዊያን ፡ ለእኂዝ ፡ ለዓለም ፡ ወለከዊነ ፡ ለከ ፡ አምላከ ፡ ወለዘርእከ ፡ እምድኅሬከ ፡ 8 ወይቤ ፡ እግዚኦ ፡ እግዚኦ ፡ በምንት ፡ አአምር ፡ ከመ ፡ እወርስ ።	ወይቤሎ ፡ አነ ፡ እግዚአብሔር ፡ ዘአውፃእኩከ ፡ እምነ ፡ ኡር ፡ ዘከለዳዊያን ፡ ከመ ፡ አሀብከ ፡ ምድረ ፡ ከነናዊያን ፡ ለእኂዝ ፡ ለዓለም ፡ ወለከዊነ ፡ ለከ ፡ አምላከ ፡ ወለዘርእከ ፡ እምድኅሬከ ፡ 8 ወይቤ ፡ እግዚኦ ፡ እግዚኦ ፡ በምንት ፡ አአምር ፡ ከመ ፡ እወርስ ።
14:9	ወይቤሎ ፡ ንሣእ ፡ ሊተ ፡ ጠዕዋ ፡ ዘሠለስቱ ፡ ዓመት ፡ ወጠሌ ፡ ዘሠለስቱ ፡ ዓመት ፡ ወበግዐ ፡ ዘሠለስቱ ፡ ዓመት ፡ ወመንጤተ ፡ ወርግበ ።	ወይቤሎ ፡ ንሣእ ፡ ሊተ ፡ ጠዕዋ ፡ ዘሠለስቱ ፡ ዓመት ፡ ወጠሌ ፡ ዘሠለስቱ ፡ ዓመት ፡ ወበግዐ ፡ ዘሠለስቱ ፡ ዓመት ፡ ወመንጤተ ፡ ወርግበ ።
14:10	ወነሥአ ፡ ዘንተ ፡ ኵሎ ፡ በመንፈቀ ፡ ወርኅ ፡ ወውእቱ ፡ ይነብር ፡ ኀበ ፡ ድራይ ፡ ዘማምሪ ፡ እንተ ፡ ይእቲ ፡ ቅሩበ ፡ ኬብሮን ፡	ወነሥአ ፡ ዘንተ ፡ ኵሎ ፡ በመንፈቀ ፡ ወርኅ ፡ ወውእቱ ፡ ይነብር ፡ ኀበ ፡ ድራይ ፡ ዘማምሪ ፡ እንተ ፡ ይእቲ ፡ ቅሩበ ፡ ኬብሮን ፡
14:11	ወሐነጸ ፡ ምሥዋዐ ፡ ህየ ፡ ወዘብሐ ፡ ዘንተ ፡ ኵሎ ፡ ወከዐወ ፡ ደሞሙ ፡ ውስተ ፡ ምሥዋዕ ፡ ወነፈቆሙ ፡ እማእከል ፡ ወአንበሮሙ ፡ አንጸራቲሆሙ ፡ በበ ፡ ገጾሙ ፡ ወአዕዋፍሰ ፡ ኢነተፈ ፡	ወሐነጸ ፡ ምሥዋዐ ፡ ህየ ፡ ወዘብሐ ፡ ዘንተ ፡ ኵሎ ፡ ወከዐወ ፡ ደሞሙ ፡ ውስተ ፡ ምሥዋዕ ፡ ወነፈቆሙ ፡ እማእከል ፡ ወአንበሮሙ ፡ አንጸራቲሆሙ ፡ በበ ፡ ገጾሙ ፡ ወአዕዋፍሰ ፡ ኢነተፈ ፡
14:12	ወይወርዱ ፡ አዕዋፍ ፡ ዲበ ፡ ስፍሕ ፡ ወይከልኦሙ ፡ አብራም ፡ ወኢየኀድግ ፡ አዕዋፍ ፡ ይልክፍዎን ።	ወይወርዱ ፡ አዕዋፍ ፡ ዲበ ፡ ስፍሕ ፡ ወይከልኦሙ ፡ አብራም ፡ ወኢየኀድግ ፡ አዕዋፍ ፡ ይልክፍዎን ።
14:13	ወኮነ ፡ ሶበ ፡ ዕርበተ ፡ ፀሐይ ፡ ድንጋፄ ፡ ወድቀ ፡ ላዕለ ፡ አብራም ፡ ወናሁ ፡ ግርማ ፡ ዐቢይ ፡ ጽልመት ፡ ወድቀ ፡ ላዕሌሁ ፡ ወተብህለ ፡ ለአብራም ፡ አእምሮ ፡ አእምር ፡ ከመ ፡ ፈላሴ ፡ ይከውን ፡ ዘርእከ ፡ ውስተ ፡ ምድረ ፡ ነኪር ፡ ወይቀንይዎሙ ፡ ወያሐምምዎሙ ፡ አርባዕተ ፡ ምእተ ፡ ዓመተ ፡	ወኮነ ፡ ሶበ ፡ ዕርበተ ፡ ፀሐይ ፡ ድንጋፄ ፡ ወድቀ ፡ ላዕለ ፡ አብራም ፡ ወናሁ ፡ ግርማ ፡ ዐቢይ ፡ ጽልመት ፡ ወድቀ ፡ ላዕሌሁ ፡ ወተብህለ ፡ ለአብራም ፡ አእምሮ ፡ አእምር ፡ ከመ ፡ ፈላሴ ፡ ይከውን ፡ ዘርእከ ፡ ውስተ ፡ ምድረ ፡ ነኪር ፡ ወይቀንይዎሙ ፡ ወያሐምምዎሙ ፡ አርባዕተ ፡ ምእተ ፡ ዓመተ ፡
14:14	ወለሕዝብኒ ፡ እለ ፡ ይትቀነዩ ፡ አነ ፡ እፈትሕ ፡ ሎሙ ።	ወለሕዝብኒ ፡ እለ ፡ ይትቀነዩ ፡ አነ ፡ እፈትሕ ፡ ሎሙ ።
14:15	ወአንተ ፡ ተሐውር ፡ ኀበ ፡ አበዊከ ፡ በሰላም ፡ ወትትቀበር ፡ በርስእ ፡ ሠናይ ።	ወአንተ ፡ ተሐውር ፡ ኀበ ፡ አበዊከ ፡ በሰላም ፡ ወትትቀበር ፡ በርስእ ፡ ሠናይ ።
14:16	ወበትውልድ ፡ ራብዕ ፡ ይትመየጡ ፡ ዝየ ፡ እስመ ፡ ኢተፈጸመ ፡ ኃጢአቶሙ ፡ ለአሞሬዎን ፡ እስከ ፡ ይእዜ ።	ወበትውልድ ፡ ራብዕ ፡ ይትመየጡ ፡ ዝየ ፡ እስመ ፡ ኢተፈጸመ ፡ ኃጢአቶሙ ፡ ለአሞሬዎን ፡ እስከ ፡ ይእዜ ።
14:17	ወነቅህ ፡ እምንዋም ፡ ወተንሥአ ፡ ወፀሐይ ፡ ዐረበ ፡ ወነድ ፡ ኮነ ፡ ወናሁ ፡ እቶን ፡ ይጠይስ ፡ ወነበልባለ ፡ እሳት ፡ ኀለፈ ፡ ማእከለ ፡ ስፋሔ ።	ወነቅህ ፡ እምንዋም ፡ ወተንሥአ ፡ ወፀሐይ ፡ ዐረበ ፡ ወነድ ፡ ኮነ ፡ ወናሁ ፡ እቶን ፡ ይጠይስ ፡ ወነበልባለ ፡ እሳት ፡ ኀለፈ ፡ ማእከለ ፡ ስፋሔ ።
14:18	ወበይእቲ ፡ ዕለት ፡ ተካየደ ፡ ኪዳነ ፡ እግዚአብሔር ፡ ምስለ ፡ አብራም ፡ እንዘ ፡ ይብል ፡ ለዘርእከ ፡ እሁብ ፡ ዛተ ፡ ምድረ ፡ እምፈለገ ፡ ግብጽ ፡ እስከ ፡ ፈለገ ፡ ዐቢይ ፡ ፈለገ ፡ ኤውፍራጢስ ፡ ለቄኔውስ ፡ ወለቄኔዜውስ ፡ ወለቅድሞኔውስ ፡ ወለፌሬዜውስ ፡ ወለረፌእያን ፡ ወለፈከሬውስ ፡ ወለኤዌውስ ።	ወበይእቲ ፡ ዕለት ፡ ተካየደ ፡ ኪዳነ ፡ እግዚአብሔር ፡ ምስለ ፡ አብራም ፡ እንዘ ፡ ይብል ፡ ለዘርእከ ፡ እሁብ ፡ ዛተ ፡ ምድረ ፡ እምፈለገ ፡ ግብጽ ፡ እስከ ፡ ፈለገ ፡ ዐቢይ ፡ ፈለገ ፡ ኤውፍራጢስ ፡ ለቄኔውስ ፡ ወለቄኔዜውስ ፡ ወለቅድሞኔውስ ፡ ወለፌሬዜውስ ፡ ወለረፌእያን ፡ ወለፈከሬውስ ፡ ወለኤዌውስ ።
14:19	ወኀለፈ ፡ ወአዕረገ ።	ወኀለፈ ፡ ወአዕረገ ።
14:20	ወበዛቲ ፡ ሌሊት ፡ ተካየድነ ፡ ኪዳነ ፡ ምስለ ፡ አብራም ፡ በከመ ፡ ኪዳን ፡ ዘተካየድነ ፡ በዛቲ ፡ ወርኅ ፡ ምስለ ፡ ኖኅ ።	ወበዛቲ ፡ ሌሊት ፡ ተካየድነ ፡ ኪዳነ ፡ ምስለ ፡ አብራም ፡ በከመ ፡ ኪዳን ፡ ዘተካየድነ ፡ በዛቲ ፡ ወርኅ ፡ ምስለ ፡ ኖኅ ።
14:21	ወተፈሥሐ ፡ አብራም ፡ ወአይድዐ ፡ ዘንተ ፡ ኵሎ ፡ ለሰራይ ፡ ብእሲቱ ።	ወተፈሥሐ ፡ አብራም ፡ ወአይድዐ ፡ ዘንተ ፡ ኵሎ ፡ ለሰራይ ፡ ብእሲቱ ።
14:22	ወአምከረቶ ፡ ሰራይ ፡ ለአብራም ፡ ምታ ፡ ወትቤሎ ፡ ባእ ፡ ኀበ ፡ አጋር ፡ ልእክትየ ፡ ግብጻዊት ፡ እመቦ ፡ ከመ ፡ አሐንጽ ፡ ለከ ፡ እምኔሃ ፡ ዘርአ ፡	ወአምከረቶ ፡ ሰራይ ፡ ለአብራም ፡ ምታ ፡ ወትቤሎ ፡ ባእ ፡ ኀበ ፡ አጋር ፡ ልእክትየ ፡ ግብጻዊት ፡ እመቦ ፡ ከመ ፡ አሐንጽ ፡ ለከ ፡ እምኔሃ ፡ ዘርአ ፡
14:23	ወስምዐ ፡ አብራም ፡ ቃለ ፡ ሰራይ ፡ ብእሲቱ ፡ ወይቤላ ፡ ግበሪ ።	ወስምዐ ፡ አብራም ፡ ቃለ ፡ ሰራይ ፡ ብእሲቱ ፡ ወይቤላ ፡ ግበሪ ።
14:24	ወቦአ ፡ ኀቤሃ ፡ ወፀንሰት ፡ ወወለደት ፡ ወልደ ።	ወቦአ ፡ ኀቤሃ ፡ ወፀንሰት ፡ ወወለደት ፡ ወልደ ።