| 17:1 | ወተዓነይ፡ ኤዶምያስ፡ ወአማሌቅ፡ ኢይመልክዎ፡ እግዚአብሔር፡ ዘኵነኔ፡ ሰማይ፡ ወምድር፡ ውስተ፡ እዴሁ፡ ከይደ፡ ቤተ፡ መቅደሱ፡ እስመ፡ ሕዝብ፡ ዓላውያን፡ እሙንቱ፡ እለ፡ ኢየሐውሩ፡ በጽድቅ። | ወተዓነይ፡ ኤዶምያስ፡ ወአማሌቅ፡ ኢይመልክዎ፡ እግዚአብሔር፡ ዘኵነኔ፡ ሰማይ፡ ወምድር፡ ውስተ፡ እዴሁ፡ ከይደ፡ ቤተ፡ መቅደሱ፡ እስመ፡ ሕዝብ፡ ዓላውያን፡ እሙንቱ፡ እለ፡ ኢየሐውሩ፡ በጽድቅ። |
|---|
| 17:2 | ወአልቦ፡ ፍርሃተ፡ እግዚአብሔር፡ ቅድመ፡ አዕይንቲሆሙ፡ ዘእንበለ፡ ዝሙት፡ ወክዕወተ፡ ደም፡ ወበሊዓ፡ ዝቡሕ፡ ወብትክ፡ ወማውታ፡ ወኵሉ፡ ዘይመስሎ፡ ለዝንቱ፡ ምኑናን፡ ወግሙናን። | ወአልቦ፡ ፍርሃተ፡ እግዚአብሔር፡ ቅድመ፡ አዕይንቲሆሙ፡ ዘእንበለ፡ ዝሙት፡ ወክዕወተ፡ ደም፡ ወበሊዓ፡ ዝቡሕ፡ ወብትክ፡ ወማውታ፡ ወኵሉ፡ ዘይመስሎ፡ ለዝንቱ፡ ምኑናን፡ ወግሙናን። |
|---|
| 17:3 | አልቦሙ፡ ሃይማኖት፡ ወኢምልሕ፡ እስመ፡ ፀላዕያአ፡ ሠናይ፡ እሙንቱ፡ ወኢየአምርዎ፡ ለእግዚአብሔር፡ ወበፍኖተ፡ ሰላም፡ ዘንችበለ፡ ግ፡ ወትዕግልት፡ ወኵሉ፡ ምግባር፡ ርኩስ፡ ወሁከት፡ ወዘፈን፡ ወተውኔት፡ በከመ፡ መሀሮሙ፡ አቡሆሙ፡ ሰብልያኖስ። | አልቦሙ፡ ሃይማኖት፡ ወኢምልሕ፡ እስመ፡ ፀላዕያአ፡ ሠናይ፡ እሙንቱ፡ ወኢየአምርዎ፡ ለእግዚአብሔር፡ ወበፍኖተ፡ ሰላም፡ ዘንችበለ፡ ግ፡ ወትዕግልት፡ ወኵሉ፡ ምግባር፡ ርኩስ፡ ወሁከት፡ ወዘፈን፡ ወተውኔት፡ በከመ፡ መሀሮሙ፡ አቡሆሙ፡ ሰብልያኖስ። |
|---|
| 17:4 | እስመ፡ ውእቱ፡ ቀነዮሙ፡ ምስለ፡ አጋንንቲሁ፡ ወይሜህሮሙ፡ ኵሎ፡ ምግባረ፡ እኩይ፡ ዘዘዚአሁ፡ ወጹግ፡ ወትዕግልት፡ ወሀይደ፡ ንዋይ፡ ባዕደ፡ በዓመፃ፡ ወሥርቅ፡ ወበሊዓ፡ ማውታ፡ ወብትክ፡ ወዝሙት። | እስመ፡ ውእቱ፡ ቀነዮሙ፡ ምስለ፡ አጋንንቲሁ፡ ወይሜህሮሙ፡ ኵሎ፡ ምግባረ፡ እኩይ፡ ዘዘዚአሁ፡ ወጹግ፡ ወትዕግልት፡ ወሀይደ፡ ንዋይ፡ ባዕደ፡ በዓመፃ፡ ወሥርቅ፡ ወበሊዓ፡ ማውታ፡ ወብትክ፡ ወዝሙት። |
|---|
| 17:5 | ወኵሉ፡ ዘይመስሎ፡ ለዝንቱ፡ ሐዊረ፡ ብእሲተ፡ ብእሲ፡ ወክዕወተ፡ ደም፡ ወበሊዓ፡ ማውታ፡ ወዝቡሕ፡ ለጣዖት፡ ወቀቲለ፡ ነፍሰ፡ ሰብእ፡ በዓመፃ፡ ወተቃጽቦ፡ ወተሐምሞ፡ ወስስዕት፡ ወኵሉ፡ ምግባረ፡ እከይ፡ ዘኢይሠምር፡ እግዚአብሔር፡ ወዘንተ፡ ትምህርተ፡ ያመጽእ፡ ሎሙ፡ ዝውእቱ፡ ፀሮሙሰብላንዮስ፡ ከመ፡ ያእትቶሙ፡ እምፍኖተ፡ እግዚአብሔር፡ አኀዜ፡ ኵሉ፡ ዓለም። | ወኵሉ፡ ዘይመስሎ፡ ለዝንቱ፡ ሐዊረ፡ ብእሲተ፡ ብእሲ፡ ወክዕወተ፡ ደም፡ ወበሊዓ፡ ማውታ፡ ወዝቡሕ፡ ለጣዖት፡ ወቀቲለ፡ ነፍሰ፡ ሰብእ፡ በዓመፃ፡ ወተቃጽቦ፡ ወተሐምሞ፡ ወስስዕት፡ ወኵሉ፡ ምግባረ፡ እከይ፡ ዘኢይሠምር፡ እግዚአብሔር፡ ወዘንተ፡ ትምህርተ፡ ያመጽእ፡ ሎሙ፡ ዝውእቱ፡ ፀሮሙሰብላንዮስ፡ ከመ፡ ያእትቶሙ፡ እምፍኖተ፡ እግዚአብሔር፡ አኀዜ፡ ኵሉ፡ ዓለም። |
|---|
| 17:6 | ውእቱሰ፡ ለእግዚአብሔር፡ ትሕትና፡ ወየውሃት፡ ወአፍቀሮ፡ ቢጽ፡ ወአምዕዖ፡ እኁ፡ ወተፋቅሮ፡ ወሰላም፡ ምስለ፡ ኵሉ፡ ሕዝብ። | ውእቱሰ፡ ለእግዚአብሔር፡ ትሕትና፡ ወየውሃት፡ ወአፍቀሮ፡ ቢጽ፡ ወአምዕዖ፡ እኁ፡ ወተፋቅሮ፡ ወሰላም፡ ምስለ፡ ኵሉ፡ ሕዝብ። |
|---|
| 17:7 | ወኢትኩኑ፡ መደልዋነ፡ ለገጾ፡ ሰብእ፡ ወሀያድያነ፡ ወዓማፅያነ፡ ወተዓጋልያነ፡ ወሐዋርያነ፡ ብእሲተ፡ ብእሲ፡ ወገባርያነ፡ እከይ፡ ወግፍዕ፡ ዲበ፡ ቢጾሙ፡ ወተጓህላውያን፡ በዓመፃ፡ እለ፡ የዓምፁ፡ ቢጾሙ። | ወኢትኩኑ፡ መደልዋነ፡ ለገጾ፡ ሰብእ፡ ወሀያድያነ፡ ወዓማፅያነ፡ ወተዓጋልያነ፡ ወሐዋርያነ፡ ብእሲተ፡ ብእሲ፡ ወገባርያነ፡ እከይ፡ ወግፍዕ፡ ዲበ፡ ቢጾሙ፡ ወተጓህላውያን፡ በዓመፃ፡ እለ፡ የዓምፁ፡ ቢጾሙ። |
|---|
| 17:8 | ወይትቃፀቡ፡ ወየሐውሱ፡ ርእሶሙ፡ ወይትሜየኑ፡ ለእከይ፡ ወይጤየሩ፡ ለአስሕቶ፡ ከመ፡ ያውርድዎሙ፡ ለሰብእ፡ ውስተ፡ ኵነኔ፡ ደይን፡ ለዘለዓለም። | ወይትቃፀቡ፡ ወየሐውሱ፡ ርእሶሙ፡ ወይትሜየኑ፡ ለእከይ፡ ወይጤየሩ፡ ለአስሕቶ፡ ከመ፡ ያውርድዎሙ፡ ለሰብእ፡ ውስተ፡ ኵነኔ፡ ደይን፡ ለዘለዓለም። |
|---|