Jubilees

Jubilees 41 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
41:1	ወበአርብ ፡ ወኀምስቱ ፡ ኢዮቤልዉ ፡ ወዳግም ፡ ሱባዔ ፡ በዓመት ፡ ካልእ ፡ ነሥአ ፡ ይሁዳ ፡ ለዔር ፡ በኵሩ ፡ ብእሲተ ፡ እምነ ፡ አዋልደ ፡ አራም ፡ ወስማ ፡ ትዕማር ።	ወበአርብ ፡ ወኀምስቱ ፡ ኢዮቤልዉ ፡ ወዳግም ፡ ሱባዔ ፡ በዓመት ፡ ካልእ ፡ ነሥአ ፡ ይሁዳ ፡ ለዔር ፡ በኵሩ ፡ ብእሲተ ፡ እምነ ፡ አዋልደ ፡ አራም ፡ ወስማ ፡ ትዕማር ።
41:2	ወጸልአ ፡ ወኢሰከበ ፡ ምስሌሃ ፡ እስመ ፡ እምአዋልደ ፡ ከናአን ፡ እሙ ፡ ወፈቀደ ፡ ይንሣእ ፡ ሎቱ ፡ ብእሲተ ፡ እምነገደ ፡ እሙ ፡ ወኢአብሖ ፡ ይሁዳ ፡ አቡሁ ።	ወጸልአ ፡ ወኢሰከበ ፡ ምስሌሃ ፡ እስመ ፡ እምአዋልደ ፡ ከናአን ፡ እሙ ፡ ወፈቀደ ፡ ይንሣእ ፡ ሎቱ ፡ ብእሲተ ፡ እምነገደ ፡ እሙ ፡ ወኢአብሖ ፡ ይሁዳ ፡ አቡሁ ።
41:3	ወውእቱ ፡ ዔር ፡ በኵሩ ፡ ለይሁዳ ፡ እኩይ ፡ ወቀተሎ ፡ እግዚአብሔር ።	ወውእቱ ፡ ዔር ፡ በኵሩ ፡ ለይሁዳ ፡ እኩይ ፡ ወቀተሎ ፡ እግዚአብሔር ።
41:4	ወይቤ ፡ ይሁዳ ፡ ለአውናን ፡ እኁሁ ፡ ባእ ፡ ኀበ ፡ ብእሲተ ፡ እኁሁ ፡ ወረስያ ፡ ኑዕልተ ፡ ወአንሥእ ፡ ዘርአ ፡ ለእኁከ ።	ወይቤ ፡ ይሁዳ ፡ ለአውናን ፡ እኁሁ ፡ ባእ ፡ ኀበ ፡ ብእሲተ ፡ እኁሁ ፡ ወረስያ ፡ ኑዕልተ ፡ ወአንሥእ ፡ ዘርአ ፡ ለእኁከ ።
41:5	ወአእመረ ፡ አውናን ፡ ከመ ፡ ኢኮነ ፡ ዘዚአሁ ፡ ዘርእ ፡ ክመ ፡ ዘእኁሁ ።	ወአእመረ ፡ አውናን ፡ ከመ ፡ ኢኮነ ፡ ዘዚአሁ ፡ ዘርእ ፡ ክመ ፡ ዘእኁሁ ።
41:6	ወይቤ ፡ ይሁዳ ፡ ለትዕማር ፡ መርዓቱ ፡ ንበሪ ፡ ቤተ ፡ አቡኪ ፡ እንዘ ፡ ትመዐስቢ ፡ እስከ ፡ አመ ፡ ይልህቅ ፡ ሴሎም ፡ ወልድየ ፡ ወእሁበኪ ፡ ሎቱ ፡ ብእሲተ ።	ወይቤ ፡ ይሁዳ ፡ ለትዕማር ፡ መርዓቱ ፡ ንበሪ ፡ ቤተ ፡ አቡኪ ፡ እንዘ ፡ ትመዐስቢ ፡ እስከ ፡ አመ ፡ ይልህቅ ፡ ሴሎም ፡ ወልድየ ፡ ወእሁበኪ ፡ ሎቱ ፡ ብእሲተ ።
41:7	ወልህቀ ፡ ወኢኀደገት ፡ ቤድሱኤል ፡ ብእሲተ ፡ ይሁዳ ፡ ሴሎምሃ ፡ ወልዳ ፡ ከመ ፡ ያውስብ ።	ወልህቀ ፡ ወኢኀደገት ፡ ቤድሱኤል ፡ ብእሲተ ፡ ይሁዳ ፡ ሴሎምሃ ፡ ወልዳ ፡ ከመ ፡ ያውስብ ።
41:8	ወበሳድስ ፡ ዓመቱ ፡ ዐርገ ፡ ይሁዳ ፡ ይቅርጽ ፡ አባግዒሁ ፡ በቴምናታ ።	ወበሳድስ ፡ ዓመቱ ፡ ዐርገ ፡ ይሁዳ ፡ ይቅርጽ ፡ አባግዒሁ ፡ በቴምናታ ።
41:9	ወአንበረት ፡ አልባሰ ፡ ምዕስብናሃ ፡ ወለብሰት ፡ ግልባቤ ፡ ወተሠነየት ፡ ወነበረት ፡ ውስተ ፡ አንቀጽ ፡ እንተ ፡ መንገለ ፡ ፍኖተ ፡ ቴምናታ ።	ወአንበረት ፡ አልባሰ ፡ ምዕስብናሃ ፡ ወለብሰት ፡ ግልባቤ ፡ ወተሠነየት ፡ ወነበረት ፡ ውስተ ፡ አንቀጽ ፡ እንተ ፡ መንገለ ፡ ፍኖተ ፡ ቴምናታ ።
41:10	ወእንዘ ፡ የሐውር ፡ ይሁዳ ፡ ረከባ ፡ ወተሐዘባ ፡ ከመ ፡ ዘማዊት ፡ ወይቤላ ፡ እባእ ፡ ኀቤኪ ፡ ወትቤሎ ፡ ባእ ፡ ወቦአ ።	ወእንዘ ፡ የሐውር ፡ ይሁዳ ፡ ረከባ ፡ ወተሐዘባ ፡ ከመ ፡ ዘማዊት ፡ ወይቤላ ፡ እባእ ፡ ኀቤኪ ፡ ወትቤሎ ፡ ባእ ፡ ወቦአ ።
41:11	ወትቤሎ ፡ ሀበኒ ፡ ደነስየ ፡ ወይቤላ ፡ አልብየ ፡ ውስተ ፡ እዴየ ፡ ዘእንበለ ፡ ሕልቀት ፡ ዘአጽባዕትየ ፡ ወድጕልማየ ፡ ወበትርየ ፡ ዘውስተ ፡ እዴየ ፡	ወትቤሎ ፡ ሀበኒ ፡ ደነስየ ፡ ወይቤላ ፡ አልብየ ፡ ውስተ ፡ እዴየ ፡ ዘእንበለ ፡ ሕልቀት ፡ ዘአጽባዕትየ ፡ ወድጕልማየ ፡ ወበትርየ ፡ ዘውስተ ፡ እዴየ ፡
41:12	ወትቤሎ ፡ ሀበኒ ፡ ኪያሆሙ ፡ እስከ ፡ ሶበ ፡ ትፌኑ ፡ ሊተ ፡ ደነስየ ።	ወትቤሎ ፡ ሀበኒ ፡ ኪያሆሙ ፡ እስከ ፡ ሶበ ፡ ትፌኑ ፡ ሊተ ፡ ደነስየ ።
41:13	ወሖረ ፡ ይሁዳ ፡ ውስተ ፡ አባግዒሁ ፡ ወይእቲኒ ፡ ሖረት ፡ ቤተ ፡ አቡሃ ።	ወሖረ ፡ ይሁዳ ፡ ውስተ ፡ አባግዒሁ ፡ ወይእቲኒ ፡ ሖረት ፡ ቤተ ፡ አቡሃ ።
41:14	ወፈነወ ፡ ይሁዳ ፡ መሕስአ ፡ በእደ ፡ ኖላዊሁ ፡ አዶላማዊ ፡ ወኀጥአ ፡ ወተስእሎሙ ፡ ለሰብአ ፡ ብሔር ፡ እንዘ ፡ ይብል ፡ አይቴ ፡ ሀለወት ፡ ዘማዊት ፡ እንተ ፡ ዝየ ፡ ወይቤልዎ ፡ አልቦ ፡ ዝየስ ፡ ዘማዊት ፡ ወአልብነ ፡ ኀቤነ ፡ ዘማዊተ ፡ 15 ወገብአ ፡ ወአይድዖ ፡ ከመ ፡ ኀጥአ ፡ ወይቤሎ ፡ ተስእልኩ ፡ ሰብአ ፡ ብሔርኒ ፡ ወይቤሉኒ ፡ አልቦ ፡ ዝየስ ፡ ዘማዊተ ።	ወፈነወ ፡ ይሁዳ ፡ መሕስአ ፡ በእደ ፡ ኖላዊሁ ፡ አዶላማዊ ፡ ወኀጥአ ፡ ወተስእሎሙ ፡ ለሰብአ ፡ ብሔር ፡ እንዘ ፡ ይብል ፡ አይቴ ፡ ሀለወት ፡ ዘማዊት ፡ እንተ ፡ ዝየ ፡ ወይቤልዎ ፡ አልቦ ፡ ዝየስ ፡ ዘማዊት ፡ ወአልብነ ፡ ኀቤነ ፡ ዘማዊተ ፡ 15 ወገብአ ፡ ወአይድዖ ፡ ከመ ፡ ኀጥአ ፡ ወይቤሎ ፡ ተስእልኩ ፡ ሰብአ ፡ ብሔርኒ ፡ ወይቤሉኒ ፡ አልቦ ፡ ዝየስ ፡ ዘማዊተ ።
41:16	ወእንዘ ፡ አእከለት ፡ ሠለስተ ፡ አውራኀ ፡ ተዐውቀት ፡ ከመ ፡ ፀንሰት ፡ ይእቲ ።	ወእንዘ ፡ አእከለት ፡ ሠለስተ ፡ አውራኀ ፡ ተዐውቀት ፡ ከመ ፡ ፀንሰት ፡ ይእቲ ።
41:17	ወሖረ ፡ ይሁዳ ፡ ቤተ ፡ አቡሃ ፡ ወይቤሎሙ ፡ ለአቡሃ ፡ ወለአኀዊሃ ፡ አውፅእዋ ፡ ወያውዕይዋ ፡ እስመ ፡ ገብረት ፡ ርኵሰ ፡ በውስተ ፡ እስራኤል ።	ወሖረ ፡ ይሁዳ ፡ ቤተ ፡ አቡሃ ፡ ወይቤሎሙ ፡ ለአቡሃ ፡ ወለአኀዊሃ ፡ አውፅእዋ ፡ ወያውዕይዋ ፡ እስመ ፡ ገብረት ፡ ርኵሰ ፡ በውስተ ፡ እስራኤል ።
41:18	ወኮነ ፡ ሶበ ፡ አውፅእዋ ፡ ከመ ፡ ያውዕይዋ ፡ ፈነወት ፡ ለሐሙሃ ፡ ሕልቀተ ፡ ወድጕልማ ፡ ወበትረ ፡ ወትቤ ፡ አእምርአ ፡ ዘመኑአ ፡ ዝንቱአ ፡ እስመአ ፡ ሎቱአ ፡ ፀነስኩአ ።	ወኮነ ፡ ሶበ ፡ አውፅእዋ ፡ ከመ ፡ ያውዕይዋ ፡ ፈነወት ፡ ለሐሙሃ ፡ ሕልቀተ ፡ ወድጕልማ ፡ ወበትረ ፡ ወትቤ ፡ አእምርአ ፡ ዘመኑአ ፡ ዝንቱአ ፡ እስመአ ፡ ሎቱአ ፡ ፀነስኩአ ።
41:19	ወአእመረ ፡ ይሁዳ ፡ ወይቤ ፡ ጸድቀት ፡ ትዕማር ፡ እምኔየ ፡ ወኢያውዕይዋ ፡ እንከ ፡	ወአእመረ ፡ ይሁዳ ፡ ወይቤ ፡ ጸድቀት ፡ ትዕማር ፡ እምኔየ ፡ ወኢያውዕይዋ ፡ እንከ ፡
41:20	ወበእንተዝ ፡ ኢተውህበት ፡ ለሴሎም ፡ ወኢደገመ ፡ እንከ ፡ ቀሪቦታ ።	ወበእንተዝ ፡ ኢተውህበት ፡ ለሴሎም ፡ ወኢደገመ ፡ እንከ ፡ ቀሪቦታ ።
41:21	ወእምዝ ፡ ፀንሰት ፡ ወወለደት ፡ ክልኤተ ፡ ደቀ ፡ ፋሬስሃ ፡ ወዛራሃ ፡ በዓመት ፡ ሳብዕ ፡ ዘዝንቱ ፡ ሱባዔ ፡ ዘዳግም ፡	ወእምዝ ፡ ፀንሰት ፡ ወወለደት ፡ ክልኤተ ፡ ደቀ ፡ ፋሬስሃ ፡ ወዛራሃ ፡ በዓመት ፡ ሳብዕ ፡ ዘዝንቱ ፡ ሱባዔ ፡ ዘዳግም ፡
41:22	ወእምዝ ፡ ተፈጸመ ፡ ሰብዐቱ ፡ ዓመት ፡ ዘሰምር ፡ ዘይቤሎ ፡ ዮሴፍ ፡ ለፈርዖን ።	ወእምዝ ፡ ተፈጸመ ፡ ሰብዐቱ ፡ ዓመት ፡ ዘሰምር ፡ ዘይቤሎ ፡ ዮሴፍ ፡ ለፈርዖን ።
41:23	ወአእመረ ፡ ይሁዳ ፡ ከመ ፡ እኩይ ፡ ግብር ፡ ዘገብረ ፡ እስመ ፡ ሰከበ ፡ ምስለ ፡ መርዓቱ ፡ ወአስተሐሠመ ፡ በቅድመ ፡ አዕይንቲሁ ፡ ወአእመረ ፡ ከመ ፡ አበሰ ፡ ወስሕተ ፡ እስመ ፡ ከሠተ ፡ ክድነተ ፡ ወልዱ ፡ ወአኀዘ ፡ ይላሑ ፡ ወይትመሐለል ፡ ቅድመ ፡ እግዚአብሔር ፡ በእንተ ፡ አበሳሁ ።	ወአእመረ ፡ ይሁዳ ፡ ከመ ፡ እኩይ ፡ ግብር ፡ ዘገብረ ፡ እስመ ፡ ሰከበ ፡ ምስለ ፡ መርዓቱ ፡ ወአስተሐሠመ ፡ በቅድመ ፡ አዕይንቲሁ ፡ ወአእመረ ፡ ከመ ፡ አበሰ ፡ ወስሕተ ፡ እስመ ፡ ከሠተ ፡ ክድነተ ፡ ወልዱ ፡ ወአኀዘ ፡ ይላሑ ፡ ወይትመሐለል ፡ ቅድመ ፡ እግዚአብሔር ፡ በእንተ ፡ አበሳሁ ።
41:24	ወነገርናሁ ፡ በሕልም ፡ ከመ ፡ ይሰረይ ፡ ሎቱ ፡ እስመ ፡ ተማሕለለ ፡ ጥቀ ፡ ወእስመ ፡ ላሐወ ፡ ወኢገብረ ፡ እንከ ፡	ወነገርናሁ ፡ በሕልም ፡ ከመ ፡ ይሰረይ ፡ ሎቱ ፡ እስመ ፡ ተማሕለለ ፡ ጥቀ ፡ ወእስመ ፡ ላሐወ ፡ ወኢገብረ ፡ እንከ ፡
41:25	ወኮነ ፡ ሎቱ ፡ ስርየት ፡ እስመ ፡ ተመይጠ ፡ እምኀጢአቱ ፡ ወእምኢያእምሮቱ ፡ እስመ ፡ ዐቢይ ፡ አበሳ ፡ አምላክነ ።	ወኮነ ፡ ሎቱ ፡ ስርየት ፡ እስመ ፡ ተመይጠ ፡ እምኀጢአቱ ፡ ወእምኢያእምሮቱ ፡ እስመ ፡ ዐቢይ ፡ አበሳ ፡ አምላክነ ።
41:26	ወአንተኒ ፡ አዝዞሙ ፡ ለውሉደ ፡ እስራኤል ፡ ወኢይኩን ፡ ርኵስ ፡ በማእከሎሙ ፡ እስመ ፡ ኵሉ ፡ ዘይሰክብ ፡ ምስለ ፡ መርዓቱ ፡ ወምስለ ፡ ሐማቱ ፡ ርኵሰ ፡ ገብረ ፡ በእሳት ፡ ያውዕዩ ፡ ብእሴ ፡ ዘሰከበ ፡ ምስሌሃ ፡ ወብእሲተኒ ፡ ወየኀድግ ፡ መዓተ ፡ ወመቅሠፍተ ፡ እምእስራኤል ።	ወአንተኒ ፡ አዝዞሙ ፡ ለውሉደ ፡ እስራኤል ፡ ወኢይኩን ፡ ርኵስ ፡ በማእከሎሙ ፡ እስመ ፡ ኵሉ ፡ ዘይሰክብ ፡ ምስለ ፡ መርዓቱ ፡ ወምስለ ፡ ሐማቱ ፡ ርኵሰ ፡ ገብረ ፡ በእሳት ፡ ያውዕዩ ፡ ብእሴ ፡ ዘሰከበ ፡ ምስሌሃ ፡ ወብእሲተኒ ፡ ወየኀድግ ፡ መዓተ ፡ ወመቅሠፍተ ፡ እምእስራኤል ።
41:27	ወለይሁዳኒ ፡ ነገርናሁ ፡ ከመ ፡ ኢሰከቡ ፡ ምስሌሃ ፡ ክልኤሆሙ ፡ ደቂቁ ።	ወለይሁዳኒ ፡ ነገርናሁ ፡ ከመ ፡ ኢሰከቡ ፡ ምስሌሃ ፡ ክልኤሆሙ ፡ ደቂቁ ።
41:28	እስመ ፡ በየውሀተ ፡ አዕይንቲሁ ፡ ሖረ ፡ ወኀሠሠ ፡ ኵነኔ ፡ እስመ ፡ እምፍትሐ ፡ አብርሃም ፡ ዘአዘዞሙ ፡ ለውሉዱ ፡ ፈቀደ ፡ ይሁዳ ፡ ያውዕያ ፡ በእሳት ።	እስመ ፡ በየውሀተ ፡ አዕይንቲሁ ፡ ሖረ ፡ ወኀሠሠ ፡ ኵነኔ ፡ እስመ ፡ እምፍትሐ ፡ አብርሃም ፡ ዘአዘዞሙ ፡ ለውሉዱ ፡ ፈቀደ ፡ ይሁዳ ፡ ያውዕያ ፡ በእሳት ።