| 60:1 | በዓመት፡ ኀምስቱ፡ ምእት፡ ወበወርኅ፡ ሳብዕ፡ እምዐሡሩ፡ ወረቡዑ፡ ለወርኅ፡ በሕይወተ፡ ሄኖክ፡ በውእቱ፡ አምሳል፡ ርኢኩ፡ ከመ፡ ታድለቀልቅ፡ ሰማየ፡ ሰማያት፡ ድልቅልቀ፡ ዐቢይ፡ ወኀይሉ፡ ለልዑል፡ ወመላእክት፡ አእላፈ፡ አእላፋት፡ ወትእልፊተ፡ ትእልፊት፡ ተሀውኩ፡ ዐቢየ፡ ሁከተ። | በዓመት፡ ኀምስቱ፡ ምእት፡ ወበወርኅ፡ ሳብዕ፡ እምዐሡሩ፡ ወረቡዑ፡ ለወርኅ፡ በሕይወተ፡ ሄኖክ፡ በውእቱ፡ አምሳል፡ ርኢኩ፡ ከመ፡ ታድለቀልቅ፡ ሰማየ፡ ሰማያት፡ ድልቅልቀ፡ ዐቢይ፡ ወኀይሉ፡ ለልዑል፡ ወመላእክት፡ አእላፈ፡ አእላፋት፡ ወትእልፊተ፡ ትእልፊት፡ ተሀውኩ፡ ዐቢየ፡ ሁከተ። |
|---|
| 60:2 | ወሶቤሃ፡ ርኢኩ፡ ርእሰ፡ መዋዕል፡ ዲበ፡ መንበረ፡ ስብሐቲሁ፡ ይነብር፡ ወመላእክት፡ ወጻድቃን፡ ዐውዶ፡ ይቀውሙ። | ወሶቤሃ፡ ርኢኩ፡ ርእሰ፡ መዋዕል፡ ዲበ፡ መንበረ፡ ስብሐቲሁ፡ ይነብር፡ ወመላእክት፡ ወጻድቃን፡ ዐውዶ፡ ይቀውሙ። |
|---|
| 60:3 | ወሊተኒ፡ ዐቢይ፡ ረዓድ፡ ነሥአኒ፡ ወፍርሀት፡ አኀዘኒ፡ ወሐቌየ፡ ተቀጽዐ፡ ወተፈትሐ፡ ወኵለንታየ፡ ተመስወ፡ ወወደቁ፡ በገጽየ። | ወሊተኒ፡ ዐቢይ፡ ረዓድ፡ ነሥአኒ፡ ወፍርሀት፡ አኀዘኒ፡ ወሐቌየ፡ ተቀጽዐ፡ ወተፈትሐ፡ ወኵለንታየ፡ ተመስወ፡ ወወደቁ፡ በገጽየ። |
|---|
| 60:4 | ወፈነወ፡ ቅዱስ፡ ሚካኤል፡ ካልአ፡ መልአከ፡ ቅዱሰ፡ አሐደ፡ እመላእክት፡ ቅዱሳን፡ ወአንሥአኒ፡ ወሶበ፡ አንሥአኒ፡ መንፈስየ፡ ገብአት፡ እስመ፡ ኢክህልኩ፡ ተዐግሦ፡ እምርእየ፡ ዝኩ፡ ኀይል፡ ወኪያሁ፡ ሀውክ፡ ወአንቀልቅሎ፡ ሰማይ። | ወፈነወ፡ ቅዱስ፡ ሚካኤል፡ ካልአ፡ መልአከ፡ ቅዱሰ፡ አሐደ፡ እመላእክት፡ ቅዱሳን፡ ወአንሥአኒ፡ ወሶበ፡ አንሥአኒ፡ መንፈስየ፡ ገብአት፡ እስመ፡ ኢክህልኩ፡ ተዐግሦ፡ እምርእየ፡ ዝኩ፡ ኀይል፡ ወኪያሁ፡ ሀውክ፡ ወአንቀልቅሎ፡ ሰማይ። |
|---|
| 60:5 | ወይቤለኒ፡ ቅዱስ፡ ሚካኤል፡ በእንተ፡ ምንት፡ ራእየ፡ ዘከመ፡ ዝ፡ ተሀውከ፡ እስከ፡ ዮም፡ ሀለወት፡ ዕለተ፡ ምሕረቱ፡ ወሀሎ፡ መሓሪ፡ ወርሑቀ፡ መዐት፡ ላዕለ፡ እለ፡ የኀድሩ፡ ዲበ፡ የብስ። | ወይቤለኒ፡ ቅዱስ፡ ሚካኤል፡ በእንተ፡ ምንት፡ ራእየ፡ ዘከመ፡ ዝ፡ ተሀውከ፡ እስከ፡ ዮም፡ ሀለወት፡ ዕለተ፡ ምሕረቱ፡ ወሀሎ፡ መሓሪ፡ ወርሑቀ፡ መዐት፡ ላዕለ፡ እለ፡ የኀድሩ፡ ዲበ፡ የብስ። |
|---|
| 60:6 | ወሶበ፡ ትመጽእ፡ ዕለተ፡ ኀይል፡ ወመቅሠፍት፡ ወኵነኔ፡ እንተ፡ አስተዳለወ፡ እግዚአ፡ መናፍስት፡ ለእለ፡ ይሰግዱ፡ ለኵነኔ፡ ጽድቅ፡ ወለእለ፡ ይክሕዱ፡ ለኵነኔ፡ ጽድቅ፡ ወለእለ፡ ይነሥኡ፡ ስሞ፡ በከ፡ ወተደለወት፡ ይእቲ፡ ዕለት፡ ለኅሩያን፡ መሐላ፡ ወለኃጥኣን፡ ሐተታ። | ወሶበ፡ ትመጽእ፡ ዕለተ፡ ኀይል፡ ወመቅሠፍት፡ ወኵነኔ፡ እንተ፡ አስተዳለወ፡ እግዚአ፡ መናፍስት፡ ለእለ፡ ይሰግዱ፡ ለኵነኔ፡ ጽድቅ፡ ወለእለ፡ ይክሕዱ፡ ለኵነኔ፡ ጽድቅ፡ ወለእለ፡ ይነሥኡ፡ ስሞ፡ በከ፡ ወተደለወት፡ ይእቲ፡ ዕለት፡ ለኅሩያን፡ መሐላ፡ ወለኃጥኣን፡ ሐተታ። |
|---|
| 60:7 | ወይትከፈሉ፡ በይእቲ፡ ዕለት፡ ክልኤቱ፡ አናብርት፡ አንበሪ፡ አንስቲያዊት፡ ዘስማ፡ ሌዋታን፡ ከመ፡ ትኅድር፡ በልጎተ፡ ባሕር፡ መልዕልተ፡ አንቅዕተ፡ ማያት። | ወይትከፈሉ፡ በይእቲ፡ ዕለት፡ ክልኤቱ፡ አናብርት፡ አንበሪ፡ አንስቲያዊት፡ ዘስማ፡ ሌዋታን፡ ከመ፡ ትኅድር፡ በልጎተ፡ ባሕር፡ መልዕልተ፡ አንቅዕተ፡ ማያት። |
|---|
| 60:8 | ወለተባዕታይ፡ ስሙ፡ ብሔሞት፡ ዘይእኅዝ፡ በእንግድዓሁ፡ በበድው፡ ዘኢያስተርኢ፡ ወስሙ፡ ዴንዳይን፡ በምሥራቀ፡ ገነት፡ በኀበ፡ ይነብሩ፡ ጻድቃን፡ ወኅሩያን፡ በኀበ፡ ተመጠወ፡ እምኄውየ፡ ዘውእቱ፡ ሳብዕ፡ እምአዳም፡ ቀዳሚሆሙ፡ ለሰብእ፡ ዘገብረ፡ እግዚአ፡ መናፍስት። | ወለተባዕታይ፡ ስሙ፡ ብሔሞት፡ ዘይእኅዝ፡ በእንግድዓሁ፡ በበድው፡ ዘኢያስተርኢ፡ ወስሙ፡ ዴንዳይን፡ በምሥራቀ፡ ገነት፡ በኀበ፡ ይነብሩ፡ ጻድቃን፡ ወኅሩያን፡ በኀበ፡ ተመጠወ፡ እምኄውየ፡ ዘውእቱ፡ ሳብዕ፡ እምአዳም፡ ቀዳሚሆሙ፡ ለሰብእ፡ ዘገብረ፡ እግዚአ፡ መናፍስት። |
|---|
| 60:9 | ወተስእልክዎ፡ ለዝኩ፡ ካልእ፡ መልአክ፡ ከመ፡ ያርእየኒ፡ ኀይሎሙ፡ ለእልክቱ፡ አናብርት፡ እፎ፡ ተሌለዩ፡ በአሐቲ፡ ዕለት፡ ወተወድዩ፡ አሐዱ፡ በልጐተ፡ ባሕር፡ ወአሐዱ፡ በየብሰ፡ በድው። | ወተስእልክዎ፡ ለዝኩ፡ ካልእ፡ መልአክ፡ ከመ፡ ያርእየኒ፡ ኀይሎሙ፡ ለእልክቱ፡ አናብርት፡ እፎ፡ ተሌለዩ፡ በአሐቲ፡ ዕለት፡ ወተወድዩ፡ አሐዱ፡ በልጐተ፡ ባሕር፡ ወአሐዱ፡ በየብሰ፡ በድው። |
|---|
| 60:10 | ወይቤለኒ፡ አንተ፡ ወልደ፡ ሰብእ፡ በዝየ፡ ትፈቅድ፡ ታእምር፡ ዘኅቡእ። | ወይቤለኒ፡ አንተ፡ ወልደ፡ ሰብእ፡ በዝየ፡ ትፈቅድ፡ ታእምር፡ ዘኅቡእ። |
|---|
| 60:11 | ወይቤለኒ፡ ካልእ፡ መልአክ፡ ዘየሐውር፡ ምስሌየ፡ ወዘበኅቡእ፡ ያሬእየኒ፡ ዘቀዳሚ፡ ወዘደኃሪ፡ በሰማይ፡ በውስተ፡ ላዕሉ፡ ወበውስተ፡ የብስ፡ በማዕምቅ፡ ወበአጽናፈ፡ ሰማይ፡ ወበመሠረተ፡ ሰማይ። | ወይቤለኒ፡ ካልእ፡ መልአክ፡ ዘየሐውር፡ ምስሌየ፡ ወዘበኅቡእ፡ ያሬእየኒ፡ ዘቀዳሚ፡ ወዘደኃሪ፡ በሰማይ፡ በውስተ፡ ላዕሉ፡ ወበውስተ፡ የብስ፡ በማዕምቅ፡ ወበአጽናፈ፡ ሰማይ፡ ወበመሠረተ፡ ሰማይ። |
|---|
| 60:12 | ወበመዛግብተ፡ ነፋሳት፡ ወእፎ፡ ይትከፈሉ፡ መናፍስት፡ ወእፎ፡ ይደሉ፡ ወእፎ፡ ይትኌለቁ፡ አንቅዕተ፡ ወነፋሳት፡ በኀይለ፡ መንፈስ፡ ወኀይሎሙ፡ ለብርሃነ፡ ወርኅ፡ ወከመ፡ ኀይለ፡ ጽድቅ፡ ወክፍላተ፡ ከዋክብት፡ በበ፡ ስሞሙ፡ ወኵሉ፡ ክፍል፡ ይትከፈል። | ወበመዛግብተ፡ ነፋሳት፡ ወእፎ፡ ይትከፈሉ፡ መናፍስት፡ ወእፎ፡ ይደሉ፡ ወእፎ፡ ይትኌለቁ፡ አንቅዕተ፡ ወነፋሳት፡ በኀይለ፡ መንፈስ፡ ወኀይሎሙ፡ ለብርሃነ፡ ወርኅ፡ ወከመ፡ ኀይለ፡ ጽድቅ፡ ወክፍላተ፡ ከዋክብት፡ በበ፡ ስሞሙ፡ ወኵሉ፡ ክፍል፡ ይትከፈል። |
|---|
| 60:13 | ወነጐድጓድ፡ በሙዳቃቲሆሙ፡ ወለኵሉ፡ ክፍል፡ ዘይትከፈል፡ ወመብረቅ፡ ከመ፡ ይበርቅ፡ ወትዕይንቶሙ፡ ከመ፡ ይስምዑ፡ ፍጡነ። | ወነጐድጓድ፡ በሙዳቃቲሆሙ፡ ወለኵሉ፡ ክፍል፡ ዘይትከፈል፡ ወመብረቅ፡ ከመ፡ ይበርቅ፡ ወትዕይንቶሙ፡ ከመ፡ ይስምዑ፡ ፍጡነ። |
|---|
| 60:14 | እስመ፡ ቦቱ፡ ለነጐድጓድ፡ ምዕራፋት፡ በትዕግሥት፡ ለቃለ፡ ዚኣሁ፡ ተውህበ፡ ወኢይትሌለዩ፡ ኢ፡ ነጐድጓድ፡ ወኢ፡ መብረቅ፡ ወኢ፡ አሐዱ፡ አሐዱ፡ በመንፈሰ፡ ክልኤሆሙ፡ የሐውሩ፡ ወኢይትሌለዩ። | እስመ፡ ቦቱ፡ ለነጐድጓድ፡ ምዕራፋት፡ በትዕግሥት፡ ለቃለ፡ ዚኣሁ፡ ተውህበ፡ ወኢይትሌለዩ፡ ኢ፡ ነጐድጓድ፡ ወኢ፡ መብረቅ፡ ወኢ፡ አሐዱ፡ አሐዱ፡ በመንፈሰ፡ ክልኤሆሙ፡ የሐውሩ፡ ወኢይትሌለዩ። |
|---|
| 60:15 | እስመ፡ ሶበ፡ ይበርቅ፡ መብረቅ፡ ነጐድጓድ፡ ቃሎ፡ ይሁብ፡ ወመንፈስ፡ በጊዜሃ፡ የዐርፍ፡ ወዕሩየ፡ ይከፍል፡ ማእከሎሙ፡ እስመ፡ መዝገበ፡ ጊዜያቲሆሙ፡ ዘኆፃ፡ ውእቱ፡ ወአሐዱ፡ አሐዱ፡ እምኔሆሙ፡ በጊዜሁ፡ በልጓም፡ ይትአኀዙ፡ ወይትመየጡ፡ በኀይለ፡ መንፈስ፡ ወይትነዳእ፡ ከመ፡ ዝ፡ በከመ፡ ብዝኀ፡ አድዋለ፡ ምድር። | እስመ፡ ሶበ፡ ይበርቅ፡ መብረቅ፡ ነጐድጓድ፡ ቃሎ፡ ይሁብ፡ ወመንፈስ፡ በጊዜሃ፡ የዐርፍ፡ ወዕሩየ፡ ይከፍል፡ ማእከሎሙ፡ እስመ፡ መዝገበ፡ ጊዜያቲሆሙ፡ ዘኆፃ፡ ውእቱ፡ ወአሐዱ፡ አሐዱ፡ እምኔሆሙ፡ በጊዜሁ፡ በልጓም፡ ይትአኀዙ፡ ወይትመየጡ፡ በኀይለ፡ መንፈስ፡ ወይትነዳእ፡ ከመ፡ ዝ፡ በከመ፡ ብዝኀ፡ አድዋለ፡ ምድር። |
|---|
| 60:16 | ወመንፈሰ፡ ባሕር፡ ተባዕታይ፡ ውእቱ፡ ወበከመ፡ ኀይለ፡ ጽንዓታ፡ በልጓም፡ ያገብኣ፡ ወከመ፡ ዝ፡ ትትነዳእ፡ ወትዘራዕ፡ በኵሉ፡ አድባረ፡ ምድር። | ወመንፈሰ፡ ባሕር፡ ተባዕታይ፡ ውእቱ፡ ወበከመ፡ ኀይለ፡ ጽንዓታ፡ በልጓም፡ ያገብኣ፡ ወከመ፡ ዝ፡ ትትነዳእ፡ ወትዘራዕ፡ በኵሉ፡ አድባረ፡ ምድር። |
|---|
| 60:17 | ወመንፈሰ፡ አስሐትያ፡ መልአከ፡ ዚኣሁ፡ ውእቱ፡ ወመንፈሰ፡ በረድ፡ መልአክ፡ ኄር፡ ውእቱ። | ወመንፈሰ፡ አስሐትያ፡ መልአከ፡ ዚኣሁ፡ ውእቱ፡ ወመንፈሰ፡ በረድ፡ መልአክ፡ ኄር፡ ውእቱ። |
|---|
| 60:18 | ወመልአከ፡ ሐመዳ፡ ኀደገ፡ በእንተ፡ እከየ፡ ዚኣሁ፡ ወመንፈስ፡ ቦቱ፡ ለባሕቲቱ፡ ወዘየዐርግ፡ እምኔሁ፡ ከመ፡ ጢስ፡ ውእቱ፡ ወስሙ፡ ደደክ። | ወመልአከ፡ ሐመዳ፡ ኀደገ፡ በእንተ፡ እከየ፡ ዚኣሁ፡ ወመንፈስ፡ ቦቱ፡ ለባሕቲቱ፡ ወዘየዐርግ፡ እምኔሁ፡ ከመ፡ ጢስ፡ ውእቱ፡ ወስሙ፡ ደደክ። |
|---|
| 60:19 | ወመንፈሰ፡ ጊሜ፡ ኢይትኀበር፡ ምስሌሆሙ፡ ውስተ፡ መዛግብቲሆሙ፡ አላ፡ መዝገብ፡ ቦቱ፡ ለባሕቲቱ፡ እስመ፡ ምሕዋረ፡ ዚኣሁ፡ በስብሐት፡ ወበብርሃን፡ ወበጽልመት፡ ወበክረምት፡ ወበሐጋይ፡ ወመዝገበ፡ ዚኣሃ፡ ብርሃን፡ ውእቱ፡ ወመልአካ፡ ውእቱ። | ወመንፈሰ፡ ጊሜ፡ ኢይትኀበር፡ ምስሌሆሙ፡ ውስተ፡ መዛግብቲሆሙ፡ አላ፡ መዝገብ፡ ቦቱ፡ ለባሕቲቱ፡ እስመ፡ ምሕዋረ፡ ዚኣሁ፡ በስብሐት፡ ወበብርሃን፡ ወበጽልመት፡ ወበክረምት፡ ወበሐጋይ፡ ወመዝገበ፡ ዚኣሃ፡ ብርሃን፡ ውእቱ፡ ወመልአካ፡ ውእቱ። |
|---|
| 60:20 | ወመንፈሰ፡ ጠል፡ ማኅደሩ፡ በአጽናፈ፡ ሰማይ፡ ወድሩግ፡ ውእቱ፡ ምስለ፡ መዛግብተ፡ ዝናም፡ ወምሕዋረ፡ ዚኣሁ፡ በክረምት፡ ወበሐጋይ፡ ወደመና፡ ዚኣሁ፡ ወደመና፡ ጊሜ፡ ኅቡር፡ ውእቱ፡ ወአሐዱ፡ ለካልኡ፡ ይሁብ። | ወመንፈሰ፡ ጠል፡ ማኅደሩ፡ በአጽናፈ፡ ሰማይ፡ ወድሩግ፡ ውእቱ፡ ምስለ፡ መዛግብተ፡ ዝናም፡ ወምሕዋረ፡ ዚኣሁ፡ በክረምት፡ ወበሐጋይ፡ ወደመና፡ ዚኣሁ፡ ወደመና፡ ጊሜ፡ ኅቡር፡ ውእቱ፡ ወአሐዱ፡ ለካልኡ፡ ይሁብ። |
|---|
| 60:21 | ወመንፈሱ፡ ለዝናም፡ ሶበ፡ ይትሐወስ፡ እመዝገበ፡ ዚኣሁ፡ ይመጽኡ፡ መላእክት፡ ወያርኅዉ፡ መዝገበ፡ ወያወፅእዎ፡ ወሶበ፡ ይዘራዕ፡ ዲበ፡ ኵሉ፡ የብስ፡ ይትኀበር፡ ምስለ፡ ኵሉ፡ ማይ፡ ዘዲበ፡ የብስ፡ ወሶበ፡ ይትኀበር፡ በኵሉ፡ ጊዜ፡ ምስለ፡ ማይ፡ ዘዲበ፡ የብስ። | ወመንፈሱ፡ ለዝናም፡ ሶበ፡ ይትሐወስ፡ እመዝገበ፡ ዚኣሁ፡ ይመጽኡ፡ መላእክት፡ ወያርኅዉ፡ መዝገበ፡ ወያወፅእዎ፡ ወሶበ፡ ይዘራዕ፡ ዲበ፡ ኵሉ፡ የብስ፡ ይትኀበር፡ ምስለ፡ ኵሉ፡ ማይ፡ ዘዲበ፡ የብስ፡ ወሶበ፡ ይትኀበር፡ በኵሉ፡ ጊዜ፡ ምስለ፡ ማይ፡ ዘዲበ፡ የብስ። |
|---|
| 60:22 | እስመ፡ ኮኑ፡ ማያት፡ ለእለ፡ የኀድሩ፡ ዲበ፡ የብስ፡ እስመ፡ ሲሳያ፡ ለየብስ፡ እምኀበ፡ ልዑል፡ ዘበሰማይ፡ ውእቱ፡ እስመ፡ በእንተ፡ ዝ፡ መስፈርት፡ ቦቱ፡ ለዝናም፡ ወመላእክት፡ ይትሜጠውዎ። | እስመ፡ ኮኑ፡ ማያት፡ ለእለ፡ የኀድሩ፡ ዲበ፡ የብስ፡ እስመ፡ ሲሳያ፡ ለየብስ፡ እምኀበ፡ ልዑል፡ ዘበሰማይ፡ ውእቱ፡ እስመ፡ በእንተ፡ ዝ፡ መስፈርት፡ ቦቱ፡ ለዝናም፡ ወመላእክት፡ ይትሜጠውዎ። |
|---|
| 60:23 | እሎንተ፡ ኵሎሙ፡ ርኢኩ፡ እስከ፡ ገነተ፡ ጻድቃን። | እሎንተ፡ ኵሎሙ፡ ርኢኩ፡ እስከ፡ ገነተ፡ ጻድቃን። |
|---|
| 60:24 | ወይቤለኒ፡ መልአከ፡ ሰላም፡ ዘምስሌየ፡ ይሄሉ፡ እሉ፡ ክልኤቱ፡ አናብርት፡ ላዕለ፡ ዕበይ፡ ዘእግዚአብሔር፡ ድልዋን፡ ይሴሰዩ፡ ከመ፡ መቅሠፍቱ፡ ለእግዚአብሔር፡ በከ፡ ወይትቀተሉ፡ ደቂቅ፡ ምስለ፡ እማንቲሆሙ፡ ወውሉድ፡ ምስለ፡ አበዊሆሙ። | ወይቤለኒ፡ መልአከ፡ ሰላም፡ ዘምስሌየ፡ ይሄሉ፡ እሉ፡ ክልኤቱ፡ አናብርት፡ ላዕለ፡ ዕበይ፡ ዘእግዚአብሔር፡ ድልዋን፡ ይሴሰዩ፡ ከመ፡ መቅሠፍቱ፡ ለእግዚአብሔር፡ በከ፡ ወይትቀተሉ፡ ደቂቅ፡ ምስለ፡ እማንቲሆሙ፡ ወውሉድ፡ ምስለ፡ አበዊሆሙ። |
|---|
| 60:25 | ሶበ፡ ተዐርፍ፡ መቅሠፍቱ፡ ለእግዚአ፡ መናፍስት፡ ዲቤሆሙ፡ ከመ፡ ኢትምጻእ፡ መቅሠፍቱ፡ ለእግዚአ፡ መናፍስት፡ በከ፡ ዲበ፡ እሉ፡ ድኅረ፡ ትከውን፡ ኵነኔ፡ በምሕረቱ፡ ወበትዕግሥቱ። | ሶበ፡ ተዐርፍ፡ መቅሠፍቱ፡ ለእግዚአ፡ መናፍስት፡ ዲቤሆሙ፡ ከመ፡ ኢትምጻእ፡ መቅሠፍቱ፡ ለእግዚአ፡ መናፍስት፡ በከ፡ ዲበ፡ እሉ፡ ድኅረ፡ ትከውን፡ ኵነኔ፡ በምሕረቱ፡ ወበትዕግሥቱ። |
|---|