| 18:1 | ተዘከር፡ ከመ፡ ኀበ፡ እግዚአብሔር፡ ተሐውር፡ ወሀሎ፡ ኵሉ፡ ውስተ፡ እዴሁ፡ ወትቀውም፡ አንተ፡ በዘገብርከ፡ ምግባር፡ ከመ፡ ትትኩነን፡ ቀዳሜሁ። | ተዘከር፡ ከመ፡ ኀበ፡ እግዚአብሔር፡ ተሐውር፡ ወሀሎ፡ ኵሉ፡ ውስተ፡ እዴሁ፡ ወትቀውም፡ አንተ፡ በዘገብርከ፡ ምግባር፡ ከመ፡ ትትኩነን፡ ቀዳሜሁ። |
|---|
| 18:2 | እስመ፡ ከማሁ፡ ትካትኒ፡ ደቂቀ፡ ረዓይት፡ እኩያን፡ ወእቡያን፡ ወአልቦ፡ ዘየዓቢ፡ ወዘይኄይል፡ እምኔሆሙ፡ ወቆሞሙ፡ ወዕበየ፡ መዝራዕቶሙ፡ ወኢረስይዎ፡ ለእግዚአብሔር፡ ቅድሜሆሙ፡ ወኢየአምርዎ፡ ከመ፡ ውእቱ፡ ፈጣሪሆሙ፡ ዘአምጽኦሙ፡ እምኀበ፡ ኢሀሉ። | እስመ፡ ከማሁ፡ ትካትኒ፡ ደቂቀ፡ ረዓይት፡ እኩያን፡ ወእቡያን፡ ወአልቦ፡ ዘየዓቢ፡ ወዘይኄይል፡ እምኔሆሙ፡ ወቆሞሙ፡ ወዕበየ፡ መዝራዕቶሙ፡ ወኢረስይዎ፡ ለእግዚአብሔር፡ ቅድሜሆሙ፡ ወኢየአምርዎ፡ ከመ፡ ውእቱ፡ ፈጣሪሆሙ፡ ዘአምጽኦሙ፡ እምኀበ፡ ኢሀሉ። |
|---|
| 18:3 | ወአበዊሆሙሰ፡ እንዘ፡ መላእክት፡ እሙንቱ፡ ይሴብሑ፡ ምስለ፡ መላእክት፡ በሰማያት፡ ወሶበ፡ አስሐቶሙ፡ ፍትወቶሙ፡ ወወረዱ፡ ውስተ፡ ኵነኔ፡ ደይን፡ ዘለዓለም። | ወአበዊሆሙሰ፡ እንዘ፡ መላእክት፡ እሙንቱ፡ ይሴብሑ፡ ምስለ፡ መላእክት፡ በሰማያት፡ ወሶበ፡ አስሐቶሙ፡ ፍትወቶሙ፡ ወወረዱ፡ ውስተ፡ ኵነኔ፡ ደይን፡ ዘለዓለም። |
|---|
| 18:4 | ወነሥኡ፡ አንስትያ፡ እምደቂቀ፡ እጓለ፡ እመሕያው፡ እስመ፡ ፈጠረ፡ ሎሙ፡ እግዚአብሔር፡ ሥጋ፡ እጓክለ፡ እመሕያው፡ ከመ፡ ያስተዓብዶሙ፡ በእንተ፡ ትዕቢተ፡ ልቦሙ፡ ወያመክሮሙ፡ እመ፡ የዓቅቡ፡ ትእዛዞ፡ ወሕጎ። | ወነሥኡ፡ አንስትያ፡ እምደቂቀ፡ እጓለ፡ እመሕያው፡ እስመ፡ ፈጠረ፡ ሎሙ፡ እግዚአብሔር፡ ሥጋ፡ እጓክለ፡ እመሕያው፡ ከመ፡ ያስተዓብዶሙ፡ በእንተ፡ ትዕቢተ፡ ልቦሙ፡ ወያመክሮሙ፡ እመ፡ የዓቅቡ፡ ትእዛዞ፡ ወሕጎ። |
|---|
| 18:5 | እሙንቱሰ፡ ኢየዓቀቡ፡ ትእዛዘ፡ ወአውረዶሙ፡ ውስተ፡ ኵነኔ፡ ነደ፡ እሳት፡ ምስለ፡ ዲያብሎስ፡ አቡሆሙ፡ ወበእንቲአሆሙ፡ ሐፀ፡ መዋዕል፡ እምሰብእ፡ እስመ፡ ተምዖሙ፡ እግዚአብሔር፡ ለመላእክተ፡ እለ፡ አበሱ፡ ከመ፡ ሰብእ። | እሙንቱሰ፡ ኢየዓቀቡ፡ ትእዛዘ፡ ወአውረዶሙ፡ ውስተ፡ ኵነኔ፡ ነደ፡ እሳት፡ ምስለ፡ ዲያብሎስ፡ አቡሆሙ፡ ወበእንቲአሆሙ፡ ሐፀ፡ መዋዕል፡ እምሰብእ፡ እስመ፡ ተምዖሙ፡ እግዚአብሔር፡ ለመላእክተ፡ እለ፡ አበሱ፡ ከመ፡ ሰብእ። |
|---|
| 18:6 | ወተማልዕዎሙ፡ ለደቂቀ፡ እጓለ፡ እመሕያው፡ ምስሌሆሙ፡ ወአውረድዎሙ፡ ውስተ፡ ሲኦል፡ በኵነኔ፡ ዚአሆሙ። | ወተማልዕዎሙ፡ ለደቂቀ፡ እጓለ፡ እመሕያው፡ ምስሌሆሙ፡ ወአውረድዎሙ፡ ውስተ፡ ሲኦል፡ በኵነኔ፡ ዚአሆሙ። |
|---|
| 18:7 | ቀዳሚሁሰ፡ መዋዕሊሁ፡ ለሰብእ፡ እንዘ፡ ()፡ ገብኡ፡ ውስተ፡ )ወ2ዓመታት፡ እስመ፡ ሐፀ፡ መዋዕሊሁ፡ ለሰብዕ፡ በእንተ፡ ዘስሕቱ፡ መላእክት፡ ምስለ፡ አዋልደ፡ ቃየል። | ቀዳሚሁሰ፡ መዋዕሊሁ፡ ለሰብእ፡ እንዘ፡ ()፡ ገብኡ፡ ውስተ፡ )ወ2ዓመታት፡ እስመ፡ ሐፀ፡ መዋዕሊሁ፡ ለሰብዕ፡ በእንተ፡ ዘስሕቱ፡ መላእክት፡ ምስለ፡ አዋልደ፡ ቃየል። |
|---|
| 18:8 | ወይቤ፡ እግዚአብሔር፡ ኢይነብር፡ መንፈስየ፡ ኀቤሆሙ፡ እስመ፡ ዘሥጋ፡ ወደም፡ እሙንቱ። | ወይቤ፡ እግዚአብሔር፡ ኢይነብር፡ መንፈስየ፡ ኀቤሆሙ፡ እስመ፡ ዘሥጋ፡ ወደም፡ እሙንቱ። |
|---|
| 18:9 | ወበእንተ፡ ዝኪ፡ ሐፀ፡ መዋዕሊነ፡ ወዓዲ፡ ቦሙ፡ እለ፡ ይመውቱ፡ እንዘ፡ ሕፃናት፡ እሙንቱ፡ እስመ፡ ሐዐ፡ መዋዕሊነ፡ እምቀደምት፡ አበዊነ፡ በእንተ፡ አበሳነ፡ ወኃጢአትነ። | ወበእንተ፡ ዝኪ፡ ሐፀ፡ መዋዕሊነ፡ ወዓዲ፡ ቦሙ፡ እለ፡ ይመውቱ፡ እንዘ፡ ሕፃናት፡ እሙንቱ፡ እስመ፡ ሐዐ፡ መዋዕሊነ፡ እምቀደምት፡ አበዊነ፡ በእንተ፡ አበሳነ፡ ወኃጢአትነ። |
|---|
| 18:10 | ወለአበዊነሰ፡ ኖኃ፡ መዋዕሊሆሙ፡ እስመ፡ ዓቀቡ፡ ትእዛዞ፡ ወኢያምዕዕዎ፡ ለእግዚአብሔር። | ወለአበዊነሰ፡ ኖኃ፡ መዋዕሊሆሙ፡ እስመ፡ ዓቀቡ፡ ትእዛዞ፡ ወኢያምዕዕዎ፡ ለእግዚአብሔር። |
|---|
| 18:11 | ወገሠፁ፡ አዋልዲሆሙ፡ ከመ፡ ይምሀርዎሙ፡ ወገሠጹ፡ ተባዕቶሙ፡ ከመ፡ ኢይትዓደዉ፡ ትእዛዘ፡ እግዚአብሔር። | ወገሠፁ፡ አዋልዲሆሙ፡ ከመ፡ ይምሀርዎሙ፡ ወገሠጹ፡ ተባዕቶሙ፡ ከመ፡ ኢይትዓደዉ፡ ትእዛዘ፡ እግዚአብሔር። |
|---|
| 18:12 | ወበእንተዝ፡ ኖኃ፡ መዋዕሊሆሙ፡ በጽድቅ፡ በእንተ፡ ዘኢትዓደዉ፡ ትእዛዘ፡ እግዚአ፡ ብሔር፡ ምስለ፡ ደቂቆሙ፡ ወአዋልዲሆሙ። | ወበእንተዝ፡ ኖኃ፡ መዋዕሊሆሙ፡ በጽድቅ፡ በእንተ፡ ዘኢትዓደዉ፡ ትእዛዘ፡ እግዚአ፡ ብሔር፡ ምስለ፡ ደቂቆሙ፡ ወአዋልዲሆሙ። |
|---|