Jubilees

Jubilees 28 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
28:2	ወበዓመት ፡ ቀዳሚ ፡ በሣልስ ፡ ሱባዔ ፡ ይቤሎ ፡ ሀበኒ ፡ ብእሲትየ ፡ ዘበእንቲአሃ ፡ ተቀነይኩ ፡ ለከ ፡ ሰብዐተ ፡ ዓመተ ፡ ወይቤሎ ፡ ላባ ፡ ለያዕቆብ ፡ አነ ፡ እሁበከ ፡ ብእሲተከ ።	ወበዓመት ፡ ቀዳሚ ፡ በሣልስ ፡ ሱባዔ ፡ ይቤሎ ፡ ሀበኒ ፡ ብእሲትየ ፡ ዘበእንቲአሃ ፡ ተቀነይኩ ፡ ለከ ፡ ሰብዐተ ፡ ዓመተ ፡ ወይቤሎ ፡ ላባ ፡ ለያዕቆብ ፡ አነ ፡ እሁበከ ፡ ብእሲተከ ።
28:3	ወገብረ ፡ ላባ ፡ ግዝአ ፡ ወነሥአ ፡ ልያሃ ፡ ወለቶ ፡ እንተ ፡ ትልህቅ ፡ ወወሀቦ ፡ ለያዕቆብ ፡ ብእሲተ ፡ ወወሀባ ፡ ዘለፋሃ ፡ አመቶ ፡ ለአኪተ ፡ ወያዕቆብሰ ፡ ኢያእመረ ፡ እስመ ፡ አምሰላ ፡ ያዕቆብ ፡ ዘራሔል ፡ ይእቲ ።	ወገብረ ፡ ላባ ፡ ግዝአ ፡ ወነሥአ ፡ ልያሃ ፡ ወለቶ ፡ እንተ ፡ ትልህቅ ፡ ወወሀቦ ፡ ለያዕቆብ ፡ ብእሲተ ፡ ወወሀባ ፡ ዘለፋሃ ፡ አመቶ ፡ ለአኪተ ፡ ወያዕቆብሰ ፡ ኢያእመረ ፡ እስመ ፡ አምሰላ ፡ ያዕቆብ ፡ ዘራሔል ፡ ይእቲ ።
28:4	ወቦአ ፡ ኀቤሃ ፡ ወናሁ ፡ ይእቲሰ ፡ ልያ ።	ወቦአ ፡ ኀቤሃ ፡ ወናሁ ፡ ይእቲሰ ፡ ልያ ።
28:5	እስመ ፡ ያፈቅር ፡ ያዕቆብ ፡ ራሔልሃ ፡ እምነ ፡ ልያ ፡ እስመ ፡ አዕይንቲሃ ፡ ለልያ ፡ ድኩም ፡ ወባሕቱ ፡ ላሕይ ፡ ራእያ ፡ ጥቀ ፡ ወራሔል ፡ ሠናይ ፡ አዕይንቲሃ ፡ ወሠናይ ፡ ራእያ ፡ ወላሕይት ፡ ጥቀ ።	እስመ ፡ ያፈቅር ፡ ያዕቆብ ፡ ራሔልሃ ፡ እምነ ፡ ልያ ፡ እስመ ፡ አዕይንቲሃ ፡ ለልያ ፡ ድኩም ፡ ወባሕቱ ፡ ላሕይ ፡ ራእያ ፡ ጥቀ ፡ ወራሔል ፡ ሠናይ ፡ አዕይንቲሃ ፡ ወሠናይ ፡ ራእያ ፡ ወላሕይት ፡ ጥቀ ።
28:6	ወይቤሎ ፡ ላባ ፡ ለያዕቆብ ፡ ኢኮነ ፡ ከመዝ ፡ በምድርነ ፡ ውሂበ ፡ እንተ ፡ ትንእስ ፡ እምእንተ ፡ ትልህቅ ።	ወይቤሎ ፡ ላባ ፡ ለያዕቆብ ፡ ኢኮነ ፡ ከመዝ ፡ በምድርነ ፡ ውሂበ ፡ እንተ ፡ ትንእስ ፡ እምእንተ ፡ ትልህቅ ።
28:7	ወአንተኒ ፡ አዝዝ ፡ ለደቂቀ ፡ እስራኤል ።	ወአንተኒ ፡ አዝዝ ፡ ለደቂቀ ፡ እስራኤል ።
28:8	ወይቤ ፡ ላባ ፡ ለያዕቆብ ፡ ይኅልፍ ፡ ሰቡዐ ፡ መዋዕለ ፡ ግዝእ ፡ ለዛ ፡ ወእሁበከ ፡ ራሔልሃ ፡ ከመ ፡ ትትቀነይ ፡ ሊተ ፡ ካልኣነ ፡ ዓመተ ፡ ሰብዐተ ፡ ከመ ፡ ትርዐይ ፡ አባግዕየ ፡ በከመ ፡ ገበርከ ፡ በሱባዔ ፡ ቀዳሚ ።	ወይቤ ፡ ላባ ፡ ለያዕቆብ ፡ ይኅልፍ ፡ ሰቡዐ ፡ መዋዕለ ፡ ግዝእ ፡ ለዛ ፡ ወእሁበከ ፡ ራሔልሃ ፡ ከመ ፡ ትትቀነይ ፡ ሊተ ፡ ካልኣነ ፡ ዓመተ ፡ ሰብዐተ ፡ ከመ ፡ ትርዐይ ፡ አባግዕየ ፡ በከመ ፡ ገበርከ ፡ በሱባዔ ፡ ቀዳሚ ።
28:9	ወበመዋዕል ፡ አመ ፡ ኀለፈ ፡ ሰቡዕ ፡ ዕለት ፡ ዘግዝእ ፡ ዘልያ ፡ ወወሀቦ ፡ ላባ ፡ ራሔልሃ ፡ ለያዕቆብ ፡ ከመ ፡ ይትቀነይ ፡ ሎቱ ፡ ካልአተ ፡ ዓመተ ፡ ሰብዐተ ፡ ወወሀባ ፡ ባላንሃ ፡ እኅታ ፡ ለዘለፋ ፡ ላእኪተ ።	ወበመዋዕል ፡ አመ ፡ ኀለፈ ፡ ሰቡዕ ፡ ዕለት ፡ ዘግዝእ ፡ ዘልያ ፡ ወወሀቦ ፡ ላባ ፡ ራሔልሃ ፡ ለያዕቆብ ፡ ከመ ፡ ይትቀነይ ፡ ሎቱ ፡ ካልአተ ፡ ዓመተ ፡ ሰብዐተ ፡ ወወሀባ ፡ ባላንሃ ፡ እኅታ ፡ ለዘለፋ ፡ ላእኪተ ።
28:10	ወተቀንየ ፡ ሰብዐተ ፡ ዓመተ ፡ ዳግመ ፡ በእንተ ፡ ራሔል ፡ እስመ ፡ ልያ ፡ ተውህበቶ ፡ በከ ።	ወተቀንየ ፡ ሰብዐተ ፡ ዓመተ ፡ ዳግመ ፡ በእንተ ፡ ራሔል ፡ እስመ ፡ ልያ ፡ ተውህበቶ ፡ በከ ።
28:11	ወአርኀወ ፡ እግዚአብሔር ፡ ማሕፀነ ፡ ልያ ፡ ወፀንሰት ፡ ወወለደት ፡ ለያዕቆብ ፡ ወልደ ፡ ወጸውዐ ፡ ስሞ ፡ ሮቤል ።	ወአርኀወ ፡ እግዚአብሔር ፡ ማሕፀነ ፡ ልያ ፡ ወፀንሰት ፡ ወወለደት ፡ ለያዕቆብ ፡ ወልደ ፡ ወጸውዐ ፡ ስሞ ፡ ሮቤል ።
28:12	ወማሕፀናሰ ፡ ለራሔል ፡ ተጸፍቀ ፡ እስመ ፡ ርእየ ፡ እግዚአብሔር ፡ ከመ ፡ ትጸላእ ፡ ልያ ፡ ወራሔልሰ ፡ ትትፈቀር ።	ወማሕፀናሰ ፡ ለራሔል ፡ ተጸፍቀ ፡ እስመ ፡ ርእየ ፡ እግዚአብሔር ፡ ከመ ፡ ትጸላእ ፡ ልያ ፡ ወራሔልሰ ፡ ትትፈቀር ።
28:13	ወደገመ ፡ ያዕቆብ ፡ ቦአ ፡ ኀበ ፡ ልያ ፡ ወፀንሰት ፡ ወወለደት ፡ ለያዕቆብ ፡ ወልደ ፡ ካልአ ፡ ወጸውዐ ፡ ስሞ ፡ ስምዖን ።	ወደገመ ፡ ያዕቆብ ፡ ቦአ ፡ ኀበ ፡ ልያ ፡ ወፀንሰት ፡ ወወለደት ፡ ለያዕቆብ ፡ ወልደ ፡ ካልአ ፡ ወጸውዐ ፡ ስሞ ፡ ስምዖን ።
28:14	ወደገመ ፡ ያዕቆብ ፡ ወቦአ ፡ ኀበ ፡ ልያ ፡ ወፀንሰት ፡ ወወለደት ፡ ሎቱ ፡ ወልደ ፡ ሣልሰ ፡ ወጸውዐ ፡ ስሞ ፡ ሌዊ ።	ወደገመ ፡ ያዕቆብ ፡ ወቦአ ፡ ኀበ ፡ ልያ ፡ ወፀንሰት ፡ ወወለደት ፡ ሎቱ ፡ ወልደ ፡ ሣልሰ ፡ ወጸውዐ ፡ ስሞ ፡ ሌዊ ።
28:15	ወደገመ ፡ ካዕበ ፡ ወቦአ ፡ ኀቤሃ ፡ ወወለደት ፡ ወልደ ፡ ራብዐ ።	ወደገመ ፡ ካዕበ ፡ ወቦአ ፡ ኀቤሃ ፡ ወወለደት ፡ ወልደ ፡ ራብዐ ።
28:16	ወበዝ ፡ ኵሉ ፡ ራሔል ፡ ትቀንእ ፡ በልያ ፡ እስመ ፡ ይእቲ ፡ ኢትወልድ ።	ወበዝ ፡ ኵሉ ፡ ራሔል ፡ ትቀንእ ፡ በልያ ፡ እስመ ፡ ይእቲ ፡ ኢትወልድ ።
28:17	ወሶበ ፡ ርእየት ፡ ራሔል ፡ ከመ ፡ ወለደት ፡ ልያ ፡ ደቀ ፡ አርባዕተ ፡ ለያዕቆብ ፡ ሮቤልሃ ፡ ወስምዖንሃ ፡ ወሌዊሃ ፡ ወይሁዳሃ ።	ወሶበ ፡ ርእየት ፡ ራሔል ፡ ከመ ፡ ወለደት ፡ ልያ ፡ ደቀ ፡ አርባዕተ ፡ ለያዕቆብ ፡ ሮቤልሃ ፡ ወስምዖንሃ ፡ ወሌዊሃ ፡ ወይሁዳሃ ።
28:18	ወቦአ ፡ ወፀንሰት ፡ ወወለደት ፡ ሎቱ ፡ ወልደ ።	ወቦአ ፡ ወፀንሰት ፡ ወወለደት ፡ ሎቱ ፡ ወልደ ።
28:19	ወደገመ ፡ ያዕቆብ ፡ ካዕበ ፡ ወቦአ ፡ ኀበ ፡ ባላ ፡ ወፀንሰት ፡ ወወለደት ፡ ወልደ ፡ ዳግመ ፡ ለያዕቆብ ፡ ወጸውዐት ፡ ስሞ ፡ ራሔል ፡ ንፍታሌም ፡ በኀሙሱ ፡ ለወርኅ ፡ ሳብዕ ፡ በካልእ ፡ ዓም ፡ ዘሱባዔ ፡ ራብዕ ።	ወደገመ ፡ ያዕቆብ ፡ ካዕበ ፡ ወቦአ ፡ ኀበ ፡ ባላ ፡ ወፀንሰት ፡ ወወለደት ፡ ወልደ ፡ ዳግመ ፡ ለያዕቆብ ፡ ወጸውዐት ፡ ስሞ ፡ ራሔል ፡ ንፍታሌም ፡ በኀሙሱ ፡ ለወርኅ ፡ ሳብዕ ፡ በካልእ ፡ ዓም ፡ ዘሱባዔ ፡ ራብዕ ።
28:20	ወሶበ ፡ ርእየት ፡ ልያ ፡ ከመ ፡ መከነት ፡ ወኢትወልድ ፡ ቀንአት ፡ ይእቲኒ ፡ ለራሔል ፡ ወወሀበት ፡ ይእቲኒ ፡ ዘለፋሃ ፡ ላእኪታ ፡ ለያዕቆብ ፡ ብእሲተ ፡ ወፀንሰት ፡ ወወለደት ፡ ወልደ ፡ ወጸውዐት ፡ ስሞ ፡ ልያ ፡ ጋድ ፡ አመ ፡ ዐሡሩ ፡ ወሰኑዩ ፡ ለወርኅ ፡ ሳምን ፡ በሣልስ ፡ ዓመት ፡ ዘሱባዔ ፡ ራብዕ ።	ወሶበ ፡ ርእየት ፡ ልያ ፡ ከመ ፡ መከነት ፡ ወኢትወልድ ፡ ቀንአት ፡ ይእቲኒ ፡ ለራሔል ፡ ወወሀበት ፡ ይእቲኒ ፡ ዘለፋሃ ፡ ላእኪታ ፡ ለያዕቆብ ፡ ብእሲተ ፡ ወፀንሰት ፡ ወወለደት ፡ ወልደ ፡ ወጸውዐት ፡ ስሞ ፡ ልያ ፡ ጋድ ፡ አመ ፡ ዐሡሩ ፡ ወሰኑዩ ፡ ለወርኅ ፡ ሳምን ፡ በሣልስ ፡ ዓመት ፡ ዘሱባዔ ፡ ራብዕ ።
28:21	ወደገመ ፡ ቦአ ፡ ኀቤሃ ፡ ወፀንሰት ፡ ወወለደት ፡ ሎቱ ፡ ወልደ ፡ ካልአ ፡ ወጸውዐት ፡ ስሞ ፡ ልያ ፡ አሴር ፡ በሰኑዩ ፡ ለወርኅ ፡ ዘዐሠርቱ ፡ ወአሐዱ ፡ በዓመት ፡ ኃምስ ፡ ዘሱባዔ ፡ ራብዕ ።	ወደገመ ፡ ቦአ ፡ ኀቤሃ ፡ ወፀንሰት ፡ ወወለደት ፡ ሎቱ ፡ ወልደ ፡ ካልአ ፡ ወጸውዐት ፡ ስሞ ፡ ልያ ፡ አሴር ፡ በሰኑዩ ፡ ለወርኅ ፡ ዘዐሠርቱ ፡ ወአሐዱ ፡ በዓመት ፡ ኃምስ ፡ ዘሱባዔ ፡ ራብዕ ።
28:22	ወቦአ ፡ ያዕቆብ ፡ ኀበ ፡ ልያ ፡ ወፀንሰት ፡ ወወለደት ፡ ለያዕቆብ ፡ ወልደ ፡ ወጸውዐ ፡ ስሞ ፡ ይሳኮር ፡ በረቡዑ ፡ ለኃምስ ፡ ወርኅ ፡ በዓመት ፡ ራብዕ ፡ ዘሱባዔ ፡ ራብዕ ።	ወቦአ ፡ ያዕቆብ ፡ ኀበ ፡ ልያ ፡ ወፀንሰት ፡ ወወለደት ፡ ለያዕቆብ ፡ ወልደ ፡ ወጸውዐ ፡ ስሞ ፡ ይሳኮር ፡ በረቡዑ ፡ ለኃምስ ፡ ወርኅ ፡ በዓመት ፡ ራብዕ ፡ ዘሱባዔ ፡ ራብዕ ።
28:23	ወቦአ ፡ ያዕቆብ ፡ ዳግመ ፡ ኀቤሃ ፡ ወፀንሰት ፡ ወወለደት ፡ ክልኤተ ፡ ወልደ ፡ ወወለተ ፡ ወጸውዐት ፡ ስሞ ፡ ለወልድ ፡ ዛብሎን ፡ ወለወለት ፡ ዲና ፡ ስማ ።	ወቦአ ፡ ያዕቆብ ፡ ዳግመ ፡ ኀቤሃ ፡ ወፀንሰት ፡ ወወለደት ፡ ክልኤተ ፡ ወልደ ፡ ወወለተ ፡ ወጸውዐት ፡ ስሞ ፡ ለወልድ ፡ ዛብሎን ፡ ወለወለት ፡ ዲና ፡ ስማ ።
28:24	ወተሣሀላ ፡ እግዚአብሔር ፡ ለራሔል ፡ ወአርኀወ ፡ ማሕፀና ።	ወተሣሀላ ፡ እግዚአብሔር ፡ ለራሔል ፡ ወአርኀወ ፡ ማሕፀና ።
28:25	ወበመዋዕለ ፡ ተወልደ ፡ ዮሴፍ ፡ ይቤ ፡ ያዕቆብ ፡ ለላባ ፡ ሀበኒ ፡ አንስትያየ ፡ ወውሉድየ ፡ ወእሖር ፡ ኀበ ፡ አቡየ ፡ ይስሐቅ ፡ ወእግበር ፡ ሊተ ፡ ቤተ ፡ እስመ ፡ ፈጸምኩ ፡ ዓመታተ ፡ ዘተቀነይኩ ፡ ለከ ፡ ህየንተ ፡ ክልኤቲ ፡ አዋልዲከ ፡ ወአሐውር ፡ ቤተ ፡ አቡየ ።	ወበመዋዕለ ፡ ተወልደ ፡ ዮሴፍ ፡ ይቤ ፡ ያዕቆብ ፡ ለላባ ፡ ሀበኒ ፡ አንስትያየ ፡ ወውሉድየ ፡ ወእሖር ፡ ኀበ ፡ አቡየ ፡ ይስሐቅ ፡ ወእግበር ፡ ሊተ ፡ ቤተ ፡ እስመ ፡ ፈጸምኩ ፡ ዓመታተ ፡ ዘተቀነይኩ ፡ ለከ ፡ ህየንተ ፡ ክልኤቲ ፡ አዋልዲከ ፡ ወአሐውር ፡ ቤተ ፡ አቡየ ።
28:26	ወይቤሎ ፡ ላባ ፡ ለያዕቆብ ፡ ንበር ፡ ኀቤየ ፡ በዐስብከ ፡ ወረዐይ ፡ ሊተ ፡ ካዕበ ፡ መርዔትየ ፡ ወንሣእ ፡ ዐስበከ ።	ወይቤሎ ፡ ላባ ፡ ለያዕቆብ ፡ ንበር ፡ ኀቤየ ፡ በዐስብከ ፡ ወረዐይ ፡ ሊተ ፡ ካዕበ ፡ መርዔትየ ፡ ወንሣእ ፡ ዐስበከ ።
28:27	ወተካሀሉ ፡ በበይናቲሆሙ ፡ ከመ ፡ የሀቦ ፡ ዐስቦ ፡ ኵሎ ፡ በግዐ ፡ እመሓስእ ፡ ወእምጠሊ ፡ ሐመደ ፡ ከቦ ፡ ወጋስ ፡ በጸዐዳ ፡ ዘተወልደ ፡ ይኩኖ ፡ ዐስቦ ።	ወተካሀሉ ፡ በበይናቲሆሙ ፡ ከመ ፡ የሀቦ ፡ ዐስቦ ፡ ኵሎ ፡ በግዐ ፡ እመሓስእ ፡ ወእምጠሊ ፡ ሐመደ ፡ ከቦ ፡ ወጋስ ፡ በጸዐዳ ፡ ዘተወልደ ፡ ይኩኖ ፡ ዐስቦ ።
28:28	ወይወልድ ፡ ኵሉ ፡ አባግዕ ፡ ጋስ ፡ ኵሎ ፡ ዘትእምርተ ፡ ኰሳኵሰ ፡ ዘቦ ፡ ኵሉ ፡ ወሐመደ ፡ ክቦ ፡ ኰሳኵሰ ፡ ወይደግማ ፡ አባግዕ ፡ ይወልዳ ፡ ዘበአርአያሆን ፡ ወኵሉ ፡ ዘትእምርተ ፡ ለያዕቆብ ፡ ወዘአልቦ ፡ ትእምርት ፡ ለላባ ።	ወይወልድ ፡ ኵሉ ፡ አባግዕ ፡ ጋስ ፡ ኵሎ ፡ ዘትእምርተ ፡ ኰሳኵሰ ፡ ዘቦ ፡ ኵሉ ፡ ወሐመደ ፡ ክቦ ፡ ኰሳኵሰ ፡ ወይደግማ ፡ አባግዕ ፡ ይወልዳ ፡ ዘበአርአያሆን ፡ ወኵሉ ፡ ዘትእምርተ ፡ ለያዕቆብ ፡ ወዘአልቦ ፡ ትእምርት ፡ ለላባ ።
28:29	ወበዝኀ ፡ ጥሪቱ ፡ ለያዕቆብ ፡ ጥቀ ፡ ወአጥረየ ፡ አልህምተ ፡ ወአባግዐ ፡ ወአእዱገ ፡ ወአግማለ ፡ ወደቀ ፡ ወአዋልደ ።	ወበዝኀ ፡ ጥሪቱ ፡ ለያዕቆብ ፡ ጥቀ ፡ ወአጥረየ ፡ አልህምተ ፡ ወአባግዐ ፡ ወአእዱገ ፡ ወአግማለ ፡ ወደቀ ፡ ወአዋልደ ።
28:30	ወቀንአ ፡ ላባ ፡ ወውሉዱ ፡ ላዕለ ፡ ያዕቆብ ፡ ወአስተጋብአ ፡ ላባ ፡ አባግዒሁ ፡ እምኔሁ ፡ ወያስተሐይጾ ፡ ለእኩይ ።	ወቀንአ ፡ ላባ ፡ ወውሉዱ ፡ ላዕለ ፡ ያዕቆብ ፡ ወአስተጋብአ ፡ ላባ ፡ አባግዒሁ ፡ እምኔሁ ፡ ወያስተሐይጾ ፡ ለእኩይ ።