Jubilees

Jubilees 2 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
2:1	ወይቤ ፡ መልአከ ፡ ገጽ ፡ ለሙሴ ፡ በቃለ ፡ እግዚአብሔር ፡ እንዘ ፡ ይብል ፡ ጸሐፍ ፡ ኵሎ ፡ ነገረ ፡ ፍጥረት ፡ ከመ ፡ በሰዱስ ፡ ዕለት ፡ ፈጸመ ፡ እግዚአብሔር ፡ አምላክ ፡ ኵሎ ፡ ግብሮ ፡ ወኵሎ ፡ ዘፈጠረ ፡ ወአሰንበተ ፡ በዕለተ ፡ ሳብዕት ፡ ወቀደሳ ፡ ለኵሉ ፡ ዓለማት ፡ ወአንበራ ፡ ትእምርተ ፡ ለኵሉ ፡ ግብሩ ።	ወይቤ ፡ መልአከ ፡ ገጽ ፡ ለሙሴ ፡ በቃለ ፡ እግዚአብሔር ፡ እንዘ ፡ ይብል ፡ ጸሐፍ ፡ ኵሎ ፡ ነገረ ፡ ፍጥረት ፡ ከመ ፡ በሰዱስ ፡ ዕለት ፡ ፈጸመ ፡ እግዚአብሔር ፡ አምላክ ፡ ኵሎ ፡ ግብሮ ፡ ወኵሎ ፡ ዘፈጠረ ፡ ወአሰንበተ ፡ በዕለተ ፡ ሳብዕት ፡ ወቀደሳ ፡ ለኵሉ ፡ ዓለማት ፡ ወአንበራ ፡ ትእምርተ ፡ ለኵሉ ፡ ግብሩ ።
2:2	እስመ ፡ በዕለት ፡ ቀዳሚት ፡ ፈጠረ ፡ ሰማያተ ፡ እለ ፡ መልዕልት ፡ ወምድረ ፡ ወማያተ ፡ ወኵሉ ፡ መንፈስ ፡ ዘይትለአክ ፡ ቅድሜሁ ፡ ወመላእክተ ፡ ገጽኒ ፡ ወመላእክተ ፡ ቅዳሴ ፡ ወመላእክተ ፡ መንፈሰ ፡ እሳት ፡ ወመላእክተ ፡ መንፈሰ ፡ እስትንፋስ ፡ ወመላእክተ ፡ መንፈሰ ፡ ደመናት ፡ ለጽልመት ፡ ወለኵሉ ፡ ወለበረድ ፡ ወለአስሐትያ ፡ ወመላእክተ ፡ ቃላት ፡ ወነጐድጓዳት ፡ ወለመባርቅት ፡ ወመላእክተ ፡ መናፍስት ፡ ለቍር ፡ ወለመርቄ ፡ ወለክረምት ፡ ወለመጸው ፡ ወለማእረር ፡ ወለሐጋይ ፡ ወለኵሉ ፡ መናፍስተ ፡ ተግባሩ ፡ ዘበሰማያት ፡ ወዘበምድር ፡ ወዘበኵሉ ፡ ቀላያት ፡ ወጽልመት ፡ ወብርሃን ፡ ወጎሕ ፡ ወምሴት ፡ ዘአስተዳለወ ፡ በአእምሮ ፡ ልቡ ።	እስመ ፡ በዕለት ፡ ቀዳሚት ፡ ፈጠረ ፡ ሰማያተ ፡ እለ ፡ መልዕልት ፡ ወምድረ ፡ ወማያተ ፡ ወኵሉ ፡ መንፈስ ፡ ዘይትለአክ ፡ ቅድሜሁ ፡ ወመላእክተ ፡ ገጽኒ ፡ ወመላእክተ ፡ ቅዳሴ ፡ ወመላእክተ ፡ መንፈሰ ፡ እሳት ፡ ወመላእክተ ፡ መንፈሰ ፡ እስትንፋስ ፡ ወመላእክተ ፡ መንፈሰ ፡ ደመናት ፡ ለጽልመት ፡ ወለኵሉ ፡ ወለበረድ ፡ ወለአስሐትያ ፡ ወመላእክተ ፡ ቃላት ፡ ወነጐድጓዳት ፡ ወለመባርቅት ፡ ወመላእክተ ፡ መናፍስት ፡ ለቍር ፡ ወለመርቄ ፡ ወለክረምት ፡ ወለመጸው ፡ ወለማእረር ፡ ወለሐጋይ ፡ ወለኵሉ ፡ መናፍስተ ፡ ተግባሩ ፡ ዘበሰማያት ፡ ወዘበምድር ፡ ወዘበኵሉ ፡ ቀላያት ፡ ወጽልመት ፡ ወብርሃን ፡ ወጎሕ ፡ ወምሴት ፡ ዘአስተዳለወ ፡ በአእምሮ ፡ ልቡ ።
2:3	ወአሜሃ ፡ ርኢነ ፡ ምግባሮ ፡ ወባረክናሁ ፡ ወሰባሕነ ፡ ቅድሜሁ ፡ በእንተ ፡ ኵሉ ፡ ምግባሩ ፡ እስመ ፡ ሰብዓተ ፡ ግብረ ፡ ዐበይተ ፡ ገብረ ፡ በቀዳሚት ፡ ዕለት ።	ወአሜሃ ፡ ርኢነ ፡ ምግባሮ ፡ ወባረክናሁ ፡ ወሰባሕነ ፡ ቅድሜሁ ፡ በእንተ ፡ ኵሉ ፡ ምግባሩ ፡ እስመ ፡ ሰብዓተ ፡ ግብረ ፡ ዐበይተ ፡ ገብረ ፡ በቀዳሚት ፡ ዕለት ።
2:4	ወበዕለተ ፡ ሳኒታ ፡ ገብረ ፡ ምጽናዓተ ፡ ማእከለ ፡ ማይ ፡ ወተከፍለ ፡ ማያት ፡ በይእቲ ፡ ዕለት ፡ መንፈቆሙ ፡ ዐርጉ ፡ ላዕለ ፡ ወመንፈቆሙ ፡ ወረዱ ፡ መትሕተ ፡ ምጽናዓት ፡ ማእከለ ፡ ዲበ ፡ ገጻ ፡ ለኵላ ፡ ምድር ፡ ወዘንተ ፡ ባሕቲቶ ፡ ግብረ ፡ ገብረ ፡ በሳኒታ ፡ ዕለት ።	ወበዕለተ ፡ ሳኒታ ፡ ገብረ ፡ ምጽናዓተ ፡ ማእከለ ፡ ማይ ፡ ወተከፍለ ፡ ማያት ፡ በይእቲ ፡ ዕለት ፡ መንፈቆሙ ፡ ዐርጉ ፡ ላዕለ ፡ ወመንፈቆሙ ፡ ወረዱ ፡ መትሕተ ፡ ምጽናዓት ፡ ማእከለ ፡ ዲበ ፡ ገጻ ፡ ለኵላ ፡ ምድር ፡ ወዘንተ ፡ ባሕቲቶ ፡ ግብረ ፡ ገብረ ፡ በሳኒታ ፡ ዕለት ።
2:5	ወበሣልስት ፡ ዕለት ፡ ገብረ ፡ በከመ ፡ ይቤ ፡ ለማያት ፡ ይኅልፉ ፡ እምቅድመ ፡ ገጻ ፡ ለኵላ ፡ ምድር ፡ ውስተ ፡ መካን ፡ አሐዱ ፡ ወያስተርኢ ፡ የብስ ።	ወበሣልስት ፡ ዕለት ፡ ገብረ ፡ በከመ ፡ ይቤ ፡ ለማያት ፡ ይኅልፉ ፡ እምቅድመ ፡ ገጻ ፡ ለኵላ ፡ ምድር ፡ ውስተ ፡ መካን ፡ አሐዱ ፡ ወያስተርኢ ፡ የብስ ።
2:6	ወገብሩ ፡ ከማሁ ፡ ማያት ፡ በከመ ፡ ይቤሎሙ ፡ ወተግሕሡ ፡ እምዲበ ፡ ገጻ ፡ ለምድር ፡ ውስተ ፡ መካን ፡ አሐዱ ፡ አፍአ ፡ እምጽናዓተዝ ፡ ወአስተርአየት ፡ የብስ ።	ወገብሩ ፡ ከማሁ ፡ ማያት ፡ በከመ ፡ ይቤሎሙ ፡ ወተግሕሡ ፡ እምዲበ ፡ ገጻ ፡ ለምድር ፡ ውስተ ፡ መካን ፡ አሐዱ ፡ አፍአ ፡ እምጽናዓተዝ ፡ ወአስተርአየት ፡ የብስ ።
2:7	ወበይእቲ ፡ ዕለት ፡ ፈጠረ ፡ ላቲ ፡ ኵሎ ፡ አብሕርተ ፡ በበ ፡ ምጉባኢሆሙ ፡ ወኵሎሙ ፡ አፍላግ ፡ ወምጉባኢሆሙ ፡ ለማያት ፡ ውስተ ፡ አድባር ፡ ወውስተ ፡ ኵሉ ፡ ምድር ።	ወበይእቲ ፡ ዕለት ፡ ፈጠረ ፡ ላቲ ፡ ኵሎ ፡ አብሕርተ ፡ በበ ፡ ምጉባኢሆሙ ፡ ወኵሎሙ ፡ አፍላግ ፡ ወምጉባኢሆሙ ፡ ለማያት ፡ ውስተ ፡ አድባር ፡ ወውስተ ፡ ኵሉ ፡ ምድር ።
2:8	ወበዕለተ ፡ ራብዕት ፡ ገብረ ፡ እግዚአብሔር ፡ ፀሐየ ፡ ወወርኀ ፡ ወከዋክብተ ፡ ወአንበሮሙ ፡ ውስተ ፡ ምጽናዓተ ፡ ሰማይ ፡ ከመ ፡ ያብርሁ ፡ ውስተ ፡ ኵሉ ፡ ምድር ።	ወበዕለተ ፡ ራብዕት ፡ ገብረ ፡ እግዚአብሔር ፡ ፀሐየ ፡ ወወርኀ ፡ ወከዋክብተ ፡ ወአንበሮሙ ፡ ውስተ ፡ ምጽናዓተ ፡ ሰማይ ፡ ከመ ፡ ያብርሁ ፡ ውስተ ፡ ኵሉ ፡ ምድር ።
2:9	ወወሀበ ፡ እግዚአብሔር ፡ ፀሐየ ፡ ለትእምርት ፡ ዐቢይ ፡ ዲበ ፡ ምድር ፡ ለመዋዕል ፡ ወለሰንበት ፡ ወለአውራኅ ፡ ወለበዓላት ፡ ወለዓመታት ፡ ወለሰንበታተ ፡ ዓመታት ፡ ወለኢዮቤልዉሳት ፡ ወለኵሉ ፡ ጊዜ ፡ ለዓመታት ።	ወወሀበ ፡ እግዚአብሔር ፡ ፀሐየ ፡ ለትእምርት ፡ ዐቢይ ፡ ዲበ ፡ ምድር ፡ ለመዋዕል ፡ ወለሰንበት ፡ ወለአውራኅ ፡ ወለበዓላት ፡ ወለዓመታት ፡ ወለሰንበታተ ፡ ዓመታት ፡ ወለኢዮቤልዉሳት ፡ ወለኵሉ ፡ ጊዜ ፡ ለዓመታት ።
2:10	ወይፈልጥ ፡ ማእከለ ፡ ብርሃን ፡ ወማእከለ ፡ ጽልመት ፡ ወለጥዕዮ ፡ ከመ ፡ ይጥዒ ፡ ኵሉ ፡ ዘይሠርፅ ፡ ወይልህቅ ፡ ዲበ ፡ ምድር ።	ወይፈልጥ ፡ ማእከለ ፡ ብርሃን ፡ ወማእከለ ፡ ጽልመት ፡ ወለጥዕዮ ፡ ከመ ፡ ይጥዒ ፡ ኵሉ ፡ ዘይሠርፅ ፡ ወይልህቅ ፡ ዲበ ፡ ምድር ።
2:11	ወበዕለተ ፡ ኃምስት ፡ ፈጠረ ፡ ዐናብርተ ፡ ዐበይተ ፡ ማእከለ ፡ ቀላያተ ፡ ማያት ፡ እስመ ፡ ዝንቱ ፡ ተገብረ ፡ ቀዳሚ ፡ በእደዊሁ ፡ ዘሥጋ ፡ ወኵሉ ፡ ዘይትሐወስ ፡ ውስተ ፡ ማያት ፡ ዓሣት ፡ ወኵሉ ፡ ዘይሰርር ፡ አዕዋፈ ፡ ወኵሎ ፡ ዘመዶሙ ፡ 12 ወሠረቀ ፡ ፀሐይ ፡ ላዕሌሆሙ ፡ ለጥዒና ፡ ወላዕለ ፡ ኵሉ ፡ ዘሀሎ ፡ ውስተ ፡ ምድር ።	ወበዕለተ ፡ ኃምስት ፡ ፈጠረ ፡ ዐናብርተ ፡ ዐበይተ ፡ ማእከለ ፡ ቀላያተ ፡ ማያት ፡ እስመ ፡ ዝንቱ ፡ ተገብረ ፡ ቀዳሚ ፡ በእደዊሁ ፡ ዘሥጋ ፡ ወኵሉ ፡ ዘይትሐወስ ፡ ውስተ ፡ ማያት ፡ ዓሣት ፡ ወኵሉ ፡ ዘይሰርር ፡ አዕዋፈ ፡ ወኵሎ ፡ ዘመዶሙ ፡ 12 ወሠረቀ ፡ ፀሐይ ፡ ላዕሌሆሙ ፡ ለጥዒና ፡ ወላዕለ ፡ ኵሉ ፡ ዘሀሎ ፡ ውስተ ፡ ምድር ።
2:13	ወበዕለተ ፡ ሳድስት ፡ ገብረ ፡ ኵሎ ፡ አራዊተ ፡ ምድር ፡ ወኵሎ ፡ እንስሳ ፡ ወኵሎ ፡ ዘይትሐወስ ፡ ዲበ ፡ ምድር ።	ወበዕለተ ፡ ሳድስት ፡ ገብረ ፡ ኵሎ ፡ አራዊተ ፡ ምድር ፡ ወኵሎ ፡ እንስሳ ፡ ወኵሎ ፡ ዘይትሐወስ ፡ ዲበ ፡ ምድር ።
2:14	ወእምድኅረ ፡ ዝኵሉ ፡ ገብረ ፡ ሰብአ ፡ አሐደ ፡ ብእሴ ፡ ወብእሲተ ፡ ገብሮሙ ፡ ወአስለጦ ፡ ለኵሉ ፡ ዘዲበ ፡ ምድር ፡ ወዘውስተ ፡ አብሕርት ፡ ወዲበ ፡ ዘይሰርር ፡ ወዲበ ፡ አራዊት ፡ ወዲበ ፡ እንስሳ ፡ ወዲበ ፡ ኵሉ ፡ ዘይትሐወስ ፡ ዲበ ፡ ምድር ፡ ወላዕለ ፡ ኵሉ ፡ ምድር ፡ ወዲበ ፡ ዝኵሉ ፡ አስለጦ ።	ወእምድኅረ ፡ ዝኵሉ ፡ ገብረ ፡ ሰብአ ፡ አሐደ ፡ ብእሴ ፡ ወብእሲተ ፡ ገብሮሙ ፡ ወአስለጦ ፡ ለኵሉ ፡ ዘዲበ ፡ ምድር ፡ ወዘውስተ ፡ አብሕርት ፡ ወዲበ ፡ ዘይሰርር ፡ ወዲበ ፡ አራዊት ፡ ወዲበ ፡ እንስሳ ፡ ወዲበ ፡ ኵሉ ፡ ዘይትሐወስ ፡ ዲበ ፡ ምድር ፡ ወላዕለ ፡ ኵሉ ፡ ምድር ፡ ወዲበ ፡ ዝኵሉ ፡ አስለጦ ።
2:15	ወኮነ ፡ ኵሉ ፡ ዕሥራ ፡ ወክልኤቱ ፡ ዘመድ ።	ወኮነ ፡ ኵሉ ፡ ዕሥራ ፡ ወክልኤቱ ፡ ዘመድ ።
2:16	ወፈጸመ ፡ ኵሎ ፡ ግብሮ ፡ በዕለተ ፡ ሳድስት ፡ ኵሎ ፡ ዘበሰማይ ፡ ወዘበምድር ፡ ወውስተ ፡ አብሕርት ፡ ወውስተ ፡ ቀላያት ፡ ወውስተ ፡ ብርሃን ፡ ወውስተ ፡ ጽልመት ፡ ወውስተ ፡ ኵሉ ።	ወፈጸመ ፡ ኵሎ ፡ ግብሮ ፡ በዕለተ ፡ ሳድስት ፡ ኵሎ ፡ ዘበሰማይ ፡ ወዘበምድር ፡ ወውስተ ፡ አብሕርት ፡ ወውስተ ፡ ቀላያት ፡ ወውስተ ፡ ብርሃን ፡ ወውስተ ፡ ጽልመት ፡ ወውስተ ፡ ኵሉ ።
2:17	ወወሀበነ ፡ ትእምርተ ፡ ዐቢየ ፡ ዕለተ ፡ ሰንበታት ፡ ከመ ፡ ንኩን ፡ እንዘ ፡ ንገብር ፡ ሰዱሰ ፡ ዕለተ ፡ ግብረ ፡ ወናሰንብት ፡ አመ ፡ ዕለተ ፡ ሳብዕት ፡ እምኵሉ ፡ ግብር ።	ወወሀበነ ፡ ትእምርተ ፡ ዐቢየ ፡ ዕለተ ፡ ሰንበታት ፡ ከመ ፡ ንኩን ፡ እንዘ ፡ ንገብር ፡ ሰዱሰ ፡ ዕለተ ፡ ግብረ ፡ ወናሰንብት ፡ አመ ፡ ዕለተ ፡ ሳብዕት ፡ እምኵሉ ፡ ግብር ።
2:18	ኵሎሙ ፡ መላእክተ ፡ ገጽ ፡ ወኵሎሙ ፡ መላእክተ ፡ ቅድሳት ፡ ክልኤተ ፡ ዘመደ ፡ ዐበይተ ፡ ዘንተ ፡ ይቤለነ ፡ ናሰንብት ፡ ምስሌሁ ፡ በሰማይ ፡ ወበምድር ።	ኵሎሙ ፡ መላእክተ ፡ ገጽ ፡ ወኵሎሙ ፡ መላእክተ ፡ ቅድሳት ፡ ክልኤተ ፡ ዘመደ ፡ ዐበይተ ፡ ዘንተ ፡ ይቤለነ ፡ ናሰንብት ፡ ምስሌሁ ፡ በሰማይ ፡ ወበምድር ።
2:19	ወይቤለነ ፡ ናሁ ፡ አነ ፡ እፈልጥ ፡ ሊተ ፡ ሕዝበ ፡ እማእከለ ፡ አሕዛብየ ፡ ወያሰነብቱ ፡ እሙንቱኒ ፡ ወእቄድሶ ፡ ሊተ ፡ ለሕዝብ ፡ ወእባርኮ ፡ በከመ ፡ ቀደስክዋ ፡ ለዕለተ ፡ ሰንበት ፡ ወእቄድሶ ፡ ሊተ ፡ ወከመዝ ፡ እባርኮ ፡ ወይከውኑኒ ፡ ሕዝብየ ፡ ወአነ ፡ እከውኖሙ ፡ አምላከ ።	ወይቤለነ ፡ ናሁ ፡ አነ ፡ እፈልጥ ፡ ሊተ ፡ ሕዝበ ፡ እማእከለ ፡ አሕዛብየ ፡ ወያሰነብቱ ፡ እሙንቱኒ ፡ ወእቄድሶ ፡ ሊተ ፡ ለሕዝብ ፡ ወእባርኮ ፡ በከመ ፡ ቀደስክዋ ፡ ለዕለተ ፡ ሰንበት ፡ ወእቄድሶ ፡ ሊተ ፡ ወከመዝ ፡ እባርኮ ፡ ወይከውኑኒ ፡ ሕዝብየ ፡ ወአነ ፡ እከውኖሙ ፡ አምላከ ።
2:20	ወኀረይኩ ፡ በዘርአ ፡ ያዕቆብ ፡ በኵሉ ፡ እምዘርኢኩ ፡ ወጸሐፍክዎ ፡ ሊተ ፡ ወልደ ፡ በኵረ ፡ ወቀደስክዎ ፡ ሊተ ፡ ለዓለመ ፡ ዓለም ።	ወኀረይኩ ፡ በዘርአ ፡ ያዕቆብ ፡ በኵሉ ፡ እምዘርኢኩ ፡ ወጸሐፍክዎ ፡ ሊተ ፡ ወልደ ፡ በኵረ ፡ ወቀደስክዎ ፡ ሊተ ፡ ለዓለመ ፡ ዓለም ።
2:21	ወግብረ ፡ ቦቱ ፡ ትእምርተ ፡ ከማሁ ፡ በዘ ፡ ያሰነብቱ ፡ እሙንቱኒ ፡ ምስሌነ ፡ በዕለተ ፡ ሳብዕት ፡ ለበሊዕ ፡ ወለሰቲይ ፡ ወለባርኮ ፡ ዘፈጠረ ፡ ኵሎ ፡ በከመ ፡ ባረኮ ፡ ወቀደሶ ፡ ሎቱ ፡ ሕዝበ ፡ ዘያስተርኢ ፡ እምኵሉ ፡ አሕዛብ ፡ ወከመ ፡ ያሰንብቱ ፡ ኅቡረ ፡ ምስሌነ ።	ወግብረ ፡ ቦቱ ፡ ትእምርተ ፡ ከማሁ ፡ በዘ ፡ ያሰነብቱ ፡ እሙንቱኒ ፡ ምስሌነ ፡ በዕለተ ፡ ሳብዕት ፡ ለበሊዕ ፡ ወለሰቲይ ፡ ወለባርኮ ፡ ዘፈጠረ ፡ ኵሎ ፡ በከመ ፡ ባረኮ ፡ ወቀደሶ ፡ ሎቱ ፡ ሕዝበ ፡ ዘያስተርኢ ፡ እምኵሉ ፡ አሕዛብ ፡ ወከመ ፡ ያሰንብቱ ፡ ኅቡረ ፡ ምስሌነ ።
2:22	ወገብረ ፡ ፈቃዳቲሁ ፡ ይዕርግ ፡ መዓዛ ፡ ሠናይ ፡ ዘይትወከፍ ፡ ቅድሜሁ ፡ ኵሎ ፡ መዋዕለ ።	ወገብረ ፡ ፈቃዳቲሁ ፡ ይዕርግ ፡ መዓዛ ፡ ሠናይ ፡ ዘይትወከፍ ፡ ቅድሜሁ ፡ ኵሎ ፡ መዋዕለ ።
2:23	ዕሥራ ፡ ወክልኤ ፡ አርእስተ ፡ ሰብእ ፡ እምአዳም ፡ እስከኔሁ ።	ዕሥራ ፡ ወክልኤ ፡ አርእስተ ፡ ሰብእ ፡ እምአዳም ፡ እስከኔሁ ።
2:24	ወተውህበ ፡ ለዝንቱ ፡ ከመ ፡ ይኩኑ ፡ ኵሎ ፡ መዋዕለ ፡ ቡሩካነ ፡ ወቅዱሳነ ።	ወተውህበ ፡ ለዝንቱ ፡ ከመ ፡ ይኩኑ ፡ ኵሎ ፡ መዋዕለ ፡ ቡሩካነ ፡ ወቅዱሳነ ።
2:25	ፈጠረ ፡ ሰማየ ፡ ወምድረ ፡ ወኵሎ ፡ ዘተፈጥረ ፡ በሰዱስ ፡ ዕለት ።	ፈጠረ ፡ ሰማየ ፡ ወምድረ ፡ ወኵሎ ፡ ዘተፈጥረ ፡ በሰዱስ ፡ ዕለት ።
2:26	ወአንተ ፡ አዝዝ ፡ ለደቂቀ ፡ እስራኤል ፡ ወይዕቀቡ ፡ ዕለተ ፡ ዛቲ ፡ ይቀድስዋ ፡ ወከመ ፡ ኢይግበሩ ፡ ባቲ ፡ ኵሎ ፡ ግብረ ፡ ወከመ ፡ ኢያርኵስዋ ፡ እስመ ፡ ቅድስት ፡ ይእቲ ፡ እምኵሉ ፡ መዋዕል ።	ወአንተ ፡ አዝዝ ፡ ለደቂቀ ፡ እስራኤል ፡ ወይዕቀቡ ፡ ዕለተ ፡ ዛቲ ፡ ይቀድስዋ ፡ ወከመ ፡ ኢይግበሩ ፡ ባቲ ፡ ኵሎ ፡ ግብረ ፡ ወከመ ፡ ኢያርኵስዋ ፡ እስመ ፡ ቅድስት ፡ ይእቲ ፡ እምኵሉ ፡ መዋዕል ።
2:27	ኵሉ ፡ ዘያጌምና ፡ ሞተ ፡ ይሙት ፡ ወኵሉ ፡ ዘይገብር ፡ ባቲ ፡ ኵሎ ፡ ግብረ ፡ ሞተ ፡ ይሙት ፡ ለዓለም ።	ኵሉ ፡ ዘያጌምና ፡ ሞተ ፡ ይሙት ፡ ወኵሉ ፡ ዘይገብር ፡ ባቲ ፡ ኵሎ ፡ ግብረ ፡ ሞተ ፡ ይሙት ፡ ለዓለም ።
2:28	ወኵሉ ፡ ሰብእ ፡ ዘየዐቅብ ፡ ወያሰነብት ፡ ባቲ ፡ እምኵሉ ፡ ግብሩ ፡ ቅዱሰ ፡ ወቡሩከ ፡ ይከውን ፡ በኵሉ ፡ መዋዕል ፡ ከማነ ።	ወኵሉ ፡ ሰብእ ፡ ዘየዐቅብ ፡ ወያሰነብት ፡ ባቲ ፡ እምኵሉ ፡ ግብሩ ፡ ቅዱሰ ፡ ወቡሩከ ፡ ይከውን ፡ በኵሉ ፡ መዋዕል ፡ ከማነ ።
2:29	አይድዕ ፡ ወንግር ፡ ለደቂቀ ፡ እስራኤል ፡ ኵነኔሃ ፡ ለዛቲ ፡ ዕለት ፡ ወያሰንብቱ ፡ ባቲ ፡ ወኢይኅድግዋ ፡ በስሕተተ ፡ ልቦሙ ፡ ከመ ፡ ኢይኩኑ ፡ ለገቢረ ፡ ግብር ፡ ባቲ ፡ ዘኢይከውን ፡ ዘያስተርኢ ፡ ለገቢረ ፡ ባቲ ፡ ፈቃዶሙ ።	አይድዕ ፡ ወንግር ፡ ለደቂቀ ፡ እስራኤል ፡ ኵነኔሃ ፡ ለዛቲ ፡ ዕለት ፡ ወያሰንብቱ ፡ ባቲ ፡ ወኢይኅድግዋ ፡ በስሕተተ ፡ ልቦሙ ፡ ከመ ፡ ኢይኩኑ ፡ ለገቢረ ፡ ግብር ፡ ባቲ ፡ ዘኢይከውን ፡ ዘያስተርኢ ፡ ለገቢረ ፡ ባቲ ፡ ፈቃዶሙ ።
2:30	ወኢያውፅኡ ፡ ወኢያብኡ ፡ እምቤት ፡ ቤተ ፡ በዛቲ ፡ ዕለት ፡ እስመ ፡ ቅድስት ፡ ይእቲ ፡ ወቡርክት ፡ ይእቲ ፡ እምኵሉ ፡ ዕለተ ፡ ኢዮቤል ፡ ዘኢዮቤልዉሳት ፡ ባቲ ፡ አሰንበትነ ፡ በሰማያት ፡ ዘእንበለ ፡ ይትአመር ፡ ለኵሉ ፡ ዘሥጋ ፡ ለአሰንብቶ ፡ ባቲ ፡ በምድር ፡ 31 ወባረከ ፡ ፈጣሬ ፡ ኵሉ ፡ ወኢቀደሰ ፡ ኵሎ ፡ ሕዝበ ፡ ወአሕዛበ ፡ ለአሰንብቶ ፡ ባቲ ፡ ዘእንበለ ፡ እስራኤልሃ ፡ ባሕቲቶ ፡ ሎቱ ፡ ለባሕቲቱ ፡ ወሀቦ ፡ ይብልዑ ፡ ወይስተዩ ፡ ወለአሰንብቶ ፡ ባቲ ፡ ዲበ ፡ ምድር ።	ወኢያውፅኡ ፡ ወኢያብኡ ፡ እምቤት ፡ ቤተ ፡ በዛቲ ፡ ዕለት ፡ እስመ ፡ ቅድስት ፡ ይእቲ ፡ ወቡርክት ፡ ይእቲ ፡ እምኵሉ ፡ ዕለተ ፡ ኢዮቤል ፡ ዘኢዮቤልዉሳት ፡ ባቲ ፡ አሰንበትነ ፡ በሰማያት ፡ ዘእንበለ ፡ ይትአመር ፡ ለኵሉ ፡ ዘሥጋ ፡ ለአሰንብቶ ፡ ባቲ ፡ በምድር ፡ 31 ወባረከ ፡ ፈጣሬ ፡ ኵሉ ፡ ወኢቀደሰ ፡ ኵሎ ፡ ሕዝበ ፡ ወአሕዛበ ፡ ለአሰንብቶ ፡ ባቲ ፡ ዘእንበለ ፡ እስራኤልሃ ፡ ባሕቲቶ ፡ ሎቱ ፡ ለባሕቲቱ ፡ ወሀቦ ፡ ይብልዑ ፡ ወይስተዩ ፡ ወለአሰንብቶ ፡ ባቲ ፡ ዲበ ፡ ምድር ።
2:32	ወባረካ ፡ ፈጣሬ ፡ ኵሉ ፡ ዘፈጠረ ፡ ዛተ ፡ ዕለተ ፡ ለበረከት ፡ ወለቅድሳት ፡ ወለስብሐት ፡ እምኵሉ ፡ መዋዕል ።	ወባረካ ፡ ፈጣሬ ፡ ኵሉ ፡ ዘፈጠረ ፡ ዛተ ፡ ዕለተ ፡ ለበረከት ፡ ወለቅድሳት ፡ ወለስብሐት ፡ እምኵሉ ፡ መዋዕል ።
2:33	ዝንቱ ፡ ሕግ ፡ ወስምዕ ፡ ተውህበ ፡ ለደቂቀ ፡ እስራኤል ፡ ሕግ ፡ ዘለዓለም ፡ ለትውልዶሙ ።	ዝንቱ ፡ ሕግ ፡ ወስምዕ ፡ ተውህበ ፡ ለደቂቀ ፡ እስራኤል ፡ ሕግ ፡ ዘለዓለም ፡ ለትውልዶሙ ።