Jubilees

Jubilees 48 — 2 originals side by side

Versification differs between traditions. Columns are aligned by verse number; where a text has no such verse the cell is left blank rather than forced into line. Tap any word for a gloss.

read Ge'ez alone read Ge'ez alone

	Ge'ez Ge'ez Bible	Ge'ez Apocrypha
48:1	ወበሳድስ ፡ ዓመት ፡ ዘሱባዔ ፡ ሣልስ ፡ ዘአርብዓ ፡ ወተስዐቱ ፡ ኢዮቤልዉሳት ፡ ሖርከ ፡ ወነበርከ ፡ ህየ ፡ ኀምስተ ፡ ሱባዔ ፡ ወዓመተ ፡ አሐደ ፡ ወገባእከ ፡ ውስተ ፡ ግብጽ ፡ በሱባዔ ፡ ዳግም ፡ በዓመት ፡ ካልእ ፡ በውእቱ ፡ ኀምሳ ፡ ኢዮቤልው ።	ወበሳድስ ፡ ዓመት ፡ ዘሱባዔ ፡ ሣልስ ፡ ዘአርብዓ ፡ ወተስዐቱ ፡ ኢዮቤልዉሳት ፡ ሖርከ ፡ ወነበርከ ፡ ህየ ፡ ኀምስተ ፡ ሱባዔ ፡ ወዓመተ ፡ አሐደ ፡ ወገባእከ ፡ ውስተ ፡ ግብጽ ፡ በሱባዔ ፡ ዳግም ፡ በዓመት ፡ ካልእ ፡ በውእቱ ፡ ኀምሳ ፡ ኢዮቤልው ።
48:2	ወአንተ ፡ ተአምር ፡ ዘተናገረ ፡ ለከ ፡ በደብረ ፡ ሲና ፡ ወምንተ ፡ ፈቀደ ፡ ይግበር ፡ ምስሌከ ፡ መኰንነ ፡ መስቴማ ፡ አመ ፡ ትገብእ ፡ ግብጽ ፡ በፍኖት ፡ በአላቴ ፡ ምጽላል ፡	ወአንተ ፡ ተአምር ፡ ዘተናገረ ፡ ለከ ፡ በደብረ ፡ ሲና ፡ ወምንተ ፡ ፈቀደ ፡ ይግበር ፡ ምስሌከ ፡ መኰንነ ፡ መስቴማ ፡ አመ ፡ ትገብእ ፡ ግብጽ ፡ በፍኖት ፡ በአላቴ ፡ ምጽላል ፡
48:3	አኮሁ ፡ በኵሉ ፡ ኀይሉ ፡ ፈቀደ ፡ ይቅትልከ ፡ ወያድኅኖሙ ፡ ለግብጻዊያን ፡ እምእዴከ ፡ እስመ ፡ ርእየከ ፡ ከመ ፡ ተፈነውከ ፡ ትግበር ፡ ኵነኔ ፡ ወበቀለ ፡ ላዕለ ፡ ግብጻዊያን ፡	አኮሁ ፡ በኵሉ ፡ ኀይሉ ፡ ፈቀደ ፡ ይቅትልከ ፡ ወያድኅኖሙ ፡ ለግብጻዊያን ፡ እምእዴከ ፡ እስመ ፡ ርእየከ ፡ ከመ ፡ ተፈነውከ ፡ ትግበር ፡ ኵነኔ ፡ ወበቀለ ፡ ላዕለ ፡ ግብጻዊያን ፡
48:4	ወባላሕኩከ ፡ እምእዴሁ ።	ወባላሕኩከ ፡ እምእዴሁ ።
48:5	ወገብረ ፡ እግዚአብሔር ፡ ላዕሌሆሙ ፡ በቀለ ፡ ዐቢየ ፡ በእንተ ፡ እስራኤል ፡ ወመሐጾሙ ፡ ወቀተሎሙ ፡ በደም ፡ ወበቈርነነዓት ፡ ወበትንንያ ፡ ወበጽንጽያ ፡ ከልብ ፡ ወበእኩይ ፡ ቍስል ፡ ዘውእቱ ፡ ይፈልሕ ፡ ዕንጰዕንጴ ፡ ወእንስሳሆሙ ፡ በሞት ፡ ወበአእባነ ፡ በረድ ።	ወገብረ ፡ እግዚአብሔር ፡ ላዕሌሆሙ ፡ በቀለ ፡ ዐቢየ ፡ በእንተ ፡ እስራኤል ፡ ወመሐጾሙ ፡ ወቀተሎሙ ፡ በደም ፡ ወበቈርነነዓት ፡ ወበትንንያ ፡ ወበጽንጽያ ፡ ከልብ ፡ ወበእኩይ ፡ ቍስል ፡ ዘውእቱ ፡ ይፈልሕ ፡ ዕንጰዕንጴ ፡ ወእንስሳሆሙ ፡ በሞት ፡ ወበአእባነ ፡ በረድ ።
48:6	ወኵሉ ፡ ተፈነወ ፡ ወእዴከ ፡ ከመ ፡ ትግበር ፡ ዘእንበለ ፡ ይትገበር ፡ ወሀለውከ ፡ ትትናገሮ ፡ ለንጉሠ ፡ ግብጽ ፡ ወበቅድመ ፡ ኵሎሙ ፡ ላእካኒሁ ፡ ወበቅድመ ፡ ሕዝቡ ፡	ወኵሉ ፡ ተፈነወ ፡ ወእዴከ ፡ ከመ ፡ ትግበር ፡ ዘእንበለ ፡ ይትገበር ፡ ወሀለውከ ፡ ትትናገሮ ፡ ለንጉሠ ፡ ግብጽ ፡ ወበቅድመ ፡ ኵሎሙ ፡ ላእካኒሁ ፡ ወበቅድመ ፡ ሕዝቡ ፡
48:7	ወኵሉ ፡ ኮነ ፡ በቃልከ ፡ ዐሥሩ ፡ ኵነኔ ፡ ዐቢያት ፡ ወፀዋጋት ፡ መጽአ ፡ ውስተ ፡ ምድረ ፡ ግብድ ፡ ከመ ፡ ትግበር ፡ ቦቱ ፡ በቀለ ፡ እስራኤል ።	ወኵሉ ፡ ኮነ ፡ በቃልከ ፡ ዐሥሩ ፡ ኵነኔ ፡ ዐቢያት ፡ ወፀዋጋት ፡ መጽአ ፡ ውስተ ፡ ምድረ ፡ ግብድ ፡ ከመ ፡ ትግበር ፡ ቦቱ ፡ በቀለ ፡ እስራኤል ።
48:8	ወኵሎ ፡ ገብረ ፡ እግዚአብሔር ፡ በእንተ ፡ እስራኤል ።	ወኵሎ ፡ ገብረ ፡ እግዚአብሔር ፡ በእንተ ፡ እስራኤል ።
48:9	ወመኰንነ ፡ መስቴማ ፡ ይትቀወመከ ፡ ቅድሜከ ፡ ወይፈቅድ ፡ ያውድቀ ፡ ውስተ ፡ እደ ፡ ፈርዖን ፡ ወይረድእ ፡ ሥራያቲሆሙ ፡ ለግብጽ ፡ ወይትቃወሙ ፡ ወይገብሩ ፡ በቅድሜከ ።	ወመኰንነ ፡ መስቴማ ፡ ይትቀወመከ ፡ ቅድሜከ ፡ ወይፈቅድ ፡ ያውድቀ ፡ ውስተ ፡ እደ ፡ ፈርዖን ፡ ወይረድእ ፡ ሥራያቲሆሙ ፡ ለግብጽ ፡ ወይትቃወሙ ፡ ወይገብሩ ፡ በቅድሜከ ።
48:10	እከየሰኬ ፡ ኀደግናሆሙ ፡ ይግበሩ ፡ ወፈውሰ ፡ ኢናበውሖሙ ፡ ከመ ፡ ይትገበር ፡ በእደዊሆሙ ።	እከየሰኬ ፡ ኀደግናሆሙ ፡ ይግበሩ ፡ ወፈውሰ ፡ ኢናበውሖሙ ፡ ከመ ፡ ይትገበር ፡ በእደዊሆሙ ።
48:11	መሐጾሙ ፡ እግዚአብሔር ፡ በቍስል ፡ እኩይ ፡ ወስእኑ ፡ ተቃውሞ ፡ እስመ ፡ አሕጐልናሆሙ ፡ እምገቢረ ፡ ምንተሂ ፡ አሐደ ፡ ትእምርተ ።	መሐጾሙ ፡ እግዚአብሔር ፡ በቍስል ፡ እኩይ ፡ ወስእኑ ፡ ተቃውሞ ፡ እስመ ፡ አሕጐልናሆሙ ፡ እምገቢረ ፡ ምንተሂ ፡ አሐደ ፡ ትእምርተ ።
48:12	ወበኵሉ ፡ ተአምር ፡ ወመንክር ፡ ኢኀፈረ ፡ መኰንነ ፡ መስቴማ ፡ እስከ ፡ ሶበ ፡ ኀየለ ፡ ወጸርኀ ፡ ሎሙ ፡ ለግብጽ ፡ ከመ ፡ ይዴግኑ ፡ ድኅሬከ ፡ በኵሉ ፡ ኀይሎሙ ፡ ለግብጽ ፡ በሰረገላቲሆሙ ፡ ወአፍራሲሆሙ ፡ ወበኵሉ ፡ ብዝኆሙ ፡ ለአሕዛበ ፡ ግብጽ ።	ወበኵሉ ፡ ተአምር ፡ ወመንክር ፡ ኢኀፈረ ፡ መኰንነ ፡ መስቴማ ፡ እስከ ፡ ሶበ ፡ ኀየለ ፡ ወጸርኀ ፡ ሎሙ ፡ ለግብጽ ፡ ከመ ፡ ይዴግኑ ፡ ድኅሬከ ፡ በኵሉ ፡ ኀይሎሙ ፡ ለግብጽ ፡ በሰረገላቲሆሙ ፡ ወአፍራሲሆሙ ፡ ወበኵሉ ፡ ብዝኆሙ ፡ ለአሕዛበ ፡ ግብጽ ።
48:13	ወቆምኩ ፡ ማእከሌከ ፡ ወማእከሎሙ ፡ ለግብጽ ፡ ወማእከሎሙ ፡ ለእስራኤል ፡ ወባላሕናሆሙ ፡ ለእስራኤል ፡ እምእዴሁ ፡ ወእምእደ ፡ ሕዝብ ።	ወቆምኩ ፡ ማእከሌከ ፡ ወማእከሎሙ ፡ ለግብጽ ፡ ወማእከሎሙ ፡ ለእስራኤል ፡ ወባላሕናሆሙ ፡ ለእስራኤል ፡ እምእዴሁ ፡ ወእምእደ ፡ ሕዝብ ።
48:14	ወኵሎሙ ፡ ሕዝብ ፡ ዘአውፅአ ፡ ይዴግኑ ፡ ድኅሬሆሙ ፡ ለእስራኤል ፡ ወወረዎሙ ፡ እግዚአብሔር ፡ አምላክነ ፡ ማእከለ ፡ ባሕር ፡ ውስተ ፡ መዓምቅቲሃ ፡ ለቀላይ ፡ በታሕቴሆሙ ፡ ለውሉደ ፡ እስራኤል ፡ በከመ ፡ ወረዉ ፡ ውሉዶሙ ፡ ሰብአ ፡ ግብጽ ፡ ውስተ ፡ ፈለግ ፡ ምእተ ፡ እልፈ ፡ ተበቀሎሙ ።	ወኵሎሙ ፡ ሕዝብ ፡ ዘአውፅአ ፡ ይዴግኑ ፡ ድኅሬሆሙ ፡ ለእስራኤል ፡ ወወረዎሙ ፡ እግዚአብሔር ፡ አምላክነ ፡ ማእከለ ፡ ባሕር ፡ ውስተ ፡ መዓምቅቲሃ ፡ ለቀላይ ፡ በታሕቴሆሙ ፡ ለውሉደ ፡ እስራኤል ፡ በከመ ፡ ወረዉ ፡ ውሉዶሙ ፡ ሰብአ ፡ ግብጽ ፡ ውስተ ፡ ፈለግ ፡ ምእተ ፡ እልፈ ፡ ተበቀሎሙ ።
48:15	ወአመ ፡ ዐሡር ፡ ወረቡዕ ፡ ዕለት ፡ ወአመ ፡ ዐሡር ፡ ወኀሙስ ፡ ወአመ ፡ ዐሡር ፡ ወሰዱስ ፡ ወአመ ፡ ዐሡር ፡ ወሰቡዕ ፡ ወአመ ፡ ዐሡር ፡ ወሰሙን ፡ ሀሎ ፡ መኰንነ ፡ መስቴማ ፡ እሱር ፡ ወዕፅው ፡ እምድኅሬሆሙ ፡ ለውሉደ ፡ እስራኤል ፡ ከመ ፡ ኢያስተዋድዮሙ ።	ወአመ ፡ ዐሡር ፡ ወረቡዕ ፡ ዕለት ፡ ወአመ ፡ ዐሡር ፡ ወኀሙስ ፡ ወአመ ፡ ዐሡር ፡ ወሰዱስ ፡ ወአመ ፡ ዐሡር ፡ ወሰቡዕ ፡ ወአመ ፡ ዐሡር ፡ ወሰሙን ፡ ሀሎ ፡ መኰንነ ፡ መስቴማ ፡ እሱር ፡ ወዕፅው ፡ እምድኅሬሆሙ ፡ ለውሉደ ፡ እስራኤል ፡ ከመ ፡ ኢያስተዋድዮሙ ።
48:16	ወአመ ፡ ዕለተ ፡ ዐሡር ፡ ወተሱዕ ፡ ፈታሕናሆሙ ፡ ከመ ፡ ይርድእዎሙ ፡ ለግብጽ ፡ ወከመ ፡ ይዴግኑ ፡ ድኅሬሆሙ ፡ ለውሉደ ፡ እስራኤል ፡	ወአመ ፡ ዕለተ ፡ ዐሡር ፡ ወተሱዕ ፡ ፈታሕናሆሙ ፡ ከመ ፡ ይርድእዎሙ ፡ ለግብጽ ፡ ወከመ ፡ ይዴግኑ ፡ ድኅሬሆሙ ፡ ለውሉደ ፡ እስራኤል ፡
48:17	ወአጽንዐ ፡ አልባሲሆሙ ፡ ወአኀየሎሙ ፡ ወተኀየሉ ፡ እምኀበ ፡ እግዚአብሔር ፡ አምላክነ ፡ ከመ ፡ ይምሐጾሙ ፡ ለግብጽ ፡ ወይወርዎሙ ፡ ማእከለ ፡ ባሕር ።	ወአጽንዐ ፡ አልባሲሆሙ ፡ ወአኀየሎሙ ፡ ወተኀየሉ ፡ እምኀበ ፡ እግዚአብሔር ፡ አምላክነ ፡ ከመ ፡ ይምሐጾሙ ፡ ለግብጽ ፡ ወይወርዎሙ ፡ ማእከለ ፡ ባሕር ።
48:18	ወአመ ፡ ዐሡር ፡ ወረቡዕ ፡ ዕለት ፡ አሰርናሁ ፡ ከመ ፡ ኢያስተዋድዮሙ ፡ ለደቂቀ ፡ እስራኤል ፡ በዕለት ፡ አመ ፡ ሀለዉ ፡ ይስእሉ ፡ ንዋየ ፡ ወአልባሰ ፡ እምኀበ ፡ ሰብአ ፡ ግብጽ ፡ ንዋየ ፡ ብሩር ፡ ወንዋየ ፡ ወርቅ ፡ ወንዋየ ፡ ብርት ፡ ወከመ ፡ ይማህርክዎሙ ፡ ለግብጽ ፡ ህየንተ ፡ ተቀንዩ ፡ እንተ ፡ ቀነይዎሙ ፡ በግፍዕ ።	ወአመ ፡ ዐሡር ፡ ወረቡዕ ፡ ዕለት ፡ አሰርናሁ ፡ ከመ ፡ ኢያስተዋድዮሙ ፡ ለደቂቀ ፡ እስራኤል ፡ በዕለት ፡ አመ ፡ ሀለዉ ፡ ይስእሉ ፡ ንዋየ ፡ ወአልባሰ ፡ እምኀበ ፡ ሰብአ ፡ ግብጽ ፡ ንዋየ ፡ ብሩር ፡ ወንዋየ ፡ ወርቅ ፡ ወንዋየ ፡ ብርት ፡ ወከመ ፡ ይማህርክዎሙ ፡ ለግብጽ ፡ ህየንተ ፡ ተቀንዩ ፡ እንተ ፡ ቀነይዎሙ ፡ በግፍዕ ።
48:19	ወኢያውፃእናሆሙ ፡ ለውሉደ ፡ እስራኤል ፡ እምግብጽ ፡ ዕራቆሙ ።	ወኢያውፃእናሆሙ ፡ ለውሉደ ፡ እስራኤል ፡ እምግብጽ ፡ ዕራቆሙ ።