| 32:1 | ወእምድኅረ፡ እሉ፡ አፈው፡ ለመስዕ፡ እንዘ፡ እኔጽር፡ መልዕልተ፡ አድባር፡ ርኢኩ፡ ሰብዓተ፡ አድባረ፡ ምሉኣነ፡ ሰንበልት፡ ቅድው፡ ወዕፀወ፡ መዐዛ፡ ወቀናንሞስ፡ ወፕፕሬ። | ወእምድኅረ፡ እሉ፡ አፈው፡ ለመስዕ፡ እንዘ፡ እኔጽር፡ መልዕልተ፡ አድባር፡ ርኢኩ፡ ሰብዓተ፡ አድባረ፡ ምሉኣነ፡ ሰንበልት፡ ቅድው፡ ወዕፀወ፡ መዐዛ፡ ወቀናንሞስ፡ ወፕፕሬ። |
|---|
| 32:2 | ወእምህየ፡ ሖርኩ፡ መልዕልተ፡ ርእሶሙ፡ ለእልክቱ፡ አድባር፡ እንዘ፡ ርሑቅ፡ ውእቱ፡ ለጽባሕ፡ ወኀለፍኩ፡ ዲበ፡ ባሕረ፡ ኤርትራ፡ ወእምኔሁ፡ ርሑቀ፡ ኮንኩ፡ ወኀለፍኩ፡ መልዕልቶ፡ ለመልአክ፡ ዙጥኤል። | ወእምህየ፡ ሖርኩ፡ መልዕልተ፡ ርእሶሙ፡ ለእልክቱ፡ አድባር፡ እንዘ፡ ርሑቅ፡ ውእቱ፡ ለጽባሕ፡ ወኀለፍኩ፡ ዲበ፡ ባሕረ፡ ኤርትራ፡ ወእምኔሁ፡ ርሑቀ፡ ኮንኩ፡ ወኀለፍኩ፡ መልዕልቶ፡ ለመልአክ፡ ዙጥኤል። |
|---|
| 32:3 | ወመጻእኩ፡ ውስተ፡ ገነተ፡ ጽድቅ፡ ወርኢኩ፡ ከሃ፡ ከሃቲሆሙ፡ ለእልክቱ፡ ዕፀው፡ ዕፀወ፡ ብዙኃነ፡ ወዐቢያነ፡ ይበቍሉ፡ በህየ፡ ወእንዘ፡ ጼናሆሙ፡ ሠናይ፡ ዐቢያን፡ ወሥኖሙ፡ ብዙኅ፡ ወስቡሓን፡ ወዕፀ፡ ጥበብ፡ ዘእምኔሁ፡ በሊዖሙ፡ የአምርዋ፡ ለጥበብ፡ ዐባይ። | ወመጻእኩ፡ ውስተ፡ ገነተ፡ ጽድቅ፡ ወርኢኩ፡ ከሃ፡ ከሃቲሆሙ፡ ለእልክቱ፡ ዕፀው፡ ዕፀወ፡ ብዙኃነ፡ ወዐቢያነ፡ ይበቍሉ፡ በህየ፡ ወእንዘ፡ ጼናሆሙ፡ ሠናይ፡ ዐቢያን፡ ወሥኖሙ፡ ብዙኅ፡ ወስቡሓን፡ ወዕፀ፡ ጥበብ፡ ዘእምኔሁ፡ በሊዖሙ፡ የአምርዋ፡ ለጥበብ፡ ዐባይ። |
|---|
| 32:4 | ወይመስል፡ ሐመረ፡ ጽራዕ፡ ወፍሬሁኒ፡ ከመ፡ አስካለ፡ ወይን፡ ጥቀ፡ ሠናይ፡ ወጼናሁ፡ ለውእቱ፡ ዕፅ፡ የሐውር፡ ወይበጽሕ፡ ነዋኅ። | ወይመስል፡ ሐመረ፡ ጽራዕ፡ ወፍሬሁኒ፡ ከመ፡ አስካለ፡ ወይን፡ ጥቀ፡ ሠናይ፡ ወጼናሁ፡ ለውእቱ፡ ዕፅ፡ የሐውር፡ ወይበጽሕ፡ ነዋኅ። |
|---|
| 32:5 | ወእቤ፡ ዝ፡ ዕፅ፡ ሠናይ፡ ወከመ፡ ሠናይ፡ ወፍሡሕ፡ ርእየቱ። | ወእቤ፡ ዝ፡ ዕፅ፡ ሠናይ፡ ወከመ፡ ሠናይ፡ ወፍሡሕ፡ ርእየቱ። |
|---|
| 32:6 | ወአውሥአኒ፡ ቅዱስ፡ ሩፋኤል፡ መልአክ፡ ዘምስሌየ፡ ሀሎ፡ ወይቤለኒ፡ ዝ፡ ውእቱ፡ ዕፀ፡ ጥበብ፡ ዘእምኔሁ፡ በልዑ፡ አቡከ፡ አረጋዊ፡ ወእምከ፡ ዕቤራይት፡ እለ፡ ቀደሙከ፡ ወአእመርዋ፡ ለጥበብ፡ ወተፈትሐ፡ አዕይንቲሆሙ፡ ወአእመሩ፡ ከመ፡ ዕራቃኒሆሙ፡ ሀለዉ፡ ወተሰዱ፡ እምገነት። | ወአውሥአኒ፡ ቅዱስ፡ ሩፋኤል፡ መልአክ፡ ዘምስሌየ፡ ሀሎ፡ ወይቤለኒ፡ ዝ፡ ውእቱ፡ ዕፀ፡ ጥበብ፡ ዘእምኔሁ፡ በልዑ፡ አቡከ፡ አረጋዊ፡ ወእምከ፡ ዕቤራይት፡ እለ፡ ቀደሙከ፡ ወአእመርዋ፡ ለጥበብ፡ ወተፈትሐ፡ አዕይንቲሆሙ፡ ወአእመሩ፡ ከመ፡ ዕራቃኒሆሙ፡ ሀለዉ፡ ወተሰዱ፡ እምገነት። |
|---|