Jubilees

Jubilees 20 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

	Ge'ez Ge'ez Bible	Ge'ez Apocrypha
20:1	ወበአርብዓ ፡ ወክልኤቱ ፡ ኢዮቤልዉ ፡ በዓመት ፡ ቀዳሚ ፡ ዘሱባዔ ፡ ሳብዕ ፡ ጸውዐ ፡ አብርሃም ፡ ይስማዔልሃ ፡ ወዐሠርተ ፡ ወክልኤተ ፡ ደቂቆ ፡ ወይስሐቅሃ ፡ ወክልኤሆሙ ፡ ደቂቆ ፡ ወስድስተ ፡ ደቂቀ ፡ ኬጡራ ፡ ወውሉዶሙ ፡ 2 ወአዘዞሙ ፡ ከመ ፡ ይዕቀቡ ፡ ፍኖተ ፡ እግዚአብሔር ፡ ከመ ፡ ይግበሩ ፡ ጽድቀ ፡ ወያፍቅር ፡ አሐዱ ፡ አሐዱ ፡ ቢጾ ፡ ወከመ ፡ ይኩኑ ፡ ከማሁ ፡ በውስተ ፡ ኵሉ ፡ ፀብእ ፡ ከመ ፡ ይሖሩ ፡ ዲበ ፡ አሐዱ ፡ ላዕሌሆሙ ፡ ወለገቢረ ፡ ፍትሕ ፡ ወጽድቅ ፡ በዲበ ፡ ምድር ፡ 3 ከመ ፡ ይክስቡ ፡ ውሉዶሙ ፡ በኪዳን ፡ እንተ ፡ ተካየደ ፡ ምስሌሆሙ ፡ ወከመ ፡ ኢይትዐደዉ ፡ የማነ ፡ ወፀጋመ ፡ እምኵሎን ፡ ፍናዌ ፡ ዘአዘዘነ ፡ እግዚአብሔር ፡ ወከመ ፡ ንትዐቀብ ፡ እምኵሉ ፡ ዝሙት ፡ ወርኵስ ፡ ወከመ ፡ ንኅድግ ፡ እማእከሌነ ፡ ኵሎ ፡ ርኵሰ ፡ ወዝሙተ ።	ወበአርብዓ ፡ ወክልኤቱ ፡ ኢዮቤልዉ ፡ በዓመት ፡ ቀዳሚ ፡ ዘሱባዔ ፡ ሳብዕ ፡ ጸውዐ ፡ አብርሃም ፡ ይስማዔልሃ ፡ ወዐሠርተ ፡ ወክልኤተ ፡ ደቂቆ ፡ ወይስሐቅሃ ፡ ወክልኤሆሙ ፡ ደቂቆ ፡ ወስድስተ ፡ ደቂቀ ፡ ኬጡራ ፡ ወውሉዶሙ ፡ 2 ወአዘዞሙ ፡ ከመ ፡ ይዕቀቡ ፡ ፍኖተ ፡ እግዚአብሔር ፡ ከመ ፡ ይግበሩ ፡ ጽድቀ ፡ ወያፍቅር ፡ አሐዱ ፡ አሐዱ ፡ ቢጾ ፡ ወከመ ፡ ይኩኑ ፡ ከማሁ ፡ በውስተ ፡ ኵሉ ፡ ፀብእ ፡ ከመ ፡ ይሖሩ ፡ ዲበ ፡ አሐዱ ፡ ላዕሌሆሙ ፡ ወለገቢረ ፡ ፍትሕ ፡ ወጽድቅ ፡ በዲበ ፡ ምድር ፡ 3 ከመ ፡ ይክስቡ ፡ ውሉዶሙ ፡ በኪዳን ፡ እንተ ፡ ተካየደ ፡ ምስሌሆሙ ፡ ወከመ ፡ ኢይትዐደዉ ፡ የማነ ፡ ወፀጋመ ፡ እምኵሎን ፡ ፍናዌ ፡ ዘአዘዘነ ፡ እግዚአብሔር ፡ ወከመ ፡ ንትዐቀብ ፡ እምኵሉ ፡ ዝሙት ፡ ወርኵስ ፡ ወከመ ፡ ንኅድግ ፡ እማእከሌነ ፡ ኵሎ ፡ ርኵሰ ፡ ወዝሙተ ።
20:4	ወእመ ፡ ዘመወት ፡ ለክሙ ፡ ኵላ ፡ ብእሲት ፡ ወእመኒ ፡ ወለት ፡ አውዕይዋ ፡ በእሳት ፡ ወኢይዘምዋ ፡ ድኅረ ፡ አዕይንቲሆን ፡ ወልቦንሂ ፡ ከመ ፡ ይንሥኡ ፡ ሎሙ ፡ ብእሲተ ፡ እምነ ፡ አዋልደ ፡ ከናአን ፡ እስመ ፡ ይሤሮ ፡ ዘርአ ፡ ከናአን ፡ እምድር ።	ወእመ ፡ ዘመወት ፡ ለክሙ ፡ ኵላ ፡ ብእሲት ፡ ወእመኒ ፡ ወለት ፡ አውዕይዋ ፡ በእሳት ፡ ወኢይዘምዋ ፡ ድኅረ ፡ አዕይንቲሆን ፡ ወልቦንሂ ፡ ከመ ፡ ይንሥኡ ፡ ሎሙ ፡ ብእሲተ ፡ እምነ ፡ አዋልደ ፡ ከናአን ፡ እስመ ፡ ይሤሮ ፡ ዘርአ ፡ ከናአን ፡ እምድር ።
20:5	ወነገሮሙ ፡ ኵነኔሆሙ ፡ ለረዐይት ፡ ወኵነኔ ፡ ሰዶም ፡ ከመ ፡ ተኰነኑ ፡ በእንተ ፡ እከዮሙ ፡ በእንተ ፡ ዝሙት ፡ ወርኵስ ፡ ወሙስና ፡ በበይናቲሆሙ ፡ በዝሙት ፡ ሞቱ ።	ወነገሮሙ ፡ ኵነኔሆሙ ፡ ለረዐይት ፡ ወኵነኔ ፡ ሰዶም ፡ ከመ ፡ ተኰነኑ ፡ በእንተ ፡ እከዮሙ ፡ በእንተ ፡ ዝሙት ፡ ወርኵስ ፡ ወሙስና ፡ በበይናቲሆሙ ፡ በዝሙት ፡ ሞቱ ።
20:6	ወአንትሙኒ ፡ ተዐቀቡ ፡ እምኵሉ ፡ ዝሙት ፡ ወርኵስ ፡ ወእምኵሉ ፡ ግማኔ ፡ ኀጢአት ፡ ከመ ፡ ኢተሀቡ ፡ ስመነ ፡ ለመርገም ፡ ወኵሎ ፡ ሕይወተክሙ ፡ ለትምክሕት ፡ ወኵሎ ፡ ውሉደክሙ ፡ ለሙስና ፡ በሰይፍ ፡ ወትከውኑ ፡ ርጉማነ ፡ ከመ ፡ ሰዶም ፡ ወኵሉ ፡ ተረፍክሙ ፡ ከመ ፡ ውሉደ ፡ ገሞራ ።	ወአንትሙኒ ፡ ተዐቀቡ ፡ እምኵሉ ፡ ዝሙት ፡ ወርኵስ ፡ ወእምኵሉ ፡ ግማኔ ፡ ኀጢአት ፡ ከመ ፡ ኢተሀቡ ፡ ስመነ ፡ ለመርገም ፡ ወኵሎ ፡ ሕይወተክሙ ፡ ለትምክሕት ፡ ወኵሎ ፡ ውሉደክሙ ፡ ለሙስና ፡ በሰይፍ ፡ ወትከውኑ ፡ ርጉማነ ፡ ከመ ፡ ሰዶም ፡ ወኵሉ ፡ ተረፍክሙ ፡ ከመ ፡ ውሉደ ፡ ገሞራ ።
20:7	አነ ፡ አሰምዕ ፡ ለክሙ ፡ ውሉድየ ፡ አፍቅርዎ ፡ ለአምላከ ፡ ሰማይ ፡ ወተፀመዱ ፡ ኵሎ ፡ ትእዛዞ ፡ ወኢትሖሩ ፡ ድኅረ ፡ ጣዖቶሙ ፡ ወድኅረ ፡ ርኵሶሙ ።	አነ ፡ አሰምዕ ፡ ለክሙ ፡ ውሉድየ ፡ አፍቅርዎ ፡ ለአምላከ ፡ ሰማይ ፡ ወተፀመዱ ፡ ኵሎ ፡ ትእዛዞ ፡ ወኢትሖሩ ፡ ድኅረ ፡ ጣዖቶሙ ፡ ወድኅረ ፡ ርኵሶሙ ።
20:8	ወአማልክተ ፡ ስብኮ ፡ ኢትግበሩ ፡ ለክሙ ፡ ወግልፈዋተ ፡ እስመ ፡ ከንቱ ፡ ውእቱ ።	ወአማልክተ ፡ ስብኮ ፡ ኢትግበሩ ፡ ለክሙ ፡ ወግልፈዋተ ፡ እስመ ፡ ከንቱ ፡ ውእቱ ።
20:9	አላ ፡ አምልኩ ፡ አምላከ ፡ ልዑለ ፡ ወስግዱ ፡ ሎቱ ፡ ወትረ ፡ ወተሰፈዉ ፡ ገጸ ፡ ዚአሁ ፡ በኵሉ ፡ ጊዜ ፡ ወግብሩ ፡ ጽድቀ ፡ ወርትዐ ፡ በቅድሜሁ ፡ ከመ ፡ ይፍተው ፡ ላዕሌክሙ ፡ ወየሀብክሙ ፡ ምሕረቶ ፡ ወያውርድ ፡ ለክሙ ፡ ዝናመ ፡ ነግህ ፡ ወሰርክ ።	አላ ፡ አምልኩ ፡ አምላከ ፡ ልዑለ ፡ ወስግዱ ፡ ሎቱ ፡ ወትረ ፡ ወተሰፈዉ ፡ ገጸ ፡ ዚአሁ ፡ በኵሉ ፡ ጊዜ ፡ ወግብሩ ፡ ጽድቀ ፡ ወርትዐ ፡ በቅድሜሁ ፡ ከመ ፡ ይፍተው ፡ ላዕሌክሙ ፡ ወየሀብክሙ ፡ ምሕረቶ ፡ ወያውርድ ፡ ለክሙ ፡ ዝናመ ፡ ነግህ ፡ ወሰርክ ።
20:10	ወትከውን ፡ ለበረከት ፡ በዲበ ፡ ምድር ፡ ወይፈትዉክሙ ፡ ኵሎሙ ፡ አሕዛበ ፡ ምድር ።	ወትከውን ፡ ለበረከት ፡ በዲበ ፡ ምድር ፡ ወይፈትዉክሙ ፡ ኵሎሙ ፡ አሕዛበ ፡ ምድር ።
20:11	ወወሀቦ ፡ ለይስማዔል ፡ ወለውሉዱ ፡ ወለውሉደ ፡ ኬጡራ ፡ ሀብተ ፡ ወፈነዎሙ ፡ እምይስሐቅ ፡ ወልዱ ፡ ወኵሎ ፡ ወሀቦ ፡ ለይስሐቅ ፡ ወልዱ ፡ 12 ወሖረ ፡ ይስማዔል ፡ ወውሉዱ ፡ ወውሉደ ፡ ኬጡራ ፡ ወውሉዶሙ ፡ ኅቡረ ፡ ወኀደሩ ፡ እምፋርሞን ፡ እስከ ፡ ምብዋአ ፡ ባቢሎን ፡ ውስተ ፡ ኵሉ ፡ ምድር ፡ እንተ ፡ ገጸ ፡ ጽባሕ ፡ አንጻረ ፡ ገዳም ።	ወወሀቦ ፡ ለይስማዔል ፡ ወለውሉዱ ፡ ወለውሉደ ፡ ኬጡራ ፡ ሀብተ ፡ ወፈነዎሙ ፡ እምይስሐቅ ፡ ወልዱ ፡ ወኵሎ ፡ ወሀቦ ፡ ለይስሐቅ ፡ ወልዱ ፡ 12 ወሖረ ፡ ይስማዔል ፡ ወውሉዱ ፡ ወውሉደ ፡ ኬጡራ ፡ ወውሉዶሙ ፡ ኅቡረ ፡ ወኀደሩ ፡ እምፋርሞን ፡ እስከ ፡ ምብዋአ ፡ ባቢሎን ፡ ውስተ ፡ ኵሉ ፡ ምድር ፡ እንተ ፡ ገጸ ፡ ጽባሕ ፡ አንጻረ ፡ ገዳም ።
20:13	ወተደመሩ ፡ እሉ ፡ ምስለ ፡ እሉ ፡ ወተጸውዐ ፡ ስሞሙ ፡ ዐረብ ፡ ወእስማዔላዊያን ።	ወተደመሩ ፡ እሉ ፡ ምስለ ፡ እሉ ፡ ወተጸውዐ ፡ ስሞሙ ፡ ዐረብ ፡ ወእስማዔላዊያን ።

read Ge'ez alone read Ge'ez alone