Jubilees

Jubilees 46 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
46:1	ወኮነ ፡ እምድኅረ ፡ ሞተ ፡ ያዕቆብ ፡ በዝኁ ፡ ውሉደ ፡ እስራኤል ፡ በምድረ ፡ ግብጽ ፡ ወኮኑ ፡ ሕዝበ ፡ ብዙኀ ፡ ወኮኑ ፡ ኵሎሙ ፡ ዕሩያነ ፡ በልቦሙ ፡ ከመ ፡ ያፍቅር ፡ እኅው ፡ እኅዋሁ ፡ ወከመ ፡ ይትራዳእ ፡ ብእሲ ፡ ምስለ ፡ እኁሁ ፡ ወበዝኁ ፡ ወፈድፋዱ ፡ ጥቀ ።	ወኮነ ፡ እምድኅረ ፡ ሞተ ፡ ያዕቆብ ፡ በዝኁ ፡ ውሉደ ፡ እስራኤል ፡ በምድረ ፡ ግብጽ ፡ ወኮኑ ፡ ሕዝበ ፡ ብዙኀ ፡ ወኮኑ ፡ ኵሎሙ ፡ ዕሩያነ ፡ በልቦሙ ፡ ከመ ፡ ያፍቅር ፡ እኅው ፡ እኅዋሁ ፡ ወከመ ፡ ይትራዳእ ፡ ብእሲ ፡ ምስለ ፡ እኁሁ ፡ ወበዝኁ ፡ ወፈድፋዱ ፡ ጥቀ ።
46:2	ወአልቦ ፡ ሰይጣነ ፡ ወአልቦ ፡ ምንተኒ ፡ እኩየ ፡ ኵሎ ፡ መዋዕለ ፡ ሕይወቱ ፡ ለዮሴፍ ፡ እለ ፡ ሐይወ ፡ እምድኅረ ፡ አቡሁ ፡ ያዕቆብ ።	ወአልቦ ፡ ሰይጣነ ፡ ወአልቦ ፡ ምንተኒ ፡ እኩየ ፡ ኵሎ ፡ መዋዕለ ፡ ሕይወቱ ፡ ለዮሴፍ ፡ እለ ፡ ሐይወ ፡ እምድኅረ ፡ አቡሁ ፡ ያዕቆብ ።
46:3	ወሞተ ፡ ዮሴፍ ፡ ወልደ ፡ ምእት ፡ ወዐሠርቱ ፡ ዓመት ፡ ወዐሠርተ ፡ ወሰብዐተ ፡ ዓመተ ፡ ነበረ ፡ ምድረ ፡ ከናአን ፡ ወዐሠርተ ፡ ዓመተ ፡ ነበረ ፡ እንዘ ፡ ይትቀነይ ።	ወሞተ ፡ ዮሴፍ ፡ ወልደ ፡ ምእት ፡ ወዐሠርቱ ፡ ዓመት ፡ ወዐሠርተ ፡ ወሰብዐተ ፡ ዓመተ ፡ ነበረ ፡ ምድረ ፡ ከናአን ፡ ወዐሠርተ ፡ ዓመተ ፡ ነበረ ፡ እንዘ ፡ ይትቀነይ ።
46:4	ወሞተ ፡ ወኵሎሙ ፡ አኀዊሁ ፡ ወኵላ ፡ ይእቲ ፡ ትውልድ ፡ 5 ወአዘዞሙ ፡ ለውሉደ ፡ እስራኤል ፡ ዘእንበለ ፡ ይሙት ፡ ከመ ፡ ይሰዱ ፡ አዕጽምቲሁ ፡ በመዋዕል ፡ አመ ፡ ይወፅኡ ፡ እምድረ ፡ ግብጽ ።	ወሞተ ፡ ወኵሎሙ ፡ አኀዊሁ ፡ ወኵላ ፡ ይእቲ ፡ ትውልድ ፡ 5 ወአዘዞሙ ፡ ለውሉደ ፡ እስራኤል ፡ ዘእንበለ ፡ ይሙት ፡ ከመ ፡ ይሰዱ ፡ አዕጽምቲሁ ፡ በመዋዕል ፡ አመ ፡ ይወፅኡ ፡ እምድረ ፡ ግብጽ ።
46:6	ወአምሐሎሙ ፡ በእንተ ፡ አዕጽምቲሁ ፡ እስመ ፡ አእመረ ፡ ከመ ፡ ኢይደግሙ ፡ ግብጽ ፡ አውፅኦቶ ፡ ወቀቢሮቶ ፡ በዕለት ፡ በምድረ ፡ ከናአን ።	ወአምሐሎሙ ፡ በእንተ ፡ አዕጽምቲሁ ፡ እስመ ፡ አእመረ ፡ ከመ ፡ ኢይደግሙ ፡ ግብጽ ፡ አውፅኦቶ ፡ ወቀቢሮቶ ፡ በዕለት ፡ በምድረ ፡ ከናአን ።
46:7	ወስእነ ፡ በዊአ ፡ እስመ ፡ ነግሠ ፡ ካልእ ፡ ሐዲስ ፡ ንጉሥ ፡ ለግብጽ ፡ ወኀየለ ፡ እምኔሁ ፡ ወገብአ ፡ ምድረ ፡ ከናአን ፡ ወተዐጽወ ፡ አናቅጸ ፡ ግብጽ ፡ ወአልቦ ፡ ዘይወፅእ ፡ ወአልቦ ፡ ዘይበውእ ፡ ውስተ ፡ ግብጽ ።	ወስእነ ፡ በዊአ ፡ እስመ ፡ ነግሠ ፡ ካልእ ፡ ሐዲስ ፡ ንጉሥ ፡ ለግብጽ ፡ ወኀየለ ፡ እምኔሁ ፡ ወገብአ ፡ ምድረ ፡ ከናአን ፡ ወተዐጽወ ፡ አናቅጸ ፡ ግብጽ ፡ ወአልቦ ፡ ዘይወፅእ ፡ ወአልቦ ፡ ዘይበውእ ፡ ውስተ ፡ ግብጽ ።
46:8	ወሞተ ፡ ዮሴፍ ፡ በዘ ፡ አርብዓ ፡ ወስድስቱ ፡ ኢዮቤልዉ ፡ በሱባዔ ፡ ሳድስ ፡ በካልእ ፡ ዓመቱ ፡ ወቀበርዎ ፡ ውስተ ፡ ምድረ ፡ ግብጽ ፡ ወሞቱ ፡ ኵሎሙ ፡ አኀዊሁ ፡ እምድኅሬሁ ።	ወሞተ ፡ ዮሴፍ ፡ በዘ ፡ አርብዓ ፡ ወስድስቱ ፡ ኢዮቤልዉ ፡ በሱባዔ ፡ ሳድስ ፡ በካልእ ፡ ዓመቱ ፡ ወቀበርዎ ፡ ውስተ ፡ ምድረ ፡ ግብጽ ፡ ወሞቱ ፡ ኵሎሙ ፡ አኀዊሁ ፡ እምድኅሬሁ ።
46:9	ወወፅአ ፡ ንጉሠ ፡ ግብጽ ፡ ከመ ፡ ይትቃተል ፡ ምስለ ፡ ንጉሠ ፡ ከናአን ፡ በዘ ፡ አርብዓ ፡ ወሰብዐቱ ፡ ኢዮቤልዉ ፡ በዳግም ፡ ሱባዔ ፡ በካልእ ፡ ዓመቱ ።	ወወፅአ ፡ ንጉሠ ፡ ግብጽ ፡ ከመ ፡ ይትቃተል ፡ ምስለ ፡ ንጉሠ ፡ ከናአን ፡ በዘ ፡ አርብዓ ፡ ወሰብዐቱ ፡ ኢዮቤልዉ ፡ በዳግም ፡ ሱባዔ ፡ በካልእ ፡ ዓመቱ ።
46:10	ወገብኡ ፡ ብዙኃን ፡ ውስተ ፡ ግብጽ ፡ ወኅዳጣን ፡ ተርፉ ፡ እምኔሆሙ ፡ ውስተ ፡ ደብረ ፡ ኬብሮን ፡ ወተረፈ ፡ አብራም ፡ አቡከ ፡ ምስሌሆሙ ።	ወገብኡ ፡ ብዙኃን ፡ ውስተ ፡ ግብጽ ፡ ወኅዳጣን ፡ ተርፉ ፡ እምኔሆሙ ፡ ውስተ ፡ ደብረ ፡ ኬብሮን ፡ ወተረፈ ፡ አብራም ፡ አቡከ ፡ ምስሌሆሙ ።
46:11	ወሞአ ፡ ንጉሠ ፡ ከናአን ፡ ለንጉሠ ፡ ግብጽ ፡ ወዐጸወ ፡ አናቅጸ ፡ ግብጽ ፡	ወሞአ ፡ ንጉሠ ፡ ከናአን ፡ ለንጉሠ ፡ ግብጽ ፡ ወዐጸወ ፡ አናቅጸ ፡ ግብጽ ፡
46:12	ወኀለየ ፡ ኅሊና ፡ እኩየ ፡ ላዕለ ፡ ውሉደ ፡ እስራኤል ፡ ከመ ፡ ያሕምሞሙ ፡ ወይቤሎሙ ፡ ለሰብአ ፡ ግብጽ ፡	ወኀለየ ፡ ኅሊና ፡ እኩየ ፡ ላዕለ ፡ ውሉደ ፡ እስራኤል ፡ ከመ ፡ ያሕምሞሙ ፡ ወይቤሎሙ ፡ ለሰብአ ፡ ግብጽ ፡
46:13	ናሁ ፡ ሕዝበ ፡ ውሉደ ፡ እስራኤል ፡ ልህቁ ፡ ወበዝኁ ፡ እምኔነ ፡ ንዑ ፡ ንጠበብ ፡ ላዕሌሆሙ ፡ ዘእንበለ ፡ ይብዝኁ ፡ ወናሕምሞሙ ፡ በቅኔ ፡ ዘእንበለ ፡ ይምጽአነ ፡ ቀትል ፡ ወእሙንቱኒ ፡ ዘእንበለ ፡ ይፅብኡነ ፡ ወእመ ፡ አኮሰ ፡ እሙንቱኒ ፡ ይዴመሩ ፡ ምስለ ፡ ፀር ፡ ወይወፅኡ ፡ እምድርነ ፡ እስመ ፡ ልቦሙ ፡ ወገጾሙ ፡ ውስተ ፡ ምድረ ፡ ከናአን ፡	ናሁ ፡ ሕዝበ ፡ ውሉደ ፡ እስራኤል ፡ ልህቁ ፡ ወበዝኁ ፡ እምኔነ ፡ ንዑ ፡ ንጠበብ ፡ ላዕሌሆሙ ፡ ዘእንበለ ፡ ይብዝኁ ፡ ወናሕምሞሙ ፡ በቅኔ ፡ ዘእንበለ ፡ ይምጽአነ ፡ ቀትል ፡ ወእሙንቱኒ ፡ ዘእንበለ ፡ ይፅብኡነ ፡ ወእመ ፡ አኮሰ ፡ እሙንቱኒ ፡ ይዴመሩ ፡ ምስለ ፡ ፀር ፡ ወይወፅኡ ፡ እምድርነ ፡ እስመ ፡ ልቦሙ ፡ ወገጾሙ ፡ ውስተ ፡ ምድረ ፡ ከናአን ፡
46:14	ወሠርዐ ፡ ላዕሌሆሙ ፡ ሊቃነ ፡ ገባር ፡ ከመ ፡ ያሕምምዎሙ ፡ በቅኔ ።	ወሠርዐ ፡ ላዕሌሆሙ ፡ ሊቃነ ፡ ገባር ፡ ከመ ፡ ያሕምምዎሙ ፡ በቅኔ ።
46:15	ወይቀንይዎሙ ፡ ግፉዐ ፡ ወመጠነ ፡ ያሐስሙ ፡ ላዕሌሆሙ ፡ ከማሁ ፡ ይበዝኁ ፡ ወከማሁ ፡ ይፈደፍዱ ፡	ወይቀንይዎሙ ፡ ግፉዐ ፡ ወመጠነ ፡ ያሐስሙ ፡ ላዕሌሆሙ ፡ ከማሁ ፡ ይበዝኁ ፡ ወከማሁ ፡ ይፈደፍዱ ፡
46:16	ወያስተራኵስዎሙ ፡ ሰብአ ፡ ግብጽ ፡ ለውሉደ ፡ እስራኤል ።	ወያስተራኵስዎሙ ፡ ሰብአ ፡ ግብጽ ፡ ለውሉደ ፡ እስራኤል ።